Helix: A Heliand Concordance

Line No.	Line
M1	manega uuaron the sia iro mod gespon
C 1	manega uuaron the sia iro mod gespon
M2	that sia bigunnun uuord godes
C 2	that sia uuord godes uuisean bigunnun
M3	reckean that giruni that thie riceo crist
C 3	reckean that giruni that thie riceo crist
M4	undar mancunnea mariða gifrumida
C 4	undar mancunnea maritha gifrumida
M5	mid uuordun endi mid uuercun that uuolda tho uuisara filo
C 5	mid uuordun endi mid uuercun that uuolda tho uuisara filo
M6	liudo barno loƀon lera cristes
C 6	liudo barno loƀon lera cristes
M7	helag uuord godas endi mid iro handon scriƀan
C 7	helag uuord godas endi mid iro handon scriƀan
M8	berehtlico an buok huo sia is gibodscip scoldin
C 8	berethlico an buok huo sia is gibodscip scoldin
M9	frummian firiho barn than uuarun thoh sia fiori te thiu
C 9	frummian firiho barn than uuarun thoh sia fiori te thiu
M10	under thera menigo thia habdon maht godes
C 10	under thera menigo thia habdon maht godes
M11	helpa fan himila helagna gest
C 11	helpa fan himila helagna gest
M12	craft fan criste sia uurðun gicorana te thio
C 12	craft fan criste sia uurđun gicorana te thio
M13	that sie than euangelium enan scoldun
C 13	that sie than euangelium enan scoldun
M14	an buok scriƀan endo so manag gibod godes
C 14	an buok scriƀan endi so manag gibod godes
M15	helag himilisc uuord sia ne muosta heliðo than mer
C 15	helag himilisc uuord sia ne muosta helitho than mer
M16	firiho barno frummian neuan that sia fiori te thio
C 16	firiho barno frummian neuan that sia fiori te thio
M17	thuru craft godas gecorana uurðun
C 17	thuru craft godas gecorana uurđun
M18	matheus endi marcus so uuarun thia man hetana
C 18	matheus endi marcus so uuarun thia man hetana
M19	lucas endi iohannes sia uuarun gode lieƀa
C 19	lucas endi iohannes sia uuarun gode lieƀa
M20	uuirðiga ti them giuuirkie habda im uualdand god
C 20	uuirđiga ti them giuuirkie habda im uualdand god
M21	them heliðon an iro hertan helagna gest
C 21	them helithon an iro hertan helagna gest
M22	fasto bifolhan endi ferahtan hugi
C 22	fasto bifolhan endi ferahtan hugi
M23	so manag uuislik uuord endi giuuit mikil
C 23	so manag uuislik uuord endi giuuit mikil
M24	that sea scoldin ahebbean helagaro stemnun
C 24	that sea scoldin ahebbean helagaro stemnun
M25	godspell that guoda that ni haƀit enigan gigadon huergin
C 25	godspell that guoda that ni haƀit enigan gigadon huergin
M26	thiu uuord an thesaro uueroldi that io uualdand mer
C 26	thiu uuord an thesaro uueroldi that io uualdand mer
M27	drohtin diurie eftho derƀi thing
C 27	drohtin diurie eftho derbi thing
M28	firinuuerc fellie eftho fiundo nið
C 28	firinuuerc fellie eftho fiundo nith
M29	strid uuiðerstande huand hie habda starkan hugi
C 29	strid uuiđerstande huand hie habda starkan hugi
M30	mildean endi guodan thie the mester uuas
C 30	mildean endi guodan thie thes mester uuas
M31	aðalordfrumo alomahtig
C 31	adalordfrumo alomahtig
M32	that scoldun sea fiori thuo fingron scriƀan
C 32	that scoldun sea fiori thuo fingron scriƀan
M33	settian endi singan endi seggean forð
C 33	settian endi singan endi seggean forth
M34	that sea fan cristes crafte them mikilon
C 34	that sea fan cristes crafte them mikilon
M35	gisahun endi gihordun thes hie selƀo gisprac
C 35	gisahun endi gihordun thes hie selƀo gisprac
M36	giuuisda endi giuuarahta uundarlicas filo
C 36	giuuisda endi giuuarahta uundarlicas filo
M37	so manag mid mannon mahtig drohtin
C 37	so manag mid mannon mahtig drohtin
M38	all so hie it fan them anginne thuru is enes craht
C 38	all so hie it fan them anginne thuru is ena craht
M39	uualdand gisprak thuo hie erist thesa uuerold giscuop
C 39	uualdand gisprak thuo hie erist thesa uuerold giscuop
M40	endi thuo all bifieng mid enu uuordo
C 40	endi thuo all bifieng mid enu uuordu
M41	himil endi erða endi al that sea bihlidan egun
C 41	himil endi ertha endi al that sea bihlidan egun
M42	giuuarahtes endi giuuahsanes that uuarð thuo all mid uuordon godas
C 42	giuuarahtes endi giuuahsanes that uuarth thuo all mid uuordon godas
M43	fasto bifangan endi gifrumid after thiu
C 43	fasto bifangan endi gifrumid after thiu
M44	huilic than liudscepi landes scoldi
C 44	huilic than liudscepi landes scoldi
M45	uuidost giuualdan eftho huar thiu uueroldaldar
C 45	uuidost giuualdan eftho huar thiu uuerold scoldi
M46	endon scoldin en uuas iro thuo noh than
C 46	aldar endon en uuas iro thuo noh than
M47	firiho barnun biforan endi thiu fiƀi uuarun agangan
C 47	firio barnun biforan endi thiu fiui uuarun agangan
M48	scolda thuo that sehsta saliglico
C 48	scolda thuo that sehsta saliglico
M49	cuman thuru craft godes endi cristas giburd
C 49	cuman thuru craft godes endi cristas giburd
M50	helandero bestan helagas gestes
C 50	helandero best helagas gestes
M51	an thesan middilgard managon te helpun
C 51	an thesan middilgard managon te helpun
M52	firio barnon ti frumon uuið fiundo nið
C 52	firio barnon ti frumon uuid fiundo nith
M53	uuið dernero duualm than habda thuo drohtin god
C 53	uuid dernero dualm than habda thuo drohtin god
M54	romanoliudeon farliuuan rikeo mesta
C 54	romano liudeon farliuuan rikeo mesta
M55	habda them heriscipie herta gisterkid
C 55	habda them heriscipie herta gisterkid
M56	that sia habdon bithuungana thiedo gihuilica
C 56	that sia habdon bithuungana thiedo gihuilica
M57	habdun fan rumuburg riki giuunnan
C 57	habdun fan rumuburg riki giuunnan
M58	helmgitrosteon saton iro heritogon
C 58	helmgitrosteon saton iro heritogon
M59	an lando gihuem habdun liudeo giuuald
C 59	an lando gihuem habdun liudeo giuuald
M60	allon elitheodon erodes uuas
C 60	allon elitheodon erodes uuas
M61	an hierusalem oƀer that iudeono folc
C 61	an hierusalem oƀer that iudeono folc
M62	gicoran te kuninge so ina thie keser tharod
C 62	gicoran te kuninge so ina thie keser tharod
M63	fon rumuburg riki thiodan
C 63	fon rumuburg riki thiodan
M64	satta undar that gisiði hie ni uuas thoh mid sibbeon bilang
C 64	satta undar that gisithi hie ni uuas thoh mid sibbeon bifang
M65	aƀaron israheles eðiligiburdi
C 65	auaron israheles eđiligiburdi
M66	cuman fon iro cnuosle neuan that hie thuru thes kesures thanc
C 66	cuman fon iro cnuosle neuan that hie thuru thes kesures thanc
M67	fan rumuburg riki habda
C 67	fan rumuburg riki habda
M68	that im uuarun so gihoriga hildiscalcos
C 68	that im uuarun so gihoriga hildiscalcos
M69	aƀaron israheles elleanruoƀa
C 69	auaron israheles elleanruoua
M70	suiðo unuuanda uuini than lang hie giuuald ehta
C 70	suitho unuuanda uuini than lang hie giuuald ehta
M71	erodes thes rikeas endi radburdeon held
C 71	erodes thes rikeas endi radburdeon giheld
M72	iudeo liudi than uuas thar en gigamalod mann
C 72	iudeono liudi than uuas thar en gigamalod mann
M73	that uuas fruod gomo habda ferehtan hugi
C 73	that uuas fruod gomo habda ferehtan hugi
M74	uuas fan them liudeon levias cunnes
C 74	uuas fan them liudeon leuias cunnes
M75	iacobas suneas guodero thiedo
C 75	iacobas suneas guodero thiedo
M76	zacharias uuas hie hetan that uuas so salig man
C 76	zacharias uuas hie hetan that uuas so salig man
M77	huand hie simblon gerno gode theonoda
C 77	huand hie simblon gerno gode theonoda
M78	uuarahta after is uuilleon deda is uuif so self
C 78	uuarahta after is uuilleon deda is uuiƀ so selu
M79	uuas iru gialdrod idis ni muosta im erƀiuuard
C 79	uuas iru gialdrod idis ni muosta im erƀiuuard
M80	an iro iuguðhedi giƀiðig uuerðan
C 80	an iro iuguthedi giƀithig uuerthan
M81	libdun im faruter laster uuaruhtun lof goda
C 81	libdun im faruter laster uuaruhtun lof goda
M82	uuarun so gihoriga heƀancuninge
C 82	uuarun so gihoriga heƀancuninge
M83	diuridon usan drohtin ni uueldun derƀeas uuiht
C 83	diuridon usan drohtin ni uueldun derbeas uuiht
M84	under mancunnie menes gifrummean
C 84	under mancunnie menes gifrummean
M85	ne saca ne sundea uuas im thoh an sorgun hugi
C 85	ne saca ne sundea uuas im thoh an sorogon hugi
M86	that sie erƀiuuard egan ni mostun
C 86	that sea erƀiuuard egan ni muostun
M87	ac uuarun im barno los than scolda he gibod godes
C 87	ac uuarun im barno los than scolda hie gibod godes
M88	thar an hierusalem so oft so is gigengi gistod
C 88	thar an hierusalem so oft so is gigengi gistuod
M89	that ina torhtlico tidi gimanodun
C 89	that ina torohtlico tidi gimanodun
M90	so scolda he at them uuiha uualdandes geld
C 90	so scolda hie at them uuihe uualdandes geld
M91	helag bihuuerƀan heƀancuninges
C 91	helag bihuereƀan heƀancuninges
M92	godes iungarskepi gern uuas he suiðo
C 92	godes iungerskepi gern uuas he suitho
M93	that he it thurh ferhtan hugi frummean mosti
C 93	that hie it thuru ferahtan hugi fremmean muosti
M94	tho uuarð thiu tid cuman that thar gitald habdun
C 94	thuo uuarth thiu tid cuman the thar gitald habdun
M95	uuisa man mid uuordun that scolda thana uuih godes
C 95	uuisa man mid uuordun that scolda thena uuih godas
M96	zacharias bisehan tho uuarð thar gisamnod filu
C 96	zacharias bisehan thuo uuarth thar gisamnod filo
M97	thar te hierusalem iudeo liudi
C 97	thar te hierusalem iudeo liudo
M98	uuerodes te them uuiha thar sie uualdand god
C 98	uuerodes te them uuihe thar sea uualdand god
M99	suuiðo theolico thiggean scoldun
C 99	suithe thiulico thiggean scoldun
M100	herron is huldi that sie heƀancuning
C 100	herron is huldi that sea heƀancuning
M101	leðes aleti thea liudi stodun
C 101	lethas alieti thea liudi stuodun
M102	umbi that helaga hus endi geng im the giherodo man
C 102	unbi that helaga hus endi gieng im thie gierodo man
M103	an thana uuih innan that uuerod oðar bed
C 103	an thena uuih innan that uuerod ođer bed
M104	umbi thana alah utan ebreo liudi
C 104	umbi thena alah utan hebreo liudi
M105	huuan er the frodo man gifrumid habdi
C 105	huan er thie fruodo man gifrumid habdi
M106	uualdandes uuilleon so he tho thana uuiroc drog
C 106	uualdandes uuilleon so hie thuo thena uuihrog drog
M107	ald aftar them alaha endi umbi thana altari geng
C 107	ald aftar them alahe endi umbi thena altari gieng
M108	mid is rocfatun rikiun thionon
C 108	mid is rokfaton rikeon theonon
M109	fremida ferhtlico fraon sines
C 109	frumida ferehtlico frohon sinas
M110	godes iungarskepi gerno suuiðo
C 110	godes iungerscipi gerno suitho
M111	mid hluttru hugi so man herren scal
C 111	midi hlutro hugiu so man herren scal
M112	gerno fulgangan grurios quamun im
C 112	georno fulgangan grurios quamun im
M113	egison an them alahe hie gisah thar aftar thiu enna engil godes
C 113	egison an them alahe hie gisah thar aftar thiu enna engil godes
M114	an them uuihe innan hie sprac im mid is uuordun tuo
C 114	an them uuihe innan hie sprac im mid is uuordon tuo
M115	hiet that fruod gumo foroht ni uuari
C 115	hiet that fruod gumo foroht ni uuari
M116	hiet that hie im ni andriede thina dadi sind quathie
C 116	hiet that hie im ni andriede thina dadi sind
M117	uualdanda uuerðe endi thin uuord so self
C 117	uualdande uuertha endi thin uuord so self
M118	thin thionost is im an thanke that thu sulica githaht haƀes
C 118	thin theonost is im an thanke that thu sulica githaht haƀes
M119	an is enes craft ic is engil bium
C 119	an is enes craft ik is engil biun
M120	gabriel bium ic hetan the gio for goda standu
C 120	gabriel biun ik hetan thie io for gode standu
M121	anduuard for them alouualdon ne si that he me an is arundi huarod
C 121	anduuard for them alouualden ne si that hie mi an is arundi huarod
M122	sendean uuillea nu hiet he me an thesan sið faran
C 122	sendean uuillie nu hiet he me an thesan siđ faran
M123	hiet that ic thi thoh gicuðdi that thi kind giboran
C 123	hiet that ik thi thoh gicutdi that thi kind giboran
M124	fon thinera alderu idis odan scoldi
C 124	fan thinera aldera idis odan scoldi
M125	uuerðan an thesero uueroldi uuordun spahi
C 125	uuerthan an thesero uueroldi uuordon spahi
M126	that ni scal an is liƀa gio liðes anbitan
C 126	that ni scal an is liƀe gio lithes abitan
M127	uuines an is uueroldi so haƀed im uurdgiscapu
C 127	uuines an is uueroldi so haƀit im uurdgiscapu
M128	metod gimarcod endi maht godes
C 128	metod gimarcod endi maht godes
M129	het that ic thi thoh sagdi that it scoldi gisið uuesan
C 129	hiet that ik thi thoh sagdi that it scoldi gisith uuesan
M130	heƀancuninges het that git it heldin uuel
C 130	heƀancuninges hiet that gi it hieldin uuel
M131	tuhin thurh treuua quað that he im tiras so filu
C 131	tugin thuru treuua quađ that hie im tyreas so filo
M132	an godes rikea forgeƀan uueldi
C 132	an godes rikea forgeƀan uuoldi
M133	he quað that the godo gumo iohannes te namon
C 133	hie quath that thie guodo gumo iohannes te naman
M134	hebbean scoldi gibod that git it hetin so
C 134	hebbean scoldi gibod that gi it hietin so
M135	that kind than it quami quað that it kristes gisið
C 135	that kind than it quami quađ that it cristes gisith
M136	an thesaro uuidun uuerold uuerðan scoldi
C 136	an thesero uuidun uuerold uuerthan scoldi
M137	is selƀes sunies endi quað that sie sliumo herod
C 137	is selƀes sunies endi quađ that sea sniumo herod
M138	an is bodskepi beðe quamin
C 138	an is gibodscepe bethia quamin
M139	zacharias tho gimahalda endi uuið selƀan sprac
C 139	zacharias thuo gimalda endi uuid selƀan sprak
M140	drohtines engil endi im thero dadeo bigan
C 140	drohtines engil endi im thero dadio bigan
M141	uundron thero uuordo huuo mag that giuuerðan so quað he
C 141	uundron thero uuordo huo mag that giuuerthan so
M142	aftar an aldre it is unc al te lat
C 142	after an aldre it is unc al ti lat
M143	so te giuuinnanne so thu mid thinun uuordun gisprikis
C 143	so te giuuinnanne so thu midi thinon uuordon sprikis
M144	huuanda uuit habdun aldres er efno tuentig
C 144	huand uuit habdun aldres er efno tuentig
M145	uuintro an uncro uueroldi er than quami thit uuif te mi
C 145	uuintro an uncro uueroldi er than quami that uuiƀ ti mi
M146	than uuarun uuit nu atsamna antsiƀunta uuintro
C 146	than uuarun uuit nu atsamne atsibunta uuintro
M147	gibenkeon endi gibeddeon siðor ic sie mi te brudi gecos
C 147	gibenkeon endi gibeddeon sithor ik sea mi te brudi gecos
M148	so uuit thes an uncro iuguði gigirnan ni mohtun
C 148	so uuit thes an uncro iuguthi gigernean ni mahtun
M149	that uuit erƀiuuard egan mostin
C 149	that uuit erƀiuuard egan muostin
M150	fodean an uncun flettea nu uuit sus gifrodod sint
C 150	fuodan an uncon flettea nu uuit sus gifruodot sind
M151	haƀad unc eldi binoman elleandadi
C 151	habit unc eldi binoman elleandadi
M152	that uuit sint an uncro siuni gislekit endi an uncun sidun lat
C 152	that uuit sind an uncro siuni gislekit endi an unkon sidon lat
M153	flesk is unc antfallan fel unsconi
C 153	flesk is unc afallan fel unsconi
M154	is unca lud giliðen lik gidrusnod
C 154	is unca lud gilithan lik gidrusinot
M155	sind unca andbari oðarlicaron
C 155	sind unca andbari odarlicron
M156	mod endi megincraft so uuit giu so managan dag
C 156	muod endi megincraft so uuit iu so managan dag
M157	uuarun an thesero uueroldi so mi thes uundar thunkit
C 157	uuarun an thesaro uueroldi so mi thes uundur thunkit
M158	huuo it so giuuerðan mugi so thu mid thinun uuordun gisprikis
C 158	hui it so giuuerthan mugi so thu mid thinon uuordon sprikis
M159	tho uuarð that heƀencuninges bodon harm an is mode
C 159	thuo uuard that heƀancuningas bodon harm an is muode
M160	that he is giuuerkes so uundron scolda
C 160	that hie is giuuerkes so uundran scolda
M161	endi that ni uuelda gihuggean that ina mahta helag god
C 161	endi that ni uuelda gihuggean that ina mahti helag god
M162	so alaiungan so he fon erist uuas
C 162	so alaiungan so hie fan erist uuas
M163	selƀo giuuirkean of he so uueldi
C 163	selƀo giuuirkean ef hie so uueldi
M164	skerida im tho te uuitea that he ni mahte enig uuord sprekan
C 164	scerida im thuo te uuitie that hie ni mohta enig uuord gisprekean
M165	gimahlien mid is muðu er than thi magu uuirðid
C 165	gimahlean mid is muđu er than thi magu uuirđit
M166	fon thinero aldero idis erl afodit
C 166	fan thinero aldero idis erl afuodit
M167	kindiung giboran cunnies godes
C 167	kindiung giboran kunneas guodes
M168	uuanum te thesero uueroldi than scalt thu eft uuord sprekan
C 168	uuanom te thesaro uueroldi than scalt thu eft sprekan
M169	hebbean thinaro stemna giuuald ni tharft thu stum uuesan
C 169	hebbean thinera stemna giuuald ni tharft thu stum uuesan
M170	lengron huila tho uuarð it san gilestid so
C 170	langron huila thuo uuarth it san gilestid so
M171	giuuorðan te uuaron so thar an them uuiha gisprak
C 171	giuuorđan te uuaron so thar an them uuihe gisprak
M172	engil thes alouualdon uuarð ald gumo
C 172	engil thes alouualdon uuart ald gumo
M173	spraca bilosit thoh he spahan hugi
C 173	spraka bilosid thuoh hie spahan hugi
M174	bari an is breostun bidun allan dag
C 174	bari an is briostun bidun allan dag
M175	that uuerod for them uuiha endi uundrodun alla
C 175	that uuerod for them uuihe endi uundrodun alla
M176	bihuui he thar so lango lofsalig man
C 176	bihui hie thar so lango lofsalig man
M177	suuiðo frod gumo fraon sinun
C 177	suitho fruod gumo frahon sinan
M178	thionon thorfti so thar er enig thegno ni deda
C 178	theonon thorfti so thar er enig thegno ni deda
M179	than sie thar at them uuiha uualdandes geld
C 179	than sea thar an them uuihe uualdandes geld
M180	folmon frumidun tho quam frod gumo
C 180	folmon frumidun thuo quam fruod gumo
M181	ut fon them alaha erlos thrungun
C 181	ut fan them alahe erlos thrungun
M182	nahor mikilu uuas im niud mikil
C 182	nahor mikilu uuas im niud mikil
M183	huat he im soðlikes seggean uueldi
C 183	huat he im suodlicas seggean uueldi
M184	uuisean te uuaron he ni mohta tho enig uuord sprecan
C 184	uuisan te uuarun hie ni mohta thuo enig uuord gisprecan
M185	giseggean them gisiðea butan that he mid is suiðron hand
C 185	giseggean them gisithea neuan that hie met is suidron hand
M186	uuisda them uueroda that sie uses uualdandes
C 186	uuisda them uueroda that sea uses uualdandes
M187	lera lestin thea liudi forstodun
C 187	lera lestin thia liudi farstuodun
M188	that he thar habda gegnungo godcundes huat
C 188	that hie thar habda gegnungo godcundeas huat
M189	forsehen selƀo thoh he is ni mahti giseggean uuiht
C 189	forseuuan selƀo thoh hie is ni mohti giseggean uuiht
M190	giuuisean te uuaron tho habda he uses uualdandes
C 190	giuuisean te uuaron thuo habda hie usas uualdandes
M191	geld gilestid al so is gigengi uuas
C 191	geld gilestid all so is gigengi uuas
M192	gimarcod mid mannun tho uuarð san aftar thiu maht godes
C 192	gimarcod mid mannon thuo uuarđ san after thiu maht godes
M193	gicuðid is craft mikil uuarð thiu quan ocan
C 193	gicuthid is craft mikil uuarth thiu quena ocan
M194	idis an ira eldiu scolda im erƀiuuard
C 194	idis an iru eldi scolda im erƀiuuard
M195	suiðo godcund gumo giƀiðig uuerðan
C 195	suitho godcund gomo giƀidi uuerthan
M196	barn an burgun bed aftar thiu
C 196	barn an burgeon bed after thiu
M197	that uuif uurdigiscapu skred the uuintar forð
C 197	that uuiƀ uurđigiscapo scred thie uuintar forth
M198	geng thes geres gital iohannes quam
C 198	gieng thes iares gital iohannes quam
M199	an liudeo lioht lik uuas im sconi
C 199	an liudeo lioht lik uuas im sconi
M200	uuas im fel fagar fahs endi naglos
C 200	uuas im fell fagar fahs endi naglos
M201	uuangun uuarun im uulitige tho forun thar uuise man
C 201	uuangun uuarun im uulitiga thuo forun thar uuisa man
M202	snelle tesamne thea suasostun mest
C 202	snella tesamne thia suasostun mest
M203	uundrodun thes uuerkes bihui it gio mahti giuuerðan so
C 203	uundrodun thes giuuirkes bihiu it io mahti giuuerthan so
M204	that undar so aldun tuem odan uurði
C 204	that under so aldon tuem odan uurđi
M205	barn an giburdeon ni uuari that it gibod godes
C 205	barn an giburdeon ni uuari that it gibod godes
M206	selƀes uuari afsuoƀun sie garo
C 206	selƀes uuari ansuoƀun sia garao
M207	that it elcor so uuanlic uuerðan ni mahti
C 207	that it elcor so uuanlik uuerthan ni mahti
M208	tho sprak thar en gifrodot man the so filo consta
C 208	thuo sprac thar en gifruodit man thie so filo consta
M209	uuisaro uuordo habde giuuit mikil
C 209	uuisaro uuordo habda giuuit mikil
M210	fragode niudlico huuat is namo scoldi
C 210	fragode niudlico huat is namo scoldi
M211	uuesan an thesaro uueroldi mi thunkid an is uuisu gilic
C 211	uuesan an thesaro uueroldi mi thunkit an is uuisu gilik
M212	iac an is gibarea that he si betara than uui
C 212	iac an is gibarie that hie si betera than uui
M213	so ic uuaniu that ina us gegnungo god fon himila
C 213	so ik uuaniu that ina us gegnungo god fan himile
M214	selƀo sendi tho sprac san aftar
C 214	selƀo sendi thuo sprac san after thiu
M215	thiu modar thes kindes thiu thana magu habda
C 215	muodor thes kindes thiu thena magu habda
M216	that barn an ire barme her quam gibod godes quað siu
C 216	that barn an iro barme hier quam gibod godes quat siu
M217	fernun gere furmon uuordu
C 217	fernun iara formon uuordu
M218	gibod that he iohannes bi godes lerun
C 218	gibod that hie iohannes bi godes lerun
M219	hetan scoldi that ic an minumu hugi ni gidar
C 219	hetan scoldi that ik an minon hugie ni godar
M220	uuendean mid uuihti of ic is giuualdan mot
C 220	uuendan mid uuihti ef ik es giuualdan muot
M221	tho sprac en gelhert man the ira gaduling uuas
C 221	thuo sprac en gelhert man thie iru gaduling uuas
M222	ne het er giouuiht so quað he aðalboranes
C 222	ni hiet er giouuiht so adalboranes
M223	uses cunnies eftho cnosles uuita kiasan im oðrana
C 223	uses kunneas eftho cnuosles uuita kiesan im ođerna
M224	niudsamna namon he niate of he moti
C 224	niudsamana namon he niote ef hie moti
M225	tho sprac eft the frodo man the thar consta filo mahlian
C 225	thuo sprac eft thie fruodo man thie thar consta filo mahlean
M226	ni giƀu ic that te rade quað he rinco negenun
C 226	ni giƀu ik that ti rada rinco nigenon
M227	that he uuord godes uuendean biginna
C 227	that hie uuord godas uuendan biginne
M228	ac uuita is thana fader fragon the thar so gifrodod sitit
C 228	ac uuit es thiena fader fragon thie thar so gifruodot sitit
M229	uuis an is uuinseli thoh he ni mugi enig uuord sprecan
C 229	uuis an is uinseli thoh hie ni mugi enig uuord gisprekan
M230	thoh mag he bi bocstaƀon bref geuuirkean
C 230	thoh mag hie bi buokstaƀon brief geuuirkean
M231	namon giscriƀan tho he nahor geng
C 231	namon giscriƀan thuo hie nahor gieng
M232	legda im ena boc an barm endi bad gerno
C 232	lagda im ena buok an baram endi bad gerno
M233	uuritan uuislico uuordgimerkiun
C 233	uuritan uuislico uuordgimerkion
M234	huat sie that helaga barn hetan scoldin
C 234	huat sia that helaga barn hetan scoldin
M235	tho nam he thia bok an hand endi an is hugi thahte
C 235	thuo nam he thia buok an hand endi an is huge thahta
M236	suiðo gerno te gode iohannes namon
C 236	suitho gerno te goda iohannes namon
M237	uuislico giuuret endi oc aftar mid is uuordu gisprac
C 237	uuislico giuuret endi oc after mid is uuordu gisprak
M238	suiðo spahlico habda im eft is spraca giuuald
C 238	suitho spahlico habda im eft es spraka giuuald
M239	giuuitteas endi uuisun that uuiti uuas tho agangan
C 239	giuuitties endi uuisu that uuiti uuas thuo agangan
M240	hard harmscare the im helag god
C 240	hard haramscara thea im helag god
M241	mahtig macode that he an is modseƀon
C 241	mahtig macoda that hie an is modseƀon
M242	godes ni forgati than he im eft sendi is iungron to
C 242	godes ni forgati than hie im eft sandi is iungron tuo
M243	tho ni uuas lang aftar thiu ne it al so gilestid uuarð
C 243	thuo ni uuas lang after thiu ne it all so gilestid uuarđ
M244	so he mancunnea managa huila
C 244	so hie mancunnea managa huila
M245	god alomahtig forgeƀen habda
C 245	god almahti forgeƀan habda
M246	that he is himilisc barn herod te uueroldi
C 246	that hie is himilisk barn herod ti uueroldi
M247	si selƀes sunu sendean uueldi
C 247	is selƀes suno sendean uuolda
M248	te thiu that he her alosdi al liudstamna
C 248	te thiu that hie hier alosdi al liudstamna
M249	uuerod fon uuitea tho uuarð is uuisbodo
C 249	uuerod fon uuitie uuarth is uuisbodo
M250	an galilealand gabriel cuman
C 250	an galilealand gabriel cuman
M251	engil thes alouualdon thar he ene idis uuisse
C 251	engil thes aluualdan thar hie ena idis uuissa
M252	munilica magað maria uuas siu heten
C 252	munilica magat maria uuas siu hetan
M253	uuas iru thiorna githigan sea en thegan habda
C 253	uuas iro thiorna githigan sia en thegan haƀda
M254	ioseph gimahlit godes cunnies man
C 254	ioseph gimahlid guodes cunneas man
M255	thea dauides dohter that uuas so diurlic uuif
C 255	thia dauides dohtor that uuas so diurlic uuiƀ
M256	idis antheti thar sie the engil godes
C 256	idis andheti thar sia the engil godes
M257	an nazarethburg bi namon selƀo
C 257	an nazarethburg bi namen selƀo
M258	grotte geginuuarde endi sie fon gode quedda
C 258	gruotta geginuuardi endi sia fan gode quedda
M259	hel uuis thu maria quað he thu bist thinun herron liof
C 259	hel uuis thu maria thu bist thinon herron lief
M260	uualdande uuirðig huuand thu giuuit haƀes
C 260	uualdandi uuirđig huuand thu giuuit haƀis
M261	idis enstio fol thu scalt for allun uuesan
C 261	idis enstio ful thu scealt furi allon uuesan
M262	uuiƀun giuuihit ne haƀe thu uuecan hugi
C 262	uuiƀon giuuihid ni haƀi thu uuekean hugi
M263	ne forhti thu thinun ferhe ne quam ic thi te enigun freson herod
C 263	ni forohti thu thinon ferahe ni quam ik thi te enigon freson herod
M264	ne dragu ic enig drugithing thu scalt uses drohtines uuesan
C 264	ne dragu ik eni drugi thing thu scalt uses drihtnes uuesan
M265	modar mid mannun endi scalt thana magu fodean
C 265	modor mid mannon endi scalt thena magu fuodean
M266	thes hohon heƀancuninges suno the scal heliand te namon
C 266	thes hohen himilcuninges suno thie scal heland te naman
M267	egan mid eldiun neo endi ni kumid
C 267	egan mid eldion endi ni cumid
M268	thes uuidon rikeas giuuand the he giuualdan scal
C 268	thes uuiden rikies giuuand thes hie giuualdan scal
M269	mari theodan tho sprac im eft thiu magað angegin
C 269	mari thiodan thuo sprak im eft thiu magat angegin
M270	uuið thana engil godes idiso sconiost
C 270	uuid thena engel godes idiseo sconiost
M271	allaro uuiƀo uulitigost huo mag that giuuerðen so quað siu
C 271	ellero uuiƀo uulitigost huo mag that giuuerthan so quat siu
M272	that ic magu fodie ne ic gio mannes ni uuarð
C 272	that ik magu fuodie ne ik gio mannes ni uuarth
M273	uuis an minera uueroldi tho habde eft is uuord garu
C 273	uuis an minero uueroldi thuo habda eft is uuord garu
M274	engil thes alouualdon thero idisiu tegegnes
C 274	engil thes aluualden thero idisi tegegnes
M275	an thi scal helag gest fon heƀanuuange
C 275	an thi scal helag gest fan heƀanuuange
M276	cuman thurh craft godes thanan scal thi kind odan
C 276	cuman thuru craft godes thanan scal thi kind odan
M277	uuerðan an thesaro uueroldi uualdandes craft
C 277	uuerthan an thesaro uueroldi uualdandes craft
M278	scal thi fon them hohoston heƀancuninge
C 278	scal thi fan them hohoston heƀancuninge
M279	scadouuan mid skimon ni uuarð sconiera giburd
C 279	scadoian mid scimon ni uuarth sconera giburd
M280	ne so mari mid mannun huand siu kumid thurh maht godes
C 280	ni so mari mid mannon huand siu cumit thuru maht godes
M281	an these uuidon uuerold tho uuarð eft thes uuibes hugi
C 281	an thesan uuidun uuerold thuo uuarth thes uuiƀes hugi
M282	aftar them arundie al gihuorƀen
C 282	after them arundie all gihuorban
M283	an godes uuilleon than ic her garu standu quað siu
C 283	an godes uuilleon thann ik hier garu standu quat siu
M284	te sulicun ambahtskepi so he mi egan uuili
C 284	te sulicon ambahtscipie so he mi egan uuili
M285	thiu bium ic theotgodes nu ik theses thinges gitruon
C 285	thiuua biun ik thiedgodes nu ik thes thinges gitruon
M286	uuerðe mi aftar thinun uuordun al so is uuilleo si
C 286	uuerthe mi after thinon uuordon all so is uuilleo si
M287	herron mines nis mi hugi tuifli
C 287	herren mines nis mi hugi tuifli
M288	ne uuord ne uuisa so gifragn ik that that uuif antfeng
C 288	ne uuord ne uuisa so gifragn ik that that uuiƀ antfieng
M289	that godes arundi gerno suiðo
C 289	that godes arunde gerno suitho
M290	mid leohtu hugi endi mid giloƀon godun
C 290	mid leohtu hugi endi mid giloƀon guodon
M291	endi mid hluttrun treuun uuarð the helago gest
C 291	endi mid hluttron treuuon uuarth thuo thie helago gest
M292	that barn an ira bosma endi siu ira breostun forstod
C 292	that barn on iru buosme endi siu an iro brioston farstuod
M293	iac an ire seƀon selƀo sagda them siu uuelda
C 293	iac an iro seƀon selƀo sagda them siu uuelda
M294	that sie habde giocana thes alouualdon craft
C 294	that sea habda giocana thes alouualden craft
M295	helag fon himile tho uuarð hugi iosepes
C 295	helag fan himila thuo uuarth hugi iosepes
M296	is mod giuuorrid the im er thea magað habda
C 296	is muod giuuorrid thie im er thia magat habda
M297	thea idis anthettea aðalcnosles uuif
C 297	thia idis andhetia ađalcnuosles uuiƀ
M298	giboht im te brudiu he afsof that siu habda barn undar iru
C 298	giboht im ti brudi hie afsuof that that siu haƀda barn under iru
M299	ni uuanda thes mid uuihti that iru that uuif habdi
C 299	ni uuanda thes mid uuihti neua that iru that uuiƀ haƀdi
M300	giuuardod so uuarolico ni uuisse uualdandes tho noh
C 300	giuuardot so uuarlico ni uuisse hie uualdandes thuo noh
M301	bliði gibodskepi ni uuelda sia imo te brudi tho
C 301	blithi gibodscipi ni uualda sia im te brudi thuo
M302	halon imo te hiuuon ac bigan im tho an hugi thenkean
C 302	halon im ti hiuuon ac began im thuo an is hugie thenkean
M303	huo he sie so forleti so iru thar nu uurði ledes uuiht
C 303	huo hie sia thuo farlieti so iru thar ni uurđi lethes uuiht
M304	odan arƀides ni uuelda sie aftar thiu
C 304	odan arƀedies ne uuelda sia after thiu
M305	meldon for menigi antdred that sie manno barn
C 305	meldon for menigi andried that sea manno barn
M306	liƀu binamin so uuas than thero liudeo thau
C 306	liƀu binamin so uuas than thero liudeo thau
M307	thurh then aldon eu ebreo folkes
C 307	thuru then aldon eu ebreo folces
M308	so huilik so thar an unreht idis gihiuuida
C 308	so huilik so thar an unreht idis gihiuuada
M309	that siu simbla thana bedskepi buggean scolda
C 309	that siu simla thena bedscepi buggean scolda
M310	fri mid ira ferhu ni uuas gio thiu femea so god
C 310	fri mid iru ferahu ni uuas gio thiu fehmea so guod
M311	that siu mid them liudun leng libbien mosti
C 311	that siu gio mid them liudion leng libbean muosti
M312	uuesan undar them uueroda bigan im the uuiso mann
C 312	uuesan under them uuerode thuo bigan im the uuiso mann
M313	suiðo god gumo ioseph an is moda
C 313	suitho guod gumo ioseph an is muode
M314	thenkean thero thingo huo he thea thiornun tho
C 314	thenkean thero thingo huo hie thea thiornun tho
M315	listiun forleti tho ni uuas lang te thiu
C 315	listion forlieti thuo ni uuas lang ti thiu
M316	that im thar an droma quam drohtines engil
C 316	that im thar an drome quam drohtines engil
M317	heƀancuninges bodo endi het sie ina haldan uuel
C 317	hebancuninges bodo endi hiet sia ina haldan uuel
M318	minnion sie an is mode ni uuis thu quað he mariun uureð
C 318	minneon sia an is muode ni uuis thu mariun uureth
M319	thiornun thinaro siu is githungan uuif
C 319	thiornun thinero siu is githungan uuiƀ
M320	ne forhugi thu sie te hardo thu scalt sie haldan uuel
C 320	ni forhugi thu sia ti hardo thu scalt sea haldan uuel
M321	uuardon ira an thesaro uueroldi lesti thu inca uuinitreuua
C 321	uuardon iro an thesaro uueroldi lesti thu inca uuinitreuua
M322	forð so thu dadi endi hald incan friundskepi uuel
C 322	forth so thu dadi endi hald inkan friunskepi uuel
M323	ne lat thu sie thi thiu leðaron thoh siu undar ira liðon egi
C 323	ni lat thu sia thi thiu lethrun thoh siu undar iru lithion egi
M324	barn an ira bosma it cumid thurh gibod godes
C 324	barn an iro buosme it cumit thuru gibod godes
M325	helages gestes fon heƀanuuanga
C 325	helages gestes fan heƀanuuanga
M326	that is iesu krist godes egan barn
C 326	that is iesus crist godes egan barn
M327	uualdandes sunu thu scalt sie uuel haldan
C 327	uualdandes suno thu scalt sea uuel haldan
M328	helaglico ne lat thu thi thinan hugi tuiflien
C 328	helaglico ni lat thu thi thinan hugi tuiflan
M329	merrean thina modgithaht tho uuarð eft thes mannes hugi
C 329	merrean thina muodgithaht thuo uuarth eft thes mannes hugi
M330	giuuendid aftar them uuordun that he im te them uuiƀa genam
C 330	giuuendid after them uuorđon that hie im te them uuiƀe ginam
M331	te thera magað minnea antkenda maht godes
C 331	te thera magat minnea antkenda maht godes
M332	uualdandes gibod uuas im uuilleo mikil
C 332	uualdandes gibod uuas im uuillo mikil
M333	that he sia so helaglico haldan mosti
C 333	that hie sia so helaglico haldan muosti
M334	bisorgoda sie an is gisiðea endi siu so suƀro drog
C 334	bisorogoda sea an is gisitha endi sea so subro druog
M335	al te huldi godes helagna gest
C 335	all te huldi godes helagna gest
M336	godlican gumon antthat sie godes giscapu
C 336	guodlicon gumon antthat sia godes giscapu
M337	mahtig gimanodun that siu ina an manno lioht
C 337	mahtig gimanodan that sia an manno lioht
M338	allaro barno bezt brengean scolda
C 338	allero barno betst bringian scolda
M339	tho uuarð fon rumuburg rikes mannes
C 339	thuo uuarth fan rumuburg rikeas mannes
M340	oƀar alla thesa irminthiod octauianas
C 340	oƀer alla thesa irminthiod octauianes
M341	ban endi bodskepi oƀar thea is bredon giuuald
C 341	ban endi bodscepi oƀer thia is bredun giuuald
M342	cuman fon them kesure cuningo gihuilicun
C 342	kuman fan them kesure cuningo gihuilicon
M343	hemsitteandiun so uuido so is heritogon
C 343	hemsittendion so uuido so is heritogon
M344	oƀar al that landskepi liudio giuueldun
C 344	oƀar all that landscepi liudio giuuieldon
M345	hiet man that alla thea elilendiun man iro oðil sohtin
C 345	hiet man that all thia elilendiun man iro vođil suohtin
M346	heliðos iro handmahal angegen iro herron bodon
C 346	helithos iro handmahal angegin iro herren bodon
M347	quami te them cnosla gihue thanan he cunneas uuas
C 347	quami te them cnuosla gihue thanan hie cunneas uuas
M348	giboran fon them burgiun that gibod uuarð gilestid
C 348	giboran fan them burgion that gibod uuarth gilestid
M349	oƀar thesa uuidon uuerold uuerod samnoda
C 349	oƀer thesa uuidun uuerold uuerod samnode
M350	te allaro burgeo gihuuem forun thea bodon oƀar all
C 350	to allero burgo gihuem forun thia bodon oƀar all
M351	thea fon them kesura cumana uuarun
C 351	thia fan them kesure cumana uuarun
M352	bokspaha uueros endi an bref scriƀun
C 352	buokspaha uueros an brief scriƀun
M353	suiðo niudlico namono gihuilican
C 353	suitho niudlico namono gihuilican
M354	ia land ia liudi that im ni mahti alettean mann
C 354	ia land ia liudi that im ni mahta alettian man
M355	gumono sulica gambra so im scolda geldan gihue
C 355	gumono sulica gambra so imo scolda geldan gihuie
M356	heliðo fon is hoƀda tho giuuet im oc mid is hiuuisca
C 356	helitho fan is hobde thuo giuuet im oc mid is hiuuiskie
M357	ioseph the godo so it god mahtig
C 357	ioseph thie guodo so it god mahtig
M358	uualdand uuelda sohta im thiu uuanamon hem
C 358	uualdand uuelda suohta im thia uuanamon hem
M359	thea burg an bethleem thar iro beiðero uuas
C 359	thia burg an bethlem thar iro bethero uuas
M360	thes heliðes handmahal endi oc thera helagun thiornun
C 360	thes helithes handmahal endi oc theru helagun thiernun
M361	mariun thera godun thar uuas thes mareon stol
C 361	mariun thera guodun thar uuas thes marien stuol
M362	an erdagun aðalcuninges
C 362	an erdagon ađalcuninges
M363	dauides thes godon than langa the he thana druhtskepi thar
C 363	dauides thes guoden than lang thie hie thena drohscepi thar
M364	erl undar ebreon egan mosta
C 364	erl undar ebreon egan muosta
M365	haldan hohgisetu sie uuarun is hiuuiscas
C 365	haldan hohgisetu sea uuarun is hiuuisces
M366	cuman fon is cnosla cunneas godes
C 366	cuman fan is cnuosle kunneas guodes
M367	beðiu bi giburdiun thar gifragn ic that sie thiu berhtun giscapu
C 367	bethiu bi giburdion thar gifran ik that sia thiu berehtun giscapu
M368	mariun gimanodun endi maht godes
C 368	mariun gimanodun endi maht godes
M369	that iru an them siða sunu odan uuarð
C 369	that iro an them sithe suno odan uarth
M370	giboran an bethleem barno strangost
C 370	giboran an bethlehem barno strangost
M371	allaro cuningo craftigost cuman uuarð the mareo
C 371	allero cuningo craftigost cuman uuarth thie mario
M372	mahtig an manno lioht so is er managan dag
C 372	mahtig on manno lioht so is er managan dag
M373	biliði uuarun endi bocno filu
C 373	bilithi uuarun endi bocno filo
M374	giuuorðen an thesero uueroldi tho uuas it all giuuarod so
C 374	giuuorđan an thesaro uueroldi tho uuas it all giuuarod so
M375	so it er spaha man gisprocan habdun
C 375	so it er spaha man gisprokean haƀdun
M376	thurh huilic odmodi he thit erðriki herod
C 376	thuru huilik odmuodi hie thit erthriki herod
M377	thurh is selƀes craft sokean uuelda
C 377	thuru is selƀes craft suokean uuelda
M378	managaro mundboro tho ina thiu modar nam
C 378	managero mundboro thuo ina thiu moder nam
M379	biuuand ina mid uuadiu uuiƀo sconiost
C 379	biuand ina mid uuadi uuiƀo scoinosta
M380	fagaron fratahun endi ina mid iro folmon tuuem
C 380	fagaron fratohon endi ina mid iro folmon tuem
M381	legda lioƀlico luttilna man
C 381	legda lieflico luttilna mann
M382	that kind an ena cribbiun thoh he habdi craft godes
C 382	that kind an ena cribbiun thoh hie habdi craft godes
M383	manno drohtin thar sat thiu modar biforan
C 383	manno drohtin thar sat thiu muodor biforan
M384	uuif uuacogeandi uuardoda selƀo
C 384	uuiƀ uuacoiande uuardoda selƀo
M385	held that helaga barn ni uuas ira hugi tuuifli
C 385	held that helaga barn ni uuas iru hugi tuifli
M386	thera magað ira modseƀo tho uuarð that managun cuð
C 386	thero magat iro muodseƀo thuo uuarth managon cuth
M387	oƀar thesa uuidon uuerold uuardos antfundun
C 387	oƀer thesa uuidun uuerold uuardos anfunden
M388	thea thar ehuscalcos uta uuarun
C 388	thia thar ehuscalcos ute uuarun
M389	uueros an uuahtu uuiggeo gomean
C 389	uueros an uuahtu uuiggeo gomean
M390	fehas aftar felda gisahun finistri an tuue
C 390	fehes after felde gisahun finistri an tue
M391	telatan an lufte endi quam lioht godes
C 391	telatan an lufte endi quam lioht godes
M392	uuanum thurh thiu uuolcan endi thea uuardos thar
C 392	uuanom thuru thiu uolkan endi thia uuardos thar
M393	bifeng an them felda sie uurðun an forhtun tho
C 393	bifieng an them felde sia uuurdun an forohton tho
M394	thea man an ira moda gisahun thar mahtigna
C 394	thia man an iro muode gisahun thar mahtigna
M395	godes engil cuman the im tegegnes sprac
C 395	godes engil cuman thie im tegegnes sprak
M396	het that im thea uuardos uuiht ne antdredin
C 396	hiet that im thia uuardos uuiht ni andriedin
M397	leðes fon them liohta ic scal eu quað he lioƀara thing
C 397	lethes fan them liohte ik scal iu liebara thing
M398	suiðo uuarlico uuilleon seggean
C 398	suitho uuarlico uuilleon seggian
M399	cuðean craft mikil nu is krist geboran
C 399	cuthian craft mikil nu ist crist giboran
M400	an thesero selƀun naht salig barn godes
C 400	an thesaro selƀun naht salig barn godes
M401	an thera dauides burg drohtin the godo
C 401	an thesaro dauides burg drohtin thie guodo
M402	that is mendislo manno cunneas
C 402	that is mendislo manno cunnies
M403	allaro firiho fruma thar gi ina fiðan mugun
C 403	allero firio fruma thar gi ina findan mugun
M404	an bethlemaburg barno rikiost
C 404	an bethleemburg barno rikost
M405	hebbiad that te tecna that ic eu gitellean mag
C 405	hebbeat that te tegne that ik iu gitellian mag
M406	uuarun uuordun that he thar biuundan ligid
C 406	uuaron uuordon that hie thar biuundan ligiđ
M407	that kind an enera cribbiun thoh he si cuning oƀar al
C 407	that kind an enero cribbun thoh hie si cuning oƀar all
M408	erðun endi himiles endi oƀar eldeo barn
C 408	erđun endi himiles endi oƀar eldibarn
M409	uueroldes uualdand reht so he tho that uuord gisprac
C 409	uueroldes uualdand reht so hie thuo that uuord gisprak
M410	so uuarð thar engilo te them enun unrim cuman
C 410	so uuarth thar engilo ti them enon unrim cuman
M411	helag heriskepi fon heƀanuuanga
C 411	helag heriscepi fan heƀanuuange
M412	fagar folc godes endi filu sprakun
C 412	fagar folc godes endi filu spracun
M413	lofuuord manag liudeo herron
C 413	lofuuord manag liudeo herren
M414	afhoƀun tho helagna sang tho sie eft te heƀanuuanga
C 414	aƀhuoƀun thuo helagan sang thuo sia eft te heƀanuuange
M415	uundun thurh thiu uuolcan thea uuardos hordun
C 415	uundun thuru thiu uuolkan thea uuardos hordun
M416	huo thiu engilo craft alomahtigna god
C 416	huo thiu engilo craft almagtigna god
M417	suiðo uuerðlico uuordun loƀodun
C 417	suitho uuarlico uuordon loƀodun
M418	diuriða si nu quaðun sie drohtine selƀun
C 418	diuritha si nu quathun sia drohtine selƀon
M419	an them hohoston himilo rikea
C 419	an thiem hohoston himilo rikea
M420	endi friðu an erðu firiho barnun
C 420	endi friđu an erđu firio barnon
M421	goduuilligun gumun them the god antkennead
C 421	guoduuilligon gumon thie thia god ankenneat
M422	thurh hluttran hugi thea hirdios forstodun
C 422	thuru hluttran hugi thia herdos forstuodun
M423	that sie mahtig thing gimanod habda
C 423	that sea magtig thing gimanod haƀda
M424	bliðlic bodskepi giuuitun im te bethleem thanan
C 424	blithi gibodscepi giuuitun im te betleem thanan
M425	nahtes siðon uuas im niud mikil
C 425	nahtes sithon uuas im niud mikil
M426	that sie selƀon krist gisehan mostin
C 426	that sea selƀan crist gisehan muostin
M427	habda im the engil godes al giuuisid
C 427	habda im thie engil godes al giuuisid
M428	torhtun tecnun that sie im to selƀun
C 428	torohtan teknon that sea tuo im selƀon
M429	te them godes barne gangan mahtun
C 429	to them godes barne gangan mahtun
M430	endi fundun san folco drohtin
C 430	endi fundun san folco drohtin
M431	liudeo herron sagdun tho lof goda
C 431	liudo herron sagdun thuo lof gode
M432	uualdande mid iro uuordun endi uuido cuðdun
C 432	uualdande mid iro uuordun endi uuido cuthdun
M433	oƀar thea berhtun burg huilic im thar biliði uuarð
C 433	oƀar thea berehtun burg huilic im thar bilithi uuarth
M434	fon heƀanuuanga helag gitogit
C 434	fan heƀanuuange helag gitogid
M435	fagar an felde that fri al biheld
C 435	fagor an felde that fri all biheld
M436	an ira hugiskeftiun helag thiorna
C 436	an iro hugisceftion helag thiorno
M437	thiu magað an ira mode so huat so siu gihorda thea mann sprecan
C 437	thiu magat an iru muode so huat so siu gihorda thia man sprecan
M438	fodda ina tho fagaro friho scaniosta
C 438	fodda ina thuo fagaro frio sconiosta
M439	thiu modar thurh minnea managaro drohtin
C 439	thiu muodor thuru minnea managero drohtin
M440	helag himilisc barn heliðos gispracun
C 440	helag himilisc barn helithos gispracun
M441	an them ahtodon daga erlos managa
C 441	an them ahtođen dage erlos managa
M442	suiðo glauua gumon mid thera godes thiornun
C 442	suitho glauua gumon mid thero godes thiornun
M443	that he heleand te namon hebbean scoldi
C 443	that hie heland te namen hebbean scoldi
M444	so it the godes engil gabriel gisprac
C 444	so it thie godes engil gabriel gisprac
M445	uuaron uuordun endi them uuiƀe gibod
C 445	uuarun uuordun endi thiem uuiƀa gibod
M446	bodo drohtines tho siu erist that barn antfeng
C 446	bodo drohtines thuo siu erist that barn antfieng
M447	uuanum te thesero uueroldi uuas iru uuilleo mikil
C 447	uuanom te thesaro uueroldi uuas iru uuilleo mikel
M448	that siu ina so helaglico haldan mosti
C 448	that siu ina so helaglico haldan muosti
M449	fulgeng im tho so gerno that ger furðor skred
C 449	fullgieng im thuo so gerno that iar furthor scređ
M450	untthat that friðubarn godes fiartig habda
C 450	antthat that friđubarn godes fiuuartig haƀda
M451	dago endi nahto tho scoldun sie thar ena dad frummean
C 451	dago endi nahto thuo scoldun sea thar ena dad frummean
M452	that sie ina te hierusalem forgeƀan scoldun
C 452	that sia ina te hierusalem forgeƀan scoldun
M453	uualdanda te them uuiha so uuas iro uuisa than
C 453	uualdande te them uuihe thuo uuas iro uuisa thann
M454	thero liudeo landsidu that that ni mosta forlatan negen
C 454	thero liudo landsido that that ni muosta farlatan nigen
M455	idis undar ebreon ef iru at erist uuarð
C 455	idis under ebreon ef iru odan uuarth
M456	sunu afodit ne siu ina simbla tharod
C 456	suno afuodid ne siu ina simla tharod
M457	te them godes uuiha forgeƀan scolda
C 457	te them godes uuihe forgeƀan scolda
M458	giuuitun im tho thiu godun tuue ioseph endi maria
C 458	giuuitun im thuo thiu guoden tue ioseph endi maria
M459	beðiu fon bethleem habdun that barn mid im
C 459	bethiu fan bethleem habdun that barn mid im
M460	helagna krist sohtun im hus godes
C 460	helagna crist suohtun im hus godes
M461	an hierusalem thar scoldun sie is geld frummean
C 461	an hierusalem thar scoldun sea is geld frummean
M462	uualdanda at them uuiha uuisa lestean
C 462	uualdande an them uuihe uuisa lestian
M463	iudeo folkes thar fundun sea enna godan man
C 463	iudeo folcas thar fundun sia enna guodon man
M464	aldan at them alaha aðalboranan
C 464	aldan an them alahe ađalboranan
M465	the habda at them uuiha so filu uuintro endi sumaro
C 465	thie haƀda an them uuihe so filo uuintro endi sumaro
M466	gilibd an them liohta oft uuarhta he thar lof goda
C 466	gilibd an them leohta oft uuarahta hie thar lof gode
M467	mid hluttru hugi habda im helagna gest
C 467	mid hluttro hugiu haƀda im helagna gest
M468	saliglican seƀon simeon uuas he hetan
C 468	saligan seƀon simeon uuas hie hetan
M469	im habda giuuisid uualdandas craft
C 469	im haƀda giuuisid uualdandes craft
M470	langa huila that he ni mosta er thit lioht ageƀan
C 470	langa huila that hie ni muosta er thit lioht ageƀan
M471	uuendean af thesero uueroldi er than im the uuilleo gistodi
C 471	uuendian af thesaro uueroldi er than im thie uuillo gistuodi
M472	that he selƀan krist gisehan mosti
C 472	that hie selƀon crist gisehan muosti
M473	helagna heƀancuning tho uuarð im is hugi suiðo
C 473	helagna heƀancuning thuo uuarth im is hugi suitho
M474	bliði an is briostun tho he gisah that barn cuman
C 474	blithi an is brioston thuo hie gisah that barn godes cuman
M475	an thena uuih innan thuo sagda hie uualdande thanc
C 475	an thena uuih innan thuo sagda hie uualdande thanc
M476	almahtigon gode thes he ina mid is ogun gisah
C 476	almahtigen gode thes hie ina mid is ogan gisah
M477	geng im tho tegegnes endi ina gerno antfeng
C 477	gieng im thuo tegegnes endi ina gerno anfieng
M478	ald mid is armun al antkende
C 478	ald mid is armon all antkenda
M479	bocan endi biliði endi oc that barn godes
C 479	bocan endi bilithi endi oc that barn godes
M480	helagna heƀancuning nu ic thi herro scal quað he
C 480	helagna heƀancuning nu ik thi hier scal
M481	gerno biddean nu ic sus gigamalod bium
C 481	gerno biddean nu ik sus gigamolod bion
M482	that thu thinan holdan scalc nu hinan huerƀan latas
C 482	that thu thinan holdan scalc nu hinan huerƀan lates
M483	an thina friðuuuara faran thar er mina forðrun dedun
C 483	an thinan friđu uuaron faran thar er mina furthron dedun
M484	uueros fon thesero uueroldi nu mi the uuilleo gistod
C 484	uueros fan thesaro uueroldi nu mi thie uuilleo gistuod
M485	dago lioƀosto that ic minan drohtin gisah
C 485	dago lioƀosta that ik minan drohtin gisah
M486	holdan herron so mi gihetan uuas
C 486	holdan herron so mi gihetan uuas
M487	langa huila thu bist lioht mikil
C 487	langa huila thu bist lioht mikil
M488	allun elithiodun thea er thes alouualdon
C 488	allon elithiodon tha er thes alouualden
M489	craft ne antkendun thina cumi sindun
C 489	craft ni antkendun thina cumi sindun
M490	te doma endi te diurðon drohtin fro min
C 490	te duome endi te diurthun drohtin fro min
M491	aƀarun israhelas eganumu folke
C 491	auaron israeles egenon folca
M492	thinun lioƀun liudiun listiun talde tho
C 492	thinon lioƀon liodun listion telda thuo
M493	the aldo man an them alaha idis thero godun
C 493	thie alldo man an them alahe idis thero guodun
M494	sagda soðlico huo iro sunu scolda
C 494	sagda suothlico huo iro suno scolda
M495	oƀar thesan middilgard managun uuerðan
C 495	oƀar thesan middilgard managon uuerthan
M496	sumun te falle sumun te froƀru firiho barnun
C 496	sumon te falle sumon te fruoƀro firio barnon
M497	them liudiun te leoƀa the is lerun gihordin
C 497	them liudeon te lioƀe thia is lerun gihordin
M498	endi them te harma the horien ni uueldin
C 498	endi them te harma thia horian ni uueldin
M499	kristas leron thu scalt noh quað he cara thiggean
C 499	cristas lerun thu scalt noh kara thiggean
M500	harm an thinumu herton than ina heliðo barn
C 500	harm on thinon herten thann ina helitho barn
M501	uuapnun uuitnod that uuirðid thi uuerk mikil
C 501	uuapnon uuitnot that uuirđit thi uuerk mikil
M502	thrim te githolonna thiu thiorna al forstod
C 502	thrim te githolonne thiu thierna all forstuod
M503	uuisas mannas uuord tho quam thar oc en uuif gangan
C 503	uuises mannes uuord thuo quam thar oc en uuiƀ gangan
M504	ald innan them alaha anna uuas siu hetan
C 504	ald innan them alaha anna uuas siu hetan
M505	dohtar fanueles siu habde ira drohtine uuel
C 505	dohter fanueles siu haƀda iro drohtine uuel
M506	githionod te thanca uuas iru githungan uuif
C 506	githienod te thanke uuas iru githuungan uuib
M507	siu mosta aftar ira magaðhedi siðor siu mannes uuarð
C 507	siu muosta after ira magathedi sithor siu mannes uuarth
M508	erles an ehti eðili thiorne
C 508	erlas an ehti eđili thiorna
M509	so mosta siu mid ira brudigumon bodlo giuualdan
C 509	so muosta siu mid iro brudigumen bodlu giuualdan
M510	siƀun uuintar saman tho gifragn ic that iru thar sorga gistod
C 510	siƀun uuinter saman thuo gifragen ik that iro thar sorga gistuod
M511	that sie thiu mikila maht metodes tedelda
C 511	that sia thiu mikila maht metođes tedelda
M512	uureð uurdigiscapu tho uuas siu uuidouua aftar thiu
C 512	uureth uurđigiscapu thuo uuas siu uuidua after thiu
M513	at them friðuuuiha fior endi antahtoda
C 513	at them friđuuuihe fiuuar endi ahtoda
M514	uuintro an iro uueroldi so siu nia thana uuih ni forlet
C 514	uuintro an iro uueroldi so siu nio thena uuih ni farlet
M515	ac siu thar ira drohtine uuel dages endi nahtes
C 515	ac siu thar iru drohtine dages endi nahtes
M516	gode thionode siu quam thar oc gangan to
C 516	gode thionoda siu quam thar oc gangan tuo
M517	an thea selƀun tid san antkende
C 517	an thia selƀun tid san ankenda
M518	that helage barn godes endi them heliðon cuðde
C 518	that helaga barn godes endi them helithon cuthda
M519	them uueroda aftar them uuiha uuilspel mikil
C 519	them uuerode after them uuihe uuilspel mikil
M520	quað that im neriandas ginist ginahid uuari
C 520	quat that im neriendas ginist ginahid uuari
M521	helpa heƀencuninges nu is the helago krist
C 521	helpa heƀancuninges nu ist thie helago crist
M522	uualdand selƀo an thesan uuih cuman
C 522	uualdand selƀo an thesan uuih cuman
M523	te alosienne thea liudi the her nu lango bidun
C 523	to alosannea thia liude thie hier nu lango bidun
M524	an thesara middilgard managa huuila
C 524	an thesaro middilgard managa huila
M525	thurftig thioda so nu thes thinges mugun
C 525	thurftig theoda so nu thes thinges mugun
M526	mendian mancunni manag fagonoda
C 526	mendean mancunni manag fagonoda
M527	uuerod aftar them uuiha gihordun uuilspel mikil
C 527	uuerod aftar them uuihe gihordun uuilspel mikil
M528	fon gode seggean that geld habde tho gilestid
C 528	fan gode seggian that geld habda thuo gilestid
M529	thiu idis an them alaha al so it im an ira euua gibod
C 529	thiu idis an them alaha al so it im an iro euue gibod
M530	endi an thera berhtun burg bok giuuisdun
C 530	endi an thero berehtun burg buoki giuuisdun
M531	helagaro handgiuuerk giuuitun im tho te hus thanan
C 531	helagero handgiuuerc giuuitun im thuo te hus thanan
M532	fon hierusalem ioseph endi maria
C 532	fan hierusalem ioseph endi maria
M533	helag hiuuiski habdun im heƀenkuning
C 533	helag hiuuiski haƀdun im heƀankuning
M534	simbla te gisiða sunu drohtines
C 534	simla te gisithe sunu drohtines
M535	managaro mundboron so it gio mari ni uuarð
C 535	managero mundboron so it gio mari ni uuarth
M536	than uuidor an thesaro uueroldi butan so is uuilleo geng
C 536	than uuidor an thesaro uueroldi neuan so is uuilleo gieng
M537	heƀencuninges hugi thoh thar than gihuilic helag man
C 537	heƀancuninges hugi thoh thar than huilik helag man
M538	krist antkendi thoh ni uuarð it gio te thes kuninges hoƀe
C 538	crist antkendi thoh ni uuarth it gio te thes kuninges hoƀa
M539	them mannun gimarid thea im an iro modseƀon
C 539	them mannon gemarid the im an iro muodseƀon
M540	holde ni uuarun ac uuas im so bihalden forð
C 540	holda ni uuarun ac uuas im so bihaldan forth
M541	mid uuordun endi mid uuerkun antthat thar uueros ostan
C 541	mid uuordon endi mid uuercon antthat thar uueros ostan
M542	suiðo glauua gumon gangan quamun
C 542	suitho glauua gumon gangan quamun
M543	threa te thero thiodu thegnos snelle
C 543	threa te thero thiodo thegnos snella
M544	an langan uueg oƀar that land tharod
C 544	an langan uueg oƀar that land tharod
M545	folgodun enun berhtun bokne endi sohtun that barn godes
C 545	folgodun enun berehton bokne endi sohtun that barn godes
M546	mid hluttru hugi uueldun im hnigan to
C 546	mid hluttru hugiu uuoldun im hnigan tuo
M547	gehan im te iungrun driƀun im godes giscapu
C 547	gehan im te iungron driƀun im godes giscapu
M548	tho sie erodesan thar rikean fundun
C 548	thuo sea erodesan thar rikkian fundun
M549	an is seli sittien sliðuurdean kuning
C 549	an is seli sittean sliđuuardan cuning
M550	modagna mid is mannun simbla uuas he morðes gern
C 550	muodagna mid is mannon simla uuas hie muodes gern
M551	tho quaddun sie ina cusco an cuninguuisun
C 551	tho queddon sia ina kusco an cuninguuisu
M552	fagaro an is flettie endi he fragoda san
C 552	fagaro an is flettea endi hie fragoda san
M553	huilic sie arundi uta gibrahti
C 553	huilic sia arundi ute brahti
M554	uueros an thana uuracsið huueðer lediad gi uundan gold
C 554	uueros an thena uuracsiđ hueder ledeat gi uundan gold
M555	te geƀu huilicun gumuno te hui gi thus an ganga kumad
C 555	te geƀu huilicon gumono te hui gi sus an gange cumat
M556	gifaran an foðiu huat gi nethuuanan ferran sind
C 556	gifaran an fathie huat gi nethuanan ferran sind
M557	erlos fon oðrun thiodun ic gisihu that gi sind eðiligiburdiun
C 557	erlos fan ođron theodon ik gisiho that gi sind ediligiburdion
M558	cunnies fon cnosle godun nio her er sulica cumana ni uurðun
C 558	cunnies fan cnuosle guodon nio hier er sulica cumana ni uurđun
M559	eri fon oðrun thiodun siðor ik mosta thesas erlo folkes
C 559	eri fon ođron thiodon sithor ik muosta thieses erlo folcas
M560	giuualdan thesas uuidon rikeas gi sculun mi te uuarun seggean
C 560	giuualdan theses uuidon rikeas gi sculon mi te uuarun seggian
M561	for thesun liudio folke bihuui gi sin te thesun lande cumana
C 561	far theson liudeo folca bihui gi sin te theson lande cuman
M562	tho spracun im eft tegegnes gumon ostronea
C 562	thuo spracun im eft tegegnes gumon ostronea
M563	uuordspahe uueros uui thi te uuarun mugun quaðun sie
C 563	uuordspaha uueros uui thi te uuarun mugun quathun sia
M564	use arundi oðo gitellien
C 564	usa arundi otho gitellian
M565	giseggean soðlico bihuui uui quamun an thesan sið herod
C 565	giseggian suothlico bihui uui quamun an thesan sit herod
M566	fon ostan te thesaro erðu giu uuarun thar aðalies man
C 566	fan ostan te thesaro erthu iu uuarun thar ađales man
M567	godsprakea gumon thea us godes so filu
C 567	godsprekea gumon thia us guodes so filo
M568	helpa gihetun fon heƀencuninge
C 568	helpa gihetun fan heƀancuninge
M569	uuarum uuordun than uuas thar en giuuittig man
C 569	uuarun uuordon than uuas thar en giuuittig man
M570	frod endi filuuuis forn uuas that giu
C 570	fruod endi filouuis furn uuas that iu
M571	use aldiro ostar hinan thar ni uuarð siðor enig man
C 571	usa aldro ostar hinan thar ni uuarth sithor enig man
M572	sprakono so spahi he mahte rekkien spel godes
C 572	spracono so spahi hie mohte rekkean spel godes
M573	huuand im habde forliuuan liudio herro
C 573	huand im haƀda forliuuan liudo herro
M574	that he mahte fon erðu up gihorean
C 574	that hie muohta fan erthu upp gihorean
M575	uualdandes uuord bithiu uuas is giuuit mikil
C 575	uualdandes uuord bithiu uuas is giuuit mikil
M576	thes thegnes githahti tho he thanan scolda
C 576	thes thegnes githahti thuo hie thanan scolda
M577	ageƀen gardos gadulingo gimang
C 577	ageƀan gardos gadulingo gimang
M578	forlaten liudio drom sokien lioht oðar
C 578	farlaten liudeo drom suokean leoht ođar
M579	tho he is iungron het gangan nahor
C 579	thuo hie im is iungron het gangan nahor
M580	erƀiuuardos endi is erlun tho
C 580	erƀiuuardos endi is erlon thuo
M581	sagde soðlico that al siðor quam
C 581	sagda suotlico that all sithor quam
M582	giuuarð an thesaro uueroldi tho sagda he that her scoldi cuman en uuiscuning
C 582	giuuarth an thesaro uueroldi thuo sagda hie that hier scoldi cuman en uuiscuning
M583	mari endi mahtig an thesan middilgard
C 583	mari endi mahtig an thesan middilgard
M584	thes bezton giburdies quað that it scoldi uuesan barn godes
C 584	thes beston giburdeas quat that hie scoldi uuesan barn godes
M585	quað that he thesero uueroldes uualdan scoldi
C 585	quat that hie thesaro uueroldi uualdan scoldi
M586	gio te euuandaga erðun endi himiles
C 586	gio te euuondage erthun endi himiles
M587	he quað that an them selƀon daga the ina saligna
C 587	hie quat that an them selƀon dage the ina saligna
M588	an thesan middilgard modar gidrogi
C 588	an thesan middilgard muoder gidruogi
M589	so quað he that ostana en scoldi skinan
C 589	so quat he that ostana en scoldi scinan
M590	himiltungal huit sulic so uui her ne habdin er
C 590	himiltungal huit sulik so uui hier ni habdin er
M591	undartuisc erða endi himil oðar huerigin
C 591	under tuisc erthu endi himil ođar huergin
M592	ne sulic barn ne sulic bocan het that thar te bedu forin
C 592	ne sulik barn ne sulik bocon hiet that thar ti bedu forin
M593	threa man fon thero thiodu het sie thenkean uuel
C 593	thria man fan thero theodo hiet sia thenkean uuel
M594	huan er sie gisauuin ostana up siðogean
C 594	huann er sea gisauuin ostana upp sithion
M595	that godes bocan gangan het sie garuuuian san
C 595	that godes bocan gangan hiet sia geruuean san
M596	het that uui im folgodin so it furi uurði
C 596	hiet that uui im folgodin so it furi uurthi
M597	uuestar oƀar thesa uueroldi nu is it al giuuarod so
C 597	uuester oƀar thesa uueroldi nu is it all giuuarod so
M598	cuman thurh craft godes the cuning is gifodit
C 598	cuman thuru craft godes thie cuning ist gifuodid
M599	giboran bald endi strang uui gisahun is bocan skinan
C 599	giboran bald endi strang uui gisahun is bocon scinan
M600	hedro fon himiles tunglun so ic uuet that it helag drohtin
C 600	hedro fan himilas tunglon so ik uuet that it helag drohtin
M601	marcoda mahtig selƀo uui gisahun morgno gihuilikes
C 601	marcoda mahtig selƀo uui gisahun morgano gihuilikes
M602	blican thana berhton sterron endi uui gengun aftar them bocna herod
C 602	blikan thena berehton sterron endi uui gengun after them bocne herod
M603	uuegas endi uualdas huuilon that uuari us allaro uuilleono mesta
C 603	uuegos endi uualdos huuilon uuari us that allero uuilliono mesta
M604	that uui ina selƀon gisehan mostin uuissin huar uui ina sokean scoldin
C 604	that uui ina selƀan gisauuin uuissin huar uui ina selƀon suokean scoldin
M605	thana cuning an thesumu kesurdoma saga us undar huilicumu he si thesaro cunneo afodit
C 605	thena cuning under theson kesurdome sagi us under huilicon hie si thesaro cunnio afuodid
M606	tho uuarð erodesa innan briostun
C 606	thuo uuarth erodase innan brioston
M607	harm uuið herta bigan im is hugi uuallan
C 607	harm uuiđ herta bigan im is hugi uuallan
M608	seƀo mid sorgun gihorde seggean tho
C 608	seƀo mid sorgon gihorđa seggean thuo
M609	that he thar oƀarhoƀdon egan scoldi
C 609	that hie thar oƀarhoƀdeon egan scolda
M610	craftagoron cuning cunnies godes
C 610	craftigron cuning cunneas guodes
M611	saligoron undar them gisiðea tho he samnon het
C 611	saligron under them gisithie thuo hie samnon hiet
M612	so huuat so an hierusalem godaro manno
C 612	so huat so an hierusalem guodara manno
M613	allaro spahoston spracono uuarun
C 613	allero spahoston spracono uuarun
M614	endi an iro brioston bokcraftes mest
C 614	endi an iro brioston buokcraftes mest
M615	uuissun te uuarun endi he sie mid uuordun fragn
C 615	uuissun te uuaren endi hie sia mid is uuorđon fragn
M616	suiðo niudlico niðhugdig man
C 616	suitho niudlico niđhugdig mann
M617	cuning thero liudio huar krist giboran
C 617	cuning thero liudo huar crist giboran
M618	an uueroldrikea uuerðan scoldi
C 618	an uueroldrikea uuerthan scoldi
M619	friðugumono bezt tho sprak im eft that folc angegin
C 619	friđugomono best thuo sprac im eft that folk angegin
M620	that uuerod uuarlico quaðun that sie uuissin garo
C 620	that uuerod uuarlico quathun that sia uuissin garoo
M621	that he scoldi an bethleem giboran uuerðan so is an usun bokun giscriƀan
C 621	that hie scoldi an bethleem giboran uuerthan so is an usson buokon giscriƀan
M622	uuislico giuuritan so it uuarsagon
C 622	uuislico giuuritan so it uuarsagon
M623	suuiðo glauua gumon bi godes crafta
C 623	suitho glauua gumon bi godes crafte
M624	filuuuise man furn gispracun
C 624	filouuiso mann furn gispracun
M625	that scoldi fon bethleem burgo hirdi
C 625	that scoldi fan bethleem burgo hirdi
M626	liof landes uuard an thit lioht cuman
C 626	liof landes uuard an thit leoht cuman
M627	riki radgeƀo the rihtien scal
C 627	riki radgeƀo thie rihtian scal
M628	iudeono gumskepi endi is geƀa uuesan
C 628	iudeono gumscepi endi uuesan is geƀa mildi
M629	mildi oƀar middilgard managun thiodun
C 629	obar middilgard managan thiodon
M630	tho gifragn ic that san aftar thiu sliðmod cuning
C 630	thuo gifragn ik that san after thiu sliđmuod cuning
M631	thero uuarsagono uuord them uurekkiun sagda
C 631	thero uuarsagono uuord them uurekkean sagda
M632	thea thar an elilendi erlos uuarun
C 632	the thar an elilendi erlos uuarun
M633	ferran gifarana endi he fragoda aftar thiu
C 633	ferran gifarana endi hie fragoda aftar thiu
M634	huan sie an ostaruuegun erist gisahin
C 634	huan sia an osteruuegon erist gisahin
M635	thana cuningsterron cuman cumbal luihtien
C 635	thena cuningsterron cuman cumbal leohtan
M636	hedro fon himile sie ni uueldun is im tho helen eouuiht
C 636	hedro fan himile sia ni uueldun es im thuo helan eouuiht
M637	ac sagdun it im soðlico tho het he sie an thana sið faran
C 637	ac sagdun it im suotlico thuo hiet hie sia an thena sith faran
M638	het that sie ira arundi al undarfundin
C 638	hiet that sia iro arundi all underfundin
M639	umbi thes kindes cumi endi the cuning selƀo gibod
C 639	umbi thes kindes cumi endi thie cuning selƀo gibod
M640	suiðo hardlico herro iudeono
C 640	suitho hardlico herro iuđeono
M641	them uuisun mannun er than sie forin uuestan forð
C 641	them uuison mannon er than sia fuorin uuester forth
M642	that sie im eft gicuðdin huar he thana cuning scoldi
C 642	that sia im eft gicuthdin huar hie thena cuning scoldi
M643	sokean at is selðon quað that he thar uueldi mid is gisiðun to
C 643	suokean at is selđon quat that hie thar uueldi mid is gisithon tuo
M644	bedan te them barne than hogda he im te banon uuerðan
C 644	bedon te than barne than hogda hie im ti banen uuerthan
M645	uuapnes eggiun than eft uualdand god
C 645	uuapnes eggeon than eft uualdand god
M646	thahte uuið them thinga he mahta athengean mer
C 646	thahta uuid them thinge endi mohta githenkean mer
M647	gilestean an thesum liohte that is noh lango skin
C 647	gilestian an theson liohte that is noh lango scin
M648	gicuðid craft godes tho gengun eft thiu cumbl forð
C 648	gicuthid craft godes thuo gengun eft thiu kumbal forth
M649	uuanum undar uuolcnun tho uuarun thea uuison man
C 649	uuanum under thiu uuolcan thuo uuarun thia uuisun man
M650	fusa te faranne giuuitun im forð thanan
C 650	fusa ti faranne giuuitun im eft forth thanan
M651	balda an bodskepi uueldun that barn godes
C 651	balda an bodscepi uueldun that barn godes
M652	selƀon sokean sie ni habdun thanan gisiðeas mer
C 652	selƀan suokean sea ni haƀdun thanan gisithes mer
M653	butan that sie thrie uuarun uuissun im thingo giskeð
C 653	neuan that sea thria uuarun uuissun im thingo gisceđ
M654	uuarun im glauue gumon the thea geƀa leddun
C 654	uuarun im glauua guomon the thea gifa leddun
M655	than sahun sie so uuislico undar thana uuolcnes skion
C 655	than saon sia so uuislico under thena uuolcnes sceon
M656	up te them hohon himile huo forun thea huuiton sterron
C 656	upp ti them hohon himile huo fuorun thea huitun sterron
M657	antkendun sie that cumbal godes thiu uuarun thurh krista herod
C 657	antkendun sea thiu kumbal godes tha uuarun thuru crist herod
M658	giuuarht te thesero uueroldi thea uueros aftar gengun
C 658	giuuaraht te thesaro uueroldi thia uueros after gengun
M659	folgodun ferahtlico sie frumide the mahte
C 659	folgodun farahtlico sia frumida thie mahta
M660	antthat sie gisahun siðuuorige man
C 660	anthat sia thuo gisahon sithuuoriga mann
M661	berht bocan godes blec an himile
C 661	bereht bocan godes blek an himile
M662	stillo gistanden the sterro liohto sken
C 662	stille gistandan thie steorra liohta scen
M663	huuit oƀar them huse thar that helage barn
C 663	huit oƀar them huse thar that helaga barn
M664	uuonode an uuilleon endi ina that uuif biheld
C 664	uuonoda an uuilleon endi ina that uuiƀ biheld
M665	thiu thiorne githiudo tho uuarð thero thegno hugi
C 665	thiu thiorna githiudo thuo uuarth thero thegno hugi
M666	bliði an iro briostun bi them bocna forstodun
C 666	blithi an iro brioston bi them bocne forstuodun
M667	that sie that friðubarn godes funden habdun
C 667	that sia that friđubarn godes fundan habdun
M668	helagna heƀencuning tho sie an that hus innan
C 668	helagna heƀancuning thuo sia an that hus innan
M669	mid iro geƀun gengun gumon ostronea
C 669	mid iro geƀon gengun gumon ostronia
M670	siðuuorige man san antkendun
C 670	sithuuoriga mann san antkendun
M671	thea uueros uualdand krist thea uurekkion fellun
C 671	thia uueros uualdand crist thia uurekkeon fellun
M672	te them kinde an kneobeda endi ina an cuninguuisa
C 672	ti them kinda an kneobeda endi ina an cuninguuisu
M673	godan grottun endi im thea geƀa drogun
C 673	guodan gruottun endi im tha geƀa druogun
M674	gold endi uuihroc bi godes tecnun
C 674	gold endi uuihroc bi godes teknon
M675	endi myrra thar mid thea man stodun garouua
C 675	endi mirra thar midi thia man stuodun garoa
M676	holde for iro herron thea it mid iro handun san
C 676	holda furi iru herren tha it mid iro handon san
M677	fagaro antfengun tho giuuitun im thea ferahton man
C 677	fagaro antfengun thuo giuuitun im tha ferehtun mann
M678	seggi te selðon siðuuorige
C 678	seggi te selđon sithuuoraga
M679	gumon an gastseli thar im godes engil
C 679	gumon an gastseli thar im godes engil
M680	slapandiun an naht suueƀan gitogde
C 680	slapandion an naht sueƀan gitogda
M681	gidrog im an drome al so it drohtin self
C 681	gidruog im an drome all so it drohtin self
M682	uualdand uuelde that im thuhte that man im mid uuordun gibudi
C 682	uualdand uuelda that im thuhta that man im mid uuordon gibudi
M683	that sie im thanan oðran uueg erlos forin
C 683	that sea im thanan ođran uueg erlos fuorin
M684	liðodin sie te lande endi thana leðan man
C 684	lithuodin sea te lande endi thena lethan man
M685	erodesan eft ni sohtin
C 685	erodosan eft ni suohtin
M686	modagna cuning tho uuarð morgan cuman
C 686	muodagna cuning thuo uuarth morgan cuman
M687	uuanum te thesero uueroldi tho bigunnun thea uuison man
C 687	uuanum te thesaro uueroldi thuo bigunnon thia uuisun man
M688	seggean iro sueƀanos selƀon antkendun
C 688	seggian iro suefnos selƀon ankendun
M689	uualdandes uuord huuand sie giuuit mikil
C 689	uualdandes uuord huant sea giuuith mikil
M690	barun an iro briostun badun alouualdon
C 690	barun an iro brioston badun aluualdon
M691	heron heƀencuning that sie mostin is huldi forð
C 691	heran heƀancuning that sea muostin is huldi forth
M692	giuuirkean is uuilleon quaðun that sea ti im habdin giuuendit hugi
C 692	giuuirkian is uuilleon quathun that sea te im haƀdin giuuendit hugi
M693	iro mod morgan gihuuem tho forun eft thie man thanan
C 693	endi iro muod morgan gihuem thuo forun eft thia man thanan
M694	erlos ostronie al so im the engil godes
C 694	erlos ostronia all so im thie engil godes
M695	uuordun giuuisde namun im uueg oðran
C 695	uuordon giuuisda namun im uueg ođran
M696	fulgengun godes lerun ni uueldun themu iudeo cuninge
C 696	fulgengun godes lerun ni uueldun them iuđeono cuninga
M697	umbi thes barnes giburd bodon ostronie
C 697	umbi thes barnes giburd bodon ostronia
M698	siðuuorige man seggian giouuiht
C 698	sithuuoriga man seggean giouuiht
M699	ac uuendun im eft an iro uuillion tho uuarð san aftar thiu uualdandes
C 699	ac uendun im eft an iro uuilleon thuo uuarth san after thiu uualdandes
M700	godes engil cumen iosepe te spracun
C 700	godes engil cuman iosepe te spracun
M701	sagde im an suuefne slapandium an naht
C 701	sagda im an suefna slapandion on naht
M702	bodo drohtines that that barn godes
C 702	bodo drohtines that that barn godes
M703	sliðmod cuning sokean uuelda
C 703	sliđmuod cuning suokean uuolda
M704	ahtean is aldres nu scaltu ine an aegypteo
C 704	ahtean is aldres nu scalt thu ina an egypto
M705	land antledean endi undar them liudiun uuesan
C 705	land aledean endi under them liudion uuesan
M706	mid thiu godes barnu endi mid theru godan thiornan
C 706	mid thiu godes barnu endi mid thero guodun thiornun
M707	uunon undar themu uuerode untthat thi uuord cume
C 707	uuonon under them uuerode antthat thi uuord cume
M708	herron thines that thu that helage barn
C 708	herren thines that thu that helage barn
M709	eft te thesum landscepi ledian motis
C 709	eft te theson landscepi ledian muotis
M710	drohtin thinen tho fon them droma ansprang
C 710	drohtin thinan thuo fan them droma antsprang
M711	ioseph an is gestseli endi that godes gibod
C 711	ioseph an is gastselie endi that godes gibod
M712	san antkenda giuuet im an thana sið thanen
C 712	san ankenda giuuet im an thena sith thanan
M713	the thegan mid theru thiornon sohta im thiod oðra
C 713	thie thegan mid thero thiornun suohta im thiod ođra
M714	oƀar bredan berg uuelda that barn godes
C 714	oƀar bredan berg uualda that barn godes
M715	fiundun antforian tho gifrang aftar thiu
C 715	fiendan antfuorian thuo gifrang after thiu
M716	erodes the cuning thar he an is rikea sat
C 716	erodes the cuning thar hie an is rikie sat
M717	that uuarun thea uuison man uuestan gihuuorƀan
C 717	that uuarun thia uuisun man uuestan gihuorƀan
M718	ostar an iro oðil endi forun im oðran uueg
C 718	ostar an iro vođil endi fuorun im ođran uueg
M719	uuisse that sie im that arundi eft ni uueldun
C 719	uuissa that sia im that arundi eft ni uueldun
M720	seggian an is selðon tho uuarð im thes an sorgun hugi
C 720	seggian an is selđon thuo uuas im thes an sorgun hugi
M721	mod mornondi quað that it im thie man dedin
C 721	muod mornondi quat that it im thia man dedin
M722	heliðos te honðun tho he so hriuuig sat
C 722	helithos te hondon thuo hie so hriuuig sat
M723	balg ina an is briostun quað that he is mahti betaron rad
C 723	balg ina an is brioston quat that hie is mohti beteran rad
M724	oðran githenkien nu ic is aldar can
C 724	ođran githenkean nu ik is aldar kan
M725	uuet is uuintergitalu nu ic giuuinnan mag
C 725	uuet is uuintro gitalu nu ik giuuinnan mag
M726	that he io oƀar thesaro erðu ald ni uuirðit
C 726	that hie io oƀar thesaro erthu ald ni uuirdit
M727	her undar thesum heriscepi tho he so hardo gibod
C 727	herr undar theson heriscipi thuo hie so hardo gibod
M728	erodes oƀar is riki het tho is rinkos faran
C 728	erodes oƀar is riki het thuo is rincos faran
M729	cuning thero liudio het that sie kinda so filo
C 729	cuning thero liudo het that sea kindo so filo
M730	thurh iro handmagen hoƀdu binamin
C 730	thuru iro handmegin hobdu binamin
M731	so manag barn umbi bethleem so filo so thar giboran uurði
C 731	so manag barn umbi bethleem so filo so thar giboran uurđi
M732	an tuem gerun atogan tionon frumidon
C 732	an tuem iaron gitogen tionon frumidun
M733	thes cuninges gisiðos tho scolda thar so manag kindisc man
C 733	thes cuninges gisithos thuo scolda thar so manag kindisc man
M734	sueltan sundiono los ni uuarð sið noh er
C 734	sueltan sundeono los ni uuarth siđ noh err
M735	giamarlicara forgang iungaro manno
C 735	iamorlicra forgang iungero manno
M736	armlicara doð idisi uuiopun
C 736	armlicro dot idisi uuiopun
M737	modar managa gisahun iro megi spildian
C 737	muoder managa gisahun iro megi spildean
M738	ni mahte siu im nio giformon thoh siu mid iro faðmon tuem
C 738	ni mohta siu im nio giformon thoh siu mid iro fađmon tuem
M739	iro egan barn armun bifengi
C 739	iru egan barn araman bifengi
M740	liof endi luttil thoh scolda is simbla that lif geƀan
C 740	liof endi luttil thoh scolda it simblon that lif ageƀan
M741	the magu for theru modar menes ni sahun
C 741	the magu furi thero muoder menes ni saun
M742	uuities thie uuamscaðon uuapnes eggiun
C 742	uuities thia uuamscathon uuapnes eggion
M743	fremidun firinuuerc mikil fellun managa
C 743	fremidun firinuuerc mikil fellun managa
M744	maguiunge man thia modar uuiopun
C 744	maguiunga man tha muoder uuiepun
M745	kindiungaro qualm cara uuas an bethleem
C 745	kindiungero qualm kara uuas an bethleem
M746	hofno hludost thoh man im iro herton an tue
C 746	hofno hludost thoh man im iro hertun an tue
M747	sniði mid suerdu thoh ni mohta im gio serara dad
C 747	sniđi midi suerdu thoh ni mahta im io serora dad
M748	uuerðan an thesaro uueroldi uuiƀun managun
C 748	uuerđan an thesaro uueroldi uuiƀon managon
M749	brudiun an bethleem gisahun iro barn biforan
C 749	brudion an bethleem gisahun iro barn biforan
M750	kindiunge man qualmu sueltan
C 750	kindiunga man qualmu sueltan
M751	blodag an iro barmun thie banon uuitnodun
C 751	blodaga an iru barmon thea banon uuitnodun
M752	unsculdige scole ni biscriƀun giouuiht
C 752	unsculdiga scola ne bescriƀun giouuiht
M753	thea man umbi menuuerk uueldun mahtigna
C 753	thia man umbi menuuerc uueldun mahtina crist
M754	krist selƀon aquellian than habde ina craftag god
C 754	selƀon aquellean than haƀda ina craftig god
M755	gineridan uuið iro niðe that inan nahtes thanan
C 755	ginerid uuiđ iro nithe that ina nahtes thanan
M756	an aegypteo land erlos antleddun
C 756	an egypto land erlos aleddun
M757	gumon mid iosepe an thana groneon uuang
C 757	gumon midi iosepe an thena gruoneon uuang
M758	an erðono beztun thar en aha fliutid
C 758	an erthono bestun thar enn aha fliutid
M759	nilstrom mikil norð te seuua
C 759	nilstrom mikil north te seuue
M760	flodo fagorosta thar that friðubarn godes
C 760	flodo fagorosta thar that friđubarn godes
M761	uuonoda an uuilleon antthat uurd fornam
C 761	uunoda an uuilleon antthat uurth farnam
M762	erodes thana cuning that he forlet eldeo barn
C 762	erodase thena cuning that hie farliet eldeo barn
M763	modag manno drom tho scolda thero marca giuuald
C 763	muodag manno drom thuo scolda thero marca giuuald
M764	egan is erƀiuuard the uuas archelaus
C 764	egan is erƀiuuard the uuas archelaus
M765	hetan heritogo helmberandero
C 765	hetan heritogo helmberandero
M766	the scolda umbi hierusalem iudeono folkes
C 766	thie scolda umbi hierusalem iuđeono folkes
M767	uuerodes giuualdan tho uuarð uuord cuman
C 767	uuerodas giuualdan thuo uuarth uuord cuman
M768	thar an egypti eðiliun manne
C 768	thar an egypte eđileon manne
M769	that he thar te iosepe godes engil sprac
C 769	that thar te iosepe guodes engil sprak
M770	bodo drohtines het ina eft that barn thanan
C 770	bodo drohtines hiet ina eft that barn thanan
M771	ledien te lande nu haƀað thit lioht afgeƀen quað he
C 771	ledean te lande nu haƀit thit leoht ageƀan
M772	erodes the cuning he uuelde is ahtien giu
C 772	herodes se cuning hie uuelda is ahtean iu
M773	freson is ferahas nu maht thu an friðu ledien
C 773	freson is ferahes nu an friđu ledean
M774	that kind undar euua cunni nu the cuning ni liƀod
C 774	that kind undar iuua kunni nu thie cuning ni leƀot
M775	erl oƀarmodig al antkende
C 775	erl oƀarmuodi all ankenda
M776	iosep godes tecan geriuuide ina sniumo
C 776	ioseph godes tecan geruuida ina sniumo
M777	the thegan mit thera thiornun tho sie thanan uueldun
C 777	thie thegan mid thero thiornun thuo sia thanan uuoldun
M778	beðiu mid thiu barnu lestun thiu berhton giscapu
C 778	bethiu mid thiu barnu lestun thiu berehtun giscapu
M779	uualdandes uuillion al so he im er mid is uuordun gibod
C 779	uualdandes uuilleon all so hie imo err mid is uuordon gibod
M780	giuuitun im tho eft an galilealand ioseph endi maria
C 780	giuuitun im thuo eft an galileo land ioseph endi maria
M781	helag hiuuiski heƀencuninges
C 781	helag hiuuiski heƀancuninges
M782	uuarun im an nazarethburg thar the neriondio krist
C 782	uuarun im an nazarethburg thar thie neriendeo crist
M783	uuohs undar them uuerode uuarð giuuitties ful
C 783	uuohs under them uueroda uuas giuuitteas full
M784	an uuas imu anst godes he uuas allun liof
C 784	an uuas im anst godes hie uuas allon liof
M785	modarmagun he ni uuas oðrun mannun gilic
C 785	muodermagon hie ni uuas ođrum mannon gilic
M786	the gumo an sinera godi tho he gertalo
C 786	thie gumo an sinero guodi thuo hie iartalu
M787	tuueliƀi habde tho uuarð thiu tid cuman
C 787	tueliui habda thuo uuarth thiu tid cuman
M788	that sie thar te hierusalem iuðeo liudi
C 788	that thar te ierusalem iuđeo liudi
M789	iro thiodgode thionon scoldun
C 789	iro thiodgode thionun scoldun
M790	uuirkean is uuilleon tho uuarð thar an thana uuih innan
C 790	uuirkean is uuillon thuo uuarth thar an thena uuih innan
M791	thar te hierusalem iudeono gisamnod
C 791	thar te hierusalem iuđeono gisamnod
M792	mancraft mikil thar maria uuas
C 792	mancraft mikil thar maria uuas
M793	self an gisiðea endi iru sunu habda
C 793	self an gisithe endi iro suno haƀda
M794	godes egan barn tho sie that geld habdun
C 794	godes egan barn thuo sia that geld haƀdun
M795	erlos an them alaha so it an iro euua gibod
C 795	erlos an them alaha so it an iro euua gibod
M796	gilestid te iro landuuisun tho forun im eft thie liudi thanan
C 796	gilestid te iro landuuisun thuo fuorun im eft thie liudi thanan
M797	uueros an iro uuillion endi thar an them uuiha afstod
C 797	uueros an iro uuilleon endi thar an them uuihe afstuod
M798	mahtig barn godes so ina thiu modar thar
C 798	mahtig barn godes so ina thiu muodor thar
M799	ni uuissa te uuaron ac siu uuanda that he mid them uueroda forð
C 799	ne uuissa te uuarun ac siu uuanda that hie mit them uuerode forth
M800	fori mit iro friundun gifrang aftar thiu
C 800	fuori mid iro friundon gifragn after thiu
M801	eft an oðrun daga aðalcunnies uuif
C 801	eft an ođron dage ađalcunnes uuib
M802	salig thiorna that he undar them gisiðia ni uuas
C 802	salig thiorna that hie under them gisithe ni uuas
M803	uuarð mariun tho mod an sorgun
C 803	uuarth mariun thuo muod an sorgon
M804	hriuuig umbi iro herta tho siu that helaga barn
C 804	hriuuig umbi iru herta thuo siu that helaga barn
M805	ni fand undar them folca filu gornoda
C 805	ni fand under them folca filo grornoda
M806	thiu godes thiorna giuuitun im tho eft te hierusalem
C 806	thiu godes thiorna giuuitun im thuo eft te hierusalem
M807	iro sunu sokean fundun ina sittean thar
C 807	iro suno suokean fundun ina sittean thar
M808	an them uuiha innan thar the uuisa man
C 808	an them uuihe innan thar thea uuisun man
M809	suuiðo glauuua gumon an godes euua
C 809	suitho glauua gumon bi godes euua
M810	lasun ende linodun huo sie lof scoldin
C 810	lesun endi linodun huo sia lof scoldin
M811	uuirkean mid iro uuordun them the thesa uuerold giscop
C 811	uuirkean mid iro uuordun them thie thesa uuerold giscop
M812	thar sat undar middiun mahtig barn godes
C 812	thar sat undar middeon magti barn godes
M813	krist alouualdo so is thea ni mahtun antkennian uuiht
C 813	crist alauualdo so is thia ni mohtun ankennean uuiht
M814	the thes uuihes thar uuardon scoldun
C 814	thia thes uuihes thar uuardon scoldun
M815	endi fragoda sie firiuuitlico
C 815	endi fragoda sea firiuuitlico
M816	uuisera uuordo sie uundradun alle
C 816	uuisaro uuordo sia uundrodun alla
M817	buhuui gio so kindisc man sulica quidi mahti
C 817	huo io so kindisc man sulica quidi mohtig
M818	mid is muðu gimenean thar ina thiu modar fand
C 818	gimahlean mid is muđu thar ina thiu modor fand
M819	sittean under them gisiðea endi iro sunu grotta
C 819	sittean under them gisithon endi iro suno gruotta
M820	uuisan undar them uueroda sprac im mid ira uuordun to
C 820	uuisan under them uuerode sprac im thuo mid iro uuordon tuo
M821	huui uueldes thu thinera modar manno lioƀosto
C 821	hui uueldas thu thinera muodor manno lioƀosta
M822	gisidon sulica sorga that ic thi so seragmod
C 822	gisiđon succa soraga that ic thic so seragmuod
M823	idis armhugdig escon scolda
C 823	idis armhugdig escan scolda
M824	undar thesun burgliudiun tho sprac iru eft that barn angegin
C 824	under thieson burgliudeon thuo sprac iro eft that barn angegin
M825	uuisun uuordun huuat thu uuest garo quað he
C 825	uuison uuordon huat thu uuest garo
M826	that ic thar girisu thar ic bi rehton scal
C 826	that ic thar girisu thar ik be rehton scal
M827	uuonon an uuilleon thar giuuald haƀad
C 827	uunon an uilleon thar giuuald haƀit
M828	min mahtig fader thie man ni forstodun
C 828	min mahtig fader thia man ni farstuodun
M829	thie uueros an them uuiha bihuui he so that uuord gisprac
C 829	thia uueros an them uuihe behui hie so that uuord gisprak
M830	gimenda mid is muðu maria al biheld
C 830	gimenda mid is muthu maria all biheld
M831	gibarg an ira breostun so huuat so siu gihorda ira barn sprecan
C 831	gibarg an iro briostun so huat so siu gihorda iro barn sprekan
M832	uuisaro uuordo giuuitun im tho eft thanan
C 832	uuisara uuordo giuuitun im thuo eft thanan
M833	fon hierusalem ioseph endi maria
C 833	fon hierusalem ioseph endi maria
M834	habdun im te gisiðea sunu drohtines
C 834	haƀdun im te gisithe suno drohtines
M835	allaro barno bezta thero the io giboran uurði
C 835	allero barno best thero the gio gibaranero uurđi
M836	magu fon modar habdun im thar minnea to
C 836	magu fan muoder haƀdun im thar minnea tuo
M837	thurh hluttran hugi endi he so gihorig uuas
C 837	thuru hluttran hugi endi hie so gihorig uuas
M838	godes egan barn gadulingmagun
C 838	godes egan barn gadulingmagun
M839	thurh is odmodi aldron sinun
C 839	thuru is odmuodi aldron sinan
M840	ni uuelda an is kindiski tho noh is craft mikil
C 840	ni uuolda an is kindiski thuo noh is craft mikil
M841	mannun marean that he sulic megin ehta
C 841	mannon marean that hie sulic megin ehta
M842	giuuald an thesaro uueroldi ac he im an is uuilleon bed
C 842	giuuald an thesaro uueroldi ac hie im an is uuilleon bed
M843	githiudo undar thero thiodu thritig gero
C 843	githiudo under thero theodo thritig iaro
M844	er than he thar tecan enig togean uueldi
C 844	er than hie thar tekean enig togian uueldi
M845	seggean them gisiðea that he selƀo uuas
C 845	seggean them gisithea that hie selƀo uuas
M846	an thesaro middilgard manno drohtin
C 846	an thesaro middilgard manno drohtin
M847	habda im so bihalden helag barn godes
C 847	haƀda im so biholan helag barn godes
M848	uuord endi uuisdom ende allaro giuuitteo mest
C 848	uuord endi uuisdom endi allero giuuitteo mest
M849	tulgo spahan hugi ni mahta man is an is spracun uuerðan
C 849	tulgo spahan hugi ni mohta is an is sprakun man
M850	an is uuordun giuuar that he sulic giuuit ehta
C 850	uuerthan an is uuordon giuuaro that hie sulic giuuit ehta
M851	thegan sulica githahti ac he im so githiudo bed
C 851	thie thegan sulica githahti ac hie im so githiudo bed
M852	torhtaro tecno ni uuas noh than thiu tid cuman
C 852	torohtero tegno ni uuas noh than thiu tid cuman
M853	that he ina oƀar thesan middilgard marean scolda
C 853	that hie ina oƀar thesan middilgard marean scoldi
M854	lerian thie liudi huuo sie scoldin iro giloƀon haldan
C 854	lerean thea liudi huo sia scoldin iro giloƀon haldan
M855	uuirkean uuilleon godes uuissun that thoh managa
C 855	uuirkean uuilleon godes uuissun that thoh managa
M856	liudi aftar them landa that he uuas an thit lioht cuman
C 856	liudi after them lande that hie uuas an thit lioht cuman
M857	thoh sie ina cuðlico ankennian ni mahtin
C 857	thoh sie ina cuthlico ankennean ni mahtin
M858	er than he ina selƀo seggean uuelda
C 858	er than hie ina selbo seggean uuelda
M859	than uaas im iohannes fon is iuguðhedi
C 859	than uaas im iohannes fan is iuguthedi
M860	auuahsan an enero uuostunni thar ni uuas uuerodes than mer
C 860	auuahsan an enero uuostinniu thar ni uuas uuerodes than mer
M861	butan that he thar encora alouualdon gode
C 861	neuuan that hie thar enkoro aluualdon gode
M862	thegan thionoda forlet thioda gimang
C 862	thegan thienoda farliet theodo gimang
M863	manno gimenðon thar uuarð im mahtig cuman
C 863	manno gimenthon thar uuarth im mahtig cuman
M864	an thero uuostunni uuord fon himila
C 864	an thero uuostinniu uuord fan himile
M865	godlic stemna godes endi johanne gibod
C 865	godlic stemna godes endi iohanne gibod
M866	that he cristes cumi endi is craft mikil
C 866	that hie cristes cumi endi is craft mikil
M867	oƀar thesan middilgard marean scoldi
C 867	oƀar thesan middilgard merean scoldi
M868	het ina uuarlico uuordun seggean
C 868	hiet ina uuarlico uuordon seggean
M869	that uuari heƀanriki heliðo barnun
C 869	that uuari heƀanriki helitho barnon
M870	an them landscepi liudiun ginahid
C 870	an them landscepe liudeon ginahid
M871	uuelono uunsamost im uuas tho uuilleo mikil
C 871	uuelono uunsamost im uuas thuo uuilleo mikil
M872	that he fon sulicun saldun seggean mosti
C 872	that hie fan solicon salđon seggean muosti
M873	giuuet im tho gangan al so jordan flot
C 873	giuuet im thuo gangan all so iordan flot
M874	uuatar an uuilleon endi them uueroda allan dag
C 874	uuatar an uuilleon endi them uueroda allan dag
M875	aftar them landscepi them liudiun cuðda
C 875	after them landscepe them liudeon cutda
M876	that sie mid fastunniu firinuuerc manag
C 876	that sea mit fastunniu firinuuerc manag
M877	iro selƀoro sundia bottin
C 877	iro selƀaro sundea bottin
M878	that gi uuerðan hrenea quað he heƀanriki is
C 878	that gi uuerthan hrenia heƀanriki is
M879	ginahid manno barnun nu latad eu an euuan modseƀon
C 879	ginahid manno barnun nu latat an iuuuon muodseƀon
M880	euuar selƀoro sundea hreuuan
C 880	iuuuera selƀan sundea hreuuan
M881	ledas that gi an thesun liohta fremidun endi minun lerun horead
C 881	lethes that gi an thieson liohte gifrumidun endi minun leron horeat
M882	uuendeat aftar minun uuordun ic eu an uuatara scal
C 882	uuendat after minon uuordon ik iu an uuatere scal
M883	gidopean diurlico thoh ic euua dadi ne mugi
C 883	gidopean diurlico thoh ik iuuua dadi ni mugi
M884	euuar selƀaro sundea alatan
C 884	iuuuero selƀaro sundea alatan
M885	that gi thurh min handgiuuerc hluttra uuerðan
C 885	that gi thuru min handgiuuerc hlutra uuerthan
M886	leðaro gilesto ac the is an thit lioht cuman
C 886	letharo gilestio ac thie is an thit leoht cuman
M887	mahtig te mannun endi undar eu middiun sted
C 887	mahtig ti mannon endi under iu middeon sted
M888	thoh gi ina selƀun gisehan ni uuillean
C 888	thoh gi ina selƀon gisehan ni uuelleat
M889	the eu gidopean scal an euues drohtines namon
C 889	thie iu dopan scal an iuuas drohtines namon
M890	an thana halagon gest that is herro oƀar al
C 890	an thena helagan gest that is herro oƀar all
M891	he mag allaro manno gihuuena mengithahteo
C 891	hie mag allero manno gihuena mengithahto
M892	sundeono sicoron so huene so so salig mot
C 892	sundeono sicoron so huena so so salig muot
M893	uuerðen an thesaro uueroldi that thes uuilleon haƀad
C 893	uuerthan an thesaro uueroldi that thes uuilleon habit
M894	that he so gilestea so he thesun liudiun uuili
C 894	that hie so gilestie so hie theson liudeon uuili
M895	gibioden barn godes ic bium an is bodskepi herod
C 895	gibiodon barn godes ik biun an is gibodscepi herod
M896	an thesa uuerold cumen endi scal im thana uueg rumien
C 896	an thesa uuerold cuman endi scal im thena uueg ruman
M897	lerean thesa liudi huuo sea sculin iro giloƀon haldan
C 897	lerean thesa liudi huo sia sculun era giloƀon haldan
M898	thurh hluttran hugi endi that sie an hellea ni thurƀin
C 898	thuru hlutteran hugi endi that sea an hellea ni thurbin
M899	faran an fern that heta thes uuirðid so fagan an is mode
C 899	faran an fern that heta thes uuirđit so fagin an is muode
M900	man te so managaro stundu so huue so that men forlatid
C 900	man te so managero stundu so huie so that men farlatit
M901	gerno thes gramon anbusni so mag im thes godon giuuirkean
C 901	gerno thes gramon ambusni so mag im thes guodon giuuirkean
M902	huldi heƀencuninges so huue so haƀad hluttra treuua
C 902	huldi heƀancuninges so huie so haƀit hluttra treuua
M903	up te them alomahtigon gode erlos managa
C 903	upp te them alomagtigon gode erlos managa
M904	bi them lerun tho liudi uuandun
C 904	bi them leron thuo liudi uuandun
M905	uueros uuarlico that that uualdand krist
C 905	uueros uuarlico that that uualdand crist
M906	selbo uuari huuanda he so filu soðes gisprac
C 906	selƀo uuari huand hie so filo suothas gisprak
M907	uuaroro uuordo tho uuarð that so uuido cuð
C 907	uuararo uuordo thuo uuart that so uuido cuth
M908	oƀar that forgeƀana land gumono gihuuilicum
C 908	oƀar that fargeƀana land gumono gihuilicon
M909	seggiun at iro selðun tho quamun ina sokean tharod
C 909	seggean an iro selđon thuo quamun ina suokean tharod
M910	fon hierusalem iudeo liudio
C 910	fan hierusalem iuđeo liudi
M911	bodon fon theru burgi endi fragodun ef he uuari that barn godes
C 911	bodon fan thero burgi endi fragodun ef hie uuari that barn godes
M912	that her lango giu quaðun sie liudi sagdun
C 912	that hier lango iu quathun sea liudi sagdun
M913	uueros uuarlico that he scoldi an thesa uuerold cuman
C 913	uueros uuarlico that hie scoldi an thesa uuerold cuman
M914	iohannes tho gimahalde endi tegegnes sprac
C 914	iohannes thuo gimalda endi tigegnes sprak
M915	them bodun baldlico ni bium ic quað he that barn godes
C 915	thiem bodon baldlico ni biun ik that barn godes
M916	uuar uualdand krist ac ic scal im thana uueg rumien
C 916	uuar uualdand crist ac ik scal im thena uueg rumean
M917	herron minumu thea heliðos frugnun
C 917	herron minon tha helithos frugnun
M918	thea thar an them arundie erlos uuarun
C 918	thia thar an them arundi erlos uuarun
M919	bodon fon thero burgi ef thu nu ni bist that barn godes
C 919	bodon fan thero burgi ef thu nu ni bist that barn godes
M920	bist thu than thoh elias the her an erdagun
C 920	bist thu than thoh elias thie her an erdagon
M921	uuas undar thesumu uuerode he is uuiscumo
C 921	uuas under theson uueroda hie is uuisscumo
M922	eft an thesan middilgard saga us huuat thu manno sis
C 922	eft an thesan middilgard sagi us huat thu manno sis
M923	bist thu enig thero the her er uuari
C 923	bist thu enig thero thi hier er uuari
M924	uuisaro uuarsaguno huuat sculun uui them uuerode fon thi
C 924	uuissaro uuarsagono huat sculun uui them uueroda fan thi
M925	seggean te soðon neo her er sulic ni uuarð
C 925	seggean ti suothan nio hier er sulic ni uuarth
M926	an thesun middilgard man oðar cuman
C 926	an thesan middilgard man ođar cuman
M927	dadiun so mari bihuui thu her dopisli
C 927	dadeon so mari behui thu hier dopisli frumis
M928	fremis undar thesumu folke ef thu tharo forasagono
C 928	under theson folke ef thu thero furisagono
M929	enhuuilic ni bist tho habde eft garo
C 929	enhuilik ni bist thuo haƀda eft garo
M930	iohannes the godo glau anduuordi
C 930	iohannes the godo glau anduurdi
M931	ic bium forabodo fraon mines
C 931	ik biun forabodo frahon mines
M932	lioƀes herron ic scal thit land recon
C 932	lioƀes herron ik scal thit land recon
M933	thit uuerod aftar is uuillion ic hebbiu fon is uuorde mid mi
C 933	thit uuord after is uuilleon ik habbiu fan is uuorde mid mi
M934	stranga stemna thoh sie her ni uuillie forstandan filo
C 934	stranga stemna thoh sea hier ni uuelle forstandan filo
M935	uuerodes an thesaro uuostunni ni bium ic mid uuihti gilic
C 935	uuerodes an thesaro uuostinnia nu biun ik mid uuihtig gilik
M936	drohtine minumu he is mid is dadiun so strang
C 936	drohtine minon hie is mid is dadeon so strang
M937	so mari endi so mahtig that uuirðid managun cuð
C 937	so mari endi so mahtig that uuirđit manogan cuth
M938	uuerun aftar thesaro uueroldi that ic thes uuirðig ni bium
C 938	uueron after thesaro uueroldi that ik thes uuirthig ni biun
M939	that ic moti an is giscuoha thoh ic si is scalc egan
C 939	that ik muotig an is giscuohe thoh ik si is scalc egan
M940	an so rikiumu drohtine thea reomon antbindan
C 940	an so rikeon drohtine thia riemon anbindan
M941	so mikilu is he betara than ic nis thes bodon gimaco
C 941	so mikilu is hie betera than ik nis thes bodo gimaco
M942	enig oƀar erðu ne nu aftar ni scal
C 942	enig oƀar erthu ni nu after ni scal
M943	uuerðan an thesaro uueroldi hebbiad euuan uuillion tharod
C 943	uuerthan an thesaro uueroldi hebbeat iuuan uuilleon tharod
M944	liudi euuan giloƀon than eu lango scal
C 944	liudi iuuan giloƀon thann scal iu lango uuesan
M945	uuesan euua hugi hromag than gi helligithuuing
C 945	iuua hugi hruomig that gi hellea githuing
M946	forlatad leðaro drom endi sokead eu lioht godes
C 946	farlatat lethero drom suokeat iu leoht godes
M947	upodes hem euuig riki
C 947	uppodas hem euuig riki
M948	hohan heƀenuuang ne latad euuan hugi tuuiflien
C 948	hohan heƀanuuang ni latat iuuan hugi tuiflean
M949	so sprac tho iung gumo bi godes lerun
C 949	so sprak thuo iung gumo bi godes lerun
M950	mannun te marðu manag samnoda
C 950	mannon ti marđu manag samnoda
M951	thar te bethania barn israheles
C 951	thar ti bethania barn israheles
M952	quamun thar te iohannese cuningo gisiðos
C 952	quamun thar ti iohannese cuningo gisithos
M953	liudi te lerun endi iro giloƀon antfengun
C 953	liudi ti lerun endi iro giloƀon antfiengun
M954	he dopte sie dago gihuuilikes endi im iro dadi log
C 954	hie dopida sia dago gihuilikes endi im iro dadi luog
M955	uureðaro uuillion endi loƀode im uuord godes
C 955	uurethero uuilleon endi loƀoda im uuord godes
M956	herron sines heƀenriki uuirðid quað he
C 956	herren sines heƀanriki uuirđit
M957	garu gumono so huuem so ti gode thenkid
C 957	garo gumono so huem so ti gode thenkit
M958	endi an thana heleand uuili hluttro giloƀean
C 958	endi an thena heland uuili hluttro giloƀean
M959	lestean is lera tho ni uuas lang te thiu
C 959	lestean is lera thuo ni uuas lang ti thiu
M960	that im fon galilea giuuet godes egan barn
C 960	that him fan galilea giuuet godes egan barn
M961	diurlic drohtines sunu dopi suokean
C 961	diurlic drohtines sunu dopi suokean
M962	uuas im thuo an is uuastme uualdandes barn
C 962	uuas im thuo an is uuastme uualdandes barn
M963	al so he mid thero thiodu thritig habdi
C 963	all so hie mid thero thiedo thritig haƀdi
M964	uuintro an is uueroldi tho he an is uuilleon quam
C 964	uuintro an is uueroldi thuo hie an is uuilleon quam
M965	thar iohannes an iordana strome
C 965	thar iohannes an iordana strome
M966	allan langan dag liudi manage
C 966	allan langan dag liudi managa
M967	dopte diurlico reht so he tho is drohtin gisah
C 967	dopta diurlico reht so hie thuo is drohtin gisah
M968	holden herron so uuarð im is hugi bliði
C 968	holdan herron so uuarth im is hugi bliđi
M969	thes im the uuilleo gistod endi sprac im tho mid is uuordun to
C 969	thes im thie uuillo gistuod endi sprak im thuo mid is uuordon to
M970	suuiðo god gumo iohannes te kriste
C 970	suithuo guod gumo iohannes te criste
M971	nu cumis thu te minero dopi drohtin fro min
C 971	nu cumis thu te minero dopi drohtin fro min
M972	thiodgumono bezto so scolde ic te thinero duan
C 972	thiedgumo best so scolda ik te thinero duan
M973	huuand thu bist allaro cuningo craftigost krist selƀo gibod
C 973	huand thu bist allero cuningo craftigost crist selƀo gibod
M974	uualdand uuarlico that he ni spraki thero uuordo than mer
C 974	uualdand uuarlico that hie ni spraki thero uuordo than mer
M975	uuest thu that us so girisid quað he allaro rehto gihuuilik
C 975	uuest thu that us so girisit allaro rehto gihuilik
M976	te gifulleanne forðuuardes nu
C 976	ti gifullanne foruuerdes nu
M977	an godes uuilleon iohannes stod
C 977	an godes uuillon iohannes stuod
M978	dopte allan dag druhtfolc mikil
C 978	dopta allan dag druhtfolc mikil
M979	uuerod an uuatere endi ok uualdand krist
C 979	uuerod an uuatere endi oc uualdan crist
M980	heran heƀencuning handun sinun
C 980	herren heƀancuning handon sinon
M981	an allaro baðo them bezton endi im thar te bedu gihneg
C 981	an allero batho them beston endi im thar te bedu gihneg
M982	an cneo craftag krist up giuuet
C 982	an kneo craftig crist up giuuet
M983	fagar fon them flode friðubarn godes
C 983	fagar fan them flode friđubarn godes
M984	liof liudio uuard so he tho that land afstop
C 984	liof liudeo uuard so hie thuo that land ofstuop
M985	so anthlidun tho himiles doru endi quam the helago gest
C 985	so anthlidun thuo himiles duru endi quam the helago gest
M986	fon them alouualdon oƀane te kriste
C 986	fan them aluualdan oƀona te criste
M987	uuas im an gilicnissie lungras fugles
C 987	uuas im an gilicnesse lungras fugles
M988	diurlicara duƀun endi sat im uppan uses drohtines ahslu
C 988	diurlicaro dufun endi sat im uppan usses drohtines ahsla
M989	uuonoda im oƀar them uualdandes barne aftar quam thar uuord fon himile
C 989	uuonoda im oƀar them uualdandes barne after quam thar uuord fan himile
M990	hlud fon them hohon radura en grotta thane heleand selƀon
C 990	hlud fan them hohon radore endi gruotta thena heland selƀon
M991	crista allaro cuningo bezton quað that he ina gicorana habdi
C 991	crist allaro cuningo beston quat that hie ina gicoranan haƀdi
M992	selƀo fon sinun rikea quað that im the sunu licodi
C 992	selƀo fan sinon rikea quat that im thie suno licode
M993	bezt allaro giboranaro manno quað that he im uuari allaro barno lioƀost
C 993	best allero giboranero manno quat that hie im uuari allero barno leoƀost
M994	that moste iohannes tho al so it god uuelde
C 994	that muosta iohannes thuo all so it guod uuelda
M995	gisehan endi gihorean he gideda it san aftar thiu
C 995	gisehan endi gihorean hie gideda it san after thiu
M996	mannun mari that sie thar mahtigna
C 996	mannon mari that sia thar mahtina
M997	herron habdun thit is quað he heƀencuninges sunu
C 997	herron haƀdun that is heƀancuninges suno
M998	en alouualdand thesas uuilleo ic urcundeo
C 998	en alouualdan theses uuilleo ik urkundeo
M999	uuesan an thesaro uueroldi huuand it sagda mi uuord godes
C 999	uuesan an thesaro uueroldi huand it sagda mi uuord godes
M1000	drohtines stemne tho he mi dopean het
C 1000	drohtines stemna thuo hie mi dopean hiet
M1001	uueros an uuatare so huuar so ic gisahi uuarlico
C 1001	uueros an uuatere so huar so ik gisauui uuarlico
M1002	thana helagon gest fan heƀanuuange
C 1002	thena helagon gest fan heƀanuuange
M1003	an thesan middilgard enigan man uuaron
C 1003	an thesan middilgard enigan man uuaron
M1004	cuman mid craftu that quað that scoldi crist uuesan
C 1004	cuman mid craftu that quat scoldi crist uuesan
M1005	diurlic drohtines suno hie dopean scal
C 1005	diurlic drohtines suno hie dopean scal
M1006	an thana helagan gest endi helean managa
C 1006	an thana helagan gest endi helean managa
M1007	manno mendadi he haƀad maht fon gode
C 1007	manno mendadi hie haƀit tha maht fan gode
M1008	that he alatan mag liudeo gihuuilicun
C 1008	that hie alatan mah liudeo gihuilicon
M1009	saca endi sundea thit is selƀo krist
C 1009	saca endi sundea thit selƀo crist
M1010	godes egan barn gumono bezto
C 1010	godes egan barn gumuno besta
M1011	friðu uuið fiundun uuala that eu thes mag frahmod hugi
C 1011	friđu uuiđ fiondon uuela that iu thes mag frahmuod hugi
M1012	uuesan an thesaro uueroldi thes eu the uuilleo gistod
C 1012	uuesan an thesaro uueroldi thes iu thie uuillo gestuod
M1013	that gi so libbeanda thana landes uuard
C 1013	that gi so libbeandi thena landes uuard
M1014	selƀon gisahun nu mot sliumo sundeono los
C 1014	selƀon gisahun nu muot sniumo sundeono los
M1015	manag gest faran an godes uuilleon
C 1015	manag gest faran an godes uuilleon
M1016	tionon atomid the mid treuuon uuili
C 1016	tionon atomid the mid treuuon uuili
M1017	uuið is uuini uuirkean endi an uualdand krist
C 1017	uuid is uuini uuirkean endi an uualdan crist
M1018	fasto giloƀean that scal te frumun uuerðen
C 1018	fasto giloƀean that scal te frumi uuerthan
M1019	gumono so huuilicun so that gerno dot
C 1019	gumono so huilicon so that gerno duot
M1020	so gefragn ic that iohannes tho gumono gihuuilicun
C 1020	so gifragn ik that iohannes thuo gumono gihuilicon
M1021	loƀoda them liudiun lera kristes
C 1021	loƀoda them liudeon lera cristes
M1022	herron sines endi heƀenriki
C 1022	herren sines endi heƀanriki
M1023	te giuuinnanne uuelono thane meston
C 1023	te giuuinnanne uuelono than meston
M1024	salig sinlif tho he im selƀo giuuet
C 1024	salig sinlif thuo hie im selƀo giuuet
M1025	aftar them dopislea drohtin the godo
C 1025	after them dopislea drohtin thie guodo
M1026	an ena uuostunnea uualdandes sunu
C 1026	an ena uuostinnea uualdandes suno
M1027	uuas im thar an thero enodi erlo drohtin
C 1027	uuas im thar an thero enodi erlo drohtin
M1028	lange huuila ne habda liudeo than mer
C 1028	langa huila ni habda liudeo than mer
M1029	seggeo te gisiðun al so he im selƀo gicos
C 1029	seggeo te gisithon all so hie im selƀo gicos
M1030	uuelda is thar latan coston craftiga uuihti
C 1030	uuolda is thar latan coston craftiga uuihti
M1031	selƀon satanasan the gio an sundea spenit
C 1031	selƀon satanase thie io an sundea spanit
M1032	man an menuuerk he consta is modseƀon
C 1032	man an menuuerk he consta is muodseƀon
M1033	uureðan uuilleon huuo he thesa uuerold erist
C 1033	uurethan uuilleon huo hie thesa uuerold erist
M1034	an them anginnea irminthioda
C 1034	an them anginne irmintheoda
M1035	bisuec mit sundiun tho he thiu sinhiun tuue
C 1035	bisuek midi sundeon thuo hie thiu sinhiun tue
M1036	adaman endi euan thurh untreuua
C 1036	adam endi euam thuru untreuua
M1037	forledda mid luginun that liudo barn
C 1037	forledda mid is luginon that liudeo barn
M1038	aftar iro hinferdi hellea sohtun
C 1038	aftar iro hinferdi hellea suohtun
M1039	gumono gestos tho uuelda that god mahtig
C 1039	gumono gestas thuo uuelda that god mahtig
M1040	uualdand uuendean endi uuelda thesum uuerode forgeƀen
C 1040	uualdand uuendean endi uuolda theson uueroda forgeƀan
M1041	hoh himilriki bethiu he herod helagna bodon
C 1041	ho himilriki bithiu hie herod helagna bodon
M1042	is sunu senda that uuas satanase
C 1042	is suno sanda that uuas satanase
M1043	tulgo harm an is hugi afonsta heƀanrikies
C 1043	tulgo harm an is hugie aƀonsta heƀanrikeas
M1044	manno cunnie uuelda tho mahtigna
C 1044	manno cunnea uuelda thuo mahtigna
M1045	mid them selƀon sacun sunu drohtines
C 1045	mid them selƀon sacon suno drohtines
M1046	them he adaman an erdagun
C 1046	them the hie adame an erdagon
M1047	darnungo bidrog that he uuarð is drohtine leð
C 1047	darnungo bidroh that hie uuarth is drohtine leth
M1048	bisuuec ina mid sundiun so uuelda he tho selƀan don
C 1048	bisuek ina mid sundeon so uuelda hie thuo selƀan duon
M1049	helandean krist than habda he is hugi fasto
C 1049	suno drohtines helandan crist than haƀda hie is hugi fasto
M1050	uuið thana uuamscaðon uualdandes barn
C 1050	uuiđ thena uuamscathon uualdandes barn
M1051	herte so giherdid uuelda heƀenriki
C 1051	herta so giherdid uuelda heƀanriki
M1052	liudiun gilestean uuas im thes landes uuard
C 1052	liudeon gilestean uuas im thie landes uuard
M1053	an fastunnea fiortig nahto
C 1053	an fastunnea fiortig nahto
M1054	manno drohtin so he thar mates ni antbet
C 1054	manno drohtin so hie thar muoses ni anbet
M1055	than langa ni gidorstun im dernea uuihti
C 1055	than lang ni gidorstun im dernea uuihtig
M1056	niðhugdig fiund nahor gangan
C 1056	niđhugdig fiond nahor gangan
M1057	grotean ina geginuuarðan uuande that he god enfald
C 1057	gruotean ina geginuuardan uuanda that hie god enfald
M1058	forutar mancunnies uuiht mahtig uuari
C 1058	farutar mancunnies uuiht magtig uuari
M1059	heleg himiles uuard so he ina tho gehungrean let
C 1059	helag himiles uuard so hie ina thuo gihungran liet
M1060	that ina bigan bi thero mennisko moses lustean
C 1060	that ina bigann bi thero menniski muoses lustean
M1061	aftar them fiuuartig dagun the fiund nahor geng
C 1061	after them fiuuartig dagon thie fiond nahor gieng
M1062	mirki menscaðo uuanda that he man enfald
C 1062	mirki menscatho uuanda that hie man enuuald
M1063	uuari uuissungo sprac im tho mid is uuordun to
C 1063	uuari uuissungo sprak im thuo mid is uuordon tuo
M1064	grotta ina the gerfiund ef thu sis godes sunu quað he
C 1064	gruotta ina thie gerfiund ef thu sis guodes suno
M1065	behuui ni hetis thu than uuerðan ef thu giuuald haƀes
C 1065	bihui ni hetis thu thann uuerthan ef thu giuuald haƀis
M1066	allaro barno bezt brod af thesun stenun
C 1066	allaro barno best brod of theson stenon
M1067	geheli thinna hungar tho sprac eft the helago crist
C 1067	giheli thinan hungar thuo sprak im eft the helago crist
M1068	ni mugun eldibarn quað he enfaldes brodes
C 1068	ni mugun eldiu barn enuualdes brodes
M1069	liudi libbien ac sie sculun thurh lera godes
C 1069	liudi libbean ac sea sculun thuru lera guodes
M1070	uuesan an thesero uueroldi endi sculun thiu uuerc frummien
C 1070	uuesan an thesaro uueroldi endi sculun thiu uuerc frummean
M1071	thea thar uuerðad ahludid fon thero helogun tungun
C 1071	thiu thar uuerthat ahludit fan thero helagun tungun
M1072	fon them galme godes that is gumono lif
C 1072	fan them galme guodes that is gumono lif
M1073	liudeo so huilicon so that lestean uuili
C 1073	liudeo so huilicon so that lestean uuili
M1074	that fon uualdandes uuorde gebiudid
C 1074	that fan uualdandes uuorde gibiudit
M1075	tho bigan eft niuson endi nahor geng
C 1075	thuo bigan eft niuson endi nahor gieng
M1076	unhiuri fiund oðru siðu
C 1076	unhiuri fiond othar sithu
M1077	fandoda is frohan that friðubarn tholode
C 1077	fandoda is frahon that frithubarn tholoda
M1078	uureðes uuilleon endi im giuuald forgaf
C 1078	uurethes uuilleon endi im thia giuuald fargaf
M1079	that he umbi is craft mikil coston mosti
C 1079	that hie umbi is craft mikil coston muosta
M1080	let ina tho ledean thana liudscaðon
C 1080	liet ina thuo ledean thana liudscathon
M1081	that he ina an hierusalem te them godes uuiha
C 1081	that hie ina an hierusalem te them godes uuihe
M1082	alles oƀanuuardan up gisetta
C 1082	alles oƀanuuardan uppan gisetta
M1083	an allaro huso hohost endi hoscuuordun sprac
C 1083	an allaro huso hohost endi hoscuuordon sprac
M1084	the gramo thurh gelp mikil ef thu sis godes sunu quað he
C 1084	thie gramo thuru gilp mikil ef thu sis guodes suno
M1085	scrid thi te erðu hinan gescriƀan uuas it giu lango
C 1085	scriđ thi te erthu hinan giscriƀan uuas it iu lango
M1086	an bocun geuuriten huuo giboden haƀad
C 1086	an buokon giuuritan huo gibodon haƀit
M1087	is engilun alomahtig fader
C 1087	is engilon alamahtig fader
M1088	that sie thi at uuege gehuuem uuardos sinðun
C 1088	that sia thi at uuigo gihuem uuardos sindun
M1089	haldad thi undar iro handun huuat thu huuargin ni tharft
C 1089	haldat thi under iro handon huat thu huergin ni tharft
M1090	mid thinun fotun an felis bespurnan
C 1090	mid thinon foton an felis bispurnan
M1091	an hardan sten tho sprac eft the helago crist
C 1091	an herdan sten thuo sprak eft the helago crist
M1092	allaro barno bezt so is oc an bocun gescriƀan quað he
C 1092	allaro barno best so is oc an buokun giscriƀan
M1093	that thu te hardo ni scalt herran thines
C 1093	that thu ti hardo ni scalt herren thines
M1094	fandon thines frohan that nis thi allaro frumono negen
C 1094	fandon thines frahon that nis thi allaro frumono nigen
M1095	let ina tho an thana thriddean sið thana thiodscaðon
C 1095	liet ina thuo an thena thriddeon sith thena thietscathon
M1096	gibrengen uppan enan berg then hohon thar ina the balouuiso
C 1096	gibrengean uppan enon berage them hohon thar ina thie baluuuiso liet
M1097	let al oƀarsehan irminthiode
C 1097	al oƀarsehan irmintheoda
M1098	uuonodsaman uuelon endi uueroldriki
C 1098	uunodsamna uuelon endi uueroldriki
M1099	endi all sulic odes so thius erða bihaƀad
C 1099	endi all sulic odas so thius ertha birid
M1100	fagororo frumono endi sprac im tho the fiund angegin
C 1100	fagararo frumuno endi sprac im thuo thie fiond angegin
M1101	quað that he im that al so godlic forgeƀen uueldi
C 1101	quat that hie im that all so guodlic fargeƀan uueldi
M1102	hoha heridomos ef thu uuilt hnigan te mi
C 1102	hoha heriduomos ef thu uuili hnigan te mi
M1103	fallan te minun fotun endi mi for frohan haƀas
C 1103	fallan te minon fuoton endi mi for frahon haƀis
M1104	bedos te minun barma than latu ic thi brucan uuel
C 1104	bedos te minon barme than lato ik thi brukan uuell
M1105	alles thes oduuelon thes ic thi hebbiu giogit hir
C 1105	allas thieses oduuelon thes ik thi hebbiu giogid hier
M1106	tho ni uuelda thes leðan uuord lengeron huuile
C 1106	thuo ni uuelda thes lethon uuord langron huila
M1107	horean the helago crist ac he ina fon is huldi fordref
C 1107	horean thie helago crist ac hie ina fon is huldi fordref
M1108	satanasan forsuuep endi san aftar sprac
C 1108	satanase forsuep endi san aftar sprak
M1109	allaro barno bezt quað that man bedon scoldi
C 1109	allaro barno best quat that man bedon scoldi
M1110	up te them alomahtigon gode endi im enum thionon
C 1110	up te them alomahtigon gode endi im enen thionon
M1111	suuiðo thiolico thegnos managa
C 1111	suitho thiolico thegnos managa
M1112	heliðos aftar is huldi thar ist thiu helpa gelang
C 1112	helithos aftar is huldi thar is thiu helpa gilang
M1113	manno gehuuilicun tho giuuet im the menscaðo
C 1113	manno gihuilicon thuo giuuet im thie mennscathuo
M1114	suuiðo seragmod satanas thanan
C 1114	suitho saragmuod satanas thanan
M1115	fiund undar ferndalu uuarð thar folc mikil
C 1115	fiund undar farndalu uuarth thar folc mikil
M1116	fon them alouualdan oƀana te criste
C 1116	fan them alouualden oƀana te criste
M1117	godes engilo cumen thie im siðor iungardom
C 1117	godes engilo cuman thia im sithor iungarduom scoldun
M1118	scoldun ambahtscepi aftar lestien
C 1118	ambahtscepi after lestean
M1119	thionon thiolico so scal man thiodgode
C 1119	thionon thiolico so scal man thiodgode
M1120	herron aftar huldi heƀancuninge
C 1120	herren after is huldi heƀancuninge
M1121	uuas im an them sinuueldi salig barn godes
C 1121	uuas im an them sinuueldie salig barn guodes
M1122	lange huile untthat im tho lioƀora uuarð
C 1122	langa huile antthat im thuo lioƀera uuarth
M1123	that he is craft mikil cuðien uuolda
C 1123	that hie is craft mikil cuthian uuelda
M1124	uueroda te uuillion tho forlet he uualdes hleo
C 1124	uueroda te uuilleon thuo forliet hie uualdes hlea
M1125	enodies ard endi sohte im eft erlo gemang
C 1125	enodeas ard endi suohta im eft erlo gimang
M1126	mari meginthiode endi manno drom
C 1126	mari megintheoda endi manno drom
M1127	geng im tho bi iordanes staðe thar ina iohannes antfand
C 1127	gieng im thuo bi iordana stađe thar ina iohannes antfand
M1128	that friðubarn godes frohan sinan
C 1128	that friđubarn godes frahon sinan
M1129	helagana heƀencuning endi them heliðun sagda
C 1129	heƀancuning endi them helithon sagda
M1130	iohannes is iungurun tho he ina gangan gesah
C 1130	iohannes is iuugron tho hie ina gangan gisah
M1131	thit is that lamb godes that thar losean scal
C 1131	thit is that lamb godes that thar losean scal
M1132	af thesaro uuidon uuerold uureða sundea
C 1132	af thesaro uuidun uuerold uuretha sundea
M1133	mancunneas men mari drohtin
C 1133	mancunnies men mari drohtin
M1134	cuningo craftigost krist im forð giuuet
C 1134	cuningo craftigost crist im forth giuuet
M1135	an galileo land godes egan barn
C 1135	an galileo land godes egan barn
M1136	for im te them friundun thar he afodit uuas
C 1136	fuor im te them friundun thar hie afuodid uuas
M1137	tirlico atogan endi talda mid uuordun
C 1137	tirlico atogan endi talda mid uuordon
M1138	krist undar is cunnie cuningo rikeost
C 1138	crist undar is cunnea cuningo rikost
M1139	huuo sie scoldin iro selƀoro sundea botean
C 1139	huo sea scoldin iro selƀoro sundea buotean
M1140	het that sie im iro harmuuerc manag hreuuan letin
C 1140	hiet that sea im iro harmuuerk manag hreuuan lietin
M1141	feldin iro firindadi nu is it all gefullot so
C 1141	feldin iro firindadi nu is it all gifullid so
M1142	so hir alde man er huuanna spracun
C 1142	so hir alda man er huanne sprakun
M1143	gehetun eu te helpu heƀenriki
C 1143	gihietun iu te helpu heƀanriki
M1144	nu is it giu ginahid thurh thes neriandan craft thes motun gi neotan forð
C 1144	nu is it iu ginahid thuru thes neriendien craft thes muotun gi nietan forth
M1145	so huue so gerno uuili gode theonogean
C 1145	so huie so gerno uuili gode thionoian
M1146	uuirkean aftar is uuilleon tho uuarð thes uuerodes filu
C 1146	uuirkean after is uuilleon thuo uuarth thes uuerodas so filo
M1147	thero liudeo an lustun uurðun im thea lera cristes
C 1147	thero liudo an luston uurthun im thia lera cristes
M1148	so suotea them gisiðea he bigan im samnon tho
C 1148	so suotea them gisithie hie bigan im samnon thuo
M1149	gumono te iungoron godoro manno
C 1149	gumon te iugron guodara manno
M1150	uuordspaha uueros geng im tho bi enes uuatares staðe
C 1150	uuordspaha uueros gieng im thuo bi enes uuateres stađe
M1151	that thar habda iordan aneƀan galileo land
C 1151	thar thie haƀda iordan an eƀan galileo land
M1152	enna se geuuarhtan thar he sittean fand
C 1152	enna seo giuuarahtan thar hie sittean fand
M1153	andreas endi petrus bi them ahastrome
C 1153	andrease endi petruse bi them ahastrome
M1154	beðea thea gebroðar thar sie an bred uuatar
C 1154	bethia thia gibruođer thar sia an bred uuatar
M1155	suuiðo niudlico netti thenidun
C 1155	suithuo niudlico netti thenidun
M1156	fiscodun im an them flode thar sie that friðubarn godes
C 1156	fiscodun im an them fluode thar sea that frithubarn godes
M1157	bi thes sees staðe selƀo grotta
C 1157	bi thes seuues stađe selƀo gigruotta
M1158	het that sie im folgodin quað that he im so filu uuoldi
C 1158	hiet that sea im folgodin quat that hie im so filo uueldi
M1159	godes rikeas forgeƀen al so git hir an iordanes strome
C 1159	godes rikeas fargeƀan al so git her an iordanastrome
M1160	fiscos fahat so sculun git noh firiho barn
C 1160	fiscos gifahađ so sculon git noh firio barn
M1161	halon te incun handun that sie an heƀenriki
C 1161	halon te incon handon that sea an heƀanriki
M1162	thurh inca lera liðan motin
C 1162	thuru inca lera lithan muotin
M1163	faran folc manag tho uuarð fromod hugi
C 1163	faran folc manag thuo uuart fraomuod hugi
M1164	beðiun them gibroðrun antkendun that barn godes
C 1164	bithion them gibruotron antkendun that barn godes
M1165	lioƀan herron forletun al saman
C 1165	lioƀan herron farlietan all samod
M1166	andreas endi petrus so huuat so sie bi theru ahu habdun
C 1166	andreas endi petrus so huat so sea bi thero aho haƀdun
M1167	geuunstes bi them uuatare uuas im uuilleo mikil
C 1167	giuunnanes bi them uuatare uuas im uuillo mikil
M1168	that sie mid them godes barne gangan mostin
C 1168	that sea mid them godes barna gangan muostin
M1169	samad an is gisiðea scoldun saliglico
C 1169	samad an is gisithie scoldun saliglico
M1170	lon antfahan so dot liudeo so huuilic
C 1170	lon antfahan so duot liudeo so huilic
M1171	so thes herran uuili huldi githionon
C 1171	so thes herren uuili huldi githienon
M1172	geuuirkean is uuilleon tho sie bi thes uuatares staðe
C 1172	giuuerkean is uillon thuo sia bi thes uuateres stađe
M1173	furðor quamun tho fundun sie thar enna frodan man
C 1173	furthor quamun thuo fundon sia thar enna fruodan man
M1174	sittean bi them seuua endi is suni tuuene
C 1174	sittean bi them seuue endi is suni tuena
M1175	iacobus endi iohannes uuarun im iunga man
C 1175	iacobe endi iohannese uuarun im iunga man
M1176	satun im tha gesunfader an enumu sande uppen
C 1176	satun im thia gisunfader an enon sande uppan
M1177	brugdun endi bottun beðium handun
C 1177	brugdun endi buottun bithion handon
M1178	thiu netti niudlico thea sie habdun nahtes er
C 1178	thiu netti niudlico thiu sia haƀdun nahtes er
M1179	forsliten an them seuua thar sprac im selƀo to
C 1179	forslitan an them seuue thar sprak im selƀo tuo
M1180	salig barn godes het that sie an thana sið mid im
C 1180	salig barn godes hiet that sia an thena sith mid im
M1181	iacobus endi iohannes gengin beðie
C 1181	iacob endi iohannes giengin bethia
M1182	kindiunge man tho uuarun im kristes uuord
C 1182	kindiunga man thuo uuarun im cristas uuord
M1183	so uuirðig an thesaro uueroldi that sie bi thes uuatares staðe
C 1183	so giuuirđiga an thesaro uueroldi that sia bi thes uuatares stađe
M1184	iro aldan fader enna forletun
C 1184	iro aldan fader enna farlietan
M1185	frodan bi them flode endi al that sie thar fehas ehtun
C 1185	frodan bi them fluode endi all that sea thar fehes ehtun
M1186	nettiu endi neglitskipu gecurun im thana neriandan krist
C 1186	netti endi neglidscipu gicurun im thena neriendan crist
M1187	helagna te herron uuas im is helpono tharf
C 1187	helagna te herren uuas im is huldi helpono tharf
M1188	te githiononne so is allaro thegno gehuuem
C 1188	te githiononne so is allaro thegno gihuem
M1189	uuero an thesero uueroldi tho giuuet im the uualdandes sunu
C 1189	uuero an thesaro uueroldi thuo giuuet im thie uualdandes suno
M1190	mid them fiuuariun forð endi im tho thana fifton gicos
C 1190	mid thiem fiuuarun forth endi im thuo thena fiftan gicos
M1191	krist an enero copstedi cuninges iungoron
C 1191	crist an enaro copstedi cuninges iungron
M1192	modspahana man mattheus uuas he hetan
C 1192	muodspahna man matheus uuas hie hetan
M1193	uuas im ambahteo eðilero manno
C 1193	uuas im ambahteo eđilero manno
M1194	scolda thar te is herron handun antfahan
C 1194	scolda thar te is herren handan antfahan
M1195	tins endi tolna treuua habda he goda
C 1195	tins endi tolna treuua habda hie guoda
M1196	aðalandbari forlet al saman
C 1196	adalantbari forliet all samod
M1197	gold endi siluƀar endi geƀa managa
C 1197	gold endi silufar endi giba managa
M1198	diurie meðmos endi uuarð im uses drohtines man
C 1198	diurea medmos endi uuart im uses drohtines man
M1199	cos im the cuninges thegn crist te herran
C 1199	cos im thie cuninges man crist te herren
M1200	milderan meðomgeƀon than er is mandrohtin
C 1200	melderon methomgiƀon than er is mandrohtin
M1201	uuari an thesero uueroldi feng im uuoðera thing
C 1201	uuari an thesaro uueroldi fieng im uuothera thing
M1202	langsamoron rad tho uuarð it allun them liudiun cuð
C 1202	langsamoran rad thuo uuarth it allon them liudeon cut
M1203	fon allaro burgo gihuuem huuo that barn godes
C 1203	fan allaro burgio gihuem huo that barn godes
M1204	samnode gesiðos endi selƀo gesprac
C 1204	samnoda gisithos endi selbo gisprak
M1205	so manag uuislic uuord endi uuares so filu
C 1205	so manah uuislic uuord endi uuares so filo
M1206	torhtes gitogde endi tecan manag
C 1206	torohtas gitogda endi tecan manag
M1207	geuuarhte an thesero uueroldi uuas that an is uuordun scin
C 1207	giuuarahta an thesaro uueroldi uuas that an is uuordon scin
M1208	iac an is dadiun so same that he drohtin uuas
C 1208	iac an is dadeon so samo that hie drohtin uuas
M1209	himilisc herro endi te helpu quam
C 1209	himilisk herro endi te helpu quam
M1210	an thesan middilgard manno barnun
C 1210	an thesan middilgard manno barnon
M1211	liudiun te thesun liohta oft gededa he that an them lande scin
C 1211	liudeon te theson liohte oft gideda hie that an them lande scin
M1212	than he thar torhtlico so manag tecan giuuarhte
C 1212	than he thar torohlic so manag tekean giuuarahta
M1213	thar he helde mid is handun halte endi blinde
C 1213	thar hie helda mid is handon halta endi blindan
M1214	losde af theru lefhedi liudi manage
C 1214	losda af thero lefhedi liudi managa
M1215	af sulicun suhtiun so than allaro suaroston
C 1215	af sulicon suhteon so than allaro suarostun
M1216	an firiho barn fiund biuurpun
C 1216	an firio barn fiund biuurpunn
M1217	tulgo langsam legar tho forun thar thie liudi to
C 1217	tulgo lansam legar thuo fuorun thar thia liudi tuo
M1218	allaro dago gehuuilikes thar usa drohtin uuas
C 1218	allaro dago gihuilikes thar usa drohtin uuas
M1219	selƀo undar them gisiðie untthat thar gesamnod uuarð
C 1219	selƀo under them gisithie antat thar gisamnod uuarth
M1220	meginfolc mikil managero thiodo
C 1220	meginfolc mikil managero theodo
M1221	thoh sie thar alle be gelicumu geloƀon ni quamin
C 1221	thoh sia thar alla gilico geluƀa ni quamin
M1222	uueros thurh enan uuilleon sume sohtun sie that uualdandes barn
C 1222	uueros thuru enan uilleon suma suohtun sia that uualdandes barn
M1223	armoro manno filu uuas im ates tharf
C 1223	armero manno filo uuas im thar ates tharf
M1224	that sie im thar at theru menigi mates endi drankes
C 1224	that sia im thar an thero menigi metes endi drankes
M1225	thigidin at theru thiodu huuand thar uuas manag thegan so god
C 1225	thigidin an thero theodo huand thar uuas manag thegan so guod
M1226	thie ira alamosnie armun mannun
C 1226	thia ira alamuosna armon mannon
M1227	gerno gaƀun sume uuarun sie im eft iudeono cunnies
C 1227	gerno geƀun suma uuarun sia im eft iuđeono cunneas
M1228	fegni folcskepi uuarun thar gefarana te thiu
C 1228	fekni folcscepi uuarun im thar gifarana te thiu
M1229	that sie uses drohtines dadio endi uuordo
C 1229	that sia uses drohtines dadeo endi uuordo
M1230	faron uuoldun habdun im fegnien hugi
C 1230	faran uuoldun haƀdun im feknean hugi
M1231	uureðen uuillion uuoldun uualdand crist
C 1231	uurethan uuilleon uuoldun uualdan crist
M1232	aledien them liudiun that sie is leron ni hordin
C 1232	alethian them liudiun that sia is lerun ni hordin
M1233	ne uuendin aftar is uuillion suma uuarun sie im eft so uuise man
C 1233	ne uuendin after is uuillien suma uuarun sia im eft so uuisa mann
M1234	uuarun im glauuue gumon endi gode uuerðe
C 1234	uuarun im glauua gumon endi gode uuertha
M1235	alesane undar them liudiun quamun im tharod be them leron cristes
C 1235	alesana under them liudeon quamun im tharod bi thiem leron cristes
M1236	that sie is helag uuord horien mostin
C 1236	that sia is helag uuord horean muostin
M1237	linon endi lestien habdun mid iro geloƀon te im
C 1237	linon endi lestian haƀdun mid iro giloƀon te im
M1238	fasto gefangen habdun im ferhten hugi
C 1238	fasto bifangan habdun im ferahtan hugi
M1239	uuurðun is thegnos te thiu that he sie an thioduuelon
C 1239	uurđun is thegnos te thiu that hie sia an thioduuelon
M1240	aftar iro endagon up gebrahti
C 1240	after iro enndagon upp gibrahtig
M1241	an godes riki he so gerno antfeng
C 1241	an godes rikie hie so gerno antfieng
M1242	mancunnies manag endi mundburd gihet
C 1242	mancunnes manag endi mundburd gihet
M1243	te langaru huilu endi mahta so gilestien uuel
C 1243	te langero huilo endi hie mohta so gilestian uuell
M1244	tho uuarð thar megin so mikil umbi thana marion crist
C 1244	thuo uuarth thar megin so mikil umbi thana marean crist
M1245	liudio gesamnod tho gisah he fon allun landun cuman
C 1245	liudo gisamnod thuo gisah hie fan allon landon cuman
M1246	fon allun uuidun uuegun uuerod tesamne
C 1246	fan allon uuidon uuegon uuerod tesamne
M1247	lungro liudio is lof uuas so uuido
C 1247	lungro liudio is lof uuas so uuido
M1248	managun gemarid tho giuuet im mahtig self
C 1248	managon gimarid thuo giuuet im mahtig self
M1249	an enna berg uppan barno rikiost
C 1249	an enna berg uppan barno rikeost
M1250	sundar gesittien endi im selƀo gecos
C 1250	sundar gisittean endi im selƀo gicos
M1251	tuueliƀi getalda treuuafta man
C 1251	tueliui gitalda treuhafta man
M1252	godoro gumono thea he im te iungoron forð
C 1252	guodaro gumono thia hie im te iugron forth
M1253	allaro dago gehuuilikes drohtin uuelda
C 1253	allaro dago gihuilices drohtin uuolda
M1254	an is gesiðskepea simblon hebbean
C 1254	an is gisidscipie simblon hebbian
M1255	nemnida sie tho bi naman endi het sie im tho nahor gangan
C 1255	nemnida sia thuo bi naman endi hiet sia nahor gangan
M1256	andreas endi petrus erist sana
C 1256	andrease endi petruse erist sane
M1257	gebroðar tuuene endi beðie mid im
C 1257	gibruother tuena endi bethie mid im
M1258	iacobus endi iohannes sie uuarun gode uuerðe
C 1258	iacobe endi iohannese sia uuarun gode lioƀa
M1259	mildi uuas he im an is mode sie uuarun enes mannes suni
C 1259	mildi uuas hie im an is mode sia uuarun enes mannes suni
M1260	beðie bi geburdiun sie cos that barn godes
C 1260	bethia bi giburdeon sia gicos that barn guodes
M1261	gode te iungoron endi gumono filu
C 1261	guoda te iungron endi gumono filo
M1262	mariero manno mattheus endi thomas
C 1262	marero manno matheuse endi thomase
M1263	iudasas tuuena endi iacob oðran
C 1263	iudasos tuena endi iacobe andran
M1264	is selƀes suuiri sie uuarun fon gisustruonion tuuem
C 1264	is selƀes suiri sia uuarun fan gisustruonion tuen
M1265	cnosles cumana krist endi iacob
C 1265	knuosles cumana crist endi iacob
M1266	gode gadulingos tho habda thero gumono thar
C 1266	guoda gadolingas thuo haƀda thero gumono thar
M1267	the neriendo krist niguni getalde
C 1267	thie neriendo crist niguni gitalda
M1268	treuuafte man tho het he oc thana tehandon gangan
C 1268	treuhafta man thuo hiet hie oc thena tehandon gangan
M1269	selƀo mid them gisiðun simon uuas he hetan
C 1269	selƀon mid them gisithon simon uuas hie hetan
M1270	het oc bartholomeus an thana berg uppan
C 1270	hiet oc bartholomeuse an thena berg uppan
M1271	faran fan them folke aðrum endi philippus mid im
C 1271	faran fan them folke ođron endi philippuse mid im
M1272	treuuafte man tho gengun sie tuueliƀi samad
C 1272	treuhafta man thuo gengun sia tuelifi samod
M1273	rincos te theru runu thar the radand sat
C 1273	rincos te thero runu thar thie radand sat
M1274	managoro mundboro the allumu mancunnie
C 1274	managero mundboro thie allon mancunnie
M1275	uuið hellie gethuuing helpan uuelde
C 1275	uuid hella githuing helpan uuelda
M1276	formon uuið them ferne so huuem so frummien uuili
C 1276	formon uuiđ them ferne so huem so frummean uuili
M1277	so lioƀlika lera so he them liudiun thar
C 1277	so leoblica lera so hie them liudun thar
M1278	thurh is giuuit mikil uuisean hogda
C 1278	thuru is giuuit mikil uuesan hogda
M1279	tho umbi thana neriendon krist nahor gengun
C 1279	thuo umbi thena neriendan crist nahor gengun
V 1279	tho umbi thana neriandon crist nahor gengun
M1280	sulike gesiðos so he im selƀo gecos
C 1280	sulica gesithos so hie im selƀo gicos
V 1280	sulica gesiđos so he im selƀo gikos
M1281	uualdand undar them uuerode stodun uuisa man
C 1281	uualdand under them uuerode stuodun uuisa man
V 1281	uualdand undar them uuerode stuodun uuisa mann
M1282	gumon umbi thana godes sunu gerno suuiðo
C 1282	gumon umbi thena guodes suno gerno suitho
V 1282	gumun umbi thana godas sunu gerno suiđo
M1283	uueros an uuilleon uuas im thero uuordo niud
C 1283	uueros an uuilleon uuas im thero uuordo niud
V 1283	uueros an uuilleon uuas im thero uuorđo niud
M1284	thahtun endi thagodun huuat im thero thiodo drohtin
C 1284	thahtun endi thagodun huat im thero thiedo drohtin
V 1284	thahtun endi thagodun huat im thero thiodo drohtin
M1285	uueldi uualdand self uuordun cuðien
C 1285	uueldi uualdand self uuordon cuthian
V 1285	uueldi uualdand self uuordun kuthean
M1286	thesum liudiun te lioƀe than sat im the landes hirdi
C 1286	theson liudeon te lioƀe than sat im thie landes hirdi
V 1286	thesun liodion te lioua than sat im thie landas hirdi
M1287	geginuuard for them gumun godes egan barn
C 1287	geginuuard for thiem gumon godes egan barn
V 1287	geginuuarđ for them gumun godas egan barn
M1288	uuelda mid is spracun spahuuord manag
C 1288	uuolda mid is spracon spahuuord manag
V 1288	uuelda miđ is sprakun spahuuorđ manag
M1289	lerean thea liudi huuo sie lof gode
C 1289	lerean thia liudi huo sia loƀ gode
V 1289	lerean thea liudi hu sea lof goda
M1290	an thesum uueroldrikea uuirkean scoldin
C 1290	an theson uueroldrikea uuirkean scoldin
V 1290	an thesun uueroldrikea uuirikean scoldin
M1291	sat im tho endi suuigoda endi sah sie an lango
C 1291	sat im thuo endi suigoda endi sah sie an languo
V 1291	sat im thuo endi suigoda endi sah sea an lango
M1292	uuas im hold an is hugi helag drohtin
C 1292	uuas im hold an is hugi helag drohtin
V 1292	uuas im hold an is hugi helag drohtin
M1293	mildi an is mode endi tho is mund antloc
C 1293	mildi an is muode endi thuo is muđ antloc
V 1293	mildi an is muode endi thuo mund antloc
M1294	uuisde mid uuordun uualdandes sunu
C 1294	uuisda mid is uuordon uualdandes suno
V 1294	uuisda miđ uuordun uualdandas sunu
M1295	manag marlic thing endi them mannum sagde
C 1295	manag marlic thing endi them mannon sagda
V 1295	manag marlic thing endi them mannun sagda
M1296	spahun uuordun them the he te theru spracu tharod
C 1296	spahon uuordon them the hie te thero spraco tharod
V 1296	spahun uuordun them the he te thero spraku tharod
M1297	krist alouualdo gecoran habda
C 1297	crist alouualdo gicoran haƀda
V 1297	crist alouualdo gikoran haƀda
M1298	huuilike uuarin allaro irminmanno
C 1298	huilica uuarin allero irminmanno
V 1298	huilica uuarin allaro iriminmanno
M1299	gode uuerðoston gumono cunnies
C 1299	gode uuerthostun gumono kunnies
V 1299	goda uuerđostun gumono kunneas
M1300	sagde im tho te soðan quað that thie saliga uuarin
C 1300	sagda im thuo te suothen quat that thia saliga uuarin
V 1300	sagda im thuo te suođan quađ that thia saliga uuarin
M1301	man an thesoro middilgardun thie her an iro mode uuarin
C 1301	mann an thesaro middilgardun thia her an iro muode uuarin
V 1301	mann an thesaro middilgardun thea hier an iro muodi uuarin
M1302	arme thurh odmodi them is that euuana riki
C 1302	arma thuru ođmuodig them is that euuana riki
V 1302	arama thuruh odmuođi them is that euuana riki
M1303	suuiðo helaglic an heƀanuuange
C 1303	suithuo helaglic an heƀanuuange
V 1303	suiđo helaglic an heƀanuuange
M1304	sinlif fargeƀen quað that oc salige uuarin
C 1304	sinliƀ forgeƀan quat that oc saliga uuarin
V 1304	sinlif fargeƀan quađ that ok saliga uuarin
M1305	maðmundie man thie motun thie marion erðe
C 1305	madmundea man thia muotun thea mariun ertha
V 1305	mađmundea mann thea muotun thea marean erđa
M1306	ofsittien that selƀe riki quað that oc salige uuarin
C 1306	ofsittean that selƀa riki quat that oc saliga uuarin
V 1306	afsittean that selua riki quađ ok saliga uuarin
M1307	thie hir uuiopin iro uuammun dadi thie motun eft uuillion gebidan
C 1307	thia her uuiopin iro uuammon dadi thia muotun eft uuilleon gibidan
V 1307	thea hier uuiopin iro uuammun dadi thea muotun eft uuillean gebiđan
M1308	frofre an iro frahon rikia salige sind oc the sie hir frumono gilustid
C 1308	frofra an them selƀon rikie saliga sind oc the sia hier frumono gilustid
V 1308	fruoƀra an iro frahon rikea saliga sind ok the sea hier frumono gelustiđ
M1309	rincos that sie rehto adomien thes motun sie uuerðan an them rikia drohtines
C 1309	rincos that sia hier rehto aduomean thes muotun sia uuerthan an them rikie drohtines
V 1309	rinkos that sia rehto aduomean thes muotun sia uuerđon an them rikia drohtinas
M1310	gifullit thurh iro ferhton dadi sulicoro motun sie frumono bicnegan
C 1310	gifullit thuru iro feruhtun dadi sulikero muotun sia frumono biknegan
V 1310	gifullid thuruh iro ferahtun dadi sulicara muotun sia frumono biknegan
M1311	thie rincos thie hir rehto adomiad ne uuilliad an runun besuuican
C 1311	thia rincos the hir rehto aduomeađ ne uuelleat an runu bisuikean
V 1311	thea rinkos the hier rehto duomeat ne uuilleat an runon besuikan
M1312	man thar sie at mahle sittiad salige sind oc them hir mildi uuirðit
C 1312	man thar sia an mahle sittean saliga sind oc them hier mildi uuirđit
V 1312	man thar sea an mahla sitteat saliga sinđ ok them hier mildi uuirdit
M1313	hugi an heliðo briostun them uuirðit the helego drohtin
C 1313	hugi an helitho brioston them uuirđit thie helago drohtin
V 1313	hugi an heliđo breostun them uuirđit the helago drohtin
M1314	mildi mahtig selƀo salige sind oc undar thesaro managon thiodu
C 1314	mildi mahtig selƀo salige sind oc under thesaro managun theodo
V 1314	mildo mahtig selƀo saliga sind ok undar thesaro manigon thioda
M1315	thie hebbiad iro herta gihrenod thie motun thane heƀenes uualdand
C 1315	thia hebbeađ iro herta gihrinid thia muotun thena heƀanes uualdand
V 1315	the hebbiat iro herta gihrenid thea muotun thana heƀanas uualdand
M1316	sehan an sinum rikea quað that oc salige uuarin
C 1316	sehan an sinon rikie quat that oc saliga uuarin
V 1316	sehan an sinum rikea quađ ok that saliga uuarin
M1317	thie the friðusamo undar thesumu folke libbiod endi ni uuilliad eniga fehta geuuirken
C 1317	thie hier frithusama under theson folca libbeat endi ni uuelleat eniga fehta giuuirkean
V 1317	thea the friđusamu undar thesun folcu libbeat endi ne uuilleat eniga fehta geuuirikean
M1318	saca mid iro selƀoro dadiun thie motun uuesan suni drohtines genemnide
C 1318	saca mid iro selbaro gidadeon thia motun uuesan suni drohtines ginemnida
V 1318	saka miđ iro selƀaro dadeun thea muotun uuesan suni drohtinas ginemnida
M1319	huuande he im uuil genadig uuerðen thes motun sie niotan lango
C 1319	huand hie im uuili ginathig uuerthan thes muotun sia niotan lango
V 1319	huand he im uuili ginadig uuerđan thas muotun sia neatan lango
M1320	selƀon thes sines rikies quað that oc salige uuarin
C 1320	selƀon thes sinas rikeas quat that oc saliga uuarin
V 1320	selƀon thas sinas rikeas quađ that ok saliga uuarin
M1321	thie rincos the rehto uueldin endi thurh that tholod rikioro manno
C 1321	thia rincos thia rehto uueldin endi thuru that tholond rikeoro manno
V 1321	thea rinkos the rehto uueldin endi thuruh thaht tholot rikero manno
M1322	heti endi harmquidi them is oc an himile eft
C 1322	heti endi harmquidi them is oc an himile
V 1322	heti endi haramquidi them is ok an himila
M1323	godes uuang forgeƀen endi gestlic lif
C 1323	godas uuang forgeƀan endi gestlic liƀ
V 1323	godas uuang fargeƀen endi gestlic lif
M1324	aftar te euuandage so is io endi ni cumit
C 1324	after te euuondage so thes io endi ni cumit
V 1324	aftar te euuandaga so is gio endi ni kumit
M1325	uuelan uunsames so habde tho uualdand crist
C 1325	uuelono uunsamost so haƀda thuo uualdand crist
V 1325	uuelan vuunsamas so haƀda thuo uualdand crist
M1326	for them erlon thar ahto getalda
C 1326	for them erlon thar ahto gitalda
V 1326	for them erlom thar ahta gitalda
M1327	salda gesagda mid them scal simbla gihuue
C 1327	salđa gisagda mid them scal simbla gihuie
V 1327	salda gisagda miđ them scal simlo gihue
M1328	himilrik gehalon ef he it hebbien uuili
C 1328	himilrice gihalon ef hie it hebbean uuili
V 1328	himilriki gihalon ef he it hebbian uuili
M1329	ettho he scal te euuandaga aftar tharƀon
C 1329	eftha hie scal te euuondage after tharƀon
V 1329	eftho he scal te euuandaga aftar tharaƀon
M1330	uuelon endi uuillion siðor he these uuerold agiƀid
C 1330	uuelon endi uuillon sithor hie thesa uuerold agiƀid
V 1330	uuelon endi uuilleon siđor he thesa uuerold agiƀit
M1331	erðliƀigiscapu endi sokit im oðar lioht
C 1331	erthliƀgiscapu endi sokit im ođer lioht
V 1331	erđliƀegiscapu endi suokit im ođar lioht
M1332	so liof so leð so he mid thesun liudiun her
C 1332	so lioƀ so leth so hie mid theson liudeon hier
V 1332	so leof so leđ so he miđ thesun liodion hier
M1333	giuuercod an thesoro uueroldi al so it thar tho mid is uuordun sagde
C 1333	giuuerkot an thesaro uueroldi all so it thar thuo mid is uuordon sagda
V 1333	giuuerecot an thesaro uueroldi all so it thar thuo miđ is uuordun sagda
M1334	crist alouualdo cuningo rikiost
C 1334	crist alouualdo cuningo rikost
V 1334	crist alouualdo kuningo rikeost
M1335	godes egen barn iungorun sinun
C 1335	godes egan barn iungron sinon
V 1335	godas egan barn giungaron sinun
M1336	ge uuerðat oc so salige quað he thes iu saca biodat
C 1336	gi uuerthat oc so saliga thes iu saca biodat
V 1336	gi uuerđat ok so saliga quađ he thes iu saka beodon
M1337	liudi aftar theson lande endi leð sprecat
C 1337	liudi after theson lande endi leth sprecat
V 1337	liodi aftar thesun landa endi leđ sprekat
M1338	hebbiad iu te hosca endi harmes filu
C 1338	hebbeat iu te hoske endi harmes filo
V 1338	hebbiat iu te husca endi haramas filo
M1339	geuuirkiad an thesoro uueroldi endi uuiti gefrummiad
C 1339	giuuirkeat an thesaro uueroldi endi uuiti gifrummat
V 1339	geuuirikeat an thesaro uueroldi endi uuite gifrumiat
M1340	felgiad iu firinspraka endi fiundscepi
C 1340	felgeat iu firinspraca endi fiondscepi
V 1340	felgeat eu firinspraka endi fiundscepi
M1341	lagniad iuuua lera dot iu leðes filu
C 1341	logneat iuuua lera duat iu lethes filo
V 1341	lognot iuuua lera duot iu leđas filo
M1342	harmes thurh iuuuen herron thes latad gi euuan hugi simbla
C 1342	harmes thuru iuuuaron herron thes latat gi iuuuan hugi sinnon
V 1342	haramas thuruh iuuuan herran thes latat gi iuuuan hugi simlon
M1343	lif an lustun huuand iu that lon stendit
C 1343	lif an luston huand iu that lon stendit
V 1343	lif an lustun huand eu that lon stendit
M1344	an godes rikia garu godo gehuuilikes
C 1344	an godes rikea garo guodo gihuilicas
V 1344	an godas rikea garo godo gehuilicas
M1345	mikil endi managfald that is iu te medu fargeƀen
C 1345	micil endi managfald that is iu ti miedu fargeƀan
V 1345	mikil endi managfald that is iu te međo fargeƀan
M1346	huuand gi her er biforan arƀid tholodun
C 1346	huand gi hier err biforan arƀed tholodun
V 1346	huand gi hier er biuoran araƀad tholodun
M1347	uuiti an thesoro uueroldi uuirs is them oðrun
C 1347	uuiti an thesaro uueroldi uuirss is them ođron
V 1347	uuiti an thesaro uueroldi uuirs is them ođrum
M1348	giƀiðig grimmora thing them the her god egun
C 1348	giƀiđig grimmera thing them thia hier guod egun
V 1348	giƀidig grimmora thing them the hier guod egun
M1349	uuidan uuorolduuelon thie forslitat iro uunnia her
C 1349	uuidon uuerolduuelon thia forslitat iro uunnia hier
V 1349	uuidana uuerolduuelan thea farslitat ira uunnia hier
M1350	geniudot sie genoges sculun eft narouuaro thing
C 1350	giniodot sea ginuogies sculun eft naruara thing
V 1350	giniodat sia ginuogas sculun eft narouuora thing
M1351	aftar iro hinferdi heliðos tholoian
C 1351	after iro hinfardi helithos tholoian
V 1351	aftar iro hinferđi heliđos tholian
M1352	than uuopian thar uuanscefti thie her er an uunnion sin
C 1352	than uuopiat thar uuanscefti thia hier er an uunneon sind
V 1352	thann uuopan thar uuanscefti thea hier er an uuunniun sind
M1353	libbiad an allon lustun ne uuilliad thes farlatan uuiht
C 1353	libbeat an allon luston ni uuelleat thes forlatan uuiht
V 1353	libbiat an allun lustun ne uuilliat thes farlatan uuiht
M1354	menigithahtio thes sie an iro mod spenit
C 1354	mengithahteo thes sia an iro muod spanit
V 1354	mengithahteo thes sia an iro muod spenit
M1355	leðoro gilestio than im that lon cumid
C 1355	letharo gilesteo than im that lon cumit
V 1355	leđaro gilesto thanne im that lon kumit
M1356	uƀil arƀetsam than sie is thane endi sculun
C 1356	uƀil arƀitsam than sea is thena endi sculun
V 1356	uƀil araƀadsam than sea is thana endi sculun
M1357	sorgondi gesehan than uuirðid im ser hugi
C 1357	sorgondi gisehan than uuirđit im ser hugi
V 1357	sorogonde gisehan than uuirđit im ser hugi
M1358	thes sie thesero uueroldes so filu uuillean fulgengun
C 1358	thes sea thesaro uueroldes so filo uuilleon fulgengun
V 1358	thes sea
M1359	man an iro modseƀon nu sculun gi im that men lahan
C 1359	man an iro muodseƀon nu sculun gi im that men lahan
M1360	uuerean mid uuordun al so ic giu nu geuuisean mag
C 1360	uuerian mid uuordon all so ik iu nu giuuisean mag
M1361	seggean soðlico gesiðos mine
C 1361	seggean suotlico gisithos mina
M1362	uuarun uuordun that gi thesoro uueroldes nu forð
C 1362	uuaron uuordon that gi thesaro uueroldes nu forth
M1363	sculun salt uuesan sundigero manno
C 1363	sculun salt uuesan sundigaro manno
M1364	botian iro baludadi that sie an betara thing
C 1364	buotean iro baludadi that sea an betera thing
M1365	folc farfahan endi forlatan fiundes giuuerk
C 1365	folc farfahan endi forlatan fiondes giuuerc
M1366	diuƀales gedadi endi sokean iro drohtines riki
C 1366	diuƀales gidadi endi suokean iro drohtines riki
M1367	so sculun gi mid iuuuon lerun liudfolc manag
C 1367	so sculun gi mid iuuuon leron liudfolc manag
M1368	uuendean aftar minon uuilleon ef iuuuar than auuirðid huuilic
C 1368	uuendan after minon uuilleon ef iuuuer than auuirđit huilic
M1369	farlatid thea lera thea he lestean scal
C 1369	forlatit thia lera thia hie lestian scal
M1370	than is im so them salte the man bi sees staðe
C 1370	than is imo so them salte them man bi seuues stađe
M1371	uuido teuuirpit than it te uuihti ni dog
C 1371	uuido teuuirpit than it te uuihti ni dog
M1372	ac it firiho barn fotun spurnat
C 1372	ac it firio barn fuotun spurnat
M1373	gumon an greote so uuirðid them the that godes uuord scal
C 1373	gumon an greote so uuirđit them the that godes uuord scal
M1374	mannum marean ef he im than latid is mod tuuehon
C 1374	mannon marean ef hie im than latit is muod tuehon
M1375	that hi ne uuillea mid hluttro hugi te heƀenrikea
C 1375	that hie ni uuellie mid hluttru hugiu te heƀanrikie
M1376	spanen mid is spracu endi seggean spel godes
C 1376	spanan mid is spracu endi seggian spel godes
M1377	ac uuenkid thero uuordo than uuirðid im uualdand gram
C 1377	ac uuenkit thero uuordo than uuirthit im uualdand gram
M1378	mahtig modag endi so samo manno barn
C 1378	magti muodag endi so samo manno barn
M1379	uuirðid allun than irminthiodun
C 1379	uuirthit allon them irminthiodon
M1380	liudiun aleðid ef is lera ni dugun
C 1380	liudeon alethid of hie is lera ni dog
M1381	so sprac he tho spahlico endi sagda spel godes
C 1381	so sprac hie thuo spahlico endi sagda spel godes
M1382	lerde the landes uuard liudi sine
C 1382	lerda thie landes uuard liudi sina
M1383	mid hluttru hugi heliðos stodun
C 1383	mid hluttru hugiu helithos stuodun
M1384	gumon umbi thana godes sunu gerno suiðo
C 1384	gumon umbi thena godes suno gerno suithuo
M1385	uueros an uuilleon uuas im thero uuordo niud
C 1385	uueros an uuilleon uuas im thero uuordo niud
M1386	thahtun endi thagodun gihordun thero thiodo drohtin
C 1386	thahtun endi thagodun gihordun thero thiedo drohtin
M1387	seggean eu godes eldibarnun
C 1387	seggean eu godes eldibarnon
M1388	gihet im heƀenriki endi te them heliðun sprac
C 1388	gihiet im heƀanriki endi ti them helithon sprak
M1389	oc mag ic iu seggean gesiðos mina
C 1389	oc mag ik iu seggean gisithos mina
M1390	uuarun uuordun that gi thesoro uueroldes nu forð
C 1390	uuarun uuordon that gi thesaro uueroldes nu forth
M1391	sculun lioht uuesan liudio barnun
C 1391	sculun lioht uuesan liudeo barnon
M1392	fagar mid firihun oƀar folc manag
C 1392	fagar mid firihon oƀar folc manag
M1393	uulitig endi uunsam ni mugun iuuua uuerk mikil
C 1393	uuliti endi uunsam ni mugun iuuua uuerc mikil
M1394	biholan uuerðan mid huuilico gi sea hugi cuðeat
C 1394	biholan uuerthan mid huilicu gi sea hugiu cuthiat
M1395	than mer the thiu burg ni mag thiu an berge stað
C 1395	than mer the thiu burh ni mag thiu an berge stet
M1396	hoh holmkliƀu biholen uuerðen
C 1396	hoh holmcliƀu biholan uuerthan
M1397	uurisilic giuuerc ni mugun iuuua uuord than mer
C 1397	uurisilic giuuerc ni mugun iuuua uuord than mer
M1398	an thesoro middilgard mannum uuerðen
C 1398	an thesaro middilgard mannon uuerthan
M1399	iuuua dadi bidernit dot so ic iu leriu
C 1399	iuuua dadi bidernid duot so ik iu leriu
M1400	latad iuuua lioht mikil liudiun skinan
C 1400	latat iuuua leoht mikil leodeon scinan
M1401	manno barnun that sie farstandan iuuuan modseƀon
C 1401	manno barnon that sia forstandan iuuuan muodseƀon
M1402	iuuua uuerc endi iuuuan uuilleon endi thes uualdand god
C 1402	iuuua uuerc endi iuuuan uuilleon endi thes uualdand god
M1403	mit hluttro hugi himiliscan fader
C 1403	mit hluttru hugiu himiliscan fader
M1404	loƀon an thesumu liohte thes he iu sulica lera fargaf
C 1404	loƀon an thesan liohte thes hie iu sulica lera forgaƀ
M1405	ni scal neoman lioht the it haƀad liudiun dernean
C 1405	ni scal nioman lioht the it haƀit liudeon dernian
M1406	te hardo behuuelƀean ac he it hoho scal
C 1406	te hardo bihullean ac hie it hoho scal
M1407	an seli settean that thea gesehan mugin
C 1407	an seli settian that thia gisehan mugin
M1408	alla gelico thea thar inna sind
C 1408	alla gihuilica thia thar inne sind
M1409	heliðos an hallu than hald ni sculun gi iuuua helag uuord
C 1409	helithos an hallu than hald ni sculun gi iuuua helag uuord
M1410	an thesumu landskepa liudiun dernien
C 1410	an theson landscepi liudeon dernean
M1411	heliðcunnie farhelan ac ge it hoho sculun
C 1411	helithcunnie forhelan ac gi it hoho sculun
M1412	bredean that gibod godes that it allaro barno gehuuilic
C 1412	bredian that gibod godes that it allaro barno gihuilic
M1413	oƀar al thit landscepi liudi farstandan
C 1413	oƀar al thit landscepi liudi forstandan
M1414	endi so gefrummien so it an forndagun
C 1414	endi so gifrummean so it an furndagon
M1415	tulgo uuise man uuordun gespracun
C 1415	tulgo uuisa man uuordun gisprakun
M1416	than sie thana aldan euu erlos heldun
C 1416	than sia thena aldan eu erlos heldun
M1417	endi oc sulicu suuiðor so ic iu nu seggean mag
C 1417	endi oc sulicu suithor so ik iu nu seggean mag
M1418	alloro gumono gehuuilic gode thionoian
C 1418	alloro gumono gihuilic gode thienoian
M1419	than it thar an them aldom euua gebeode
C 1419	that it thar an them aldan euue gibiede
M1420	ni uuaniat gi thes mit uuihtiu that ic bi thiu an thesa uuerold quami
C 1420	ni uuaneat gi thes mit uuihti that ik bithiu an thesa uuerold quami
M1421	that ic thana aldan eu irrien uuillie
C 1421	that ic thena aldan euu irrean uuillie
M1422	fellean undar thesumu folke eftho thero forasagono
C 1422	fellean an theson folke eftha thero furisagono
M1423	uuord uuiðaruuerpen thea her so giuuarea man
C 1423	uuord uuiđeruuerpan thia hir so giuuara mann
M1424	barlico gebudun er scal beðiu tefaran
C 1424	baralico gibudun er scal bethiu tefaran
M1425	himil endi erðe thiu nu bihlidan standat
C 1425	himil endi ertha thia nu bihlidan standad
M1426	er than thero uuordo uuiht biliƀa
C 1426	er than thero uuordo uuiht biliƀe
M1427	unlestid an thesumu liohte thea sie thesum liudiun her
C 1427	unlestero an theson liohte the sia theson liudeon hier
M1428	uuarlico gebudun ni quam ic an thesa uuerold te thiu
C 1428	uuarlic gibudun ni quam ik an thesa uuerold te thiu
M1429	that ic feldi thero forasagono uuord ac ic siu fullien scal
C 1429	that ik feldi thero furisagono uuord ac ik sea fullean scal
M1430	okion endi nigean eldibarnum
C 1430	okian endi niuuian eldibarnon
M1431	thesumu folke te frumu that uuas forn gescriƀan
C 1431	theson folke te frumu that uuas furn giscriƀan
M1432	an them aldon eo ge hordun it oft sprecan
C 1432	an them aldan euua gi hordun it oft sprekean
M1433	uuorduuise man so huue so that an thesoro uueroldi gidot
C 1433	uuordun uuisa man so huie so that an thesaro uueroldi giduot
M1434	that he aðrana aldru bineote
C 1434	that he ođerna aldru biniote
M1435	liƀu bilosie them sculun liudio barn
C 1435	liƀu bilosie them sculun liudio barn
M1436	dod adelean than uuilleo ic it iu diopor nu
C 1436	duot adelean than uuilleo ik it iu diopor nu
M1437	furður bifahan so huue so ina thurh fiundskepi
C 1437	furthor bifahan so huie so ina thuru fiondscepi
M1438	man uuiðar oðrana an is modseƀon
C 1438	man uuider ođerna an is muodseƀon
M1439	bilgit an is breostun huuand sie alle gebroðar sint
C 1439	bilgid an is breostun huand sia alla gibruother sind
M1440	salig folc godes sibbeon bitengea
C 1440	salig folc guodes sibbeon bitengia
M1441	man mid magskepi than uuirðit thoh huue oðrumu an is mode so gram
C 1441	man mid magscepiu than uuirthit thoh huie ođron an is muode so gram
M1442	libes uueldi ina bilosien of he mahti gilestien so
C 1442	liƀas uueldi ina bilosean of hie mohti gilestian so
M1443	than is he san afehit endi is thes ferahas scolo
C 1443	than is hie san afehid endi is thes ferahes scolo
M1444	al sulikes urdelies so the oðar uuas
C 1444	all sulicas urdeles so thie ander uuas
M1445	the thurh is handmegin hoƀdo bilosde
C 1445	thie thuru is handmegin hoƀda bilosda
M1446	erl oðarna oc is an them eo gescriƀan
C 1446	erl ođerna oc is an them euue giscriƀan
M1447	uuarun uuordun so gi uuiton alle
C 1447	uuaron uuordon so gi uuitun alla
M1448	than man is nahiston niudlico scal
C 1448	that man is naiston niudlico scal
M1449	minnian an is mode uuesen is magun hold
C 1449	minnion an is muode uuesan is magon hold
M1450	gadulingun god uuesen is geƀa mildi
C 1450	gadulinguon guod uuesen is geƀa mildi
M1451	frahon is friunda gehuuane endi scal is fiund hatan
C 1451	friehan is friundo gihuena endi scal is fiond haton
M1452	uuiðerstanden them mid stridu endi mid starcu hugi
C 1452	uuiđerstandan them mid stridu endi mid starcu hugiu
M1453	uuerean uuiðar uureðun than seggeo ic iu te uuaron nu
C 1453	uuerian uuiđar uurethon than seggiu ik iu te uuaron nu
M1454	fullicur for thesumu folke that gi iuuua fiund sculun
C 1454	fullicor for theson folke that gi iuuua fiond sculon
M1455	minneon an iuuuomu mode so samo so gi iuuua magos dot
C 1455	minneon an iuuuon mode so samo so gi iuuua magas duat
M1456	an godes namon dot im godes filu
C 1456	an guodes namon duot im guodes filo
M1457	togeat im hluttran hugi holda treuua
C 1457	togiat im hluttran hugi holda treuua
M1458	liof uuiðar ira leðe that is langsam rad
C 1458	leoƀ uuiđar iro lethe that is langsam rad
M1459	manno so huuilicumu so is mod te thiu
C 1459	manno gihuilicon so is muod te thiu
M1460	geflihit uuiðar is fiunde than motun gi thea fruma egan
C 1460	giflihid uuidar is fionde than motun gi thia fruma egan
M1461	that gi motun heten heƀencuninges suni
C 1461	that gi muotun hetan heƀancuninges suni
M1462	is bliði barn ne mugun gi iu betaran rad
C 1462	is blithi barn ni mugun gi iu beteran rad
M1463	geuuinnan an thesoro uueroldi than seggio ic iu te uuaron oc
C 1463	giuuinnan an thesaro uueroldi than seggiu ik iu te uuaron oc
M1464	barno gehuilicum that gi ne mugun mid gibolgono hugi
C 1464	barno gihuilicon that gi ni mugun mid gibolganu hugiu
M1465	iuuuas godes uuiht te godes husun
C 1465	iuuues guodes uuiht te godes huson
M1466	uualdande fargeƀan that it imu uuirðig si
C 1466	uualdande forgeƀan that it im uuirđig si
M1467	te antfahanne so lango so thu fiundskepies uuiht
C 1467	te antfahanne so languo so thu fiondscipes uuiht
M1468	uuiðer oðran man inuuid hugis
C 1468	ođron manne inuuid hugis
M1469	er scalt thu thi simbla gesonien uuið thana sacuualdand
C 1469	er scalt thu thi simla gisuonean uuiđ thena sacuualdand
M1470	gemodi gimahlean siðor maht thu meðmos thina
C 1470	gimuodi gimalon sithor maht thu međmos thina
M1471	te them godes altere ageƀan than sind sie themu godan uuerðe
C 1471	ti them godes altere giƀan than sind sia them guodon uuertha
M1472	heƀencuninge mer sculun gi aftar is huldi thionon
C 1472	heƀancuninge mer sculun gi after is huldi thionon
M1473	godes uuilleon fulgan than oðra iudeon duon
C 1473	godes uuilleon fulgangan than ođra iuđeon duan
M1474	ef gi uuilleat egan euuan riki
C 1474	ef gi uuilleat egan euuan riki
M1475	sinlif sehan oc scal ic iu seggean noh
C 1475	sinliƀ sehan oc scal ik iu seggean noh
M1476	huuo it thar an them aldon eo gebiudid
C 1476	huo it thar an them aldon euue gibiudit
M1477	that enig erl oðres idis ni bisuuica
C 1477	that enig erl athres idis ni bisuike
M1478	uuif mid uuammu than seggio ic iu te uuaron oc
C 1478	uuiƀ mid uuammu than seggiu ik iu te uuaron oc
M1479	that thar man is siuni mugun suuiðo farledean
C 1479	that thar mann is siuni mugun suitho forledean
M1480	an mirki men ef hi ina latid is mod spanen
C 1480	an mirki menn ef hie latid ina is muod spanan
M1481	that he beginna thero girnean thiu imu gegangan ni scal
C 1481	that hie hit biginne thera gernean thiu im gigangan ni scal
M1482	than haƀed he an imu selƀon san sundea geuuarhta
C 1482	than haƀit hie an im selƀon san sundea geuuarahta
M1483	geheftid an is hertan helliuuiti
C 1483	giheftid an is herten helliuuiti
M1484	ef than thana man is siun uuili ettha is suiðare hand
C 1484	ef thann thena man is siun uuliti uuili eftha is suiđra hand
M1485	farledien is liðo huuilic an leðan uueg
C 1485	forledean is liđo huilic an lethan uueg
M1486	than is erlo gehuuem oðar betara
C 1486	than is erlo gihuem ođer betera
M1487	firiho barno that he ina fram uuerpa
C 1487	firiho barno that hie ina fram uuerpe
M1488	endi thana lið losie af is lichamon
C 1488	endi thena liđ lose af is lichomon
M1489	endi ina ano cuma up te himile
C 1489	endi ina ano cume up te himile
M1490	than he so mid allun te them inferne
C 1490	than hie so mid allon te them inferne
M1491	huuerƀe mid so helun an helligrund
C 1491	huerƀe mid so helon an helligrund
M1492	than menid thiu lefhed that enig liudeo ni scal
C 1492	thann menit thiu lefhed that enig liudeo ni scal
M1493	farfolgan is friunde ef he ina an firina spanit
C 1493	forfolgan is friunde ef hie ina an firina spanit
M1494	suas man an saca than ne si he imu eo so suuiðo an sibbiun bilang
C 1494	suas man an saca than ni si hie im io so suitho an sibbean bilang
M1495	ne iro magskepi so mikil ef he ina an morð spenit
C 1495	nec iro magscepi so mikil ef hie ina an morth spenit
M1496	bedid baluuuerco betera is imu than oðar
C 1496	bedid baluuuerko betera is im than ođer
M1497	that he thana friund fan imu fer faruuerpa
C 1497	that he thena friund fon im ferr faruuerpe
M1498	miðe thes mages endi ni hebbea thar eniga minnea to
C 1498	mithe thes mages endi ni hebbie thar eniga minnea tuo
M1499	that he moti eno up gestigan
C 1499	that hie muoti eno uup gistigan
M1500	ho himilriki than sie helligethuing
C 1500	ho himilriki than sia hella githuing
M1501	bred baluuuiti beðea gisokean
C 1501	bred balouuiti bethia gisuokean
M1502	uƀil arƀidi oc is an them eo gescriƀan
C 1502	uƀil araƀeđi oc is an them euua giscriƀan
M1503	uuarun uuordun so gi uuitun alle
C 1503	uuaron uuordon so gi uuitun alla
M1504	that miðe meneðos mancunnies gehuuilic
C 1504	that mithe mennethos mancunneas gihuilic
M1505	ni forsuerie ina selƀon huuand that is sundie te mikil
C 1505	ne forsuerie ina selƀon huand that is sundea te mikil
M1506	farledid liudi an leðan uueg
C 1506	forledit liudeo te filo an lethan uueg
M1507	than uuilleo ic iu eft seggean than san ni suerea neoman
C 1507	thann uuilliu ik iu eft seggean than san ni suerie nioman
M1508	enigan eðstaf eldibarno
C 1508	enigan ethstaf eldibarno
M1509	ne bi himile themu hohon huuand that is thes herron stol
C 1509	ne bi himile them hohon huand that is thes herren stuol
M1510	ne bi erðu thar undar huuand that is thes alouualdon
C 1510	ne bi erthu thar undar huand that is thes alouualdan
M1511	fagar fotscamel nec enig firiho barno
C 1511	fagar fuotscamil nec enig firio barno
M1512	ne suuerea bi is selƀes hoƀde huuand he ni mag thar ne suuart ne huuit
C 1512	ne suerie bi is selƀes hoƀde huand hie ni mag thar ne suart ne huit
M1513	enig har geuuirkean butan so it the helago god
C 1513	enig harr giuuerkean neuuan so it thie helago god
M1514	gemarcode mahtig bethiu sculun miðan filu
C 1514	gimarcoda magti bethiu sculun gi mithan filo
M1515	erlos eðuuordo so huue so it ofto dot
C 1515	erlos ethuuordo so huie so it ofto duot
M1516	so uuirðid is simbla uuirsa huuand he imu giuuardon ni mag
C 1516	so uuirđit is simla uuirsa huand hie im giuuardon ni mag
M1517	bithiu scal ic iu nu te uuarun uuordun gibeodan
C 1517	bithiu scal ik iu nu te uuaron uuordon gibiodon
M1518	that gi neo ne suerien suuiðoron eðos
C 1518	that gi nio ne sueran suithron ethos
M1519	meron met mannun butan so ic iu mid minun her
C 1519	merun mid mannon neuan so ik iu mid minon hier
M1520	suuiðo uuarlico uuordun gebiudu
C 1520	suitho uuarlico uuordon gebiudu
M1521	ef man huuemu saca sokea biseggea that uuare
C 1521	ef man huem saca suokie hi seggie that uuara
M1522	queðe ia gef it si geha thes thar uuar is
C 1522	queđe ia ef it si gehe thes thar uuar ist
M1523	queðe nen af it nis lata im genog an thiu
C 1523	queđe nen ef it nist late im genuog an thiu
M1524	so huat so is mer oƀar that man gefrummiad
C 1524	so huat so is mer oƀar that man gifrummiat
M1525	so cumid it al fan uƀile eldibarnun
C 1525	so cumit it al fan uƀile eldibarnon
M1526	that erl thurh untreuua oðres ni uili
C 1526	that erl thuru untreuua ođres ni uuili
M1527	uuordo geloƀian than seggio ic iu te uuaron oc
C 1527	uuordu giloƀean than seggiu ik iu te uuaren oc
M1528	huuo it thar an them aldon eo gebiudit
C 1528	huo it thar an them aldon euue gebiudit
M1529	so huue so ogon genimid oðres mannes
C 1529	so huie so ogun ginimit ođres mannes
M1530	losid af is lichaman ettha is liðo huilican
C 1530	losit af is lichamen eftha is lithio huilican
M1531	that he it eft mid is selƀes scal san antgelden
C 1531	that hie it eft mid is selƀes scal san angeldan
M1532	mid gelicun liðion than uuillio ic iu lerian nu
C 1532	mid gilicon lithon than uuilliu ik iu leran nu
M1533	that gi so ni uurecan uureða dadi
C 1533	that gi so ni uuerkean uuretha dadi
M1534	ac that gi thurh odmodi al gethologian
C 1534	ac that gi thuru odmodi all githoloian
M1535	uuities endi uuammes so huat so man iu an thesoro uueroldi gedoe
C 1535	uuities endi uuammes so huat so man iu an thesaro uueroldi giduo
M1536	doe alloro erlo gehuilic oðrom manne
C 1536	duo allaro manno gihuilic adron manne
M1537	frume endi gefori so he uuillie that im firiho barn
C 1537	fruma endi gifuori so hie uuillie that im firio barn
M1538	godes angegin doen than uuirðit im god mildi
C 1538	guodes angegin duon than uuirđit im god mildi
M1539	liudio so huilicum so that lestien uuili
C 1539	liudio so huilicon so that lestean uuili
M1540	erod gi arme man deliad iuuan oduuelon
C 1540	erot gi arma man deleat iuuuan oduuelon
M1541	undar thero thurftigon thiodu ne rokead huueðar gi is enigan thanc antfahan
C 1541	undar thero thurftigan thiod ne ruokeat hueđer gi thes enigan thanc antfahan
M1542	eftho lon an thesoro lehneon uueroldi ac huggeat te iuuuomu leoƀon herran
C 1542	eftha lon an thesaro lehnun uueroldi ac huggeat te iuuuon lieƀon herren
M1543	thero geƀono te gelde that sie iu god lono
C 1543	thero giƀono te gelde that sia iu god lono
M1544	mahtig mundboro so huuat so gi is thurh is minnes gidot
C 1544	mahtig mundboro so huat so gi is thuru is minnea duat
M1545	ef thu than geƀogean uuili godun mannun
C 1545	ef thu than geƀoian uuili guodon mannon
M1546	fagare fehoscattos thar thu eft frumono hugis
C 1546	fagara fehoscattas thar thu thi eft frumono hugis
M1547	mer antfahan te huui haƀas thu thes eniga meda fon gode
C 1547	merr antfahan te hui haƀis thu thes eniga mieda fan gode
M1548	ettha lon an themu is liohte huuand that is lehni feho
C 1548	eftha lon an theson is liohte huand thit is lehni fehu
M1549	so is thes alles gehuuat the thu oðrun geduos
C 1549	so ist thes alles gihuat so thu ođron giduos
M1550	liudeon te leoƀe thar thu hugis eft gelic neman
C 1550	liudeon te lioƀe thar thu thi hugis eft gilic neman
M1551	thero uuordo endi thero uuerco te huui uuet thi thes usa uualdand thanc
C 1551	thero uuordo endi thero uuerco te hui uuet thi thes usa uualdand thanc
M1552	thes thu thin so bifilhis endi antfahis eft than thu uuili
C 1552	thes thu thin so bifilihis endi antfahis eft than thu uuili
M1553	iuuuan oðuuelon geƀan gi them armun mannun
C 1553	iuuan ođuuelon giƀat gi them mannon the ina iu an thesaro uueroldi ne lonon
M1554	the ina iu an thesoro uueroldi ne lonon endi romot te iuuues uualdandes rikea
C 1554	endi ruomot te iuuues uualdandes rikea
M1555	te hlud ni do thu it than thu mid thinun handun bifelhas
C 1555	te hlud ne duo thu it than thu mid thinon handon bifelehes
M1556	thina alamosna themu armon manne ac do im thurh odmodien
C 1556	thina elimosina them armon manne ac duo im thuru odmodian hugi
M1557	gerno thurh godes thanc than most thu eft geld niman
C 1557	gerno thuru godes thanc than eft geld niman
M1558	suuiðo lioflic lon thar thu is lango bitharft
C 1558	suitho lioflic lon thar thu is lango bitharft
M1559	fagaroro frumono so huuat so thu is so thurh ferhtan hugi
C 1559	fagarero frumono so huat so thu is so thuru ferehtan hugi
M1560	darno gedeleas so is usumu drohtine uuerð
C 1560	darno gidelis so is uson drohtina uuerth
M1561	ne galpo thu far thinun geƀun te suuiðo noh enig gumono ne scal
C 1561	ne galpo thu for thinon geƀan te suithuo nec enig gumono ni scal
M1562	that siu im thurh idale hrom eft ni uuerðe
C 1562	that siu im thuru that idila hruom eft ni uuerthe
M1563	leðlico farloren thanna thu scalt lon nemen
C 1563	lethlico farloran than thu scalt lon niman
M1564	fora godes ogun godero uuerco
C 1564	for godes ogon guodaro uuerco
M1565	oc scal ic iu gebeodan than gi uuilliad te bedu hnigan
C 1565	oc scal ik iu gibiodan than gi uuelleat ti bedu hnigan
M1566	endi uuilliad te iuuuomu herron helpono biddean
C 1566	endi uuelleat te iuuuon herren helpono biddean
M1567	that he iu alate leðes thinges
C 1567	that hie iu alate lethes thinges
M1568	thero sacono endi thero sundeono thea gi iu selƀon hir
C 1568	thero sacono endi thero sundea thia gi iu selƀon hir
M1569	uureða geuuirkead that gi it than for oðrumu uuerode ni duad
C 1569	uuretha giuuirkeat that gi it than for ođron uuerodo ni duat
M1570	ni maread it far menigi that iu thes man ni loƀon
C 1570	ni mareat it for menigi that iu thes man ni loƀon
M1571	ni diurean thero dadeo that gi iuuues drohtines gibed
C 1571	ni diurean thero dadi that gi iuuues drohtines gibed
M1572	thurh that idala hrom al ne farleosan
C 1572	thuru that idila hrom all ni forliesan
M1573	ac than gi uuillean te iuuuomo herron helpono biddean
C 1573	ac than gi uuellean te iuuuon herren helpono biddean
M1574	thiggean theolico thes iu is tharf mikil
C 1574	thiggean thiolico thes iu is tharf mikil
M1575	that iu sigidrohtin sundeono tomea
C 1575	that iu sigidrohtin sundeono tuomie
M1576	than dot gi that so darno thoh uuet it iuuue drohtin self
C 1576	than duot gi that so darno thoh uuet it iuuua drohtin self
M1577	helag an himile huuand imu nis biholan neouuiht
C 1577	helag an himile huand im nist biholen eouuiht
M1578	ne uuordo ne uuerco he latid it than al geuuerðan so
C 1578	ne uuordo ne uuerco hie latit it than all giuuerthan so
M1579	so gi ina than biddiad than gi te thero bedo hnigad
C 1579	so gi ina than biddeat than gi te bedu hnigat
M1580	mid hluttru hugi heliðos stodun
C 1580	mid hluttru hugiu helithos stodun
M1581	gumon umbi thana godes sunu gerno suuiðo
C 1581	gumon umbi thena godes suno gerno suuitho
M1582	uueros an uuilleon uuas im thero uuordo niud
C 1582	uueros an uuilleon uuas im thero uuordo niud
M1583	thahtun endi thagodun uuas im tharf mikil
C 1583	thahtun endi thagodun uuas im tharf mikil
M1584	that sie that eft gehogdin that im that helaga barn
C 1584	that sia that eft gihugdin that im that helage barn
M1585	an thana forman sið filu mid uuordun
C 1585	an thena formon sith filo mid uuordon
M1586	torhtes getalde tho sprac im eft en thero tuueliƀio angegin
C 1586	torohtes gitalda thuo sprac im eft en thero tuelifio angegin
M1587	glauuuoro gumono te them godes barne
C 1587	glauuaro gumono te them godes barne
M1588	herro the godo quað he us is thinoro huldi tharf
C 1588	herro thie guodo us is thinera huldi tharf
M1589	te giuuirkenne thinna uuilleon endi oc thinoro uuordo so self
C 1589	te giuuirkeanne thinan uuilleon endi thinero uuordo so self
M1590	allaro barno bezt that thu us bedon leres
C 1590	allero barno best that thu us bedon leras
M1591	iungoron thine so iohannes duot
C 1591	iungron thina so iohannes duot
M1592	diurlic doperi dago gehuuilicas
C 1592	diurlic doperi dago gihuilikes
M1593	is uuerod mid uuordun huui sie uualdand sculun
C 1593	is uuerod mid is uuordon huo sia uualdand sculun
M1594	godan grotean do thina iungorun so self
C 1594	guodan gruottean duo thina iungron so self
M1595	gerihti us that geruni tho habda eft the rikeo garu
C 1595	girihti us that giruni thuo habda eft thie rikeo garo
M1596	san aftar thiu sunu drohtines
C 1596	san aftar thiu suno drohtines
M1597	god uuord angegin than gi god uuillean quað he
C 1597	guod uuord angegin than gi god uuillean
M1598	uueros mid iuuuon uuordun uualdand grotean
C 1598	uueros mid iuuuan uuordon uualdand gruottean
M1599	allaro cuningo craftigostan than queðad gi so ic iu leriu
C 1599	allaro kuningo craftigoston than quethat gi so ik iu leriu
M1600	fadar usa firiho barno
C 1600	pater noster fadar ist usa firio barno
M1601	thu bist an them hohon himila rikea
C 1601	thu bist an them hohen himilo rikie
M1602	geuuihid si thin namo uuordo gehuuilico
C 1602	giuuihid si thin namo uuordu gihuilicu
M1603	cuma thin craftag riki
C 1603	cume thin craftiga riki
M1604	uuerða thin uuilleo oƀar thesa uuerold alla
C 1604	uuerthe thin uuilleo oƀar thesa uuerold alla
M1605	so sama an erðo so thar uppa ist
C 1605	so samo an erđu so thar uppe ist
M1606	an them hohon himilo rikea
C 1606	an them hohon himilo rikie
M1607	gef us dago gehuuilikes rad drohtin the godo
C 1607	giƀ us dago gihuilices rad drohtin thie guodo
M1608	thina helaga helpa endi alat us heƀenes uuard
C 1608	thina helaga helpu endi alat us heƀanes uuard
M1609	managoro mensculdio al so uue oðrum mannum doan
C 1609	managaro mennsculdio all so uui ođron mannon duan
M1610	ne lat us farledean leða uuihti
C 1610	ni lat us farledean letha uuihti
M1611	so forð an iro uuilleon so uui uuirðige sind
C 1611	so forth an iro uuilleon so uui uuirdiga sind
M1612	ac help us uuiðar allun uƀilon dadiun
C 1612	ac hilp us uuiđar allon ubilon dadeon
M1613	so sculun gi biddean than gi te bede hnigad
C 1613	so sculun gi biddean than gi the bedu hnigat
M1614	uueros mid iuuuom uuordun that iu uualdand god
C 1614	uueros mid iuuuon uuordon that iu uualdand god
M1615	leðes alate an leutcunnea
C 1615	lethes alate an liudcunne
M1616	ef gi than uuilliad alatan liudeo gehuuilicun
C 1616	ef gi than uuelliat alatan liudeo gihuilicon
M1617	thero sacono endi thero sundeono the sie uuið iu selƀon hir
C 1617	thero sacono endi thero sundiono thie sia uuid iu selƀon hier
M1618	uureða geuuirkeat than alatid iu uualdand god
C 1618	uuretha giuuirkeat than alatit iu uualdand god
M1619	fadar alamahtig firinuuerk mikil
C 1619	fader alomahtig firinuuerc mikil
M1620	managoro mensculdeo ef iu than uuirðid iuuua mod te starc
C 1620	managero mennsculdeo ef iu than uuirdit iuuua muod te starc
M1621	that gi ne uuileat oðrun erlun alatan
C 1621	that gi ni uuelliat ođron erlon alatan
M1622	uueron uuamdadi than ne uuil iu oc uualdand god
C 1622	uuerom uuamdadi thann ni uuil iu oc uualdand god
M1623	grimuuerc fargeƀan ac gi sculun is geld niman
C 1623	grimuuerc forgeƀan ac gi sculun is geld niman
M1624	suiðo leðlic lon te languru huuilu
C 1624	suitho lethlic lon te langero huilo
M1625	alles thes unrehtes thes gi oðrum hir
C 1625	alles thes unrehtes thes gi ođron hier
M1626	gilestead an thesumu liohte endi than uuið liudeo barn
C 1626	gilesteat an theson leohte endi than uuiđ liudeo barn
M1627	thea saca ni gisonead er gi an thana sið faran
C 1627	thea saca ne gisuoniat er gi an thena sith faran
M1628	uueros fon thesoro uueroldi oc scal ic iu te uuarun seggean
C 1628	uueros fan thesaro uueroldi oc scal ik iu te uuaron seggean
M1629	huuo gi lestean sculun lera mina
C 1629	huo gi lestean sculun lera mina
M1630	than gi iuuua fastonnea frummean uuillean
C 1630	thann gi iuua fastunnea frummean uuellean
M1631	minson iuuua mendadi than ni duad gi that te managom cuð
C 1631	minson iuuua mendadi thann ni duot gi that ti managon cuth
M1632	ac miðad is far oðrum mannun thoh uuet mahtig god
C 1632	ac mithat is for ođron mannon thoh uuet mahtig god
M1633	uualdand iuuuan uuillean thoh iu uuerod oðar
C 1633	uualdand iuuuan uuilleon thoh iu uuerod ođar
M1634	liudio barn ne loƀon he gildid is iu lon aftar thiu
C 1634	liudio barn ne loƀon hie gildiđ is iu lon after thiu
M1635	iuuua helag fadar an himilrikea
C 1635	iuuua helag fader an himilrikie
M1636	thes ge im mid sulicum odmodea erlos theonod
C 1636	thes gi im mid sulicon ođmuodie erlos thionot
M1637	so ferhtlico undar thesumu folke ne uuilleat feho uuinnan
C 1637	so ferehtlico under theson folke ne uuelleat fihu uuinnan
M1638	erlos an unreht ac uuirkead up te gode
C 1638	erlos an unreht ac uuirkeat upp te gode
M1639	man aftar medu that is mera thing
C 1639	mann after miedu that is mera thing
M1640	than man hir an erðu odag libbea
C 1640	than man hier an erthu odag libbe
M1641	uueroldscattes geuuono ef gi uuilliad minun uuordun horean
C 1641	uueroldscattes giuuono ef gi uuelleat minon leron horean
M1642	than ne samnod gi hir sinc mikil siloƀres ne goldes
C 1642	thann ni samnođ gi hier sinc mikil siluƀres ne goldes
M1643	an thesoro middilgard meðomhordes
C 1643	an thesaro middilgard methomhordes
M1644	huuand it rotat hir an roste endi regintheoƀos farstelad
C 1644	huand it rotot hier an roste endi reginthieƀos forstelat
M1645	uurmi auuardiad uuirðid that giuuadi farslitan
C 1645	uurmi auuerdiat uuirthit that giuuadi forslitan
M1646	tigangid the golduuelo lestead iuuua godon uuerc
C 1646	tegengit thie golduuelo lesteat iuuua guodun uuerc
M1647	samnod iu an himile hord that mera
C 1647	samnođ iu an himile horth that mera
M1648	fagara fehoscattos that ni mag iu enig fiund beniman
C 1648	fagara fehuscattos that ni mag iu enig fiond beniman
M1649	neuuiht anuuendean huuand the uuelo standid
C 1649	neouuiht anuuendan huand thie uuelo stendit
M1650	garu iu tegegnes so huat so gi godes tharod
C 1650	garo iu tegegnes so hues so gi guodes tharod
M1651	an that himilriki hordes gesamnod
C 1651	an that himilriki horđes gisamnođ
M1652	heliðos thurh iuuua handgeƀa endi hebbead tharod iuuuan hugi fasto
C 1652	helithos thuru iuuua handgeƀa endi hebbeat tharod iuuuan hugi fasto
M1653	huuand thar ist alloro manno gihuues modgethahti
C 1653	huand thar ist alloro manno gihues muodgithahti
M1654	hugi endi herta thar is hord ligid
C 1654	hugi endi herta thar is horth ligit
M1655	sinc gesamnod nis eo so salig man
C 1655	sinc gisamnod nis gio so salig mann
M1656	that mugi an thesoro bredon uuerold beðiu anthengean
C 1656	that mugi an thesaro bredun uuerold bethiu athengian
M1657	ge that hi an thesoro erðo odag libbea
C 1657	gie that hie an thesaro erthu odag libbie
M1658	an allun uueroldlustun uuesa ge thoh uualdand gode
C 1658	an allon uueroldluston uuese gie oc uualdand gode
M1659	te thanke getheono ac he scal alloro thingo gihuues
C 1659	te thanke githiono ac hie scal allaro thingo gihues
M1660	simbla oðarhuueðar en farlatan
C 1660	simla ođer hueder enn forlatan
M1661	ettho lusta thes lichamon ettho lif euuig
C 1661	eftha lusti thes lichamen eftha lif euuig
M1662	bethiu ni gornot gi umbi iuuua gegaruuui ac huggead te gode fasto
C 1662	bithiu ni gornot gi umbi iuuua gigeruui ac huggeat te gode fasto
M1663	ne mornont an iuuuomu mode huuat gi eft an morgan sculin
C 1663	ne mornot an iuuuan muode huat gi eft an morgan sculin
M1664	etan eftho drinkan ettho an hebbean
C 1664	etan eftha drincan eftha an hebbean
M1665	uueros te geuuedea it uuet al uualdand god
C 1665	uueros te giuuadie it uuet all uualdand god
M1666	huues thea bithurƀun thea im hir thionod uuel
C 1666	hues thia bithurƀun thia im hier thienot uuel
M1667	folgod iro frohan uuilleon huuat gi that bi thesun fuglun mugun
C 1667	folgot iro frahon uuilleon huat gi that be theson fuglon mugun
M1668	uuarlico undaruuitan thea hir an thesoro uueroldi sint
C 1668	uuarlico undaruuitan thia hier an thesaro uueroldi sind
M1669	farad an feðarhamun sie ni cunnun enig feho uuinnan
C 1669	farat an feđerhamon sia ni cunnun enig fihu uuinnan
M1670	thoh giƀid im drohtin god dago gehuuilikes
C 1670	thoh giƀiđ im drohtin god dago gihuilikes
M1671	helpa uuiðar hungre oc mugun gi an iuuuom hugi marcon
C 1671	helpa uuidar hungre oc mugun gi an iuuuon hugi marcon
M1672	uueros umbi iuuua geuuadi huuo thie uurti sint
C 1672	uueros umbi iuuua giuuadi huo thar uurti sind
M1673	fagoro gefratohot thea hir an felde stad
C 1673	fagaro gifratohod the hier an felde stat
M1674	berhtlico gebloid ne mahta the burges uuard
C 1674	berethlico gibloit ni mohta thie burgo uuard
M1675	salomon the suning the habda sinc mikil
C 1675	salomon thie cuning thie haƀda sinc mikil
M1676	meðomhordas mest thero the enig man ehti
C 1676	methomhorđes mest thero thie gio man ehti
M1677	uuelono geuunnan endi allaro geuuadeo cust
C 1677	uuelono giuunnan endi allaro giuuadio cust
M1678	thoh ni mohte he an is liƀe thoh he habdi alles theses landes geuuald
C 1678	thoh ni mohta hie an is liƀa thoh hie haƀdi alles theses landes giuuald
M1679	auuinnan sulic geuuadi so thiu uurt haƀad
C 1679	auuinnan sulic giuuadi so thiu uurt haƀit
M1680	thiu hir an felde stad fagoro gegariuuit
C 1680	thiu hir an felde stet fagoro gigeruuit
M1681	lilli mid so lioflicu blomon ina uuadit the landes uualdand
C 1681	lilli mid so lioƀlicu bluomen ina uuadit thie landes uualdand
M1682	her fan heƀenes uuange mer is im thoh umbi thit heliðo cunni
C 1682	her fan heƀanes uuange merr is im thoh umbi thit helitho cunni
M1683	liudi sint im lioƀoron mikilu thea he im an thesumu lande geuuarhte
C 1683	liudi sind im leoƀrun mikilo thie hie im an them lande giuuarahta
M1684	uualdand an uuilleon sinan bethiu ne thurƀon gi umbi iuuua geuuadi sorgon
C 1684	uualdand an uuilleon sinan bithiu ne thurƀun gi umbi iuuua giuuadi sorgon
M1685	ne gornot gi umbi iuuua gegariuui te suuiðo god uuili is alles radan
C 1685	ne grornot gi umbi iuuua gigeruui te suitho god uuilit is alles radan
M1686	helpan fan heƀenes uuange ef gi uuilliad aftar is huldi theonon
C 1686	helpan fan heƀanes uuange ef gi uuelleat after is huldi thionon
M1687	gerot gi simbla erist thes godes rikeas endi than duat aftar them is godun uuercun
C 1687	gerot gi simla erist thes godes rikies endi than duot after them is guodun uuercon
M1688	romod gi rehtoro thingo than uuili iu the rikeo drohtin
C 1688	ruomot gi rehtaro thingo thann uuil iu thie rikeo drohtin
M1689	geƀon mid alloro godu gehuuilicu ef gi im thus fulgangan uuillead
C 1689	geƀon mid allaro guodo gihuilikon ef gi im thus fulgangan uuelleat
M1690	so ic iu te uuarun hir uuordun seggeo
C 1690	so ic iu te uuaron hier uuordon seggiu
M1691	ne sculun gi enigumu manne unrehtes uuiht
C 1691	ne sculun gi enigon man unrehtes uuiht
M1692	derƀies adelean huuand the dom eft cumid
C 1692	dereƀas adelean huand thie duom eft cumiđ
M1693	oƀar thana selƀon man thar it im te sorgon scal
C 1693	oƀar thena selƀon mann thar it im te sorgon scal
M1694	uuerðan them te uuitea the hir mid is uuordun gesprikid
C 1694	uuerthan them te uuitie thie hier mid is uuordon gisprikit
M1695	unreht oðrum neo that iuuuar enig ne dua
C 1695	unreht ođron nio that iuuuar enig ni dua
M1696	gumono an thesom gardon geldes ettho copes
C 1696	gumono an theson gardon geldes eftha copes
M1697	that hi unreht gimet oðrumu manne
C 1697	that hie unreht gimet ođron manne
M1698	menful maco huuand it simbla motean scal
C 1698	menful maco huand it simbla muotian scal
M1699	erlo gehuuilicomu sulic so he it oðrumu gedod
C 1699	erlo gihuilicon sulic so hie it ođron giduot
M1700	so cumid it im eft tegegnes thar he gerno ne uuili
C 1700	so cumit it im eft tegegnes thar hie gerno ni uuili
M1701	gesehan is sundeon oc scal ic iu seggean noh
C 1701	gisehan is sundiun oc scal ik iu seggean noh
M1702	huuar gi iu uuardon sculun uuiteo mesta
C 1702	huar gi iu uuardon sculun uuiti mesta
M1703	menuuerc manag te huui scalt thu enigan man besprekan
C 1703	menuuerc manag te hui scalt thu enigan mann besprekean
M1704	broðar thinan that thu undar is brahon gesehas
C 1704	bruother thinan that thu under is brauuon gisehes
M1705	halm an is ogon endi gehuggean ni uuili
C 1705	halm an is ogon endi gihuggean ni uuili
M1706	thana suaran balcon the thu an thinoro siuni haƀas
C 1706	thena suaran balcon the thu an thinero siuni haƀis
M1707	hard trio endi heƀig lat thi that an thinan hugi fallan
C 1707	hard trio endi heƀig lat thi that an thinan hugi fallan
M1708	huuo thu thana erist aloseas than skinid thi lioht beforan
C 1708	huo thu thena erist aloseas than sciniđ thi leoht beforan
M1709	ogun uuerðad thi geoponot than maht thu aftar thiu
C 1709	ogun uuerthat thi giopanod thann after thiu
M1710	suases mannes gesiun siðor gebotean
C 1710	suases mannes giseon sithor gibuotean
M1711	gehelean an is hoƀde so mag that an is hugi mera
C 1711	gihelian an is hoƀde so mag that an is hugi mera
M1712	an thesoro middilgard manno gehuuilicumu
C 1712	an thesaro middilgard manno gihuilicon
M1713	uuesan an thesoro uueroldi that hi hir uuammas geduot
C 1713	uuesan an thesaro uueroldi that hie hier uuammes giduot
M1714	than hi ahtogea oðres mannes
C 1714	than hie ahtoie ođres mannes
M1715	saca endi sundea endi haƀad im selƀo mer
C 1715	saca endi sundea endi haƀit im selƀo mer
M1716	firinuuerco gefrumid ef he uuili is fruma lestean
C 1716	firinuuerco gifrumid ef hie uuil is fruma lestian
M1717	than scal hi ina selƀon er sundeono atomean
C 1717	than scal hie ina selƀon err sundiono tuomian
M1718	leðuuerco loson siðor mag hi mid is lerun uuerðan
C 1718	lethero uuerco loson sithor mah hie mid is lerun uuerthan
M1719	heliðun te helpu siðor hi ina hluttran uuet
C 1719	helithon te helpu sithor hie ina hlutteran uuet
M1720	sundeono sicoran ne sculun gi suinum teforan
C 1720	sundiono sicoran ne sculun gi suinon teforan
M1721	iuuua meregriton macon ettho meðmo gestriuni
C 1721	iuuua merigriotun macon eftha methmo gistriuni
M1722	helag halsmeni huuand siu it an horu spurnat
C 1722	helag halsmeni huand sia it an horo spurnat
M1723	suluuiad an sande ne uuitun suƀreas geskeð
C 1723	suiliuuat it an sande ne uuitun subres gisceth
M1724	fagaroro fratoho sulic sint hir folc manag
C 1724	fagarero fratoho sulic sind hier folc manag
M1725	the iuuua helag uuord horean ne uuillead
C 1725	thia iuuua helag uuord horean ni uuilliat
M1726	fulgangan godes lerun ne uuitun godes geskeð
C 1726	fulgangan godes lerun ne uuitun guodes gisceth
M1727	ac sind im lari uuord leoƀoron mikilu
C 1727	ac sind im laria uuord lioƀara micilo
M1728	umbitharƀi thing thanna theotgodes
C 1728	umbitherbi thing thanne thiodgodes
M1729	uuerc endi uuilleo ne sind sie uuirðige than
C 1729	uuerc endi uuilleo ni sind sia uuirđiga thann
M1730	that sie gehorean iuuua helag uuord ef sie is ne uuillead an iro hugi thenkean
C 1730	that sia gihorean iuuua helag uuord ef sia is ni uuelliat an iro hugie thenkean
M1731	ne linon ne lestean them ni seggean gi iuuuoro leron uuiht
C 1731	ni linon ne lestean them ni seggian gi iuuaro lerun uuiht
M1732	that gi thea spraca godes endi spel managu
C 1732	that gi thia spraka godes endi spell managa
M1733	ne farleosan an them liudiun thea thar ne uuillean giloƀean to
C 1733	ne forliesat an them liudeon the thar ne uuelleat giloƀean tuo
M1734	uuaroro uuordo oc sculun gi iu uuardon filu
C 1734	uuararo uuordo oc sculun gi iu uuardon filo
M1735	listiun undar thesun liudiun thar gi aftar thesumu lande farad
C 1735	listeon under theson liudeon thar gi after theson lande farat
M1736	that iu thea luggeon ne mugin leron besuican
C 1736	that iu thia luggiun ni mugin lerand bisuikan
M1737	ni mid uuordun ni mid uuercun sie cumad an sulicom geuuadeon te iu
C 1737	ne mid uuordon ne mid uuercon sia cumat an sulicon giuuadeon te iu
M1738	fagoron fratohon thoh hebbead sie fecnan hugi
C 1738	fagaron fratohon thoh hebbeat sia fegnian hugi
M1739	thea mugun gi san antkennean so gi sie cuman gesehad
C 1739	thia mugun gi san antkennean so gi sia cuman gisehat
M1740	sie sprecad uuislic uuord thoh iro uuerc ne dugin
C 1740	sia sprekat uuislic uuord thoh iro uuerc ni dugin
M1741	thero thegno gethahti huuand gi uuitun that eo an thorniun ne sculun
C 1741	thero thegno githahti huand gi uuitun that io an thornon ni sculun
M1742	uuinberi uuesan eftha uuelon eouuiht
C 1742	uuinberi uuesan eftha uuelen eouuiht
M1743	fagororo fruhteo nec oc figun ne lesad
C 1743	fagarero fruhteo nec oc figun ni lesat
M1744	heliðos an hiopon that mugun gi undarhuggean uuel
C 1744	helithos an hiopon that mugun gi underhuggean uuel
M1745	that eo the uƀilo bom thar he an erðu stad
C 1745	that iu thie uƀilo bom thar hie an erthu sted
M1746	goden uuastum ne giƀid nec it oc god ni gescop
C 1746	guodan uuastom ni giƀit nec it oc god ni giscuop
M1747	that the godo bom gumono barnun
C 1747	that thie guodo bom gumono barnon
M1748	bari bittres uuiht ac cumid fan alloro bamo gehuilicumu
C 1748	bari biteres uuiht ac cumid fan allaro bomo gihuilicon
M1749	sulic uuastom te thesero uueroldi so im fan is uurteon gedregid
C 1749	sulic uuastom te thesaro uueroldi so im fan is uurtion gidregit
M1750	ettha berht ettha bittar that menid thoh breosthugi
C 1750	eftha bereht eftha bitter that menit thoh briosthugi
M1751	managoro modseƀon manno cunnies
C 1751	managero muodsebon manno cunneas
M1752	huuo alloro erlo gehuilic ogit selƀo
C 1752	huo allaro erlo gihuilic ogid selƀo
M1753	meldod mid is muðu huilican he mod haƀad
C 1753	meldot mid is muthu huilikan hie muod haƀit
M1754	hugi umbi is herte thes ni mag he farhelan eouuiht
C 1754	hugi umbi is herta thes ni mag hie forhelan giouuiht
M1755	ac cumad fan them uƀilan man inuuidrados
C 1755	ac cumit fan them uƀilon man inuuidradas
M1756	bittara baluspraca sulic so hi an is breostun haƀad
C 1756	bittra balospraca sulic so hie an is brioston haƀit
M1757	geheftid umbi is herte simbla is hugi cuðid
C 1757	giheftid umbi is herta simla is hugi cuthid
M1758	is uuilleon mid is uuordun endi farad is uuerc aftar thiu
C 1758	is uuilleon mid is uuordon endi oc is uuerc after thiu
M1759	so cumad fan themu godan manne glau anduuordi
C 1759	so cumit fon them guodon man glau anduurdi
M1760	uuislic fan is geuuittea that hi simbla mid is uuordu gesprikid
C 1760	uuislic fan is giuuittea that hie simla mid is uuordu gisprikit
M1761	man mid is miðu sulic so he an is mode haƀad
C 1761	man mid is muthu sulic so hie an is mode haƀit
M1762	hord umbi is herte thanan cumad thea helagan lera
C 1762	hord umbi is herta thanan cumat thia helagun lera
M1763	suuiðo uunsam uuord endi sculun is uuerc aftar thiu
C 1763	suitho uunsam uuord endi sculun is uuerc after thiu
M1764	theodu gethihan thegnun managun
C 1764	thioda githihan thegnon managon
M1765	uuerðan te uuilleon al so it uualdand self
C 1765	uuerthan te uuillien all so it uualdand self
M1766	godun mannun fargiƀid god alomahtig
C 1766	guodon mannon forgibit god allmahtig
M1767	himilisc herro huand sie ano is helpa ni mugun
C 1767	himilisc herro huant sia ano is helpa ni mugun
M1768	ne mid uuordun ne mid uuercun uuiht athengean
C 1768	ne mid uuordon ne mid uuercon uuiht athengean
M1769	godes an thesun gardun bethiu sculun gumono barn
C 1769	guodes an theson gardon bithiu sculun gumono barn
M1770	an is enes craft alle giloƀean
C 1770	an is enes craft alla giloƀean
M1771	oc scal ic iu uuisean huuo hir uuegos tuena
C 1771	oc scal ik iu uuesan huo hier uuegos tuena
M1772	liggead an thesumu liohte thea farad liudeo barn
C 1772	liggeat an thesom liohte thia farat liudeo barn
M1773	al irminthiod thero is oðar san
C 1773	all irminthiod thera is ođer san
M1774	uuid strata endi bred farid sie uuerodes filu
C 1774	uuid strata endi bred farit sia uuerodes filo
M1775	mancunnies manag huand sie tharod iro mod spenit
C 1775	mancunneas manag huand sia tharod iro muod spanit
M1776	uueroldlusta uueros thiu an thea uuirson hand
C 1776	uueroldlusta uueros thiu an thia uuirsun hand
M1777	liudi ledid thar sie te farlora uuerðad
C 1777	liudi ledit thar sia te farlora uuerthat
M1778	heliðos an helliu thar is het endi suart
C 1778	helithos an hellia thar ist het endi suart
M1779	egislic an innan oði ist tharod te faranne
C 1779	egislic an innan othi ist tharod te faranne
M1780	eldibarnun thoh it im at themu endie ni dugi
C 1780	eldibarnon thoh it im at them endie ni dugi
M1781	than ligid eft oðar engira mikilu
C 1781	thann ligit eft oder engera mikilu
M1782	uueg an thesoro uueroldi ferid ina uuerodes lut
C 1782	uueg an thesaro uueroldi farit ina uuerodes liut
M1783	faho folcskepi ni uuilliad ina firiho barn
C 1783	faho folcscepi ne uuelleat ina firio barn
M1784	gerno gangan thoh he te godes rikea
C 1784	gerno gangan thoh hie te guodes rikie
M1785	an that euuiga lif erlos ledea
C 1785	an that euuiga liƀ erlos ledie
M1786	than nimad gi iu thana engean thoh he so oði ne si
C 1786	thann nimat gi iu thena engean thoh hie so othi ni si
M1787	firihon te faranne thoh scal hi te frumu uuerðan
C 1787	firihon te faranne thoh scal hie te frumu uuerthan
M1788	so huuemu so ina thurhgengid so scal is geld niman
C 1788	so hue so ina thurugengit so scal is geld niman
M1789	suuiðo langsam lon endi lif euuig
C 1789	suitho langsam lon endi lif euuig
M1790	diurlican drom eo gi thes drohtin sculun
C 1790	diurlican drom io gi thes drohtin sculun
M1791	uualdand biddien that gi thana uueg motin
C 1791	uualdand biddean that gi thena uueg muotin
M1792	fan foran antfahan endi forð thurh gigangan
C 1792	fan foran antfahan endi forth
M1793	an that godes riki he ist garu simbla
C 1793	an that godes riki hie ist garo simla
M1794	uuiðar thiu te geƀanne the man ina gerno bidid
C 1794	uuithar thiu ti gebanne the man ina gerno bidit
M1795	fergot firiho barn sokead fadar iuuuan
C 1795	fergot firio barn suokeat fader iuuuan
M1796	up te themu euuinom rikea than motun gi ina aftar thiu
C 1796	upp te them euuinom rikie than motun gi ina after thiu
M1797	te iuuuoru frumu fiðan cuðead iuuua fard tharod
C 1797	te iuuuero frumu findan kuthiat iuuua fard tharod
M1798	at iuuuas drohtines durun than uuerðad iu andon aftar thiu
C 1798	an iuuues drohtines doron thann uuerthat iu antduan after thiu
M1799	himilportun anthlidan that gi an that helage lioht
C 1799	himiliportun anthlidan that gi an that helago leoht
M1800	an that godes riki gangan motun
C 1800	an that godes riki gangan muotun
M1801	sinlif sehan oc scal ic iu seggean noh
C 1801	odes sehan oc scal ik iu seggean noh
M1802	far thesumu uuerode allun uuarlic biliði
C 1802	for theson uueroda allon uuarlic bilithi
M1803	that alloro liudeo so huilic so thesa mina lera uuili
C 1803	that allaro liudio so huilic so thessa mina lera uuili
M1804	gehaldan an is herton endi uuil iro an is hugi athenkean
C 1804	gihaldan an is herten endi uuil iro an is hugie thenkian
M1805	lestean sea an thesumu lande the gilico duot
C 1805	lestean sia an theson lande thie gilico duot
M1806	uuisumu manne the giuuit haƀad
C 1806	uuison manne thie giuuit haƀit
M1807	horsca hugiskefti endi husstedi kiusid
C 1807	horsca hugiscefti endi husstedi kiusit
M1808	an fastoro foldun endi an felisa uppan
C 1808	an fastaro foldun endi an felis uppan
M1809	uuegos uuirkid thar im uuind ni mag
C 1809	uuegos uuirkit thar im uuind ni mag
M1810	ne uuag ne uuatares strom uuihtiu getiunean
C 1810	ne uuag ne uuateres strom uuiht gitiunean
M1811	ac mag im thar uuið ungiuuidereon allun standan
C 1811	ac mah im thar uuid ungiuuideron allon standan
M1812	an themu felise uppan huand it so fasto uuarð
C 1812	an them filisa uppan huand it so fasto uuarth
M1813	gistellit an themu stene anthaƀad it thiu stedi niðana
C 1813	gistellit an them stene anthaƀit it thiu stedi nithana
M1814	uureðid uuiðar uuinde that it uuican ni mag
C 1814	uurethid uuiđer uuinde that it uuikan ni mag
M1815	so duot eft manno so huilic so thesun minun ni uuili
C 1815	so duot eft manno so huilic so theson minon ni uuili
M1816	lerun horien ne thero lestien uuiht
C 1816	leron horean nec thero lestian uuiht
M1817	so duot the unuuison erla gelico
C 1817	so duot hie unuuison erle gilico
M1818	ungeuuittigon uuere the im be uuatares staðe
C 1818	ungiuuitgon uuere the im bi uuatares stađe
M1819	an sande uuili selihus uuirkean
C 1819	an sande uuili selihus uuirkean
M1820	thar it uuestrani uuind endi uuago strom
C 1820	that it uuestroni uuind endi uuago strom
M1821	sees uðeon teslaad ne mag im sand endi greot
C 1821	seouthion teslahat ni mag im sand endi griot
M1822	geuureðien uuið themu uuinde ac uuirðid teuuorpan than
C 1822	giuurethian uuid them uuinde ac uuirthit teuuorpan thanan
M1823	tefallen an themu flode huand it an fastoro nis
C 1823	tefellit an them fluode huand it an fastaro nis
M1824	erðu getimbrod so scal allaro erlo gehues
C 1824	erthu gitimbrid so scal allaro erlo gihuilikes
M1825	uuerc gethihan uuiðar thiu the hi thius min uuord frumid
C 1825	uuerc githihan uuider thiu thiu hie thesa mina uuord frumit
M1826	haldid helag gebod tho bigunnun an iro hugi uundron
C 1826	helith helag gibod thuo bigunnun an iro hugie uundron
M1827	meginfolc mikil gehordun mahtiges godes
C 1827	meginfolc mikil gihordun mahtiges godes
M1828	lioflica lera ne uuarun an themu lande geuuno
C 1828	leoblica lera ne uuarun an then lande giuuono
M1829	that sie eo fan sulicun er seggean gehordin
C 1829	that sia gio fan sulicon er seggean gihordin
M1830	uuordun ettho uuercun farstodun uuise man
C 1830	uuordon eftha uuercon forstuodun uuisa man
M1831	that he so lerde liudeo drohtin
C 1831	that hie so lerda liudeo drohtin
M1832	uuarun uuordun so he geuuald habde
C 1832	uuaron uuordon so hie giuuald habda
M1833	allun them ungelico the thar an erdagun
C 1833	allon them ungilico thia thar an erdagon
M1834	undar them liudskepea lereon uuarun
C 1834	under them liudscepie lerand uuarun
M1835	acoran undar themu cunnie ne habdun thiu cristes uuord
C 1835	acoran under them cunnie ni habdun thia cristes uuord
M1836	gemacon mid mannun the he far thero menigi sprac
C 1836	gimacon mid mannon thea hie for thero menigi gisprak
M1837	gebod uppan themu berge he im tho beðiu befalh
C 1837	gibod uppan them berge hie im thuo bethiu bifalah
M1838	ge te seggennea sinom uuordun
C 1838	te giseggeanne sinon uuordon
M1839	huuo man himilriki gehalon scoldi
C 1839	huo man himilriki gihalon scoldi
M1840	uuidbredan uuelan gia he im geuuald fargaf
C 1840	uuidbredan uuelon ia hie im giuuald forgaf
M1841	that sie mostin helean halte endi blinde
C 1841	that sia muostin heliean halta endi blinda
M1842	liudeo lefhedi legarbed manag
C 1842	liudio lefhedi legarbed manag
M1843	suara suhti giac he im selƀo gebod
C 1843	suara suhti iac hie im selƀo gibod
M1844	that sie at enigumu manne mede ne namin
C 1844	that sia at enigon man meda ni namin
M1845	diurie meðmos gehuggead gi quað he huand iu is thiu dad cuman
C 1845	diuria methmos gihuggiat gi huand iu ist thiu dad cuman
M1846	that geuuit endi the uuisdom endi iu thea geuuald fargiƀid
C 1846	that giuuit endi that uuisdom endi iu thia giuuald forgiƀit
M1847	alloro firiho fadar so gi sie ni thurƀun mid enigo feho copon
C 1847	allaro firio fader so gi sia ni thurƀun mid enigon fehe copan
M1848	medean mid enigun meðmun so uuesat gi iro mannun forð
C 1848	miedon mid enigon methmon so uuesat gi iro mannon forth
M1849	an iuuuon hugiskeftiun helpono mildea
C 1849	an iuuuon hugisceftion helpono milda
M1850	leread gi liudio barn langsamna rad
C 1850	lerat gi liudio barn lansamna rad
M1851	fruma forðuuardes firinuuerc lahad
C 1851	fruma forthuuardes firinuuerc lahat
M1852	suara sundeon ne latad iu siloƀar nec gold
C 1852	suara sundea ne latat iu siluƀar ni gold
M1853	uuihti thes uuirðig that it eo an iuuua geuuald cuma
C 1853	uuihti thes uuirthi that it gio an iuuua giuuald cume
M1854	fagara fehoscattos it ni mag iu te enigoro frumu huuergin
C 1854	fagara fehoscattos it ni mag iu te enigaro frumu huerigin
M1855	uuerðan te enigumu uuilleon ne sculun gi geuuadeas than mer
C 1855	uuerthan te enigon uuilleon ni sculun gi giuuades than mer
M1856	erlos egan butan so gi than an hebbean
C 1856	erlos egan neuuan so gi than an hebbean
M1857	gumon te gareuuea than gi gangan sculun
C 1857	gumon te gigereuue than gi gangan sculun
M1858	an that gimang innan neo gi umbi iuuuan meti ni sorgot
C 1858	an that gimang innan nio gi umbi iuuuana meti ni sorogot
M1859	leng umbi iuuua lifnare huand thene lereand sculun
C 1859	leng umbi iuuua lifnara huand thena leriand sculun
M1860	fodean that folcskepi thes sint thea fruma uuerða
C 1860	fuodean that folcscepi thes hie im te frumu uuerthe
M1861	leoƀlikes lones the hi them liudiun sagad
C 1861	lioƀlikes lones the hie them liudeon sagit
M1862	uuirðig is the uurhteo that man ina uuel fodea
C 1862	uuirdig ist thie uuarihtio that man ina uuel fuodie
M1863	thana man mid mosu the so managoro scal
C 1863	thena man mid muosu the so managaro scal
M1864	seola bisorgan endi an thana sið spanen
C 1864	seola bisuorgon endi an thena sith spanan
M1865	gestos an godes uuang that is grotara thing
C 1865	gestos an godes uuang that is grotara thing
M1866	that man bisorgon scal seolun managa
C 1866	that man bisorgon scal seola managa
M1867	huo man thea gehalde te heƀenrikea
C 1867	huo man thia bihalde te heƀanrikie
M1868	than man thene lichamon liudibarno
C 1868	than man thena lichamon liudeo barno
M1869	mosu bimorna bethiu man sculun
C 1869	muosu bimurnie bithiu man scal
M1870	haldan thene holdlico the im te heƀenrikea
C 1870	haldan thena holdlico the im te hebanrikie
M1871	thene uueg uuisit endi sie uuamscaðun
C 1871	thena uueg uuisit endi ina uuamscathon
M1872	feondun uuitfahit endi firinuuerc lahid
C 1872	fiondun uuitfahit endi firinuuerc lehit
M1873	suara sundeon nu ic iu sendean scal
C 1873	suara suuara sundiun nu ik iu sendean scal
M1874	aftar thesumu landskepie so lamb undar uulƀos
C 1874	after theson landscepie so lamb under uuluos
M1875	so sculun gi undar iuuua fiund faren undar filu theodo
C 1875	so sculun gi undar iuuua fiond faran under filo thiodo
M1876	undar mislike man hebbead iuuuan mod uuiðar them
C 1876	undar mislica man hebbeat iuuuan muod uuider them
M1877	so glauuan tegegnes so samo so the geluuo uurm
C 1877	so glauuan tegegnes so samo so thie gelouuo uurm
M1878	nadra thiu feha thar siu iro niðskepies
C 1878	nadra thiu feha thar siu iro nihtscipies
M1879	uuitodes uuanit that man iu undar themu uuerode ne mugi
C 1879	uuitodas uuanid that man iu under them uuerode ni mugi
M1880	besuican an themu siðe far thiu gi sorgon sculun
C 1880	bisuican an them siđe for thiu gi sorgon sculun
M1881	that iu thea man ni mugin modgethahti
C 1881	that iu thia man ni mugin muodgithahti
M1882	uuillean auuardien uuesat iu so uuara uuiðar thiu
C 1882	uuilleon auuendan uuesat iu so giuuara uuidar thiu
M1883	uuið iro fecneon dadiun so man uuiðar fiundun scal
C 1883	uuid iro fecnon thar so man uuidar fiondon scal
M1884	than uuesat gi eft an iuuuon dadiun duƀon gelica
C 1884	thann uuesat gi eft an iuuuon dadeon dubon gilica
M1885	hebbead uuið erlo gehuene enfaldan hugi
C 1885	hebbeat uuid erlo gihuena enualdan hugi
M1886	mildean modseƀon that thar man negen
C 1886	mildan muodsebon that thar man nigen
M1887	thurh iuuua dadi bedrogan ne uuerðe
C 1887	thuru iuuua gidadi bidrogan ni uuerthe
M1888	besuican thurh iuuua sundea nu sculun gi an thana sið faran
C 1888	bisuikan thuru iuuua sundea nu sculun gi an thena sith faran
M1889	an that arundi thar sculun gi arƀidies so filu
C 1889	an that arundi thar sculun gi arbedies so filo
M1890	getholon undar theru thiod endi gethuing so samo
C 1890	githolon under thero thioda endi githuing so samo
M1891	manag endi mislic huand gi an minumu namon
C 1891	manag endi mislic huand gi an minon namon
M1892	thea liudi lereat bethiu sculun gi thar leðes filu
C 1892	thia liudi lerat bithiu sculun gi thar lethes filo
M1893	fora uueroldcuningun uuiteas antfahan
C 1893	for uueroldcuningon uuities anfahan
M1894	oft sculun gi thar for rikea thurh thius min rehtun uuord
C 1894	oft sculun gi thar for rikie thuru thius min rehtun uuord
M1895	gebundane standen endi beðiu gethologean
C 1895	gibundana standan endi bethiu githolon
M1896	ge hosc ge harmquidi umbi that ne latad gi iuuuan hugi tuiflon
C 1896	ge hosc gi harmquidi umbi that ni latat gi iuuuan hugi tuiflean
M1897	seƀon suicandean gi ni thurƀun an enigun sorgun uuesan
C 1897	sebon suicandian gi ni đurbun an enigan sorgon uuesan
M1898	an iuuuomu hugi huergin than man iu for thea heri forð
C 1898	an iuuuon hugie huergin thann iu man for thiu heri forth
M1899	an thene gastseli gangan hetid
C 1899	an thena gastseli gangan hetit
M1900	huat gi im than tegegnes sculin godoro uuordo
C 1900	huat gi im thann tegegnes sculun guodero uuordo
M1901	spahlicoro gesprecan huand iu thiu spod cumid
C 1901	spahlico gisprecan huand iu thiu spahed cumit
M1902	helpe fon himile endi sprikid the helogo gest
C 1902	helpa fon himile endi sprikit thie helago gest
M1903	mahtig fon iuuuomu munde bethiu ne andradad gi iu thero manno nið
C 1903	mahtig fan iuuuon muthe bithiu ni andradat gi iu thero manno nith
M1904	ne forhteat iro fiundskepi thoh sie hebbean iuuuas ferahes geuuald
C 1904	ni fortiat iro fiondscepi thoh sia hebbean iuuues ferhes giuuald
M1905	that sie mugin thene lichamon liƀu beneotan
C 1905	that sia mugin thena lichamon libu biniotan
M1906	aslahan mid suerde thoh sie theru seolun ne mugun
C 1906	aslahan mid suerdu thoh sia thero seolun ni mugun
M1907	uuiht auuardean antdradad iu uualdand god
C 1907	uuiht auuerdian andradat iu uualdand god
M1908	forhtead fader iuuuan frummiad gerno
C 1908	farahtiat fader iuuuan frummeat gerno
M1909	is gebodskepi huuand hi haƀad beðies giuuald
C 1909	is gibodscipi huand hie habit bethies giuuald
M1910	liudio liƀes endi oc iro lichamon
C 1910	liudio liƀes endi oc iro lichamen
M1911	gec thero seolon so self ef gi iuuua an them siðe tharod
C 1911	get thera seolun so self ef gi iuuua an them sithe tharod
M1912	farliosat thurh thesa lera than motun gi sie eft an themu liohte godes
C 1912	forliosat thuru thesa lera than muotun gi sia eft an them liohte godes
M1913	beforan fiðan huuand sie fader iuuua
C 1913	biforan findan huand sia fader iuuua
M1914	haldid helag god an himilrikea
C 1914	haldit helag god an himilrikie
M1915	ne cumat thea alle te himile thea the hir hropat te mi
C 1915	ni cumat thia alla te himile thia the hier hropat te mi
M1916	manno te mundburd managa sind thero
C 1916	mann te mundburd managa sind thero
M1917	thea uuilliad alloro dago gehuilikes te drohtine hnigan
C 1917	thia uuelliat allaro dago gihuilikes te drohtine hnigan
M1918	hropad thar te helpu endi huggead an oðar
C 1918	hropat thar te helpu endi huggiat an ođer
M1919	uuirkead uuamdadi ne sind im than thiu uuord fruma
C 1919	uuirkeat uuamdadi ni sind im than thiu uuord fruma
M1920	ac thea motun huerƀan an that himiles lioht
C 1920	ac thia muotun huerban an that himiles lioht
M1921	gangan an that godes riki thea thes gerne sint
C 1921	gangan an that godes riki thia thes gerna sint
M1922	that sie hir gefrummien fader alauualdan
C 1922	that sia hier gifrummean fader alouualden
M1923	uuerc endi uuilleon thea ni thurƀun mid uuordun so filu
C 1923	uuerc endi uuilleon thia ni thurbun mid uuordon so filo
M1924	hropan te helpu huanda the helogo god
C 1924	hruopan te helpu huand thie helago god
M1925	uuet alloro manno gehues modgethahti
C 1925	uuet allaro manno gihues muodgithahti
M1926	uuord endi uuilleon endi gildid im is uuerco lon
C 1926	uuord endi uuilleon endi gildit im is uuerco lon
M1927	bethiu sculun gi sorgon than gi an thene sið farad
C 1927	bithiu sculun gi sorgon than gi an thena sith faran
M1928	huo gi that arundi ti endea bebrengen
C 1928	huo gi that arundi ti anthia bebrengiat
M1929	than gi liðan sculun aftar thesumu landskepea
C 1929	thann gi lithan sculun after theson landscipie
M1930	uuido aftar thesoro uueroldi al so iu uuegos lediad
C 1930	uuido after thesaro uueroldi all so iu uuegos lediat
M1931	bred strata te burg simbla sokiad gi iu thene bezton san
C 1931	bred strata ti burg simla kiosat gi iu thena beston san
M1932	man undar theru menegi endi cuðead imu iuuuan moðseƀon
C 1932	mann undar thero menigi endi cuthiat im iuuuan muodseƀon
M1933	uuarun uuordun ef sie than thes uuirðige sint
C 1933	uuaron uuordon ef sia than thes uuirdiga sind
M1934	that sie iuuua godun uuerc gerno gelestien
C 1934	that sia iuuua guodun uuerc gerno lestean
M1935	mid hluttru hugi than gi an themu huse mid im
C 1935	mid hlutturu hugiu thanne gi them huse mid im
M1936	uuonod an uuilleon endi im uuel lonod
C 1936	uuonot an uuilleon endi im uuela lonot
M1937	geldad im mid godu endi sie te gode selƀon
C 1937	geldat im mid guodu endi sia ti gode selbon
M1938	uuordun geuuihad endi seggead im uuissan friðu
C 1938	uuordon giuuihat endi seggeat im uuissan fridu
M1939	helaga helpa heƀencuninges
C 1939	helaga helpa hebancuninges
M1940	ef sie than so saliga thurh iro selƀoro dad
C 1940	ef sia than so saliga thuru iro selƀaro dad
M1941	uuerðan ni motun that sie iuuua uuerc frummien
C 1941	uuerthan ni muotun that sia iuuua uuerc frummean
M1942	lestien iuuua lera than gi fan them liudiun san
C 1942	lestean iuuua lera than gi fan them liudeon san
M1943	farad fan themu folke the iuuua friðu huuirƀid
C 1943	farat fan them folke endi thie iuuua fritho huiriƀit
M1944	eft an iuuuoro selƀoro sið endi latad sie mid sundiun forð
C 1944	eft an iuuuer selbaro sith endi latat sia mid sundeon forth
M1945	mid baluuuercun buan endi sokiad iu burg oðra
C 1945	mid baluuuercun buon endi suokeat iu burg ođra
M1946	mikil manuuerod endi ne latad thes melmes uuiht
C 1946	micil manno uuerod endi ni latat thes melmes uuiht
M1947	folgan an iuuuom fotun thanan the man iu antfahan ne uuili
C 1947	folgon an iuuuon fuoton thanan the man iu antfahan ni uuili
M1948	ac scuddiat it fan iuuuon scohun that it im eft te scamu uuerðe
C 1948	ac scuddeat it fon iuuuon scuohon that it im eft te scamu uuerthe
M1949	themu uuerode te geuuitskepie that iro uuillio ne dog
C 1949	them uueroda te giuuitscipie that iro uuillio ni dog
M1950	than seggeo ic iu te uuarun so huan so thius uuerold endiad
C 1950	than seggiu ik iu te uuaron so huann so thesu uuerold endiot
M1951	endi the mareo dag oƀar man farid
C 1951	endi the mario dag oƀar man farit
M1952	that than sodomoburg thiu hir thurh sundeon uuarð
C 1952	that thann sodomaburg thiu her thuru sundeun uuarth
M1953	an afgrundi eldes craftu
C 1953	an afgrundiun eldes craftu
M1954	fiuru bifallen that thiu than haƀad friðu meran
C 1954	fiuru bifallan that thiu thanne habit friđu meran
M1955	mildiran mundburd than thea man egin
C 1955	milderan mundboron than thia man egin
M1956	the iu hir uuiðaruuerpat endi ne uuilliad iuuua uuord frummien
C 1956	thia iu hier uuiđaruuerpat endi ni uuelliat iuuua uuord frummean
M1957	so hue so iu than antfahit thurh ferhtan hugi
C 1957	so huie so iu than antfahit thuru ferehtan hugi
M1958	thurh mildean mod so haƀad minan forð
C 1958	thuru mildean muod so haƀit minan forth
M1959	uuilleon geuuarhten endi oc uualdand god
C 1959	uuilleon giuuarahtan endi oc uualdand god
M1960	antfangan fader iuuuan firiho drohtin
C 1960	antfangan fader iuuuan firio drohtin
M1961	rikean radgeƀon thene the al reht bican
C 1961	rikean radgebon thena the all reht bikann
M1962	uuet uualdand self endi uuillean lonot
C 1962	uuet uualdand self endi uuilleon lonot
M1963	gumono gehuilicumu so huat so hi hir godes geduot
C 1963	gumono gihuilicon so huat so hie her guodes geduot
M1964	thoh hi thurh minnea godes manno huilicumu
C 1964	thoh hie thuru minnea godes manno huilicon
M1965	uuilleandi fargeƀe uuatares drinkan
C 1965	uuillandi forgeƀe uuatares drincan
M1966	that hi thurftigumu manne thurst gehelie
C 1966	that hie thurftigon man thurst gihelie
M1967	caldes brunnan thesa quidi uuerðad uuara
C 1967	caldes brunnen thesa quidi uuerthat uuara
M1968	that eo ne biliƀid ne hi thes lon sculi
C 1968	that iu ni biliƀit ne hie thes lon sculi
M1969	fora godes ogun geld antfahan
C 1969	for godes ogon geld antfahan
M1970	meda managfalde so huat so hi is thurh mina minnea geduot
C 1970	mieda managfalda so huat so hie is thuru mina minnea giduot
M1971	so hue so min than farlognid liudibarno
C 1971	so huie so mi than forlognit liudo barno
M1972	heliðo for thesoro heriu so dom ic is an himile so self
C 1972	helitho for thesaro heri so duon ik is an himile so self
M1973	thar uppe far them alouualdan fader endi for allumu is engilo crafte
C 1973	thar uppe for them alouualden fader endi for allon is engilo crafte
M1974	far theru mikilon menigi so huilic so than eft manno barno
C 1974	for thero mikilun menigi so huilic so than eft manno barno
M1975	an thesoro uueroldi ne uuili uuordun miðan
C 1975	an thesaro uueroldi ni uuili uuordon mithan
M1976	ac gihit far gumskepi that he min iungoro si
C 1976	ac gihid for gumscipie that hie min iungro si
M1977	thene uuilliu ec eft ogean far ogun godes
C 1977	thena uuillio ik eft ogian for ogon godes
M1978	fora alloro firiho fader thar folc manag
C 1978	for alloro firio fader thar folc manag
M1979	for thene alouualdon alla gangad
C 1979	for thena allouualdon alla gangat
M1980	reðinon uuið thene rikeon thar uuilliu ic imu an reht uuesan
C 1980	rethinon uuid thena rikeon thar uuilliu ik im an reht uuesan
M1981	mildi mundboro so huemu so minun hir
C 1981	mildi mundboro so huemu so minon hier
M1982	uuordun horid endi thiu uuerc frumid
C 1982	uuordon horit endi thiu uuerc frumid
M1983	thea ic hir an thesumu berge uppan geboden hebbiu
C 1983	thia ik hier an theson berge uppan gibodan hebbiu
M1984	habda tho te uuarun uualdandes sunu
C 1984	habda thuo te uuaron uualdandes suno
M1985	gelerid thea liudi huo sie lof gode
C 1985	gilerit thia liudi huo sia lof gode
M1986	uuirkean scoldin tho let hi that uuerod thanan
C 1986	uuirkean scoldin thuo let hie that uuerod thanan
M1987	an alloro halƀa gehuilica heriskepi manno
C 1987	an allaro halƀa gihuilica heriscipi manno
M1988	siðon te selðon habdun selƀes uuord
C 1988	sithon te selithon habdun selƀes uuord
M1989	gehorid heƀencuninges helaga lera
C 1989	gihorid hebancuninges helaga lera
M1990	so eo te uueroldi sint uuordo endi dadeo
C 1990	so gio te uueroldi sind uuordon endi dadean
M1991	mancunnies manag oƀar thesan middilgard
C 1991	mancunnies manag oƀar theson middilgard
M1992	spracono thiu spahiron so hue so thiu spel gefrang
C 1992	spracono thiu spahirun so hue so thiu spel gifrang
M1993	thea thar an themu berge gesprac barno rikeast
C 1993	thiu thar an them berga sprac barno rikost
M1994	geuuet imu tho umbi threa naht aftar thiu thesoro thiodo drohtin
C 1994	giuuet im thuo umbi thria naht after thiu thesaro thiedo drohtin
M1995	an galileo land thar he te enum gomum uuarð
C 1995	an galilealand thar hie te enon gomon uuarth
M1996	gebedan that barn godes thar scolda man ena brud geƀan
C 1996	gebedan that barn godes thar scolda man ena brud geban
M1997	munalica magað thar maria uuas
C 1997	munelica magat thar maria uuass
M1998	mid iro suni selƀo salig thiorna
C 1998	mid iro sunie selƀo salig thiorna
M1999	mahtiges moder managoro drohtin
C 1999	mahtiges muoder managaro drohtin
M2000	geng imu tho mid is iungoron godes egan barn
C 2000	geng im thuo mid is iungron godes egan barn
M2001	an that hoha hus thar the heri dranc
C 2001	an that hoha hus thar thiu heri dranc
M2002	thea iudeon an themu gastseli he im oc at them gomun uuas
C 2002	thia iudeon an them gestseli hie im oc at them gomon uuas
M2003	giac hi thar gecuðde that hi habda craft godes
C 2003	iac hie thar gicuthda that hie habda craft godes
M2004	helpa fan himilfader helagna gest
C 2004	helpa fan himilfader helagna gest
M2005	uualdandes uuisdom uuerod bliðode
C 2005	uualdandes uuisduom uuerod blithoda
M2006	uuarun thar an luston liudi atsamne
C 2006	uuarun thar an luston liudi atsamna
M2007	gumon gladmodie gengun ambahtman
C 2007	gumon gladmuoda gengun ambahtman
M2008	skenkeon mid scalun drogun skiriane uuin
C 2008	scenkion mid scalon druogun scirana uuin
M2009	mid orcun endi mid alofatun uuas thar erlo drom
C 2009	mid orcon endi mid alofaton uuas thar erlo drom
M2010	fagar an flettea tho thar folc undar im
C 2010	fagar an flettie thuo thar folc undar im
M2011	an them benkeon so bezt bliðsea afhoƀun
C 2011	an them benkion so best blizza afhobun
M2012	uuarun thar an uunneun tho im thes uuines brast
C 2012	uuarun thar an uunnion so im thes uuines brast
M2013	them liudiun thes liðes is ni uuas farleƀid uuiht
C 2013	them liudeon thes lithes is ni uuas forleƀit uuiht
M2014	huergin an themu huse that for thene heri forð
C 2014	huergin an them huse that for thia heri forth
M2015	skenkeon drogin ac thiu scapu uuarun
C 2015	scenkion druogin ac thiu scapu uuarun
M2016	liðes alarid tho ni uuas lang te thiu
C 2016	lithes alarit thuo ni uuas lang te thiu
M2017	that it san antfunda frio sconiosta
C 2017	that it san antfunda firio sconiosta
M2018	cristes moder geng uuið iro kind sprecan
C 2018	cristes muoder geng uuiđ iro kind sprekan
M2019	uuið iro sunu selƀon sagda im mid uuordun
C 2019	uuiđ iro suno selƀan sagda im mid uuordon
M2020	that thea uuerdos tho mer uuines ne habdun
C 2020	that thia uuerdos thuo mer uuines ni habdun
M2021	them gestiun te gomun siu tho gerno bad
C 2021	them gestion to gomon siu thuo gerno bad
M2022	that is the helogo crist helpa geriedi
C 2022	that is thie helago crist helpa giriedi
M2023	themu uuerode te uuilleon tho habda eft is uuord garu
C 2023	them uueroda te uuillion thuo haƀda eft is uuord garo
M2024	mahtig barn godes endi uuið is moder sprac
C 2024	mahtig barn godes endi uuid is muoder sprak
M2025	huat ist mi endi thi quað he umbi thesoro manno lið
C 2025	huat ist mi endi thi umbi thesaro manno lith
M2026	umbi theses uuerodes uuin te hui sprikis thu thes uuif so filu
C 2026	umbi theses uuerodes uuin te hui sprikis thu thes uuiƀ so filo
M2027	manos mi far thesoro menigi ne sint mina noh
C 2027	manos mi for thesaro menigi ne sind mina noh
M2028	tidi cumana than thoh gitruoda siu uuel
C 2028	tida cumana thann thoh gitruoda so uuel
M2029	an iro hugiskeftiun helag thiorne
C 2029	an iru hugisceftion helag thiorna
M2030	that is aftar them uuordun uualdandes barn
C 2030	that is after them uuordon uualdandes barn
M2031	heleandoro bezt helpan uueldi
C 2031	helandero best helpan uueldi
M2032	het tho thea ambahtman idiso sconiost
C 2032	hiet thuo thia ambahtmann idiso sconiost
M2033	skenkeon endi scapuuardos thea thar scoldun thero scolu thionon
C 2033	scenkion endi scapuuardos thia thar scoldun thera scola thionon
M2034	that sie thes ne uuord ne uuerc uuiht ne farletin
C 2034	that sia thes ne uuord ne uuerc uuiht ni forlietin
M2035	thes sie the helogo crist hetan uueldi
C 2035	thes sia thie helago crist hetan uueldi
M2036	lestean far them liudiun larea stodun thar
C 2036	lestian for them liudeon larea stuodun thar
M2037	stenfatu sehsi tho so stillo gebod
C 2037	stenfatu sehsi thuo so stillo gibod
M2038	mahtig barn godes so it thar manno filu
C 2038	mahtig barn godes so it thar manno filo
M2039	ne uuissa te uuarun huo he it mid is uuordu gesprac
C 2039	ne uuissa te uuarun huo hie it mid is uuordu gisprak
M2040	he het thea skenkeon tho skireas uuatares
C 2040	hie hiet thia scenkion thuo sciries uuateres
M2041	thiu fatu fullien endi hi thar mid is fingrun tho
C 2041	thiu fatu fullian endi hie thar mid is fingron thuo
M2042	segnade selƀo sinun handun
C 2042	segnoda selbo sinon handon
M2043	uuarhte it te uuine endi het is an en uuegi hlaðen
C 2043	uuarahta it te uuine endi hiet is an enn uuegi hladan
M2044	skeppien mid enoro scalon endi tho te them skenkeon sprac
C 2044	sceppian mid enaro scalun endi thuo te them scenkion sprak
M2045	het is thero gesteo the at them gomun uuas
C 2045	hiet it thero gestio the at them gomon uuas
M2046	themu heroston an hand geƀan
C 2046	them herosten an hand geƀan
M2047	ful mid folmun themu the thes folkes thar
C 2047	full mid folmon them the thes folcas thar
M2048	geuueld aftar themu uuerde reht so hi thes uuines gedranc
C 2048	giuueld after them uuerode reht so hie thuo thes uuines gidranc
M2049	so ni mahte he bemiðan ne hi far theru menigi sprac
C 2049	so ni mohta hie bimithan ne hie for thero menigi sprak
M2050	te themu brudigumon quað that simbla that bezte lið
C 2050	te them brudigumen quat that simla that besta lith
M2051	alloro erlo gehuilic erist scoldi
C 2051	allaro erlo gihuilic erist scoldi
M2052	geƀan at is gomun undar thiu uuirðid thero gumono hugi
C 2052	geban at is gomon undar thiu uuirđit thesaro gomono hugi
M2053	auuekid mid uuinu that sie uuel bliðod
C 2053	auuekit mid uuinu that sia uuel bliđot
M2054	druncan dromead than mag man thar dragan aftar thiu
C 2054	druncan dromiat than mag man thar dragan after thiu
M2055	lihtlicora lið so ist thesoro liudeo thau
C 2055	lithlicora lith so ist thesaro liudeo thau
M2056	than haƀas thu nu uunderlico uuerdskepi thinan
C 2056	thann haƀis thu nu uundarlico uuirdscipi thinan
M2057	gemarcod far thesoro menigi hetis far thit manno folc
C 2057	gimarcot for thesaro menigi hetis for thit manno folc
M2058	alles thines uuines that uuirsiste
C 2058	alles thines uuines that uuirsista
M2059	thine ambahtman erist brengean
C 2059	thina ambahtman erist brengan
M2060	geƀan at thinun gomun nu sint thina gesti sade
C 2060	geban at thinon gomon nu sind thina gesti sada
M2061	sint thine druhtingos druncane suiðo
C 2061	sind thina drohtingos druncana suitho
M2062	is thit folc fromod nu hetis thu hir forð dragan
C 2062	is thit folc fromuod nu hetis thu her forth dragan
M2063	alloro liðo lofsamost thero the ic eo an thesumu liohte gesah
C 2063	allaro litho lofsamost thero the ik gio an theson liohte gisah
M2064	huergin hebbean mid thius scoldis thu us hindag er
C 2064	huergin hebbean mid thius scoldis thu us hindag er
M2065	geƀon endi gomean than it alloro gumono gehuilic
C 2065	gebon endi gomean thann it allaro gumono gihuilic
M2066	gethigedi te thanke tho uuarð thar thegan manag
C 2066	githigidi te thanke thuo uuarth thar thegan manag
M2067	geuuar aftar them uuordun siðor sie thes uuines gedruncun
C 2067	giuuar after them uuordon sithor sia thes uuines gidruncun
M2068	that thar the helogo crist an themu huse innan
C 2068	that the helago crist thar an them huse innan
M2069	tecan uuarhte truodun sie siðor
C 2069	tecan uuarahta truodun sia sithor
M2070	thiu mer an is mundburd that hi habdi maht godes
C 2070	thiu mer an is mundburd that hie habda maht godes
M2071	geuuald an thesoro uueroldi tho uuarð that so uuido cuð
C 2071	giuuald an thesaro uueroldi thuo uuarth that so uuido cuth
M2072	oƀar galileo land iudeo liudiun
C 2072	oƀar galilealand iudeo liudion
M2073	huo thar selƀo gededa sunu drohtines
C 2073	huo thar selƀo gideda suno drohtines
M2074	uuater te uuine that uuarð thar uundro erist
C 2074	uuater te uuine that uuarth thar uundro erist
M2075	thero the hi thar an galilea iudeo liudeon
C 2075	thero the hie thar an galilea iudeo liudeon
M2076	tecno getogdi ne mag that getellean man
C 2076	tegno gitogdi ni mag that gitelliean mann
M2077	geseggean te soðan huat thar siðor uuarð
C 2077	giseggian te suothen huat thar sithor uuarth
M2078	uundres undar themu uuerode thar uualdand crist
C 2078	uundres undar them uueroda thar uualdand crist
M2079	an godes namon iudeo liudeon
C 2079	an godes namon iudeo liudeon
M2080	allan langan dag lera sagde
C 2080	allan langan dag lera sagda
M2081	gihet im heƀenriki endi helleo gethuing
C 2081	gihiet im himilriki endi hellia githuing
M2082	uueride mid uuordun het sie uuara godes
C 2082	uuerida mid uuordon hiet sia uuara godes
M2083	sinlif sokean thar is seolono lioht
C 2083	sinliƀ suokean thar ist seolono lioht
M2084	drom drohtines endi dagskimon
C 2084	drom drohtines endi dagscimon
M2085	godlicnissea godes thar gest manag
C 2085	guodlicnissi godes thar gest manag
M2086	uunod an uuillean the hir uuel thenkid
C 2086	uuunot an uuilleon thei hier uuel thenkit
M2087	that he hir bihalde heƀencuninges gebod
C 2087	that hie hier bihalde heƀancuninges gibod
M2088	geuuet imu tho mid is iungoron fan them gomun forð
C 2088	giuuet im thuo mid is iungron fan them gomon forth
M2089	kristus te capharnaum cuningo rikeost
C 2089	cristus te kapharnaum cuningo rikiost
M2090	te theru mareon burg megin samnode
C 2090	te thero mariun burg megin samnoda
M2091	gumon imu tegegnes godoro manno
C 2091	gumon im tegegnes guodoro manno
M2092	salig gesiði uueldun thiu is suotean uuord
C 2092	salig gisithi uueldun thia is suotiun uuord
M2093	helag horien thar im en hunno quam
C 2093	helag gihorian thar im en hunno quam
M2094	en god man angegin endi ina gerno bad
C 2094	en guod man angegin endi ina gerno bad
M2095	helpan helagne quað that hi undar is hiuuiskea
C 2095	helpan helagna quat that hie under is hiuuiskie
M2096	enna lefna lamon lango habdi
C 2096	enna lefna lamon lango habdi
M2097	seocan an is selðon so ina enig seggeo ne mag
C 2097	siocan an is seldon so ina enig seggio ni mag
M2098	handun gehelien nu is im thinoro helpono tharf
C 2098	handon gihelian nu is im thinero helpono tharf
M2099	fro min the godo tho sprac im eft that friðubarn godes
C 2099	fro min thie guodo thuo sprak im eft that frithubarn godes
M2100	san aftar thiu selƀo tegegnes
C 2100	san after thiu selƀo tegegnes
M2101	quað that he thar quami endi that kind uueldi
C 2101	quat that hie thar quami endi that kind uueldi
M2102	nerean af theru nodi tho im nahor geng
C 2102	nerian after thero nodi thuo im nahor geng
M2103	the man far theru menigi uuið so mahtigna
C 2103	thie man for thero menigi uuid so mahtigna
M2104	uuordun uuehslan ic thes uuirðig ne bium quað he
C 2104	uuordon uuehslan ik thes uuirdig ni bium
M2105	herro the godo that thu an min hus cumes
C 2105	herro thie guodo that thu an min hus cumes
M2106	sokeas mina seliða huand ic bium so sundig man
C 2106	suokies mina selda huand ik biun so sundig man
M2107	mid uuordun endi mid uuercun ic geloƀiu that thu geuuald haƀas
C 2107	mid uuordon endi mid uuerkon ik giloƀiu that thu giuuald habis
M2108	that thu ina hinana maht helan geuuirkean
C 2108	that thu ina hinan maht helan giuuirkean
M2109	uualdand fro min ef thu it mid thinun uuordun gesprikis
C 2109	uualdand fro min ef thu it mid thinu uuordu gisprikis
M2110	than is san thiu lefhed losot endi uuirðid is lichamo
C 2110	thann is san thiu lefhed losot endi uuirdit is lichamo
M2111	hel endi hreni ef thu im thina helpa fargiƀis
C 2111	hel endi hreni ef thu im thina helpa forgiƀis
M2112	ic bium mi ambahtman hebbiu mi odes genog
C 2112	ik biun mi ambahtman hebbiu mi odes ginuog
M2113	uuelono geuunnen thoh ic undar geuueldi si
C 2113	uuelono giuunnan thoh ik under giuueldi si
M2114	aðalcuninges thoh hebbiu ic erlo getrost
C 2114	adalcuninges bethiu hebbiu ik erlo gitrost
M2115	holde heririncos thea mi so gehoriga sint
C 2115	holda heririncos thia mi so gihoriga sind
M2116	that sie thes ne uuord ne uuerc uuiht ne farlatad
C 2116	that sia thes ne uuord ne uuerc uuiht ni forlatat
M2117	thes ic sie an thesumu landskepie lestean hete
C 2117	thes ik sia an theson landscipie lestian hetu
M2118	ac sie farad endi frummiad endi eft te iro frohan cumad
C 2118	ac sia farat endi frummeat endi eft te iro frahon cumat
M2119	holde te iro herron thoh ic at minumu hus egi
C 2119	holda te iro herren thoh ik at minon hus egi
M2120	uuidbredene uuelon endi uuerodes genog
C 2120	uuidbredan uuelon endi uuerodes ginuog
M2121	heliðos hugiderƀie thoh ni gidar ic thi so helagna
C 2121	helithos hugiderbea bithiu ni gidarr ik thik so helagna
M2122	biddien barn godes that thu an min bu gangas
C 2122	biddean barn godes that thu an min bu ganges
M2123	sokeas mina seliða huand ic so sundig bium
C 2123	suokies mina selda huand ik so sundig biun
M2124	uuet mina faruurhti tho sprac eft uualdand crist
C 2124	uuet mina foruurhti thuo sprak eft uualdan crist
M2125	the gumo uuið is iungoron quað that hi an iudeon huergin
C 2125	thie gomo uuid is iungron quat that hie an iudeon huerigin
M2126	undar israheles aƀoron ne fundi
C 2126	under israheles auaron ni fundi
M2127	gemacon thes mannes the io mer te gode
C 2127	gimacon thes mannes thie gio merr ti gode
M2128	an themu landskepi geloƀon habdi
C 2128	an them landscipe giloƀon habdi
M2129	than hluttron te himile nu latu ic iu thar horien to
C 2129	thann hluttron te himile nu latu ik iu thar horean tuo
M2130	thar ic it iu te uuarun hir uuordun seggeo
C 2130	thar ik it iu te uuarun hier uuordon seggiu
M2131	that noh sculun elitheoda ostane endi uestane
C 2131	that noh sculun elithiodo ostan endi uuestan
M2132	mancunnies cuman manag tesamne
C 2132	mancunneas cuman manag tesamne
M2133	helag folc godes an heƀenriki
M2134	thea motun thar an abrahames endi an isaakes so self
C 2134	thia muotun thar an habrahames endi an isaaces so self
M2135	endi oc an iacobes godoro manno
C 2135	endi oc an iacobes guodoro manno
M2136	barmun restien endi beðiu gethologean
C 2136	barmon restian endi bethiu githolon
M2137	uuelon endi uuilleon endi uuonodsam lif
C 2137	uuelon endi uuilleon endi uuonotsam lif
M2138	god lioht mid gode than scal iudeono filu
C 2138	guod lioht mid gode than scal iudeo filo
M2139	theses rikeas suni beroƀode uuerðen
C 2139	theses rikies suni berouuoda uuerthan
M2140	bedelide sulicoro diurðo endi sculun an dalun thiustron
C 2140	biduelida sulicoro diurthu endi sculon an dalon thiustron
M2141	an themu alloro ferristan ferne liggen
C 2141	an them allaro ferroston ferne liggean
M2142	thar mag man gehorien heliðos quiðean
C 2142	thar mag man gihorean helithos quithean
M2143	thar sie iro torn manag tandon bitad
C 2143	thar sia iro torn manag tandon bitat
M2144	thar ist gristgrimmo endi gradag fiur
C 2144	thar ist gest grimmag endi gradag fiur
M2145	hard helleo gethuing het endi thiustri
C 2145	hard helligithuing het endi thiustri
M2146	suart sinnahti sundea te lone
C 2146	suart sinnahti sundia ti lone
M2147	uureðoro geuurhteo so huemu so thes uuilleon ne haƀad
C 2147	uuretharo giuurhteo so huem so thes uuilleon ni habit
M2148	that he ina alosie er hi thit lioht ageƀe
C 2148	that hie ina alosie err hie thet lioht ageƀe
M2149	uuendie fan thesoro uueroldi nu maht thu thi an thinan uuilleon forð
C 2149	uuendigie fan thesaro uueroldi nu maht thu thi an thinon uuillion forth
M2150	siðon te selðun than findis thu gesund at hus
C 2150	sithon te seldon than findis thu gisundan at hus
M2151	magoiungan man mod is imu an luston
C 2151	maguiungan man muod is im an luston
M2152	that barn is gehelid so thu bedi te mi
C 2152	that barn ist gihelid so thu badi te mi
M2153	it uuirðid al so gelestid so thu geloƀon haƀas
C 2153	it uuirđit all so gelestid so thu giloƀon haƀis
M2154	an thinumu hugi hardo tho sagde heƀencuninge
C 2154	an thinon hugie hardo thuo sagda heƀancuninge
M2155	the ambahtman alouualdon gode
C 2155	the ambahtman alouualdon gode
M2156	thanc for thero thiodo thes he imu at sulicun tharƀun halp
C 2156	thanc for thero thioda thes hie im at sulicon tharbon halp
M2157	habda tho giarundid al so he uuelde
C 2157	habda thuo giarundeod al so hie uuelda
M2158	saliglico giuuet imu an thana sið thanan
C 2158	saliglico giuuet im an thena sith thanan
M2159	uuende an is uuillean thar he uuelon ehte
C 2159	uuenda an is uuilleon thar hie uuelon ehta
M2160	bu endi bodlos fand that barn gesund
C 2160	bu endi bodlos fand that barn gisund
M2161	kindiungan man kristes uuarun tho
C 2161	kindiungan man cristes uuarun thuo
M2162	uuord gefullot hi geuuald habda
C 2162	uuord gifullid hie giuuald habda
M2163	te togeanna tecan so that ni mag gitellien man
C 2163	te gitogianne tecan so that ni mag gitellian man
M2164	geahton oƀar thesoro erðu huat he thurh is enes craft
C 2164	giahton oƀar thesaro erthu huat hie thuru is enes craft
M2165	an thesaro middilgard mariða gefrumide
C 2165	an thesaro middilgard maritha gifrumida
M2166	uundres geuuarhte huand al an is geuueldi stad
C 2166	vundres giuuarahta huand all an is giuueldi sted
M2167	himil endi erðe tho geuuet imu the helogo crist
C 2167	himil endi ertha thuo giuuet im thie helago crist
M2168	forðuuardes faren fremide alomahtig
C 2168	forthuuardes faran frumida allmahtig
M2169	alloro dago gehuilikes drohtin the godo
C 2169	allaro dago gihuilicas drohtin thie guodo
M2170	liudeo barnum leof lerde mid uuordun
C 2170	liudo barnon liof lerda mid uuordon
M2171	godes uuilleon gumun habda imu iungorono filu
C 2171	godes uuilleon gomon habda im iungrono filo
M2172	simbla te gisiðun salig folc godes
C 2172	simla te gisithon salig folc godes
M2173	manno megincraft managoro theodo
C 2173	manno megincraft managaro thiodo
M2174	helag heriskepi uuas is helpono god
C 2174	helag heriscipi uuas is helpono guod
M2175	mannun mildi tho hi mid theru menigi quam
C 2175	mannon mildi thuo hie mid thero menigi quam
M2176	mid thiu brahtmu that barn godes te burg theru hohon
C 2176	mid thiu brahtmu that barn godes te burug thero hohun
M2177	the neriendo te naim thar scolde is namo uuerðen
C 2177	thie neriendo te naym thar scolda is namo uuerthan
M2178	mannun gemarid tho geng mahtig to
C 2178	mannon gimarid thuo geng mahtig tuo
M2179	neriendo crist antat he ginahid uuas
C 2179	neriendo crist antthat hie ginahid uuas
M2180	heleandero bezt tho sahun sie thar en hreo dragan
C 2180	helandi crist so sauun sia thar enn hreo dragan
M2181	enan liflosan lichamon thea liudi forien
C 2181	liflosan lichamon thia liudi fuorun
M2182	beran an enaru baru ut at thera burges dore
C 2182	berun an enero barun ut at them burges dore
M2183	maguiungan man thiu moder aftar geng
C 2183	maguiungan man thiu muoder after geng
M2184	an iro hugi hriuuig endi handun slog
C 2184	an iru hugie hriuuig endi handon sluog
M2185	carode endi cumde iro kindes doð
C 2185	karoda endi kumda iro kindes dot
M2186	idis armscapan it uuas ira enag barn
C 2186	idis armscapan it uuas iro enag barn
M2187	siu uuas iru uuidouua ne habda uunnea than mer
C 2187	siu uuas iru uuiduuua ni habda uunnia than mer
M2188	biuten te themu enagun sunie al gelaten
C 2188	neuan ti them enigan sunie all gilatan
M2189	uunnea endi uuillean anttat ina iru uurd benam
C 2189	uunnia endi uuilleon antthat ina iru uurth binam
M2190	mari metodogescapu megin folgode
C 2190	mari metodgiscapu megin folgoda
M2191	burgliudeo gebrac thar man ina an baru drog
C 2191	burugliudeo gibrac thar man ina an barun druog
M2192	iungan man te graƀe thar uuarð imu the godes sunu
C 2192	iungan man te graƀe thar uuarth im thie guodes suno
M2193	mahtig mildi endi te theru moder sprac
C 2193	mahti mildi endi te thero muoder sprac
M2194	het that thiu uuidouua uuop farleti
C 2194	hiet that thiu uuiduuua uuop forlieti
M2195	cara aftar themu kinde thu scalt hir craft sehan
C 2195	kara after them kinde thu scalt hier craft sehan
M2196	uualdandes giuuerc thi scal hir uuilleo gestanden
C 2196	uualdandes giuuerc thi scal hier uuillio gistan
M2197	frofra far thesumu folke ne tharft thu ferah caron
C 2197	fruoƀra for theson folce ne tharft thu fera karon
M2198	barnes thines thuo hie ti thero baron geng
C 2198	barnes thines thuo hie ti thero baron geng
M2199	iac hie ina selƀo anthren suno drohtines
C 2199	iac hie ina selƀo anthren suno drohtines
M2200	helagon handon endi ti them heliðe sprak
C 2200	helagon handon endi ti them helithie sprak
M2201	hiet ina so alaiungan up astandan
C 2201	hiet ina so alaiungan upp astandan
M2202	arisan fan theru restun thie rinc up asat
C 2202	arisan fan theru restun thie rinc up asat
M2203	that barn an thero barun uuarð im eft an is briost cuman
C 2203	that barn an thero barun uuarth im eft an is briost cuman
M2204	thie gest thuru godes craft endi hie tegegnes sprac
C 2204	thie gest thuru godes craft endi hie tegegnes sprac
M2205	the man uuið is magos thuo ina eft thero muoder bifalah
C 2205	the man uuid is magos thuo ina eft thero muoder bifalah
M2206	helandi crist an hand hugi uuarð iro te froƀra
C 2206	helandi crist an hand hugi uuarth iro te froƀra
M2207	thes uuiƀes an uunneon huand iro thar sulic uuilleo gistuod
C 2207	thes uuiƀes an uunneon huand iro thar sulic uuilleo gistuod
M2208	fell siu tho te fuotun cristes endi thena folco drohtin
C 2208	fell siu tho te fuotun cristes endi thena folco drohtin
M2209	loƀoda for thero liudeo menigi huand hie iro at so liobes ferahe
C 2209	loƀoda for thero liudeo menigi huand hie iro at so liobes ferahe
M2210	mundoda uuiðer metodigisceftie farstuod siu that hie uuas thie mahtigo drohtin
C 2210	mundoda uuiđer metodigisceftie farstuod siu that hie uuas thie mahtigo drohtin
M2211	thie helago thie himiles giuualdid endi that hie mahti gihelpan managon
C 2211	thie helago thie himiles giuualdid endi that hie mahti gihelpan managon
M2212	allon irminthiedon thuo bigunnun that ahton managa
C 2212	allon irminthiedon thuo bigunnun that ahton managa
M2213	that uunder that under them uueroda giburida quaðun that uualdand selƀo
C 2213	that uunder that under them uueroda giburida quathun that uualdand selƀo
M2214	mahtig quami tharod is menigi uuison endi that hie im so marean sandi
C 2214	mahtig quami tharod is menigi uuison endi that hie im so marean sandi
M2215	uuarsagon an thero uueroldes riki thie im thar sulican uuilleon frumidi
C 2215	uuarsagon an thero uueroldes rikie thie im thar sulican uuillieon frumidi
M2216	uuarð thar thuo erl manag egison bifangan
C 2216	uuarth thar thuo erl manag egison bifangan
M2217	that folc uuarð an forohton gisahun thena is ferah egan
C 2217	that folc uuarth an forohton gisahun thena is fera egan
M2218	dages lioht sehan thena the er doð fornam
C 2218	dages lioht sehan thena the err dođ fornam
M2219	an suhtbeddeon sualt thuo uuas im eft gisund after thiu
C 2219	an suhtbeddeon sualt thuo uuas im eft gisund after thiu
M2220	kindiung aquicot thuo uuarð that kuð obar all
C 2220	kindiung aquicot thuo uuarth that kuth oƀar all
M2221	aƀaron israheles reht so thuo aƀand quam
C 2221	abaron israheles reht so thuo aƀand quam
M2222	so uuarð thar all gisamnod seokora manno
C 2222	so uuarth thar all gisamnod seokora manno
M2223	haltaro endi haƀaro so huat so thar huergin uuas
C 2223	haltaro endi habaro so huat so thar huergin uuas
M2224	thia leƀun under them liudeon endi uurðun thar giledit tuo
C 2224	thia lebun under them liudeon endi uurđun thar giledit tuo
M2225	cumana te criste thar hie im thuru is craft mikil
C 2225	cumana te criste thar hie im thuru is craft mikil
M2226	halp endi sie helda endi liet sia eft gihaldana thanan
C 2226	halp endi sia helda endi liet sia eft gihaldana thanan
M2227	uuendan an iro uuilleon bethiu scal man is uuerc loƀon
C 2227	uuendan an iro uuilleon bethiu scal man is uuerk lobon
M2228	diuran is dadi huand hie is drohtin self
C 2228	diuran is dadi huand hie is drohtin self
M2229	mahtig mundboro manno kunnie
C 2229	mahtig mundboro manno kunnie
M2230	liudeo so huilicon so thar gilobit tuo
C 2230	liudeo so huilicon so thar giloƀit tuo
M2231	an is uuord endi an is uuerc thuo uuas thar uuerodes so filo
C 2231	an is uuord endi an is uuerc thuo uuas thar uuerodes so filo
M2232	allaro elithiodo cuman te them eron cristes
C 2232	allaro elithiodo cuman te them eron cristes
M2233	te so mahtiges mundburd thuo uuelda hie thar ena meri liðan
C 2233	te so mahtiges mundburd thuo uuelda hie thar ena meri lithan
M2234	thie godes suno mid is iungron aneƀan galilealand
C 2234	thie godes suno mid is iungron an eban galilealand
M2235	uualdand enna uuago strom thuo hiet hie that uuerod oðar
C 2235	uualdand enna uuago strom thuo hiet hie that uuerod ođar
M2236	forðuuerdes faran endi hie giuuet im fahora sum
C 2236	forthuuerdes faran endi hie giuuet im fahora sum
M2237	an enna nacon innan neriendi crist
C 2237	an enna nacon innan neriendi crist
M2238	slapan siðuuorig segel up dadun
C 2238	slapan sithuuorig segel upp dadun
M2239	uuederuuisa uueros lietun uuind after
C 2239	uuederuuisa uueros lietun uuind after
M2240	manon oƀar thena meristrom unthat hie te middean quam
C 2240	manon oƀar thena meristrom unthat hie te middean quam
M2241	uualdand mid is uuerodu thuo bigan thes uuedares craft
C 2241	uualdand mid is uuerodu thuo bigan thes uuedares craft
M2242	ust up stigan uðiun uuahsan
C 2242	ust up stigan uthiun uuahsan
M2243	suang gisuerc an gimang thie seu uuarð an hruoru
C 2243	suang gisuerc an gimang thie seu uuarth an hruoru
M2244	uuan uuind endi uuater uueros sorogodun
C 2244	uuan uuind endi uuater uueros sorogodun
M2245	thiu meri uuarð so muodag ni uuanda thero manno nigen
C 2245	thiu meri uuarth so muodag ni uuanda thero manno nigen
M2246	lengron liƀes thuo sia landes uuard
C 2246	lengron libes thuo sia landes uuard
M2247	uuekidun mid iro uuordon endi sagdun im thes uuedares craft
C 2247	uuekidun mid iro uuordon endi sagdun im thes uuedares craft
M2248	badun that im ginaðig neriendi crist
C 2248	badun that im ginathig neriendi crist
M2249	uurði uuið them uuatare eftha uui sculun hier te uunderqualu
C 2249	uurđi uuid them uuatare eftha uui sculun hier te uunderqualu
M2250	sueltan an theson seuue self up ares
C 2250	sueltan an theson seuue self upp ares
M2251	thie guodo godes suno endi te is iungron sprak
C 2251	thie guodo godes suno endi te is iungron sprak
M2252	hiet that sia im uuedares giuuin uuiht ni andredin
C 2252	hiet that sia im uuedares giuuin uuiht ni andredin
M2253	te hui sind gi so forhta quathie nis iu noh fast hugi
C 2253	te hui sind gi so forhta nis iu noh fast hugi
M2254	giloƀo is iu te luttil nis nu lang te thiu
C 2254	giloƀo is iu te luttil nis nu lang te thiu
M2255	that thia stromos sculun stilrun uuerðan
C 2255	that thia stromos sculun stilrun uuerthan
M2256	gi thit uuedar uunsam tho hi te them uuinde sprac
C 2256	gi thit uuedar uunsam thuo hie te them uuinde sprak
M2257	ge te themu seuua so self endi sie smultro het
C 2257	ge te them seuua so self endi sia smultro hiet
M2258	beðea gebarean sie gibod lestun
C 2258	bethiu gibareon sia gibod lestun
M2259	uualdandes uuord uueder stillodun
C 2259	uualdandes uuord uueder stillodun
M2260	fagar uuarð an flode tho bigan that folc undar im
C 2260	fagar uuarth an them fluode thuo that folc under im
M2261	uuerod uundraian endi suma mid iro uuordun sprakun
C 2261	uuerod uundroda endi suma mid uuordon sprakun
M2262	huilic that so mahtigoro manno uuari
C 2262	huilic that so mahtigro manno uuari
M2263	that imu so the uuind endi the uuag uuordu hordin
C 2263	that im so thie uuind endi thie uuag uuordu hordin
M2264	beðea is gibodskepies tho habda sie that barn godes
C 2264	bethiu is gibodscipies thuo habda sia that barn godes
M2265	ginerid fan theru nodi the naco furðor skreid
C 2265	ginerid fan thero nodi thie naco furthor scred
M2266	hoh hurnidskip heliðos quamun
C 2266	hohurnid scip helithos quamun
M2267	liudi te lande sagdun lof gode
C 2267	thia liudi te lande sagdun lof gode
M2268	maridun is megincraft quam thar manno filu
C 2268	maridun is megincraft quam thar manno filo
M2269	angegin themu godes sunie he sie gerno antfeng
C 2269	angegin thena godes suno hie sia gerno antfieng
M2270	so huene so thar mid hluttru hugi helpa sohte
C 2270	so huena so thar mid hlutru hugiu helpa sohta
M2271	lerde sie iro giloƀon endi iro lichamon
C 2271	lerda sia iro giloƀon endi iro likhamon
M2272	handun helde nio the man so hardo ni uuas
C 2272	handon helda nio thie man so hardo ni uuas
M2273	giserit mid suhtiun thoh ina satanases
C 2273	giserid midi suhtion thoh ina satanases
M2274	feknea iungoron fiundes craftu
C 2274	fegnia iungron fiondes craftu
M2275	habdin undar handun endi is hugiskefti
C 2275	habdin undar handon endi is hugiscefti
M2276	giuuit auuardid that he uuodiendi
C 2276	giuuit auuerdit that hie uuodiandi
M2277	fori undar themu folke thoh im simbla ferh fargaf
C 2277	fuori under them folce thoh im simla ferah forgaf
M2278	helandeo crist ef he te is handun quam
C 2278	helendi crist ef hie te is handon quam
M2279	dref thea diuƀlas thanan drohtines craftu
C 2279	dref thia diuƀlos thanan drohtines craftu
M2280	uuarun uuordun endi im is geuuit fargaf
C 2280	uuaron uuordon endi im is giuuit forgaf
M2281	let ina than helan uuiðer hetteandun
C 2281	liet ina than helan uuidar hettindeon
M2282	gaf im uuið thie fiund friðu endi im forð giuuet
C 2282	gaf im uuith thia fiond friđo endi im forth giuuet
M2283	an so huilic thero lando so im than leoƀost uuas
C 2283	an so huilicon thero lando so im thann lioƀost uuas
M2284	so deda the drohtines sunu dago gehuilikes
C 2284	so deda thie drohtines suno dago gihuilikies
M2285	god uuerk mid is iungeron so neo iudeon umbi that
C 2285	guod uuerc mid is iungron so neo iudeon umbi that
M2286	an thea is mikilun craft thiu mer ne geloƀdun
C 2286	an thia is miklun maht thiu mer ni gilobdun
M2287	that he alouualdo alles uuari
C 2287	that hie alouualdo alles uuari
M2288	landes endi liudio thes sie noh lon nimat
C 2288	landes endi liudeo thes sia noh lon nimat
M2289	uuidana uuracsið thes sie thar that geuuin driƀun
C 2289	uuidana uuracsiđ thes sia thar that giuuin dribun
M2290	uuið selƀan thene sunu drohtines tho he im mid is gesiðon giuuet
C 2290	uuid selƀon thena suno drohtines thuo hie im met is gisithon giuuet
M2291	eft an galilæo land godes egan barn
C 2291	eft an galilealand godes egan barn
M2292	for im te them friundun thar he afodid uuas
C 2292	fuor im te them friondon thar hie afuodid uuas
M2293	endi al undar is cunnie kindiung auuohs
C 2293	endi all under is kunnie kindiung auuohs
M2294	the helago heleand umbi ina heriskepi
C 2294	the helago heland umbi ina heriscipi
M2295	theoda thrungun thar uuas thegan manag
C 2295	theodo thrungun thar uuas thegan manag
M2296	so salig undar them gesiðe thar drogun enna seocan man
C 2296	so sali under them gisithie thar druogun enna seocan man
M2297	erlos an iro armun uueldun ina for ogun kristes
C 2297	erlos under iro armon uuoldun ina for ogun cristes
M2298	brengean for that barn godes uuas im botono tharf
C 2298	brengan for that barn godes uuas im buotono tharf
M2299	that ina geheldi heƀenes uualdand
C 2299	that ina giheldi hebanes uualdand
M2300	manno mundboro the uuas er so managan dag
C 2300	manno mundboro thie uuas err so managan dag
M2301	liðuuuastmon bilamod ni mahte is lichamon
C 2301	lithouuastmon belamod ni mohta is lichamon
M2302	uuiht geuualdan than uuas thar uuerodes so filu
C 2302	uuihti giuualdan than uuas thar uuerodes so filo
M2303	that sie ina fora that barn godes brengean ni mahtun
C 2303	that sia ina for that barn godes brengian ni mohtun
M2304	gethringan thurh thea thioda that sie so thurftiges
C 2304	githringan thuru tha thioda that sia so thurftiges
M2305	sunnea gesagdin tho giuuet imu an enna seli innan
C 2305	sunnia gisahdin thuo giuuet im an enna seli innan
M2306	heleando crist huarf uuarð thar umbi
C 2306	helandi crist huarf uuarth thar umbi
M2307	megintheodo gemang tho bigunnun thea man spreken
C 2307	meginthiodo gimang thuo bigunnun thia man sprekean
M2308	the thene lefna lamon lango fordun
C 2308	thia thena lefna lamon lango fuordun
M2309	barun mid is beddiu huo sie ina gedrogin fora that barn godes
C 2309	barun mid is beddiu huo sia ina gidrogin for that barn godes
M2310	an that uuerod innan thar ina uualdand crist
C 2310	an that uuerod innan thar ina uualdand crist
M2311	selƀo gisauui tho gengun thea gesiðos to
C 2311	selƀo gisauui thuo gengun thia gisithos tuo
M2312	hoƀun ina mid iro handun endi uppan that hus stigun
C 2312	huoƀun ina mid iro handon endi uppan that hus stigun
M2313	slitun thene seli oƀana endi ina mid selun letun
C 2313	slitun thena seli oƀana endi ina midi selun lietun
M2314	an thene rakud innan thar the rikeo uuas
C 2314	an thena racod innan thar thie rikeo uuas
M2315	cuningo craftigost reht so he ina tho kuman gisah
C 2315	cuningo craftigost reht so hie ina thuo cuman gisah
M2316	thurh thes huses hrost so he tho an iro hugi farstod
C 2316	thuru thes huses hrost so hie thuo an iro hugie farstuod
M2317	an thero manno modseƀon that sie mikilana te imu
C 2317	an thero manno muodseƀon that sia mikilan ti im
M2318	geloƀon habdun tho he for then liudiun sprak
C 2318	giloƀun habdun thuo hie for them liudon sprak
M2319	quað that he thene siakon man sundeono tomean
C 2319	quat that hie thena seocan man sundeono tuomian
M2320	latan uueldi tho sprakun im eft thea liudi angegin
C 2320	latan uueldi thuo sprakun im eft thia liudi angegin
M2321	gramharde iudeon thea thes godes barnes
C 2321	gramherta iudeon thia thes godes barnes
M2322	uuord aftaruuarodun quaðun that that ni mahti giuuerðen so
C 2322	uuord afterfardun quathun that that ni mohti giuuerthan so
M2323	grimuuerc fargeƀen biutan god eno
C 2323	grimuuerc forgeban neuuan god eno
M2324	uualdand thesaro uueroldes tho habda eft is uuord garu
C 2324	uualdand thesaro uueroldes thuo habda eft is uuord garo
M2325	mahtig barn godes ik gidon that quað he an thesumu manne skin
C 2325	mahtig barn godes ik giduon that an theson manno scin
M2326	the hir so siak ligid an thesumu seli innan
C 2326	thie hier so seoc ligit an theson seli innan
M2327	te uundron giuuegid that ik geuuald hebbiu
C 2327	te uundron giuuegit that ik giuuald hebbiu
M2328	sundea te fargeƀanne endi oc seokan man
C 2328	sundea te fargiƀanne endi oc seokan man
M2329	te geheleanne so ik ina hrinan ni tharf
C 2329	te gihelianne so ik ina hrinan ni tharf
M2330	manoda ina tho the mareo drohtin
C 2330	manoda ina thuo the mario drohtin
M2331	liggeandean lamon het ina far them liudiun astandan
C 2331	liggandan lamon hiet ina for them liudeon astandan
M2332	up alohelan endi het ina an is ahslun niman
C 2332	upp alahelan endi hiet ina an is ahslun neman
M2333	is bedgiuuadi te baka he that gibod leste
C 2333	is bedgiuuadi te bake hie that gibod lesta
M2334	sniumo for themu gisiðea endi geng imu eft gesund thanan
C 2334	sniumo for them gisithon endi geng im eft gisund thanan
M2335	hel fan themu huse tho thes so manag heðin man
C 2335	hel fan them huse thuo thes so manag hethin man
M2336	uueros uundradun quaðun that imu uualdand self
C 2336	uueros uundrodun quathun that im uualdand self
M2337	god alomahtig fargeƀan habdi
C 2337	god alomahtig forgeƀan habdi
M2338	meron mahti than elcor enigumu mannes sunie
C 2338	merun mahti than elcor enigon mannes sunie
M2339	craft endi custi sie ni uueldun antkennean thoh
C 2339	craft endi cunsti sia ni uueldun ankennian thoh
M2340	iudeo liudi that he god uuari
C 2340	iuđeo liudi that hie god uuari
M2341	ne geloƀdun is leran ac habdun im leðan strid
C 2341	ne giloƀdun is lerun ac habdun im lethan strid
M2342	uunnun uuiðar is uuordun thes sie uuerk hlutun
C 2342	uunnun uuider is uuordon thes sia uuerc hlutun
M2343	leðlic longeld endi so noh lango sculun
C 2343	lehtlic longeld endi so noh lango sculun
M2344	thes sie ni uueldun horien heƀencuninges
C 2344	thes sia ni uueldun horean hebancuninges
M2345	cristes lerun thea he cuðde oƀar al
C 2345	cristes lerun thie hie cutda oƀar all
M2346	uuido aftar thesaro uueroldi endi let sie is uuerk sehan
C 2346	uuido after thesaro uueroldi endi liet sia is uuerc sehan
M2347	allaro dago gehuilikes is dadi scauuon
C 2347	allaro dago gihuilikes is dadi scauuon
M2348	horien is helag uuord the he te helpu gesprak
C 2348	horean is helag uuord thie hie te helpu gisprac
M2349	manno barnun endi so manag mahtiglic
C 2349	manno barnon endi so manag mahtilic
M2350	tecan getogda that sie gitruodin thiu bet
C 2350	tecan gitogda that sia truodin thiu bat
M2351	giloƀdin an is lera he so managan lichamon
C 2351	gilobdin is lerun hie so managan likhamon
M2352	balusuhteo antband endi bota geskeride
C 2352	balusuhteo an hand buota giscerida
M2353	fargaf fegiun ferah them the fusid uuas
C 2353	forgaf fegion fera them thie fusid uuas
M2354	helið an helsið than gideda ina the heland self
C 2354	helit an helsit thena gideda thie heland self
M2355	crist thurh is craft mikil quican aftar dođa
C 2355	crist thuru is craft mikil quican aftar dođe
M2356	let ina an thesaro uueroldi forð uunneono neotan
C 2356	liet ina an thesaro uueroldi forth uunneono niotan
M2357	so helde he thea haltun man endi thea haƀon so self
C 2357	so helda hie thia haltun man endi thia haƀun so self
M2358	botta them thar blinde uuarun let sie that berhte lioht
C 2358	buotta them thar blinda uuarun liet sia that berehta lioht
M2359	sinsconi sehan sundea losda
C 2359	sinsconi sehan sundia losda
M2360	gumono grimuuerk ni uuas gio iudeono bethiu
C 2360	gumono grimuuerc ne uuas io iudeo bethiu
M2361	leðes liudskepies giloƀo thiu betara
C 2361	lethes liudscipes giloƀo thiu bettera
M2362	an thene helagon crist ac habdun im hardene mod
C 2362	an thena helagon crist ac habdun im hardon muod
M2363	suiðo starkan strid farstandan ni uueldun
C 2363	suitho starcan strid forstandan ni uueldun
M2364	that sie habdun forfangan fiundun an uuillean
C 2364	that sia habdun farfangan fiondon an uuillon
M2365	liudi mid iro geloƀun ni uuas gio thiu latoro bethiu
C 2365	liudi mid iro giloƀen ni uuas io thiu latera bithiu
M2366	sunu drohtines ac he sagde mid uuordun
C 2366	suno drohtines ac hie sagda mid uuordon
M2367	huo sie scoldin gehalon himiles riki
C 2367	huo sia scoldin gihalon himiles riki
M2368	lerde aftar themu lande habde imu thero liudio so filu
C 2368	lerda after them lande habda im thero liudeo so filo
M2369	giuuenid mid is uuordun that im uuerod mikil
C 2369	giuuenid mid is uuordon that im uuerod mikil
M2370	folc folgoda endi he im filu sagda
C 2370	folc folgoda endi hie im filo sagda
M2371	be biliðiun that barn godes thes sie ni mahtun an iro breostun farstandan
C 2371	be bilithon that barn godes thes sia ni mohtun an iro briostun forstandan
M2372	undarhuggean an iro herton er it im the helago crist
C 2372	underhuggian an iro herten err it im thie helago crist
M2373	oƀar that erlo folc oponun uuordun
C 2373	oƀar that erlo folc oponon uuordon
M2374	thurh is selƀes craft seggean uuelda
C 2374	thuru is selƀes craft seggian uuelda
M2375	marean huat he mende thar ina megin umbi
C 2375	marian huat hie menda thar ina megin umbi
M2376	thioda thrungun uuas im tharf mikil
C 2376	thiodo thrungun uuas im tharf mikil
M2377	te gihorienne heƀencuninges
C 2377	te gihoreanne hebancuninges
M2378	uuarfastun uuord he stod imu tho bi enes uuatares staðe
C 2378	uuarfastun uuord hie stuod im thuo bi enes uuatares stade
M2379	ni uuelde tho bi themu gethringe oƀar that thegno folc
C 2379	ni uuelda thuo bi them githringe oƀar that thegno folc
M2380	an themu lande uppan thea lera cuðean
C 2380	an them lande uppan thia lera cuthian
M2381	ac geng imu tho the godo endi is iungaron mid imu
C 2381	ac geng im thuo thie guodo endi is iungron mid im
M2382	friðubarn godes themu flode nahor
C 2382	friđubarn godes them fluode nahor
M2383	an en skip innan endi it scalden het
C 2383	an en scip innan endi it scaldan hiet
M2384	lande rumur that ina thea liudi so filu
C 2384	lande rumor that ina thia liudi so filo
M2385	thioda ni thrungi stod thegan manag
C 2385	thioda ni thrungi stuod thegan manag
M2386	uuerod bi themu uuatare thar uualdand crist
C 2386	uuerod bi them uuatere thar uualdand crist
M2387	oƀar that liudio folc lera sagde
C 2387	obar that liudeo folc lera sagda
M2388	huat ik iu seggean mag quað he gesiðos mine
C 2388	huat ik iu seggian mag gisithos mina
M2389	huo imu en erl bigan an erðu saian
C 2389	huo im en erl bigan an ertha saian
M2390	hrencorni mid is handun sum it an hardan stēn
C 2390	hrencurni mid is handon sum it an herdan sten
M2391	oƀanuuardan fel erðon ni habda
C 2391	oƀaruuerdan fell erthun ni habda
M2392	that it thar mahti uuahsan eftha uurteo gifahan
C 2392	that it thar ni mohti uuahsan eftha uurti gifahan
M2393	kinan eftha bicliƀen ac uuarð that corn farloren
C 2393	kinan efthuo bicliƀan ac uuarth that corn farloran
M2394	that thar an theru leian gilag sum it eft an land bifel
C 2394	lioblic feldes fruht sum it eft an land bifel
M2395	an erðun aðalcunnies bigan imu aftar thiu
C 2395	an erthun adalcunnies bigan im after thiu
M2396	uuahsen uuanlico endi uurteo fahan
C 2396	uuahsan uuanlico endi uurtio fahan
M2397	lod an lustun uuas that land so god
C 2397	lot an luston uuas that land so guod
M2398	franisco gifehod sum it eft bifallen uuarð
C 2398	fronisco gifehod sum it eft bifallan uuarth
M2399	an ena starca stratun thar stopon gengun
C 2399	an ena starca stratun thar stuopon gengun
M2400	hrosso hofslaga endi heliðo trada
C 2400	hrosso huofslegi endi helitho strada
M2401	uuarð imu thar an erðu endi eft up gigeng
M2402	bigan imu an themu uuege uuahsen tho it eft thes uuerodes farnam
C 2402	bigan im an them uuega uuahsan thuo it eft thes uuerodes farnam
M2403	thes folkes fard mikil endi fuglos alasun
C 2403	thes folkes fard mikil endi fuglos alasun
M2404	that is themu ecsan uuiht aftar ni moste
C 2404	that it them ecson uuiht after ni muosta
M2405	uuerðan te uuillean thes thar an thene uueg bifel
C 2405	uuerthan te uuilleon thes thar an thena uueg bifell
M2406	sum uuarð it than bifallen thar so filu stodun
C 2406	sum uuarth it than bifallan thar so filo stuodun
M2407	thiccero thorno an themu dage
C 2407	thickero thorno an them dage
M2408	uuarð imu thar an erðu endi eft up gigeng
C 2408	uuarth im thar an erthu endi eft upp gigeng
M2409	ken imu thar endi cliƀode tho slogun thar eft crud an gimang
C 2409	ken im thar endi bicliboda thuo slogun thar eft crud an gimang
M2410	uueridun imu thene uuastom habda it thes uualdes hlea
C 2410	uueridun im thena uuaston habda it thes uualdes hlea
M2411	forana oƀarfangan that it ni mahte te enigaro frumu uuerðen
C 2411	forana obarfangan that it ni muosta te enigero fromu uuerthan
M2412	ef it thea thornos so thringan mostun
C 2412	ef it tha thornos so thringan muostin
M2413	tho satun endi suigodun gesiðos cristes
C 2413	thuo satun endi suiguodun gisithos cristes
M2414	uuordspaha uueros uuas im uundar mikil
C 2414	uuordspaha uueros uuas im uundar mikil
M2415	be huilicun biliðiun that barn godes
C 2415	bi huilicon bilithon that barn godes
M2416	sulic soðlic spel seggean bigunni
C 2416	sulic suothlic spell seggian bigunni
M2417	tho bigan is thero erlo en fragoian
C 2417	thuo bigan is thero erlo en fragoian
M2418	holdan herron hneg imu tegegnes
C 2418	holdan herron hneg im tegegnes
M2419	tulgo uuerðlico huat thu geuuald haƀas quað he
C 2419	tulgo uuerthlico huat thu giuuald habis
M2420	ia an himile ia an erðu helag drohtin
C 2420	ge an erthu ge an himile helag drohtin
M2421	uppa endi niðara bist thu alouualdo
C 2421	uppe endi nithare bist thu alouualdo
M2422	gumono gesto endi uui thine iungaron sind
C 2422	gumono gesto endi uui thina iungron sind
M2423	an usumu hugi holde herro the godo
C 2423	an uson hugie holda herro the guodo
M2424	ef it thin uuilleo si lat us thinaro uuordo thar
C 2424	ef it thin uuillie si lat us thinero uuordo thar
M2425	endi gihorien that uui it aftar thi
C 2425	endi gihorian that uui it after thi
M2426	oƀar al cristinfolc cuðean motin
C 2426	all cristinfolc cuthian motin
M2427	uui uuitun that thinun uuordun uuarlic biliði
C 2427	uui uuitun that thinon uuordon uuarlic bilithi
M2428	forð folgoiad endi us is firinun tharf
C 2428	forth folgoiat endi us is firinon tharf
M2429	that uui thin uuord endi thin uuerk huand it fan sulicumu geuuittea cumid
C 2429	that uui thin uuord endi thin uuerc huand it all fan sulicon giuuittie cumid
M2430	that uui it an thesumu lande at thi linon motin
C 2430	that uui it an theson lande at thi linon muotin
M2431	tho im eft tegegnes gumono bezta
C 2431	thuo im eft tegegnes gumono besta
M2432	anduuordi gesprak ni mende ik elcor uuiht quað he
C 2432	anduuordi gisprac ni menda ik elcor uuiht
M2433	te bidernienne dadio minaro
C 2433	te bidernianne dadio minero
M2434	uuordo eftha uuerco thit sculun gi uuitan alle
C 2434	uuordo eftha uuerco thit sculun gi uuitan alla
M2435	iungaron mine huand iu fargeƀen haƀad
C 2435	iungron mina huand iu forgeban habit
M2436	uualdand thesaro uueroldes that gi uuitan motun
C 2436	uualdand thesaro uueroldes that gi uuitan muotun
M2437	an iuuuom hugiskeftiun himilisc geruni
C 2437	an iuuuon hugisceftion himilisc giruni
M2438	them oðrun scal man be biliðiun that gibod godes
C 2438	them ođron scal man be bilithon that gibod godes
M2439	uuordun uuisien nu uuilliu ik iu te uuarun hier
C 2439	uuordon uuisean nu uuelliu ik iu te uuaron hier
M2440	marien huat ik mende that gi mina thiu bet
C 2440	marian huat ik menda that gi mina thiu bat
M2441	oƀar al thit landskepi lera farstandan
C 2441	oƀar all thit landscipi lera forstandan
M2442	that sad that ik iu sagda that is selƀes uuord
C 2442	that sad that ik iu sagda that is selƀes uuord
M2443	thiu helaga lera heƀencuninges
C 2443	thiu helaga lera hebancuninges
M2444	huo man thea marien scal oƀar thene middilgard
C 2444	huo man thia marian scal oƀar thesan middilgard
M2445	uuido aftar thesaro uueroldi uueros sind im gihugide
C 2445	uuido aftar thesaro uueroldi uueros sind im gihugida
M2446	man mislico sum sulican mod dregid
C 2446	man mislico sum sulican muod dregit
M2447	harda hugiskefti endi hrean seƀon
C 2447	harda hugiscefti endi hrean seƀon
M2448	that ina ni geuuerðod that he it be iuuuon uuordun due
C 2448	that ina ne giuuerthot that hie it bi iuuuon uuordon dua
M2449	that he thesa mina lera forð lestien uuillie
C 2449	that hie thia mina lera forth lestian uuellie
M2450	ac uuerðad thar so farlorana lera mina
C 2450	ac uuerthat thar so forlorana lera mina
M2451	godes ambusni endi iuuuaro gumono uuord
C 2451	godes ambusni endi iuuaro gomono uuord
M2452	an themu uƀilon manne so ik iu er sagda
C 2452	an them uƀilon man so ik iu err sagda
M2453	that that korn faruuarð that thar mid kiðun ni mahte
C 2453	that that corn faruuarth that thar met kithon ni mahta
M2454	an themu stene uppan stedihaft uuerðan
C 2454	an them stene uppan stedihaft uuerthan
M2455	so uuirðid al farloran eðilero spraka
C 2455	so uuirdit all forloran ethilero spraca
M2456	arundi godes so huat so man themu uƀilon manne
C 2456	arundi godes so huat so man them uƀilon man
M2457	uuordun geuuisid endi he an thea uuirson hand
C 2457	uuordon giuuisit endi hie it an thia uuirsun hand
M2458	undar fiundo folc fard gekiusid
C 2458	undar fiondo folc fard gikiusit
M2459	an godes unuuilean endi an gramono hrom
C 2459	an godes unuuilleon endi an gramono hrom
M2460	endi an fiures farm forð scal he hetean
C 2460	endi an fiures farm forth scal hie hetian
M2461	mid is breosthugi breda logna
C 2461	met is briosthugie breda logna
M2462	nio gi an thesumu lande thiu les lera mina
C 2462	nio gi an theson lande thiu les lera mina
M2463	uuordun ni uuisiad is theses uuerodes so filu
C 2463	uuordon ni uuiseat ist theses uuerodes so filo
M2464	erlo aftar thesaro erðun bisted thar oðar man
C 2464	erlo aftar thesaro erthun bistet thar ođor man
M2465	the is imu iung endi glau endi haƀad imu godan mod
C 2465	thei ist im iung endi glau endi haƀit im guodan muod
M2466	sprakono spahi endi uuet iuuuaro spello giskeđ
C 2466	spracono spahi endi uuet iuuoro spello gisced
M2467	hugid is than an is herton endi horid thar mid is orun to
C 2467	hugit is than an is herten endi horit thar mid is oron tuo
M2468	suiðo niudlico endi nahor sted
C 2468	suitho niudlico endi nahor sted
M2469	an is breost hledid that gibod godes
C 2469	an is briost hledit that gibod godes
M2470	linod endi lestid is is giloƀo so god
C 2470	linot endi lestit ist is giloƀo so guod
M2471	talod imu huo he oðrana eft gihuerƀie
C 2471	talot im huo hie odarna eft gihuerƀie
M2472	mendadigan man that is mod draga
C 2472	menndadigan man that is muod draga
M2473	hluttra treuua te heƀencuninge
C 2473	hluttra treuua te hebancuninge
M2474	than bredid an thes breostun that gibod godes
C 2474	than bredid an thes brioston that gibod godes
M2475	thie luƀigo gilobo so an themu lande duod
C 2475	thie luƀigo giloƀo so an them lande duot
M2476	that korn mid kiðun thar it gikund haƀad
C 2476	that corn met kithon thar it gegrund haƀit
M2477	endi imu thiu uurð bihagod endi uuederes gang
C 2477	endi im thiu uurth bihagot endi uuederes gang
M2478	regin endi sunne that it is reht haƀad
C 2478	regan endi sunna that it is reht haƀit
M2479	so duod thiu godes lera an themu godun manne
C 2479	so duot thiu godes lera an them guodon man
M2480	dages endi nahtes endi gangid imu diuƀal fer
C 2480	dages endi nahtes endi gangat im diuball ferr
M2481	uureða uuihti endi the uuard godes
C 2481	uuretha uuihti endi thie uuard godes
M2482	nahor mikilu nahtes endi dages
C 2482	nahor mikilu dages endi nahtes
M2483	anttat sie ina brengead that thar beðiu uuirðid
C 2483	andthat sia ina brengiat that thar bethiu uuirdit
M2484	ia thiu lera te frumu liudio barnun
C 2484	ge thiu lera te frumu liudio barnon
M2485	the fan is muðe cumid iac uuirðid the man gode
C 2485	thiu fan is muthe cumit ge oc uuirdit the man gode
M2486	haƀad so giuuehslod te thesaro uueroldstundu
C 2486	haƀit so giuuehslot te thesaro uueroldstundu
M2487	mid is hugiskeftiun himilrikeas gidel
C 2487	mid is hugisceftion himilrikes gidel
M2488	uuelono thene mestan farid imu an giuuald godes
C 2488	uuelono them meston ferit im an giuuald godes
M2489	tionuno tomig treuua sind so goda
C 2489	tionuno temig treuua sind so guoda
M2490	gumono gehuilicumu so nis goldes hord
C 2490	gumono gihuilicon so nis goldes hord
M2491	gelik sulicumu giloƀon uuesad iuuuaro lerono forð
C 2491	gilik sulicon giloƀon uuesat iuuuero lerono forth
M2492	mancunnie mildie sie sind so mislika
C 2492	mancunnie mildia sia sind so mislica
M2493	heliðos gehugda sum haƀad iro hardan strid
C 2493	helithos gihugida sum habit iro hardon striđ
M2494	uureðan uuillean uuancolna hugi
C 2494	uurethan uuilleon uuancalna hugi
M2495	is imu feknes ful endi firinuuerko
C 2495	is im fecnes full endi firinuuerco
M2496	than biginnid imu thunkean than he undar theru thiodu stad
C 2496	than biginnit im thunkean than hie under thero thieda steđ
M2497	endi thar gihorid oƀar hlust mikil
C 2497	endi thar gihorid oƀar hlust sprecan
M2498	thea godes lera than thunkid imu that he sie gerno forð
C 2498	thia godes lera than thunkit im that hie sia gerno forth
M2499	lestien uuillie than biginnid imu thiu lera godes
C 2499	lestian uuillie thann biginnit im thiu lera guodes
M2500	an is hugi hafton anttat imu than eft an hand cumid
C 2500	an is huge hafton antthat im thann eft an hand cumit
M2501	feho te giforea endi fremiði scat
C 2501	fehu te gifuorie endi fremithi scatt
M2502	than farledead ina leða uuihti
C 2502	than farlediat ina lethia uuihti
M2503	than he imu farfahid an fehogiri
C 2503	than hie im farfahit an fehugiri
M2504	aleskid thene gilobon than uuas imu that luttil fruma
C 2504	aleskit thena gilobon than uuas im that luttil fruma
M2505	that he it gio an is hertan gehugda ef he it halden ne uuili
C 2505	that hie it io an is herten gihugit ef hie it haldan ni uuili
M2506	that is so the uuastom the an themu uuege began
C 2506	that ist so thie uuaston the an them uuege bigan
M2507	liodan an themu lande tho farnam ina eft thero liudio fard
C 2507	liođan an them lande thoh fornam ina eft thero liodio fard
M2508	so duot thea meginsundeon an thes mannes hugi
C 2508	suo duot sia meginsundiun an them mannes hugie
M2509	thea godes lera ef he is ni gomid uuel
C 2509	thia guodes lera ef hie is ni gomit uuell
M2510	elcor bifelliad sia ina ferne te boðme
C 2510	elcor bifalliat sia ina ferna te bothme
M2511	an thene hetan hel thar he heƀencuninge
C 2511	an thena hetan hell thar hie hebancuninge ni uuirthit
M2512	ni uuirđid furður te frumu ac ina fiund sculun
C 2512	furthor ti fromu ac ina fiond sculun
M2513	uuitiu giuuaragean simla gi mid uuordun forð
C 2513	uuitiu giuuarogian simla gi mid uuordon forth
M2514	leread an thesumu lande ik can thesaro liudio hugi
C 2514	lerat an theson lande ik can thesaro liudio hugi
M2515	so mislican muodseƀon manno cunnies
C 2515	so mislican muodseƀon manno cunnies
M2516	so uuanda uuisa
C 2516	so uuanda uuisa
M2517	sum haƀit all te thiu is muod gilatan endi mer sorogot
C 2517	sum haƀit all te thiu is muod gilatan endi merr sorogot
M2518	huo hie that hord bihalde than huo hie heƀancuninges
C 2518	huo hie that hord bihalde than huo hie hebancuninges
M2519	uuilleon giuuirkie bethiu thar uuahsan ni mag
C 2519	uuilleon giuuirkie bethiu thar uuahsan ni mag
M2520	that helaga gibod godes thoh it thar ahafton mugi
C 2520	that helaga gibod godes thoh it thar ahafton mugi
M2521	uurtion biuuerpan huand it thie uuelo thringit
C 2521	uurtion biuuerpan huand it thie uuelo thringit
M2522	so samo so that crud endi thie thorn that corn antfahat
C 2522	so samo so that crud endi thie thorn that corn antfahat
M2523	uueriat im thena uuastom so duot thie uuelo manne
C 2523	uueriat im thena uuaston so duot thie uuelo manne
M2524	giheftid is herta that hie it gihuggian ni muot
C 2524	giheftid is herta that hie it gihuggian ni muot
M2525	thie man an is muode thes hie mest bitharf
C 2525	thie man an is muode thes hie mest bitharf
M2526	huo hie that giuuirkie than lang thie hie an thesaro uueroldi si
C 2526	huo hie that giuuirkie than lang thie hie an thesaro uueroldi si
M2527	that hie ti euuondage after muoti
C 2527	that hie ti euuondage after muoti
M2528	hebbian thuru is herren thanc himiles riki
C 2528	hebbian thuru is herren thanc himiles riki
M2529	so endilosan uuelon so that ni mag enig man
C 2529	so endilosan uuelon so that ni mah enig man
M2530	uuitan an thesaro uueroldi nio hie so uuido ni can
C 2530	uuitan an thesaro uueroldi nio hie so uuido ni can
M2531	te githenkeanne thegan an is muode
C 2531	te githenkeanne thegan an is muode
M2532	that it bihaldan mugi herta thes mannes
C 2532	that it bihaldan mugi herta thes mannes
M2533	that hie that ti uuaron uuiti huat uualdand god haƀit
C 2533	that hie that ti uuaron uuiti huat uualdand god habit
M2534	guodes gigereuuid that all geginuuerd steð
C 2534	guodes gigereuuid that all geginuuerd steđ
M2535	manno so huilicon so ina hier minniot uuel
C 2535	manno so huilicon so ina hier minniot uuel
M2536	endi selƀo te thiu is seola gihaldit
C 2536	endi selƀo te thiu is seola gihaldit
M2537	that hie an lioht godes liðan muoti
C 2537	that hie an lioht godes lithan muoti
M2538	so uuisda hie thuo mid uuordon stuod uuerod mikil
C 2538	so uuisda hie thuo mid uuordon stuod uuerod mikil
M2539	umbi that barn godes gehordun ina bi biliđon filo
C 2539	umbi that barn godes gihordun ina bi bilithon filo
M2540	umbi thesaro uueroldes giuuand uuordon tellian
C 2540	umbi thesaro uueroldes giuuand uuordon tellian
M2541	quat that im oc en aðales man an is acker saidi
C 2541	quat that im oc en ađales man an is acker saidi
M2542	hluttar hrencorni handon sinon
C 2542	hluttar hrencorni handon sinon
M2543	uuolda im thar so uunsames uuastmes tilian
C 2543	uuolda im thar so uunsames uuastmes tilian
M2544	fagares fruhtes thuo geng thar is fiond aftar
C 2544	fagares fruhtes thuo geng thar is fiond after
M2545	thuru dernian hugi endi it all mid durðu oƀarseu
C 2545	thuru dernian hugi endi it all mid durthu oƀarseu
M2546	mid uueodo uuirsiston thuo uuohsun sia beðiu
C 2546	mid uueodo uuirsiston thuo uuohsun sia bethiu
M2547	ge that corn ge that crud so quamun gangan
C 2547	ge that corn ge that crud so quamun gangan
M2548	is hagastoldos te hus iro herren sagdun
C 2548	is hagastoldos te hus iro herren sagdun
M2549	thegnos iro thiodne thristion uuordon
C 2549	thegnos iro thiodne thristion uuordon
M2550	huat thu saidos hluttar corn herro thie guodo
C 2550	huat thu saidos hluttar corn herro thie guodo
M2551	enfald an thinon accar nu ni gisihit enig erlo than mer
C 2551	enuuald an thinon accar nu ni gisihit enig erlo than mer
M2552	uueodes uuahsan hui mohta that giuuerðan so
C 2552	uueodes uuahsan hui mohtta that giuuirthan so
M2553	thuo sprak eft thie aðales man them erlon tegegnes
C 2553	thuo sprak eft thie adales man them erlon tegegnes
M2554	thiodan uuið is thegnos quat that hie it mahti undarthenkian uuel
C 2554	thiodan uuiđ is thegnos quat that hie it magti undarthenkian uuel
M2555	that im thar unhold man aftar saida
C 2555	that im thar unhold man after saida
M2556	fiond fecni crud ne gionsta mi thero fruhtio uuel
C 2556	fiond fecni crud ne gionsto mi thero fruhtio uuel
M2557	auuerda mi thena uuastom thuo thar eft uuini sprakun
C 2557	auuerda mi thena uuastom thuo thar eft uuini sprakun
M2558	is iungron tegegnes quaðun that sia thar uueldin gangan tuo
C 2558	is iungron tegegnes quathun that sia thar uueldin gangan tuo
M2559	cuman mid craftu endi losian that crud thanan
C 2559	cuman mid craftu endi losian that crud thanan
M2560	halon it mid iro handon thuo sprac im eft iro herro angegin
C 2560	halon it mid iro handon thuo sprac im eft iro herro angegin
M2561	ne uuelleo ik that gi it uuiodon quathie huand gi biuuardon ni mugun
C 2561	ne uuelleo ik that gi it uuiodon huand gi biuuardon ni mugun
M2562	gigomean an iuuuon gange thoh gi it gerno ni duan
C 2562	gigomean an iuuuon gange thoh gi it gerno ni duan
M2563	ni gi thes cornes te filo kiðo auuerdiat
C 2563	ni gi thes cornes te filo kitho auuerdiat
M2564	felliat under iuuua fuoti late man sia forð hinan
C 2564	felliat under iuuua fuoti late man sia forth hinan
M2565	beðiu uuahsan und er beuuod cume
C 2565	bethiu uuahsan und er beuuod cume
M2566	endi an them felde sind fruhti ripia
C 2566	endi an them felde sind fruhti ripia
M2567	aroa an them accare than faran uui thar alla tuo
C 2567	aroa an them accare than faran uui thar alla tuo
M2568	halon it mid ussan handon endi that hrencurni lesan
C 2568	halon it mid ussan handon endi that hrencurni lesan
M2569	suƀro tesamne endi it an minon seli duoian
C 2569	subro tesamne endi it an minon seli duoian
M2570	hebbean it thar gihaldan that it huergin ni mugi
C 2570	hebbean it thar gihaldan that it huergin ni mugi
M2571	uuiht auuerdian endi that uuiod niman
C 2571	uuiht auuerdian endi that uuiod niman
M2572	bindan it te burðinnion endi uuerpan it an bittar fiur
C 2572	bindan it te burthinnion endi uuerpan it an bitar fiur
M2573	laton it thar haloian heta logna
C 2573	laton it thar haloian heta logna
M2574	eld unfuodi thuo stuod erl manag
C 2574	eld unfuodi thuo stuod erl manag
M2575	thegnos thagiandi huat thiodgomo
C 2575	thegnos thagiandi huat thiodgomo
M2576	mari mahtig crist menean uueldi
C 2576	mari mahtig crist menian uueldi
M2577	boknien mid thiu biliðiu barno rikeost
C 2577	bocnian mid thiu bilithu barno rikiost
M2578	badun tho so gerno godan drohtin
C 2578	badun thuo so gerno guodan drohtin
M2579	antlucan thea lera that sia mostin thea liudi forð
C 2579	antlucan thia lera that sia muostin thea liudi forth
M2580	helaga horean tho sprak im eft iro herro angegin
C 2580	helaga horean thuo sprak im eft iro herro angegin
M2581	mari mahtig crist that is quað he mannes sunu
C 2581	mari mahti crist that ist mannes suno
M2582	ik selƀo bium that thar saiu endi sind thesa saliga man
C 2582	ik selƀo biun that thar saiu endi sind thesa saliga man
M2583	that hluttra hrencorni thea mi her horead uuel
C 2583	that hluttra hrencorni thia mi hierr horiat uuel
M2584	uuirkiad minan uuillean thius uuerold is the akkar
C 2584	uuirkeat minon uuilleon thius uuerold is thie accar
M2585	thit breda buland barno mancunnies
C 2585	thit breda buland barno mancunnies
M2586	satanas selƀo is that thar said aftar
C 2586	satanas selƀo ist that thar sait after
M2587	so leðlica lera haƀad thesaro liudeo so filu
C 2587	so letlica lera habit thesaro liudeo so filo
M2588	uuerodes auuardid that sie uuam frummead
C 2588	uuerodes auuerdit that sia uuam frummeat
M2589	uuirkead aftar is uuilleon thoh sculun sie her uuahsen forð
C 2589	uuirkeat after is uuilleon thoh sculun sia her uuahsan forth
M2590	thea forgriponon gumon so samo so thea godun man
C 2590	thia forgripanun gomon so samo so thia guodun man
M2591	anttat mudspelles megin oƀar man ferid
C 2591	antthat mutspelles megin oƀar man ferit
M2592	endi thesaro uueroldes than is allaro accaro gehuilic
C 2592	endi thesaro uueroldes thann is allaro accaro gihuilic
M2593	geripod an thesumu rikea sculun iro regangiscapu
C 2593	geripod an thesom rikie sculun iro reginogiscapu
M2594	frummien firiho barn than tefarid erða
C 2594	frummian firio barn than teferit ertha
M2595	that is allaro beuuo bredost than kumid the berhto drohtin
C 2595	that is allero beuuo bredost than cumit thie berehto drohtin
M2596	oƀana mid is engilo craftu endi cumad alle tesamne
C 2596	oƀane mid is engilo craftu endi cumat all tesamne
M2597	liudi the io thit lioht gisaun endi sculun than lon antfahan
C 2597	liudi thia io thit lioht gisahun endi sculun than lon antfahan
M2598	uƀiles endi godes than gangad engilos godes
C 2598	ubiles endi guodes than gangat engilos godes
M2599	helage heƀenuuardos endi lesat thea hluttron man
C 2599	helaga hebanuuardos endi losiat thia hluttrun man
M2600	sundor tesamne endi duat sie an sinsconi
C 2600	sundar tesamne endi duot sia an sinsconi
M2601	hoh himiles lioht endi thea oðra an hellia grund
C 2601	ho himiles lioht endi thia ođra an helligrund
M2602	uuerpad thea faruuarhton an uuallandi fiur
C 2602	uuerpat thia faruuarahtun an uuallandi fiur
M2603	thar sculun sie gibundene bittra logna
C 2603	thar sculun sia gibundana bittra logna
M2604	thrauuerk tholon endi thea oðra thioduuelon
C 2604	thrauuerc tholon endi thia ođra thioduuelon
M2605	an heƀenrikea huitaro sunnon
C 2605	an hebanrikie huitero sunnun
M2606	liohtean gelico sulic lon nimad
C 2606	luhtian gilico sulic lon nimat
M2607	uueros uualdadeo so hue so giuuit egi
C 2607	uueros uueldadio so huie so giuuit egi
M2608	gehugdi an is hertan ettha gihorien mugi
C 2608	gihugdi an is herten eftha gihorean mugi
M2609	erl mid is orun so lata imu thit an innan sorga
C 2609	erl mid is oron so lata im thitt an innan
M2610	an is modseƀon huo he scal an themu mareon dage
C 2610	sorga an is muodsebon huo hie scal an them marien dage
M2611	uuið thene rikeon god an reðiu standen
C 2611	uuid thena rikeon god an rethiu standan
M2612	uuordo endi uuerko allaro the he an thesaro uueroldi giduod
C 2612	uuordo endi uuerco allaro thie hie an thesaro uueroldi giduot
M2613	that is egislicost allaro thingo
C 2613	that is egislicost allero thingo
M2614	forhtlicost firiho barnun that sie sculun uuið iro frahon mahlien
C 2614	forohtlicost firio barnon that sia sculun uuid iro frahon mahlon
M2615	gumon uuið thene godan drohtin than uueldi gerno gehue uuesan
C 2615	gomon uuid thena guodan drohtin than uueldi gerno gihuie
M2616	allaro manno gehuilic menes tomig
C 2616	uuesan allaro manno gihuilic menes tuomig
M2617	sliðero sacono aftar thiu scal sorgon er
C 2617	sliđero sacono after thiu scal sorogon err
M2618	allaro liudeo gehuilic er he thit lioht afgeƀe
C 2618	allaro liudeo gihuilic err hie thit lioht ageƀe
M2619	the than egan uuili alungan tir
C 2619	thie than egan uuili aldarlangan tir
M2620	hoh heƀenriki endi huldi godes
C 2620	hoh hebanriki endi huldi godes
M2621	so gifragn ik that tho selƀo sunu drohtines
C 2621	so gifran ik that thuo selƀo suno drohtines
M2622	allaro barno bezt biliðeo sagda
C 2622	allaro barno best bilithi sagda
M2623	huilic thero uuari an uueroldrikea
C 2623	huilic thero uuari an uueroldrikie
M2624	undar heliðcunnie himilrikie gelic
C 2624	under helithcunne himilrike gilik
M2625	quað that oft luttiles huat liohtora uurði
C 2625	quat that oft luttiles huat liohtera uuirthi
M2626	so hoho afhuoƀi so duot himilriki
C 2626	so hoho afhobi so duot himilriki
M2627	that is simla mera than is man enig
C 2627	that is simla mira thann is mann enig
M2628	uuanie an thesaro uueroldi ok is imu that uuerk gelic
C 2628	uuanie an thesaro uueroldi oc ist im that uuerc gilik
M2629	that man an seo innan segina uuirpit
C 2629	that man an seo innan segina uuirpit
M2630	fisknet an flod endi fahit beðiu
C 2630	fisknett an fluot endi fahit bethiu
M2631	uƀile endi gode tiuhid up te staðe
C 2631	ubila endi guoda tiuhit upp te stade
M2632	liðod sie te lande lisit aftar thiu
C 2632	lithot sia ti lande lisid after thiu
M2633	thea godun an greote endi latid thea oðra eft an grund faran
C 2633	thia guodan an greote endi latit thia ođra eft an grund faran
M2634	an uuidan uuag so duod uualdand god
C 2634	an uuidan uuag so duot uualdand god
M2635	an themu mareon dage menniscono barn
C 2635	an them marion dage menniscono barn
M2636	brengid irminthiod alle tesamne
C 2636	brengit irminthiod all tesamne
M2637	lisit imu than thea hluttron an heƀenriki
C 2637	lisit im thann thia hluttron an hebanriki
M2638	latid thea fargriponon an grund faren
C 2638	latit thia forgriponun an grund faran
M2639	hellie fiures ni uuet heliðo man
C 2639	hellifiures ni uuet helitho man
M2640	thes uuities uuiðarlaga thes thar uueros thiggeat
C 2640	thes uuities uuiderlaga thes thar uueros thingiat
M2641	an themu inferne irminthioda
C 2641	an them inferna irminthioda
M2642	than hald ni mag thera medan man gimacon fiðen
C 2642	than hald ni mag thero miedun man gimacon findan
M2643	ni thes uuelon ni thes uuilleon thes thar uualdand skerid
C 2643	ne thes uuelon ne thes uuillen thes thar uualdand skerit
M2644	gildid god selƀo gumono so huilicumu
C 2644	gildid god selƀo gomono so huilicon
M2645	so ina her gihaldid that he an heƀenriki
C 2645	so ina hier gihaldit that hie an hebanriki
M2646	an that langsame lioht liðan moti
C 2646	an that langsama lioht lithan muoti
M2647	so lerda he tho mid listiun than forun thar thea liudi to
C 2647	so lerda hie thuo mid listion than fuorun thar thia liudi tuo
M2648	oƀar al galilæo land that godes barn sehan
C 2648	oƀar all galilealand that godes barn sehan
M2649	dadun it bi themu uundre huanen imu mahti sulic uuord cumen
C 2649	dadun it bi them uundre huanan im mohti sulic uuord cuman
M2650	so spahlico gisprokan that he spel godes
C 2650	so spahlico gisprocan that hie spel godes
M2651	gio so soðlico seggean consti
C 2651	io so suodlico seggian cunsti
M2652	so craftiglico giqueðen he is theses kunnies hinen quaðun sie
C 2652	so craftlico giquethan hie ist thieses cunnies hinan quathun sia
M2653	the man thurh magskepi her is is moder mid us
C 2653	thie man thuru magscipi hier is is muoder mid us
M2654	uuif undar thesumu uuerode huat uui the her uuitun alle
C 2654	uuiƀ undar theson uueroda huat uui thia hier uuitun alla
M2655	so kuð is us is kuniburd endi is knosles gehuat
C 2655	so cuth is us is cunniburd endi is cnuosles gihuat
M2656	auuohs al undar thesumu uuerode huanen scoldi imu sulic geuuit cuman
C 2656	auuohs all under theson uueroda huanan scoldi im sulik giuuit cuman
M2657	meron mahti than her oðra man egin
C 2657	merun mahtig than hier ođra manna egin
M2658	so farmunste ina that manno folc endi sprakun im gimedlic uuord
C 2658	so formonsta ina that manno folc endi gispracun im gimedlic uuord
M2659	farhogdun ina so helagna horien ni uueldun
C 2659	forhogdun ina so helagna horian ni uueldun
M2660	is gibodskepies ni he thar ok biliðeo filu
C 2660	is gibodscipi ne hie thar oc bilitho filo
M2661	thurh iro ungiloƀon ogean ni uuelde
C 2661	thuru iro ungiloƀon ogian ni uuelda
M2662	torhtero tecno huand he uuisse iro tuiflean hugi
C 2662	torohtero tecno huand hie uuissa iro tuiflian hugi
M2663	iro uureðan uuillean that ni uuarun uueros oðra
C 2663	iro uurethan uuillion that ni uuarun uueros ođra
M2664	so grimme under iudeon so uuarun umbi galilæo land
C 2664	so grimma under iudeon so uuarun umbi galilealand
M2665	so hardo gehugide so thar uuas the helago krist
C 2665	so hardo gihugida so thar uuas thie helago crist
M2666	giboren that barn godes si ni uueldun is gibodskepi thoh
C 2666	giboran that barn godes sia ni uueldun is gibodscipi thoh
M2667	antfahan ferhtlico ac bigan that folc undar im
C 2667	anfahan ferahtlico ac bigan that folc undar im
M2668	rincos radan huo sie thene rikeon krist
C 2668	rincos radan huo sia thena rikion crist
M2669	uuegdin te uundron hetun tho iro uuerod cumen
C 2669	uuegdin te uundron hietun thuo iro uuerod cuman
M2670	gesiði tesamne sundea uueldun
C 2670	gisithi tesamne sundia uueldun
M2671	an thene godes sunu gerno gitellien
C 2671	an thena godes suno gerno tellian
M2672	uureðes uuilleon ni uuas im is uuordo niud
C 2672	uurethan uuillion ni uuas im is uuordo niud
M2673	spaharo spello ac sie bigunnun sprekan undar im
C 2673	spaharo spello ac sia bigunnun sprecan under im
M2674	huo sie ina so craftagne fan enumu cliƀe uurpin
C 2674	huo sia ina so craftigna for enon cliƀe uurpin
M2675	oƀar enna berges uual uueldun that barn godes
C 2675	obar enna berges uuall uueldun that barn godes
M2676	liƀu bilosien tho he imu mid them liudiun samad
C 2676	liƀu bilosian thuo hie im mid them liudeon samad
M2677	frolico for ni uuas imu foraht hugi
C 2677	frolico fuor ni uuas im forht hugi
M2678	uuisse that imu ni mahtun menniscono barn
C 2678	uuissa that im ni mohtun manniscono barn
M2679	bi theru godcundi iudeo liudi
C 2679	be thero godcundi iudeo liudi
M2680	er is tidiun uuiht teonon gifrummien
C 2680	er is tidion uuiht tionon gifrummian
M2681	leðaro gilesto ac he imu mid them liudiun samad
C 2681	letharo gilestio ac hie im mid them liudeon samod
M2682	steg uppen thene stenholm antthat sie te theru stedi quamun
C 2682	steg uppan thena stenholm antthat sia te there stedi quamun
M2683	thar sie ine fan themu uualle niðer uuerpen hugdun
C 2683	thar sia ina for them uualle nithar uuerpan hogdun
M2684	fellien te foldu that he uurði is ferhes los
C 2684	fellian ti foldu that hie uurthi is ferahes los
M2685	is aldres at endie tho uuarð thero erlo hugi
C 2685	is aldres at endie thuo uuarth thero erlo hugi
M2686	an themu berge uppen bittra githahti
C 2686	an them berge uppan bittra githahti
M2687	iuðeono tegangen that iro enig ni habde so grimmon seƀon
C 2687	iudeono tigangan that iro enig ni habda so grimmean seƀon
M2688	ni so uureðen uuilleon that sie mahtin thene uualdandes sunu
C 2688	ne so uurethan uuilleon
M2689	iohannes mid is iungarun godes ambahtman
M2690	that sie ina tho undaruuissin so mahte he undar ira uuerode standen
C 2690	that sie ina thuo undaruuissin so mohta hie undar iro uueroda standan
M2691	endi an iro gimange middiumu gangen
C 2691	endi an iro gimange middion gangan
M2692	faren undar iro folke he dede imu thene friðu selƀo
C 2692	faran undar iro folke hie deda im thena friđu selbo
M2693	mundburd uuið theru menegi endi giuuet imu thurh middi thanan
C 2693	mundburd uuid thero menigi endi giuuet im thuru middi thanan
M2694	thes fiundo folkes for imu tho thar he uuelde
C 2694	thes fiondo folkes fuor im thuo thar hie uuolda
M2695	an ene uuostunnie uualdandes sunu
C 2695	an ene uuostennia uualdandies suno
M2696	cuningo craftigost habde thero custes giuuald
C 2696	cuningo craftigost habda thero custeo giuuald
M2697	huar imu an themu lande leoƀost uuari
C 2697	huar im than an them lande liobost uuari
M2698	te uuesanne an thesaru uueroldi than for imu an uueg oðran
C 2698	te uuesanne an thesaro uueroldi thann fuor im an uueg odran
M2699
C 2699	iohannes mid is iungron guodes ambahtmann
M2700	lerde thea liudi langsamane rad
C 2700	lerda thia liudi langsamna rad
M2701	het that sie frume fremidin firina farletin
C 2701	hiet that sia fruma fremidin firina forlietin
M2702	men endi morðuuerk he uuas thar managumu liof
C 2702	men endi morthuuerc hie uuas thar managan lief
M2703	godaro gumono he sohte imu tho thene iudeono cuning
C 2703	guodaro gumono hie suohta im thuo thena iudeono cuning
M2704	thene heritogon at hus the heten uuas
C 2704	thena heritogon at hus the heten uuas
M2705	erodes aftar is eldiron oƀarmodig man
C 2705	herodes after is eldiron oƀarmuodig mann
M2706	buide imu be theru brudi thiu er sines brođer uuas
C 2706	buida im bi thero brudi thiu err sines bruother uuas
M2707	idis an ehti anttat he ellior skoc
C 2707	idis an ehti antthat hie ellior scuoc
M2708	uuerold uueslode tho imu that uuif ginam
C 2708	uuerold uuesloda thuo im that uuiƀ ginam
M2709	the cuning te quenun er uuarun iro kind odan
C 2709	thie cuning te quenu err uuarun iro kind odana
M2710	barn be is brođer tho bigan imu thea brud lahan
C 2710	barn be is bruother thuo bigan im thia brud lahan
M2711	iohannes the godo quað that it gode uuari
C 2711	iohannes thie guodo quat that it gode uuari
M2712	uualdande uuiðermod that it enig uuero frumidi
C 2712	uualdande uuidarmuod that it enig uuero frumidi
M2713	that brođer brud an is bed nami
C 2713	that bruođer brud an is bed nami
M2714	hebbie sie imu te hiuun ef thu mi horien uuili
C 2714	hebbie sia im ti hiuuon ef thu mi horian uuili
M2715	giloƀien minun lerun ni scalt thu sie leng egan
C 2715	giloƀan minon leron ni scalt thu sia leng egan
M2716	ac mið ire an thinumu mode ni haƀa thar sulica minnea to
C 2716	ac mith iro an thinon muode ni haƀi thu thar sulica minna tuo
M2717	ni sundeo thi te suiðo tho uuarð an sorgun hugi
C 2717	ne sundeo thi te suitho thuo uuarth an sorogon hugi
M2718	thes uuiƀes aftar them uuordun andred that he thene uueroldcuning
C 2718	thes uuibes after them uuordon andried that hie thena uueroldcuning
M2719	spracono gesponi endi spahun uuordun
C 2719	spracono gispuoni endi spahion uuordon
M2720	that he sie farleti began siu imu tho leðes filu
C 2720	that hie sia forlieti bigan siu im thuo lethes filo
M2721	raden an runon endi ine rinkos het
C 2721	radan an runun endi ina rincos hiet
M2722	unsundigane erlos fahan
C 2722	unsundigana erlos fahan
M2723	endi ine an enumu karkerea klustarbendiun
C 2723	endi innan enon carcarie clustarbendeon
M2724	liðocospun bilucan be them liudiun ne gidorstun
C 2724	lithocospon bilucan be them liudeon ni gidorstun
M2725	ine ferahu bilosien huand sie uuarun imu friund alle
C 2725	ina ferahu bilosian huand sia uuarun im friund alla
M2726	uuissun ine so goden endi gode uuerðen
C 2726	uuissun ina so guodan endi gode uuerthan
M2727	habdun ina for uuarsagon so sia uuela mahtun
C 2727	habdun ina for uuarsagon so sia uuela mahtun
M2728	tho uurðun an themu gertale iudeo cuninges
C 2728	thuo uurđun an them iartale iudeono cuninges
M2729	tidi cumana so thar gitald habdun
C 2729	tidi cumina so thar gitald habdun
M2730	frode folcuueros tho he gifodid uuas
C 2730	fruoda folcuueros huo hie gifuodit uuas
M2731	an lioht cuman so uuas thero liudio thau
C 2731	an lioht cuman so uuas thero liudeo thau
M2732	that that erlo gehuilic oƀean scolde
C 2732	that that erlo gihuilic voƀian scolda
M2733	iudeono mid gomun tho uuarð thar an thene gastseli
C 2733	iudeono mid gomon thuo uarth thar an thena gastseli
M2734	megincraft mikil manno gesamnod
C 2734	megincraft mikil manno gisamnod
M2735	heritogono an that hus thar iro herro uuas
C 2735	heritogono an that hus thar iro herro uuas
M2736	an is kuningstole quamun managa
C 2736	an is cuningstole quamun managa
M2737	iudeon an thene gastseli uuarð im thar gladmod hugi
C 2737	iudeon an thena gastseli uuarth im thar gladmuod hugi
M2738	bliði an iro breostun gisahun iro baggeƀon
C 2738	blithi an iro brioston gisahun iro boggebon
M2739	uuesen an uunneon drog man uuin an flet
C 2739	uuesan an uunneon druog man uuin an flet
M2740	skiri mid scalun skenkeon huurƀun
C 2740	sciri mid scalon scenkon huurbun
M2741	gengun mid goldfatun gaman uuas thar inne
C 2741	gengun mid goldfatun gaman uuas thar inne
M2742	hlud an thero hallu heliðos drunkun
C 2742	hlud an thero hallu helithos druncun
M2743	uuas thes an lustun landes hirdi
C 2743	uuas thes an luston landes hirdi
M2744	huat he themu uuerode mest te uunniun gifremidi
C 2744	huat hie them uueroda mest te uunnion gifrumidi
M2745	het he tho gangen forð gela thiornun
C 2745	hiet hie thuo gangan forth gela thiornun
M2746	is broder barn thar he an is benki sat
C 2746	is bruother barn thar hie an is benki sat
M2747	uuinu giuulenkid endi tho te themu uuibe sprac
C 2747	uuinu giuulenkid endi thuo te them uuiƀe sprac
M2748	grotte sie fora themu gumskepie endi gerno bad
C 2748	gruotta sia for them gumscipie endi gerno bad
M2749	that siu thar fora them gastiun gaman afhoƀi
C 2749	that sia thar for them gestion gaman afhuoƀi
M2750	fagar an flettie lat thit folc sehan
C 2750	fagar an flettie lat thit folc sehan
M2751	huo thu gelinod haƀas liudio menegi
C 2751	huo thu gilinot habis liudeo menigi
M2752	te bliðseanne an benkiun ef thu mi thera bede tugiðos
C 2752	te blizzenna oƀar benkion ef thu mi thero bedu tuithos
M2753	min uuord for thesumu uuerode than uuilliu ik it her te uuarun gequeðen
C 2753	min uuord fur thesom uuerode than uuelliu ik it hier te uuaron quethan
M2754	liahto fora thesun liudiun endi ok gilestien so
C 2754	liohto for theson liudeon endi oc gilestian so
M2755	that ik thi than aftar thiu eron uuilliu
C 2755	that ik thi than after thiu eron uuilliu
M2756	so hues so thu mi bidis for thesun minun baguuiniun
C 2756	so hues so thu mi bidis for theson minon boguuinion
M2757	thoh thu mi thesaro heridomo halƀaro fergos
C 2757	thoh thu mi thesaro heriduomo halƀaro feragos
M2758	rikeas mines thoh gidon ik that it enig rinko ni mag
C 2758	rikies mines thoh giduon ik that it enig rinco ni mag
M2759	uuordun giuuendien endi it scal giuuerðen so
C 2759	uuordon giuuendian endi it scal giuuerthan so
M2760	tho uuarð thera magað aftar thiu mod gihuorƀen
C 2760	thuo uuarth thero magat after thiu muod gihuorban
M2761	hugi aftar iro herron that siu an themu huse innen
C 2761	hugi after iro herren that siu an them huse innan
M2762	an themu gastseli gamen up ahuof
C 2762	an them gestseli gaman upp ahuoƀ
M2763	al so thero liudio landuuise gidrog
C 2763	all so thero liudio landuuisa gidruog
M2764	thero thiodo thau thiu thiorne spilode
C 2764	thera thieda thau thiu thiorna spiloda
M2765	hror aftar themu huse hugi uuas an lustun
C 2765	hruor after them huse hugi uuas an luston
M2766	managaro modseƀo tho thiu magað habda
C 2766	thero manno muodseƀo thuo thiu magat habda
M2767	githionod te thanke thiodcuninge
C 2767	githionot ti thanke thiodcuninge
M2768	endi allumu themu erlskepie the thar inne uuas
C 2768	endi allon them erlscipie them thar inne uuas
M2769	godaro gumono siu uuelde tho ira geƀa egan
C 2769	godaro gumono siu uuolda thuo ira geƀa egan
M2770	thiu magað for theru menegi geng tho uuið iro modar sprekan
C 2770	thiu magat for thero menigi geng thuo uuid iru muoder sprecan
M2771	endi fragode sie firiuuitlico
C 2771	endi fragoda sia firiuuitlico
M2772	hues siu thene burges uuard biddien scoldi
C 2772	hues siu thena berges uuard biddean scoldi
M2773	tho uuisde siu aftar iro uuilleon het that siu uuihtes than er
C 2773	thuo uuisda siu after iro uuilleon hiet that siu uuihtes than er
M2774	ni gerodi for themu gumskepie biutan that man iru iohannes
C 2774	ni gerodi for them gumscipie neuan that man iro iohannes
M2775	an theru hallu innan hoƀid gaƀi
C 2775	an thero hallu innan hobid gaƀi
M2776	alosid af is lichamon that uuas allun them liudiun harm
C 2776	alosit fan is lichamen that uuas allon them liudion harm
M2777	them mannun an iro mode tho sie that gihordun thea magað sprekan
C 2777	them mannon an iro muode thuo sia it gihordun thia magat sprecan
M2778	so uuas it ok themu kuninge he ni mahte is quidi liagan
C 2778	so uuas it oc them cuninge hie ni mohta is quidi liogan
M2779	is uuord uuendien het tho is uuepanberand
C 2779	is uuord uuendian hiet thuo is uuapanberan
M2780	gangen fan themu gastseli endi het thene godes man
C 2780	gangan fan them gastseli endi het thena godes man
M2781	liƀu bilosien tho ni uuas lang te thiu
C 2781	libu bilosean tho ni uuas lang te thiu
M2782	that man an thea halla hoƀid brahte
C 2782	that man an thia halla hobid brahta
M2783	thes thiodgumon endi it thar theru thiornun fargaf
C 2783	thes thiodgumen endi it thar thero thiornun forgaƀ
M2784	magað for theru menegi siu drog it theru moder forð
C 2784	magat fur thero menigi siu druog it thero muoder forth
M2785	tho uuas endago allaro manno
C 2785	tho uuas endago allaro manno
M2786	thes uuisoston thero the gio an thesa uuerold quami
C 2786	thes uuisosten thero thie gio an thesa uuerold quam
M2787	thero the quene enig kind gibari
C 2787	thero thie quena enig kind gidruogi
M2788	idis fan erle let man simla then enon biforan
C 2788	idis fan erle liet man simla thena enna biforan
M2789	the thiu thiorne gidrog the gio thegnes ni uuarð
C 2789	thie thiu thiorna gibar thiu gio thegnes ni uuarth
M2790	uuis an iro uueroldi biutan so ine uualdand god
C 2790	uuis an iro uueroldi neuan so ina uualdan god
M2791	fan heƀenuuange helages gestes
C 2791	fon hebanuuange helages gestas
M2792	gimarcode mahtig the ni habde enigan gimacon huergin
C 2792	gimarcoda mahtig thie ni habda enigan gimacon huergin
M2793	er nec aftar erlos huurƀun
C 2793	err nec after erlos huurƀun
M2794	gumon umbi iohannen is iungaron managa
C 2794	gomon umbi iohannesse is iungron managa
M2795	salig gesiði endi ine an sande bigroƀun
C 2795	salig gisithi endi ina an sande bigruobun
M2796	leoƀes lichamon uuissun that he lioht godes
C 2796	liobes lichamon uuissun that hie lioht godes
M2797	diurlican drom mid is drohtine samad
C 2797	diurlican drom met is drohtine saman
M2798	upodas hem egan moste
C 2798	uppodes hem egan muosta
M2799	salig sokean tho geuuitun im thea gesiðos thanen
C 2799	salig suokean thuo giuuitun im thia gisithos thanan
M2800	iohannes giungaron giamermode
C 2800	iohanneses iungron iamarmuoda
M2801	helagferaha uuas im iro herron dođ
C 2801	helagferaha uuas im iro herron dođ
M2802	suiðo an sorgun geuuitun im sokean tho
C 2802	suitho an sorogon giuuitun im suocan thuo
M2803	an theru uuostunni uualdandes sunu
C 2803	an ther uuostunnia uualdandes suno
M2804	craftigana crist endi imu kuð gidedun
C 2804	craftigna crist endi im cuth gidedun
M2805	godes mannes forgang huo habde the iudeono kuning
C 2805	godes mannes forgang huo habda thie iudeono cuning
M2806	manno thene mareostan makeas eggiun
C 2806	manno thena mariston makies eggion
M2807	hoƀdu bihauuuan he ni uuelde is enigen harm spreken
C 2807	hobdu bihauuan hie ni uuelda es tho enig harm sprekan
M2808	sunu drohtines he uuisse that thiu seole uuas
C 2808	suno drohtines hie uuissa that thiu seola uuas
M2809	helag gihalden uuiðer hettiandeon
C 2809	helag gihaldan uuiđar hettendion
M2810	an friðe uuiðer fiundun tho so gifragi uuarð
C 2810	an friđe uuider fiondon thuo so gifragi uuarth
M2811	aftar them landskepiun lereandero bezt
C 2811	after them landscipie leriendero best
M2812	an theru uuostunni uuerod samnode
C 2812	an thero uuostunni uuerod samnoda
M2813	for folcun to uuas im firiuuit mikil
C 2813	fuoron folcon tuo uuas im firiuuit mikil
M2814	uuisaro uuordo imu uuas ok uuilleo so samo
C 2814	uuisaro uuordo im uuas oc uuilleo mikil
M2815	sunie drohtines that he sulic gesiðo folc
C 2815	sunie drohtines that hie sulic gisitho folc
M2816	an that lioht godes lađoian mosti
C 2816	an that lioht godes lathian muosti
M2817	uuennien mid uuilleon uualdand lerde
C 2817	uuennian mid uuillien uualdand lerda
M2818	allan langan dag liudi managa
C 2818	allan langan dag liudi managa
M2819	elitheodige man anttat an aƀand seg
C 2819	elithiodiga man antthat an aband seg
M2820	sunne te sedle tho gengun is gesiðos tueliƀi
C 2820	sunna te sedle thuo gengun is gisithos tuelifi
M2821	gumon te themu godes barne endi sagdun iro godumu herron
C 2821	gumon te them godes barne endi sagdun iro guodon herren
M2822	mid huilicu arƀediu thar thea erlos liƀdin quaðun that sie is era bithorftin
C 2822	mid huilicu arbediu thar thea erlos libdin quathun that sia is era bithorftin
M2823	uueros an themu uuosteon lande sie ni mugun sie her mid uuihti anthebbien
C 2823	uueros an them uuostion lande sia ni mugun sia hir mid uuihti anthebbean
M2824	heliðos bi hungres gethuinge nu lat thu sie herro the godo
C 2824	helithos bi hungres githuinge nu lat thu sia herro thie guodo
M2825	siðon thar sie seliða fiðen nah sind her gesetana burgi
C 2825	sithon thar sia selitha findin nah sind hier gisetana burgi
M2826	managa mid meginthiodun thar fiðad sie meti te kope
C 2826	managa mid meginthiodon thar findat sia meti te cope
M2827	uueros aftar them uuikeon tho sprak eft uualdand crist
C 2827	uueros after them uuiceon thuo sprac eft uualdan crist
M2828	thioda drohtin quað that thes eniga thurufti ni uuarin
C 2828	thiodo drohtin quat that thes eniga thurufti ni uuarin
M2829	that sie thurh metilosi mina farlatan
C 2829	that sia thuru metilosi mina farlatan
M2830	leoƀlica lera geƀad gi thesun liudiun ginog
C 2830	lioblica lera geƀat gi theson liudion ginuog
M2831	uuenniad sie her mid uuilleon tho habde eft is uuord garu
C 2831	uuenniat sia hier mid uuilleon thuo habda eft is uuord garo
M2832	philippus frod gumo quað that thar so filu uuari
C 2832	philippus fruod gumo quat that thar so filo uuari
M2833	manno menigi thoh uui her te meti habdin
C 2833	manno menigi thoh uui hier te metie habdin
M2834	garu im te geƀanne so uui mahtin fargelden mest
C 2834	garo im te gebanne so uui mahtin forgeldan mest
M2835	ef uui her gisaldin siluƀerscatto
C 2835	ef uui hier gisaldin siluƀerscatto
M2836	tue hund samad tueho uuari is noh than
C 2836	tue hund samad tueho uuari is noh than
M2837	that iro enig thar enes ginami
C 2837	that iro enig thar enes ginami
M2838	so luttic uuari that thesun liudiun tho sprak eft the landes uuard
C 2838	so luttic uuari that theson liudion thuo sprac eft thie landes uuard
M2839	endi fragode sie firiuuitlico
C 2839	endi fragoda sia firuuitlico
M2840	manno drohtin huat sie thar te meti habdin
C 2840	manno drohtin huat sia thar ti meti habdin
M2841	uuistes geuunnin tho sprak imu eft mid is uuordun angegin
C 2841	uuisses giuunnan thuo sprac im eft mid is uuordon angegin
M2842	andreas fora them erlun endi themu alouualdon
C 2842	andreas for them erlon endi them alouualden
M2843	selƀumu sagde that sie an iro gisiðie than mer
C 2843	selƀem sagda that sia an iro gisithie than mer
M2844	garouues ni habdin biutan girstin brod
C 2844	garoes ni habdin nouan gerstin bruod
M2845	fiƀi an usaru ferdi endi fiscos tuene
C 2845	fiui an usero ferde endi fiscos tuena
M2846	huat mag that thoh thesaru menigi tho sprac imu eft mahtig krist
C 2846	huat mag that thoh thesaro menigi thuo sprak im eft mahtig crist
M2847	the godo godes sunu endi het that gumono folc
C 2847	thie guodo godes suno endi hiet that gomono folc
M2848	skerien endi skeðen endi het thea scola settien
C 2848	scerian endi sceđan endi hiet thia scola settian
M2849	erlos aftar theru erðu irminthioda
C 2849	erlos after thero erthun irmintheoda
M2850	an grase gruonimu endi tho te is iungarun sprak
C 2850	an grase gruonion endi thuo ti es iungron sprac
M2851	allaro barno bezt het imu thiu brod halon
C 2851	allaro barno best hiet im thiu brod halon
M2852	endi thea fiscos forð that folc stillo bed
C 2852	endi thia fiscos forth that folc stillo bed
M2853	sat gesiði mikil undar thiu he thurh is selƀes craft
C 2853	sat gisithi mikil undar thiu hie thuru is selƀes craft
M2854	manno drohtin thene meti uuihide
C 2854	manno drohtin thena meti uuihda
M2855	helag heƀencuning endi mid is handun brak
C 2855	helag hebancuning endi mid is handon brac
M2856	gaf it is iungarun forð endi it sie undar themu gumskepie het
C 2856	gaf it is iungron forth endi hiet sia under them gumscipie
M2857	dragan endi delien sie lestun iro drohtines uuord
C 2857	dragan endi delian sia lestidun iro drohtines uuord
M2858	is geƀa gerno drogun gumono gihuemu
C 2858	is geƀa gerno druogon gomono gihuem
M2859	helaga helpa it undar iro handun uuohs
C 2859	helaga helpa it undar iro handon uuohs
M2860	meti manno gihuemu theru meginthiodu uuarð
C 2860	meti manno gihuem thero meginthioda uuarth
M2861	lif an lustun thea liudi uurðun alle
C 2861	lif an luston thia liudi uurdun alla
M2862	sade salig folc so huat so thar gisamnod uuas
C 2862	sada salig folc so huat so thar gisamnod uuas
M2863	fan allun uuidun uuegun tho het uualdand krist
C 2863	fon allon uuidon uuegon thuo hiet uualdand crist
M2864	gangen is iungaron endi het sie gomien uuel
C 2864	gangan is iungron endi hiet sia gomean uuel
M2865	that thiu leƀa thar farloren ni uurði
C 2865	that thiu leƀa thar forloran ni uurdi
M2866	het sie tho samnon tho thar sade uuarun
C 2866	hiet sia thuo samnon thuo thar sada uuarun
M2867	mankunnies manag thar moses uuarð
C 2867	mancunnies manag thar muoses uuarth
M2868	brodes te leƀu that man birilos gilas
C 2868	brodes ti leƀu that man birilos gilas
M2869	tueliƀi fulle that uuas tecan mikil
C 2869	tuelifi fulla that uuas tecan mikil
M2870	grot craft godes huand thar uuas gumono gitald
C 2870	grot craft godes huand thar uuas gumono gitald
M2871	ano uuif endi kind uuerodes atsamme
C 2871	ano uuiƀ endi kind uueros atsamma
M2872	fif thusundig that folc al farstod
C 2872	fif thusundig that folc all forstuod
M2873	thea man an iro mode that sie thar mahtigna
C 2873	thia man an iro muode that sia thar mahtigna
M2874	herron habdun tho sie heƀencuning
C 2874	herron habdun thuo sia hebancuning
M2875	thea liudi loƀodun quaðun that gio ni uurđi an thit lioht cuman
C 2875	thia liudi lobodun quathun that gio ni uurđi an thitt lioht cuman
M2876	uuisaro uuarsago eftha that he giuuald mid gode
C 2876	uuisera uuarsaga eftha that hie giuuald mid gode
M2877	an thesaru middilgard meron habdi
C 2877	an thesaro middilgard merun habdi
M2878	enfaldaran hugi alle gisprakun
C 2878	enuualdan hugi alla gispracun
M2879	that he uuari uuirðig uuelono gehuilikes
C 2879	that hie uuari uuirdig uuelono gihuilikes
M2880	that he erðriki egan mosti
C 2880	that hie erthriki egan muosti
M2881	uuidene uueroldstol nu he sulic geuuit haƀad
C 2881	uuidana uueroldstuol nu hie sulic giuuit habit
M2882	so grote craft mid gode thea gumon alle giuuarð
C 2882	so grota craft mid gode thia gumon alla giuuarth
M2883	that sie ine gihoƀin te herosten
C 2883	that sia ina gihoobin te herrosten
M2884	gikurin ine te cuninge that kriste ni uuas
C 2884	gicurin ina te cuninge that criste ni uuas
M2885	uuihtes uuirðig huand he thit uueroldriki
C 2885	uuihtes uuirdig huand hie thit uueroldriki
M2886	erðe endi uphimil thurh is enes craft
C 2886	ertha endi upphimil thuru es enes craft
M2887	selƀo giuuarhte endi siðor giheld
C 2887	selbo giuuarahta endi sithor biheld
M2888	land endi liudskepi thoh thes enigan giloƀon ni dedin
C 2888	land endi liudscipi thoh thes enigan gilobon ni dedin
M2889	uureðe uuiðersacon that al an is giuualde stad
C 2889	uuretha uuidarsacon that all an is giuueldi sted
M2890	cuningrikeo craft endi kesurdomes
C 2890	cuningriko craft endi kesarduomas
M2891	meginthiodo mahal bethiu ni uuelde he thurh thero manno spraka
C 2891	meginthioda mahal bithiu ni uuelda hie thuru thero manno spraka
M2892	hebbian enigan herdom helag drohtin
C 2892	hebban enigan herduom helag drohtin
M2893	uueroldkuninges namon ni he tho mid uuordun strid
C 2893	uueroldcuninges namon ne hie thuo mid uuordon strid ni afhuoƀ
M2894	ni afhof uuið that folc furður ac for imu tho thar he uuelde
C 2894	uuid that folc furthor ac fuor im thuo thar hie uuelda
M2895	an en gebirgi uppan floh that barn godes
C 2895	an en gibirgi uppan floh that barn godes
M2896	gelaro gelpquidi endi is iungaron het
C 2896	gelero gilpquidi endi is iungron hiet
M2897	oƀar enne seo siðon endi im selƀo gibod
C 2897	oƀar enna seu sithon endi im selƀo gibod
M2898	huar sie im eft tegegnes gangen scoldin
C 2898	huar sia im eft tegegnes gangan scoldin
M2899	tho telet that liuduuerod aftar themu lande allumu
C 2899	thuo teliet that liuduuerod after them lande allon
M2900	tefor folc mikil siðor iro fraho giuuet
C 2900	tefuor folc mikil sithor iro fraho giuuet
M2901	an that gebirgi uppan barno rikeost
C 2901	an that gibirgi uppan barno rikost
M2902	uualdand an is uuilleon tho te thes uuatares staðe
C 2902	uualdand an is uuilleon thuo te thes uuateres stađe
M2903	samnodun thea gesiðos cristes the he imu habde selƀo gicorane
C 2903	samnodun thia gisithos cristes the hie im habda selƀo gicorana
M2904	sie tueliƀi thurh iro treuua goda ni uuas im tueho nigiean
C 2904	sia tuelifi thuru iro treuua guoda ne uuas im tuehono nigen
M2905	neƀu sie an that godes thionost gerno uueldin
C 2905	neƀo sia an thia godes thionost gerno uueldin
M2906	oƀar thene seo siðon tho letun sie suiðean strom
C 2906	oƀar thena seu sithon thuo lietun sia an suithean strom
M2907	hoh hurnidskip hluttron uðeon
C 2907	hohhurnid scip hluttron uthion
M2908	skeðan skir uuater skred lioht dages
C 2908	scedan scirana uuatar scred lioht dages
M2909	sunne uuarð an sedle the seoliðandean
C 2909	sunno uuarth an sedle thia seolithandiun
M2910	naht neƀulo biuuarp naðidun erlos
C 2910	naht neflu biuuarp nathidun erlos
M2911	forðuuardes an flod uuarð thiu fiorðe tid
C 2911	forthuuardes an fluod uuarth thiu fiorđa tid
M2912	thera nahtes cuman neriendo crist
C 2912	thero nahtes kuman neriendi crist
M2913	uuarode thea uuagliðand tho uuarð uuind mikil
C 2913	uuaroda thiu uuaglithand thuo uuarth uuind mikil
M2914	hoh uueder afhaƀen hlamodun uðeon
C 2914	ho uueder ahaban hlamodun uthion
M2915	strom an stamne stridiun feridun
C 2915	strom an stamne stridion feridun
M2916	thea uueros uuiðer uuinde uuas im uureð hugi
C 2916	thia uueros uuidar uuinde uuas im uureth hugi
M2917	seƀo sorgono ful selƀon ni uuandun
C 2917	seƀo sorogono full selƀon ni uuandun
M2918	laguliðandea an land cumen
C 2918	lagolithanda an land cuman
M2919	thurh thes uuederes geuuin tho gisahun sie uualdand krist
C 2919	thuru thes uuedares giuuin thuo gisahun sia uualdand crist
M2920	an themu see uppan selƀun gangan
C 2920	an them seuue uppan selƀon gangan
M2921	faran an faðion ni mahte an thene flod innan
C 2921	faran an fathion ni mohta an thena fluod innan
M2922	an thene seo sincan huand ine is selƀes craft
C 2922	an thena seo sinkan huand ina is selbes craft
M2923	helag anthabde hugi uuarð an forhtun
C 2923	helag anthabda hugi uuarth an forohton
M2924	thero manno modseƀo andredun that it im mahtig fiund
C 2924	thero manno muodsebo andriedun that it im mahtig fiond
M2925	te gidroge dadi tho sprak im iro drohtin to
C 2925	te gidruogi dadi thuo sprac im iro drohtin tuo
M2926	helag heƀencuning endi sagde im that he iro herro uuas
C 2926	helag hebancuning endi sagda im that it iro herro uuas
M2927	mari endi mahtig nu gi modes sculun
C 2927	mari endi mahtig nu gi muodes sculun
M2928	fastes fahen ne si iu forht hugi
C 2928	fastes fahan ne si iu foroht hugi
M2929	gibariad gi baldlico ik bium that barn godes
C 2929	gibariod gi baldlico ik biun that barn godes
M2930	is selƀes sunu the iu uuið thesumu see scal
C 2930	is selbes suno thie iuu uuid theson seuue scal
M2931	mundon uuið thesan meristrom tho sprac imu en thero manno angegin
C 2931	mundon uuid theson meristrom thuo sprac im enn thero manno angegin
M2932	oƀar bord skipes baruuirðig gumo
C 2932	obar bord scipes baruuirdig gumo
M2933	petrus the godo ni uuelde pine tholon
C 2933	petrus se godo ne uuelda pina tholon
M2934	uuatares uuiti ef thu it uualdand sis quað he
C 2934	uuatares uuiti ef thu it uualdand sis
M2935	herro the godo so mi an minumu hugi thunkit
C 2935	herro thie godo so mi an minon hugie thunkit
M2936	het mi than tharod gangan te thi oƀar thesen geƀenes strom
C 2936	hiet mi thann tharod gangan te thi oƀar theson gebanes strom
M2937	drokno oƀar diap uuater ef thu min drohtin sis
C 2937	drucno obar diop uuater ef thu min drohtin sis
M2938	managoro mundboro tho het ine mahtig crist
C 2938	managero mundboro thuo hiet ina mahtig crist
M2939	gangan imu tegegnes he uuarð garu sano
C 2939	gangan im tegegnes hie uuarth garo sane
M2940	stop af themu stamne endi stridiun geng
C 2940	stuop fan them stamne endi stridion geng
M2941	forð te is froian thiu flod anthabde
C 2941	forth te is frahen the fluod anthabda
M2942	thene man thurh maht godes antat he imu an is mode bigan
C 2942	thena man thuru maht godes antthat hie im an is muode bigan
M2943	andraden diap uuater tho he driƀen gisah
C 2943	andradan diop uuater thuo hie driban gisah
M2944	thene uueg mid uuindu uundun ina uðeon
C 2944	thena uuag met uuindu uundun ina uthion umbi
M2945	hoh strom umbihring reht so he tho an is hugi tuehode
C 2945	hoh strom umbi hring reht so hie thuo an is hugie tuehoda
M2946	so uuek imu that uuater under endi he an thene uuag innan
C 2946	so uuek im that uuater undar endi hie an thena uuag innan
M2947	sank an thene seostrom endi he hriop san aftar thiu
C 2947	sanc an thena seostrom endi hriep san after thiu
M2948	gahon te themu godes sunie endi gerno bad
C 2948	gahon te them godes sune endi gerno bad
M2949	that he ine tho generidi tho he an nodiun uuas
C 2949	that hie ina thuo gineridi thuo hie an nodi uuas
M2950	thegan an gethuinge thiodo drohtin
C 2950	thegan an githuinga thiodo drohtin
M2951	antfeng ine mid is faðmun endi fragode sana
C 2951	antfeng ina thuo mid is fadmon endi fragoda sane
M2952	te hui he tho getuehodi huat thu mahtes getruoian uuel
C 2952	te hui hie thuo gituehodi huat thu mahtis gitroian uuell
M2953	uuiten that te uuarun that thi uuatares craft
C 2953	uuitan that te uuaron that thi uuateres strom
M2954	an themu see innen thines siðes ni mahte
C 2954	an them seuue innan thines sithes ni mahti
M2955	lagustrom gilettien so lango so thu habdes geloƀon te mi
C 2955	lagustrom gilestian so lango so thu haƀis giloƀon te mi
M2956	an thinumu hugi hardo nu uuilliu ik thi an helpun uuesen
C 2956	an thinon hugie hardo nu uuellu ik thi an helpun uuesan
M2957	nerien thi an thesaru nodi tho nam ine alomahtig
C 2957	niman thi an thesaro nodi thuo nam ina alomahti
M2958	helag bi handun tho uuarð imu eft hlutter uuater
C 2958	helag be handon thuo uuarth im eft hluttar uuater
M2959	fast under fotun endi sie an faði samad
C 2959	fast undar fuoton endi sia an fathe samad
M2960	beðea gengun antat sie oƀar bord skipes
C 2960	bethia gengon anthat sia oƀar bord scipes
M2961	stopun fan themu strome endi an themu stamne gesat
C 2961	stuopun for them strome an them stamne gisat
M2962	allaro barno bezt tho uuarð bred uuater
C 2962	allaro barno best thuo uuarth bred uuater
M2963	stromos gestillid endi sie te staðe quamun
C 2963	stromos gistillid endi sia ti stada quamun
M2964	laguliðandea an land samen
C 2964	lagolithandia an land samad
M2965	thurh thes uuateres geuuin sagdun tho uualdande thanc
C 2965	thuru thes uuateres giuuin sagdun thuo uualdande thanc
M2966	diurden iro drohtin dadiun endi uuordun
C 2966	diurđun usan drohtin dadon endi uuordon
M2967	fellun imu te fotun endi filu sprakun
C 2967	fellun im te fuoton endi filo spracon
M2968	uuisaro uuordo quaðun that sie uuissin garo
C 2968	uuisero uuordo quathun that sia uuissin garo
M2969	that he uuari selƀo sunu drohtines
C 2969	that hie uuari selbo suno drohtines
M2970	uuar an thesaru uueroldi endi geuuald habdi
C 2970	uuar an thesaro uueroldi endi giuuald habdi
M2971	oƀar middilgard endi that he mahti allaro manno gihues
C 2971	oƀar middilgard endi that hie mahti allaro manno gihues
M2972	ferahe giformon al so he im an themu flode dede
C 2972	ferahe giformon al so hie im an them fluode deda
M2973	uuið thes uuatares geuuin tho giuuet imu uualdand crist
C 2973	vuid thes uuateres giuuin thuo giuuet im uualdan crist
M2974	siðon fan themu see sunu drohtines
C 2974	sithon fon them seuue suno drohtines
M2975	enag barn godes elithioda quam imu
C 2975	enag barn godes elitheodo quam im
M2976	gumon tegegnes uuarun is godun uuerk
C 2976	gumon tegegnes uuarun is guodon uuerc
M2977	ferran gefragi that he so filu sagde
C 2977	ferran gifragi that hie so filo sagda
M2978	uuaroro uuordo imu uuas uuillio mikil
C 2978	uuararo uuordo uuas im uuilleo mikil
M2979	that he sulic folcskepi frummien mosti
C 2979	that hie sulic folcscipi frummean mosti
M2980	that sie simla gerno gode thionodin
C 2980	that sia simla gerno gode thionodin
M2981	uuarin gehorige heƀencuninge
C 2981	uuarin gihoriga hebancuninge
M2982	mankunnies manag tho giuuet he imu oƀer thea marka iudeono
C 2982	mancunnies manag thuo giuuet hie im oƀar thia marca iudeono
M2983	sohte imu sidono burg habde gesiðos mid imu
C 2983	suohta im sydono burg habda gisithos mid im
M2984	gode iungaron thar imu tegegnes quam
C 2984	guoda iungron thar im tegegnes quam
M2985	en idis fan aðrom thiodun siu uuas iru aðaligeburdeo
C 2985	en idis fan ođron thiodon siu uuas iro ediligiburdeo
M2986	cunnies fan cananeo lande siu bad thene craftagan drohtin
C 2986	cunnies fon chananeo lande siu bad thena craftina drohtin
M2987	helagna that he iru helpe geredi quað that iru uuari harm gistanden
C 2987	helagna that hie iro helpa giredi quat that iro uuari harm gistandan
M2988	soroga at iru selƀaru dohter quað that siu uuari mid suhtiun bifangen
C 2988	sorga an iro selbaro dohter quat that siu uuari mid suhteon bifangan
M2989	bedrogan habbiad sie dernea uuihti nu is iro dod at hendi
C 2989	bedrogan hebbiat sia dernia uuihti nu is iro dod at hendi
M2990	thea uureðon habbiad sie geuuitteu benumane nu biddiu ik thi uualdand fro min
C 2990	thia uurethun hebbiat sia giuuittiu binomana nu biddiu ik thi uualdand fro min
M2991	selƀo sunu dauides that sie af sulicum suhtiun atomies
C 2991	selƀo suno dauides that thu sia af sulicon suhteon atomies
M2992	that thu sie so arma egrohtfullo
C 2992	that thu sia so arma egrohtfullo
M2993	uuamscaðon biuueri ni gaf iru tho noh uualdand crist
C 2993	uuamscathon biuueri ne gaf iro thuo noh uualdan crist
M2994	enig anduuordi siu imu aftar geng
C 2994	enig anduuordi siu im after geng
M2995	folgode fruokno antat siu te is fotun quam
C 2995	folgoda fruocna antthat siu te is fuotun quam
M2996	grotte ina greatandi giungaron cristes
C 2996	gruotta ina greotandi iungron cristes
M2997	badun iro herron that he an is hugea mildi
C 2997	badun iro herron that hie an is hugie mildi
M2998	uurði themu uuiƀe tho habde eft is uuord garu
C 2998	uurdi them uuiƀa thuo habda eft is uuord garo
M2999	sunu drohtines endi te is gesiðun sprak
C 2999	suno drohtines endi te is gesithon sprac
M3000	erist scal ik israheles aƀoron uuerðen
C 3000	erist scal ik israheles aƀaron uuerthan
M3001	folcskepi te frumu that sie ferhtan hugi
C 3001	folcscipe ti froman that sia ferahtan hugi
M3002	hebbian te iro herron im is helpono tharf
C 3002	hebbian te iro herren im is helpono tharf
M3003	thea liudi sind farlorane farlaten habbiad
C 3003	thia liudi sind forlorana forlatan hebbiat
M3004	uualdandes uuord that uuerod is getuiflid
C 3004	uualdandes uuord that uuerod is gituiflit
M3005	driƀad im dernean hugi ne uuilliad iro drohtine horien
C 3005	driƀat im dernian hugi ne uuelliat iro drohtine horan
M3006	israhelo erlskepi ungiloƀiga sind
C 3006	israhelo erlscipi ungiloƀiga sind
M3007	heliðos iro herron thoh scal thanen helpe cumen
C 3007	helithos iro herren thoh scal thanan helpa cuman
M3008	allun elithiodun agaleto bad
C 3008	allon elithiodon agaleto bad
M3009	that uuif mid iro uuordun that iru uualdand krist
C 3009	that uuiƀ mid iro uuordon that iro uualdand crist
M3010	an is modseƀon mildi uurði
C 3010	an is muodseƀon mildi uurdi
M3011	that siu iro barnes forð brukan mosti
C 3011	that siu iro barnes forth brucan muosti
M3012	hebbian sie hele tho sprak iru herro angegin
C 3012	hebbian sia hela thuo sprak iro herro angegin
M3013	mari endi mahtig nis that quað he mannes reht
C 3013	mari endi mahtig nis that mannes reht
M3014	gumono nigenum god te gifrummienne
C 3014	gumono nigenon guod te gifrummeanne
M3015	that he is barnun brodes aftihe
C 3015	that hie is barnon brodes aftihe
M3016	uuernie im oƀar uuilleon late sie uuiti tholean
C 3016	uuernie im oƀar uuilleon lati sia uuiti tholon
M3017	hungar hetigrimmen endi fodie is hundos mid thiu
C 3017	hungar hetigrimman endi fuode is hundos met thiu
M3018	uuar is that uualdand quað siu that thu mid thinun uuordun sprikis
C 3018	uuar ist that uualdend quat siu that thu mid thinon uuordon sprikis
M3019	soðlico sagis huat thoh oft an seli innen
C 3019	suothlico sagis huat thoh oft an seli innan
M3020	undar iro herron diske huelpos huerƀad
C 3020	undar iro herron disce huelpos huereƀat
M3021	brosmono fulle thero fan themu biode niðer
C 3021	brosmono fulla the fon them biede nithar
M3022	antfallat iro froian tho gihorde that friðubarn godes
C 3022	antfallat iro frohen thuo gihorda that friđubarn guodes
M3023	uuillean thes uuiƀes endi sprak iru mid is uuordun to
C 3023	uuilleon thes uuiƀes endi sprak iro mid is uuordon tuo
M3024	uuela that thu uuif haƀes uuillean goden
C 3024	uuola that thu uuiƀ haƀis uuilleon guodan
M3025	mikil is thin giloƀo an thea maht godes
C 3025	mikil ist thin giloƀo an thia maht godes
M3026	an thene liudio drohtin al uuirðid gilestid so
C 3026	an thena liudo drohtin all giuuirđit gilestid so
M3027	umbi thines barnes lif so thu badi te mi
C 3027	umbi thines barnes lif so thu badi te mi
M3028	tho uuarð siu san gihelid so it the helago gesprac
C 3028	thuo uuarth siu san gihelid so it thie helago gisprak
M3029	uuordun uuarfastun that uuif fagonode
C 3029	uuordon uuarfaston that uuiƀ faginoda
M3030	thes siu iro barnes forð brukan moste
C 3030	thes siu iro barnes forth brucan muosta
M3031	habde iru giholpen heleando crist
C 3031	habda iru thuo giholpan helendio crist
M3032	habde sie farfangane fiundo craftu
C 3032	habda sia forfangana fiondo crafte
M3033	uuamscaðun biuuerid tho giuuet imu uualdand forð
C 3033	uuamscathon biuuerid thuo giuuet im uualdand forth
M3034	barno that bezte sohte imu burg oðre
C 3034	barno that besta suohta im burg odra
M3035	thiu so thicco uuas mid theru thiodu iudeono
C 3035	thiu so thicco uuas met thero thiodo iudeono
M3036	mid suðarliudiun giseten thar gifragn ik that he is gesiðos grotte
C 3036	mid sutharliudion gisetan thar gifrang ik that hie is gisithos grotta
M3037	the iungaron the he imu habde be is gode gicorane that sie mid imu gerno geuunodun
C 3037	thia iungron thia hie im habda be is guodi gicorana that sia mid im gerno giuuonodin
M3038	uueros thurh is uuison spraka alle skal ik iu quað he mid uuordun fragon
C 3038	uueros thuru is uuisun spraca all scal ik iu mid uuordon fragon
M3039	iungaron mine huat queðat these iudeo liudi
C 3039	iungron mina huat quethat thesa iudeo liudi
M3040	mari meginthioda huat ik manno si
C 3040	mari meginthioda huat ik manno si
M3041	imu anduuordidun frolico is friund angegin
C 3041	im anduuordidun frolico is friund angegin
M3042	iungaron sine nis thit iudeono folc
C 3042	iugron sina nis thit iudeono folc
M3043	erlos enuuordie sum sagad that thu elias sis
C 3043	erlos enuurdia sum sagit that thu elias sis
M3044	uuis uuarsago the her giu uuas lango
C 3044	uuis uuarsago the hier iiu lango uuas
M3045	god undar thesumu gumskepie sum sagad that thu iohannes sis
C 3045	guod undar thesan gumscipie sum sagit that thu iohannes sis
M3046	diurlic drohtines bodo the her dopte iu
C 3046	diurlic drohtines bodo thie her dopida iu
M3047	uuerod an uuatere alle sie mid uuordun sprekad
C 3047	uuerod an uuatere alla sia mid uuordon sprecat
M3048	that thu enhuilic sis eðilero manno
C 3048	that thu enhuilic sis edilero manno
M3049	thero uuarsagono the her mid uuordun giu
C 3049	thero uuarsagano thia hier mid uuordon iu
M3050	lerdun these liudi endi that thu sis eft an thit lioht cumen
C 3050	lerdun thesa liudi endi that thu sis eft an thit lioht cuman
M3051	te uuiseanne thesumu uuerode tho sprak eft uualdand krist
C 3051	te uuisonne theson uuerode thuo sprac eft uualdand crist
M3052	hue queðad gi that ik si quað he iungaron mine
C 3052	hue quethat gi huat ik si hie iungron mina
M3053	lioƀon liuduueros tho te lat ni uuarð
C 3053	liobun liuduueros thuo ti lat ni uuarth
M3054	simon petrus sprak san angegin
C 3054	simon petrus sprac san angegin
M3055	eno for im allun habde imu ellien god
C 3055	eno for im allon habda im ellen guod
M3056	thristea githahti uuas is theodone hold
C 3056	thrista githahti uuas is thiodene hold
M3057	thu bist the uuaro uualdandes sunu
C 3057	thu bist thie uuaro quat petrus uualdandes suno
M3058	libbiendes godes the thit lioht giscop
C 3058	libbiandes godes the thit lioht giscop
M3059	crist cuning euuig so uuilliad uui queðen alle
C 3059	crist cuning euuig so uuellat uui quethan alla
M3060	iungaron thine that thu sis god selƀo
C 3060	iungron thina that thu sis god selbo
M3061	heleandero bezt tho sprac imu eft is herro angegin
C 3061	helendero best thuo sprac im eft is herro angegin
M3062	salig bist thu simon quað he sunu ionases ni mahtes thu that selƀo gehuggean
C 3062	salig bis thu simon suno ionases ne mahtas thu that selƀo gihuggian
M3063	gimarcon an thinun modgithahtiun ne it ni mahte thi mannes tunge
C 3063	gimarcon an thinon muodgithahtion ne it ni mohta thi mannes tunga
M3064	uuordun geuuisien ac dede it thi uualdand selƀo
C 3064	uuordon giuuisan ac deda it thi uualdand selƀo
M3065	fader allaro firiho barno that thu so forð gispraki
C 3065	fader allaro firio barno that thu so forth gispraki
M3066	so diapo bi drohtin thinen diurlico scalt thu thes lon antfahen
C 3066	so deopo be drohtin thinan diurlic scalt thu thes lon antfahan
M3067	hluttro haƀas thu an thinan herron giloƀon hugiskefti sind thine stene gelica
C 3067	hluttro habis thu an thinan herron giloƀon hugiscefti sind thina stena gilica
M3068	so fast bist thu so felis the hardo heten sculun thi firiho barn
C 3068	so fast bist thu so felis thie hardo hetan sculun thi firiho barn
M3069	sancte peter oƀar themu stene scal man minen seli uuirkean
C 3069	sancte peter obar them stene scal man minan seli uuirkean
M3070	helag hus godes thar scal is hiuuiski to
C 3070	helag hus godes thar scal is hiuuiski tuo
M3071	salig samnon ni mugun uuið them thinun suiðeun crafte
C 3071	salig samnon ni mugun uuid them thinon suitheon crafte
M3072	anthebbien hellie portun ik fargiƀu thi himilriceas slutilas
C 3072	anthebbean helliportun ik fargibu thi himilriceas slutila
M3073	that thu most aftar mi allun giuualdan
C 3073	that thu muost after mi allon giuualdan
M3074	kristinum folke kumad alle te thi
C 3074	cristinon folke cumat alla te thi
M3075	gumono gestos thu haƀe grote giuuald
C 3075	gumono gestos thu haƀi grotan giuuald
M3076	huene thu her an erðu eldibarno
C 3076	huena thu hier an erthu eldibarno
M3077	gebinden uuillies themu is beðiu giduan
C 3077	gibindan uuellies them is bethiu giduan
M3078	himilriki biloken endi hellie sind imu opana
C 3078	himilriki bilocan endi hellia sind im opana
M3079	brinnandi fiur so huene so thu eft antbinden uuili
C 3079	brinnandi fiur so huena so thu eft antbindan uuili
M3080	antheftien is hendi themu is himilriki
C 3080	antheftean is hendi them ist himilriki
M3081	antloken liohto mest endi lif euuig
C 3081	antlocan liohto mest endi liƀ euuig
M3082	groni godes uuang mid sulicaru ik thi geƀu uuilliu
C 3082	gruoni godes uuang met sulicoro ik thi giƀu uuelliu
M3083	lonon thinen giloƀon ni uuilliu ik that gi thesun liudiun noh
C 3083	lonon thinon gilobon ne uuelliu ik that gi theson liudeon noh
M3084	marien thesaru menigi that ik bium mahtig crist
C 3084	marean thesaro menigi that ik biun mahtig crist
M3085	godes egan barn mi sculun iudeon noh
C 3085	godes enag barn mi sculun iudeono noh
M3086	unsculdigna erlos binden
C 3086	unsculdigna erlos bindan
M3087	uuegean mi te uundrun dot mi uuities filo
C 3087	uuegian mik te uundron duot mi uuities filo
M3088	innan hierusalem geres ordun
C 3088	innan hierusalem geres ordon
M3089	ahtien mines aldres eggiun scarpun
C 3089	ahtean mines aldres eggion scarpon
M3090	bilosien mi liƀu ik an thesumu liohte scal
C 3090	belosian mi libu ik an theson liohte scal
M3091	thurh uses drohtines craft fan dode astanden
C 3091	thuru uses drohtines craft fon dode astandan
M3092	an thriddiumu dage tho uuarð thegno bezt
C 3092	an them thriddeon dage thuo uuarth thegno best
M3093	suiðo an sorgun simon petrus
C 3093	suitho an sorogon symon petrus
M3094	uuarð imu hugi hriuuig endi te is herron sprak
C 3094	uuarth im hugi hreuuuog endi te is herron sprak
M3095	rink an runun ni scal that riki god quað he
C 3095	rink an runun ni scal that riki god
M3096	uualdand uuillien that thu eo sulic uuiti mikil
C 3096	uualdand uuellian that thu iu sulic uuiti mikil
M3097	githolos undar thesaru thiod nis thes tharf nigiean
C 3097	githolos undar theson thioda nis thes tharf nigen
M3098	helag drohtin tho sprak imu eft is herro angegin
C 3098	helag drohtin thuo sprac im eft is herro angegin
M3099	mari mahtig crist uuas imu an is mode hold
C 3099	mari mahtig crist uuas im an is muode hold
M3100	huat thu nu uuiðeruuard bist quað he uuilleon mines
C 3100	huat thu nu uuidaruuard bist uuillien mines
M3101	thegno bezto huat thu thesaro thiodo canst
C 3101	thegno besta huat thu thesaro thiodo bicanst
M3102	menniscan sidu thu ni uuest the maht godes
C 3102	menniscan sidon thu ni uuest thia maht godes
M3103	the ik gifrummien scal ik mag thi filu seggean
C 3103	thia ik gifrummean scal ik mag thi filo seggean
M3104	uuarun uuordun thar her undar thesumu uuerode standad
C 3104	uuaron uuordon that hier under theson uuerode standan
M3105	gesiðos mine thea ni motun suelten er
C 3105	gisithos mina thia ni motun sueltan err
M3106	huerƀen an hinenfard er sie himiles lioht
C 3106	huereƀan an hinfard er sia himiles lioht
M3107	godes riki sehat cos imu iungarono tho
C 3107	godes riki sehat kos im iungron thuo
M3108	san aftar thiu simon petrus
C 3108	san after thiu symon petruse
M3109	iacob endi iohannes ea gumon tuene
C 3109	iacobe endi iohannese guomon tuena
M3110	beðea thea gibroðer endi imu tho uppen thene berg giuuet
C 3110	bethia thia gibrođer endi im thuo uppan thena berg giuuet
M3111	sunder mid them gesiðun salig barn godes
C 3111	sundar mid them gisithon salig barn godes
M3112	mid them thegnun thrim thiodo drohtin
C 3112	mid them thegnon thrim thiodo drohtin
M3113	uualdand thesaro uueroldes uuelde im thar uundres filu
C 3113	uualdand thesaro uueroldes uuolda im thar uundres filo
M3114	tecno togean that sie gitruodin thiu bet
C 3114	tecno togian that sia gitruodin thiu bat
M3115	that he selƀo uuas sunu drohtines
C 3115	that hie selƀo uuas suno drohtines
M3116	helag heƀencuning tho sie an hohan uuall
C 3116	helag hebancuning thuo sia an thena hohan uual
M3117	stigun sten endi berg antat sie te theru stedi quamun
C 3117	stigun sten endi berg antthat sia te thero stedi quamun
M3118	uueros uuiðer uuolcan thar uualdand krist
C 3118	uueros uuidar uuolcan thar uualdand crist
M3119	cuningo craftigost gicoren habde
C 3119	cuningo craftigost gicoran habda
M3120	that he is godkundi iungarun sinun
C 3120	that hie is godcundi iungron sinon
M3121	thurh is enes craft ogean uuelde
C 3121	thuru is enes craft ogian uuolda
M3122	berhtlic biliði tho imu thar te bedu gihneg
C 3122	berehtlic bilithi thuo im thar ti bedu gihneg
M3123	tho uuarð imu thar uppe oðarlicora
C 3123	thuo uuarth im thar uppe odarlicora
M3124	uuliti endi giuuadi uurðun imu is uuangun liohte
C 3124	uuliti endi giuuadi uurđun im is uuangan leohta
M3125	blicandi so thiu berhte sunne so sken that barn godes
C 3125	blicandi so thie berahto sunno so scen that barn godes
M3126	liuhte is lichamo liomon stodun
C 3126	liuhta is lichamo liomon stuodun
M3127	uuanamo fan themu uualdandes barne uuarð is geuuadi so huit
C 3127	uuanamo fon them uualdandes barne uuart is giuuadi so huitt
M3128	so sneu te sehanne tho uuarð thar seldlic thing
C 3128	so sneo te sehanne thuo uuarth thar seldlic thing
M3129	giogid aftar thiu elias endi moyses
C 3129	giogid after thiu elias endi moyses
M3130	quamun thar te criste uuið so craftagne
C 3130	quamun thar te criste uuid so craftina
M3131	uuordun uuehslean thar uuarð so uunsam spraka
C 3131	uuordon uuehslon thar uuarth so uunsam spraka
M3132	so god uuord undar gumun thar the godes sunu
C 3132	so guod uuord undar gumon thar the godes suno
M3133	uuið thea marean man mahlien uuelde
C 3133	uuid thia mariun man mahlean uuolda
M3134	so bliði uuarð uppan themu berge sken that berhte lioht
C 3134	so blithi uuarth uppan them berge scen that berahta lioht
M3135	uuas thar gard godlic endi groni uuang
C 3135	uuas thar gard godlic endi gruoni uuang
M3136	paradise gelic petrus tho gimahalde
C 3136	paradise gilik petrus thuo gimalda
M3137	helið hardmodig endi te is herron sprac
C 3137	helid hardmuodig endi te is herron sprak
M3138	grotte thene godes sunu god is it her te uuesanne
C 3138	gruotta thena godes suno guod ist it hier te uuesanne
M3139	ef thu it gikiosan uuili crist alouualdo
C 3139	ef thu it gikiosan uuili crist alouualdo
M3140	that man thi her an thesaru hohe en hus geuuirkea
C 3140	that man thi hier an thesaro hohi en hus giuuirkie
M3141	marlico gemaco endi moysese oðer
C 3141	marlico gemaco endi moysese ođar
M3142	endi eliase thriddea thit is odas hem
C 3142	endi eliase thridda thit is ođes hem
M3143	uuelono uunsamost reht so he tho that uuord gesprak
C 3143	uuelono uunsamost reht so hie thuo that uuord gisprak
M3144	so tilet thiu luft an tue lioht uuolcan sken
C 3144	so liet thie luft an tue lioht uuolkan scan
M3145	glitandi glimo endi thea godun man
C 3145	glitendi glimo endi thia guodan man
M3146	uulitisconi beuuarp tho fan themu uuolcne quam
C 3146	uulitigsconi biuuarp thuo fon them uuolcne quam
M3147	helag stemne godes endi them heliðun thar
C 3147	helag stemne godes endi them helithon thar
M3148	selƀo sagde that that is sunu uuari
C 3148	selbo sagda that that is suno uuari
M3149	libbiendero lioƀost an themu mi licod uuel
C 3149	libbendero liobost an them mi licod uuell
M3150	an minun hugiskeftiun themu gi horien sculun
C 3150	an minon hugisceftion them gi horean sculun
M3151	fulgangad imu gerno tho ni mahtun thea iungaron cristes
C 3151	fulgangat im gerno thuo ni mahtun thia iungron cristes
M3152	thes uuolcnes uuliti endi uuord godes
C 3152	thes uuolcnes uuliti endi uuord godes
M3153	thea is mikilon maht thea man antstanden
C 3153	thia is mikilun maht thia man antstandan
M3154	ac sie bifellun tho forðuuardes ferhes ni uuandun
C 3154	ac sia bifellun thuo forthuuardes ferahes ni uuandun
M3155	lengiron liƀes tho geng im to the landes uuard
C 3155	lengiron libes thuo geng im tuo thie landes uuard
M3156	behren sie mid is handun heleandero bezt
C 3156	behren sia mid is handon helendero best
M3157	het that sie im ni andredin ni scal iu her derien eouuiht
C 3157	hiet that sia im ni andriedin ni scal iu hier derian eouuiht
M3158	thes gi her seldlikes gisehen habbiad
C 3158	thes gi hier seldlikes gisehan hebbeat
M3159	meriaro thingo tho eft them mannun uuarð
C 3159	marero thingo thuo eft them mannon uuarth
M3160	hugi at iro herton endi gihelid mod
C 3160	hugi at iro herten endi gihelid muod
M3161	gibade an iro breostun gisahun that barn godes
C 3161	gibada an iro brioston gisahun that barn godes
M3162	enna standen uuas that oðer tho
C 3162	enna standan uuas that odar thuo
M3163	behliden himiles lioht tho giuuet imu the helago crist
C 3163	bihlidan himiles lioht thuo giuuet im thie helago crist
M3164	fan themu berge niðer gibod aftar thiu
C 3164	fon them berege nithar gibod after thiu
M3165	iungarun sinun that sie oƀar iudeono folc
C 3165	iungron sinon that sia oƀar iuđeono folc
M3166	ni sagdin thea gisioni er than ik selƀo her
C 3166	ne sagdin thiu gisiuni err than ik selƀo
M3167	suiðo diurlico fan dođe astande
C 3167	suitho diurlico fon dode astande
M3168	arise fan theru restu siðor mugun gi it rekkien forð
C 3168	arise fon thero rastu sithor mugun gi it rekkean forth
M3169	marien oƀar middilgard managun thiodun
C 3169	marean oƀar middilgard managon theodon
M3170	uuido aftar thesaru uueroldi tho giuuet imu uualdand crist
C 3170	vuido after thesaro uueroldi thuo giuuet im uualdan crist
M3171	eft an galileo land sohte is gadulingos
C 3171	eft an galileo land suohta is gadulingas
M3172	mahtig is mago hem sagde thar manages huat
C 3172	mahtig is mago hem sagda thar manages huat
M3173	berhtero biliðeo endi that barn godes
C 3173	berehtero bilitho endi that barn godes
M3174	them is saligun gesiðun sorgspell ni forhal
C 3174	them is saligon gisithon sorogspell ni forhal
M3175	ac he im openlico allun sagde
C 3175	ac hie im opanlico allon sagda
M3176	them is godun iungarun huo ine scolde that iudeono folc
C 3176	them is guodon iungron huo ina scolde that iuđeono folc
M3177	uuegean te uundrun thes uurðun thar uuise man
C 3177	uuegian te uundron thes uurthun thar uuisa man
M3178	suuiðo an sorgun uuarð im ser hugi
C 3178	suitho an sorogon uuarth im ser hugi
M3179	hriuuig umbi iro herte gihordun iro herron tho
C 3179	hriuuig umbi iro herta gihordon iro herron thuo
M3180	uualdandes sunu uuordun tellien
C 3180	uualdandes suno uuordon tellean
M3181	huat he undar theru thiodu tholoian scolde
C 3181	huat hie undar thero thiodo tholian scolda
M3182	uuilliendi undar themu uuerode tho giuuet imu uualdand crist
C 3182	uuillendi undar them uueroda thuo giuet im uualdand crist
M3183	gumo fan galilea sohte imu iudeono burg
C 3183	gumo fan galilea suohta im iudeono burg
M3184	quamun im te cafarnaum thar fundun sie enan kuninges thegan
C 3184	quamun im te capharnaum thar fundun sia enna cuninges thegan
M3185	uulankan undar themu uuerode quað that he uuari giuueldig bodo
C 3185	uulancan under tham uuerode quat that hie uuari giuueldig bodo
M3186	aðalkesures he grotte aftar thiu
C 3186	adalkesures hie gruotta after thiu
M3187	simon petrusen quað that he uuari gisendid tharod
C 3187	symon petruse quat that hie uuari gisendid tharod
M3188	that he thar gimanodi manno gehuiliken
C 3188	that hie thar gimanodi manno gihuilican
M3189	thero hoƀidscatto the sie te themu hoƀe scoldin
C 3189	thero hoƀidscatto thia sia te them hoƀe scoldin
M3190	tinsi gelden nis thes tueho enig
C 3190	tinsi geldan nis thes tueho enig
M3191	gumono nigienumu ne sie ina fargelden san
C 3191	gumono nigenon ne sia ina forguldin san
M3192	meðmo kusteon biuten iuuue mester eno
C 3192	methmo custeon neƀan iuuua mester enn
M3193	haƀad it farlaten ni scal that licon uuel
C 3193	haƀit it forlatan ni scal that licon uuell
M3194	minumu herron so man it imu at is hoƀe kuðid
C 3194	minon herron sa man it im at is hoƀe cuthit
M3195	aðalkesure tho geng aftar thiu
C 3195	athalkesure thuo geng after thiu
M3196	simon petrus uuelde it seggian tho
C 3196	symon petrus uuolda it seggian thuo
M3197	herron sinumu he uuas is an is hugi iu than
C 3197	herren sinon hie uuas is an is hugie iu than
M3198	giuuaro uualdand crist imu ni mahte uuord enig
C 3198	giuuaro uualdan crist im ni mohta uuord enig
M3199	biholen uuerðen he uuisse hugiskefti
C 3199	biholan uuerthan hie uuissa hugiscefti
M3200	manno gehuilikes het tho thene is marean thegan
C 3200	manno gihuilices hiet thuo thena is mareon thegan
M3201	simon petrus an thene seo innen
C 3201	simon petruse an thena seo innan
M3202	angul uuerpen suliken so thu thar erist mugis
C 3202	angul uuerpan succan so thu thar erist mugis
M3203	fisk gifahen quað he so teoh thu thene fan themu flode te thi
C 3203	fisk gifahen so tiuh thu thena fan them fluode te thi
M3204	antklemmi imu thea kinni thar maht thu undar them kaflon nimen
C 3204	antklemmi im thiu kinni thar maht thu undar them kaflon niman
M3205	guldine scattos that thu fargelden maht
C 3205	guldina scattos that thu forgeldan maht
M3206	themu manne te gimodea minen endi thinen
C 3206	them manne te gimuodie minan endi thinan
M3207	tinseo so huilican so he us to sokid
C 3207	tinseo so huilican so hie us tuo suokit
M3208	he ni thorfte imu tho aftar thiu oðaru uuordu
C 3208	hie ni thorfta im thuo after thiu odaru uuordu
M3209	furður gibioden geng fiscari god
C 3209	furthor gibiodan geng fiscari god
M3210	simon petrus uuarp an thene seo innen
C 3210	simon petrus uuarp an thena seo innan
M3211	angul an uðeon endi up gitoh
C 3211	angol an uthiun endi uupp gitoh
M3212	fisk an flode mid is folmun tuem
C 3212	fisk af fluode mid is folmon tuem
M3213	teklof imu thea kinni endi undar them kaflun nam
C 3213	teclof im thiu kinni endi an them kaflon nam
M3214	guldine scattos dede al so imu the godes sunu
C 3214	guldina scattos deda all so im thie godes suno
M3215	uuordun geuuisde thar uuas tho uualdandes
C 3215	uuordon giuuisda thar uuas thuo uualdandes
M3216	megincraft gimarid huo scal allaro manno gehuilic
C 3216	megincraft gimarid huo scal allaro manno gihuilik
M3217	suiðo uuilliendi is uueroldherron
C 3217	suitho uuillendi is uueroldherren
M3218	sculdi endi scattos thea imu giskeride sind
C 3218	sculdi endi scattos thia imi giscerida sint
M3219	gerno gelden ni scal ine fargumon eouuiht
C 3219	gerno geldan ni scal ina forgumon eouuiht
M3220	ni farmuni ine an is mode ac uuese imu mildi an is hugi
C 3220	ni formuni ina an is mode ac uuese im mildi an is huge
M3221	thiono imu thiolico an thiu mag he thiodgodes
C 3221	thiono im thiolico an thiu mag hie thiedgodes
M3222	uuillean geuuirkean endi ok is uueroldherron
C 3222	uuilleon geuuirkan endi oc is uueroldherren
M3223	huldi habbien so lerde the helago crist
C 3223	huldi hebbean so lerda thie helago crist
M3224	thea is godon iungaron ef enig gumono uuið iu quað he
C 3224	thia is guodun iungron ef enig gumono uuid iu
M3225	sundea geuuirkea than nim thu ina sundar te thi
C 3225	sundia giuuirkie than nim thu ina sundar te thi
M3226	thene rink an runa endi imu is rad saga
C 3226	thena rinc an runa endi im is rada sagi
M3227	uuisi imu mid uuordun ef imu than thes uuerð ne si
C 3227	uuisi im mid uuordon ef im than thes uuirdig ne si
M3228	that he thi gihorie hala thi thar oðara to
C 3228	that hie thi gihore halo thi thar ođran tuo
M3229	godaro gumono endi lah imu is grimmun uuerc
C 3229	guodero gumono endi lah im is grimmun uuerc
M3230	sak ina soðuuordun ef imu than is sundea aftar thiu
C 3230	sac ina suothuuordon ef im than is sundia after thiu
M3231	losuuerc ni leðon giduo it oðrun liudiun cuð
C 3231	lethuuerc ne lethon than giduo it ođran liudeon cuth
M3232	mari it than for menegi endi lat manno filu
C 3232	mari it than for menegi endi lat manno filo
M3233	uuiten is faruurhti oðo beginnad imu than is uuerk tregan
C 3233	uuitan is foruuruhti otho biginnid im thann is uuerc tregan
M3234	an is hugi hreuuen than he it gihorid heliðo filu
C 3234	an is hugie hreuuuan than hie it gihorid helitho filo
M3235	ahton eldibarn endi imu is uƀilon dad
C 3235	ahton eldibarn endi im is ubilun dad
M3236	uueread mid uuordun ef he than ok uuendien ne uuili
C 3236	uuereat mid uuordon ef hie thann oc uuendian ni uuili
M3237	ac farmodat sulica menegi than lat thu thene man faren
C 3237	ac formuodit sulica menigi than lat thu thena man faran
M3238	haƀa ina than far heðinen endi lat ina thi an thinumu hugi leðen
C 3238	haƀi ina than for hethinon endi lat ina thi an thinon hugie lethan
M3239	mið is an thinumu mode ne si that imu eft mildi god
C 3239	mith is an thinon muode ne si that im eft mildi god
M3240	her heƀencuning helpe farlihe
C 3240	her hebancuning helpa forlihe
M3241	fader allaro firiho barno tho fragode petrus
C 3241	fader allero firoho barno thuo fragoda petrus
M3242	allaro thegno bezt theodan sinan
C 3242	allaro thegno best thiodon sinan
M3243	huo oft scal ik them mannun the uuið mi habbiad
C 3243	huo oft scal ik them mannon thia uuid mi hebbeat
M3244	leðuuerk giduan leoƀo drohtin
C 3244	lethuuerc giduan lieƀo drohtin
M3245	scal ik im siƀun siðun iro sundea alaten
C 3245	scal ik im sebun sithon iro sundea alatan
M3246	uureðaro uuerko er than ik is eniga uureka frummie
C 3246	uurethero uuerco er than ik is eniga uuraca frummea
M3247	leðes te lone tho sprak eft the landes uuard
C 3247	lethes te lone thuo sprak eft thie landes uuard
M3248	angegin the godes sunu godumu thegne
C 3248	angegin thie godes suno guodon thegne
M3249	ni seggiu ik thi fan siƀuniun so thu selƀo sprikis
C 3249	ne seggiu ik thi fan siƀunin so thu selƀo sprikis
M3250	mahlis mid thinu muðu ik duom thi mera thar to
C 3250	mahlis mid thinu muthu ik duon thi mera thar tuo
M3251	siƀun siðun siƀuntig so scalt thu sundea gehuemu
C 3251	siƀun sithon siƀontig so scalt thu sundea gihuem
M3252	leðes alaten so uuilliu ik thi te lerun geƀen
C 3252	lethes alatan so uuelliu ik thi te leron geƀan
M3253	uuordun uuarfastun nu ik thi sulica giuuald fargaf
C 3253	uuordon uuarfaston nu ik thi sulica giuuald forgaf
M3254	that thu mines hiuuiskes herost uuaris
C 3254	that thu mines hiuuiskies herost uuaris
M3255	manages mannkunnies nu scalt thu im mildi uuesen
C 3255	manages mankunnies nu scalt thu im mildi uuesan
M3256	liudiun liði tho thar te themu lereande quam
C 3256	liudeon lithi thuo thar te them lerande quam
M3257	en iung man angegin endi fragode iesu crist
C 3257	enn iung man angegin endi fragoda iesum crist
M3258	mester the godo quað he huat scal ik manages duan
C 3258	mestar thie guodo huat scal ik mines duon
M3259	an thiu the ik heƀenriki gehalan moti
C 3259	that ik hebanriki hebbean muoti
M3260	habde imu oduuelon allen geuunnen
C 3260	habda im oduuelon allon giuunnan
M3261	meðomhord manag thoh he mildean hugi
C 3261	methomhorđ manag thoh he mildan hugi
M3262	bari an is breostun tho sprak imu that barn godes
C 3262	bari an is briostun thuo sprac im that barn godes
M3263	huat quiðis thu umbi godon nis that gumono enig
C 3263	huat quiđis thu umbi godi nis that gomono enig
M3264	biutan the eno the thar al gescop
C 3264	botan thie eno thie thar all giscuop
M3265	uuerold endi uunnea ef thu is uuillean haƀas
C 3265	uuerold endi uunnia ef thu is uuillion habis
M3266	that thu an lioht godes liðan motis
C 3266	that thu an lioht godes lithan muotis
M3267	than scalt thu bihalden thea helagon lera
C 3267	than scalt thu bihaldan thia helagan lera
M3268	the thar an themu aldon euua gebiudid
C 3268	thia thar an them aldon euue gibiudit
M3269	that thu man ni slah ni thu menes ni sueri
C 3269	that thu man ni slah ne thu menes ni sueri
M3270	farlegarnessi farlat endi luggi geuuitskepi
C 3270	forlegarnissia farlat endi luggi giuuitscipi
M3271	strid endi stulina ne uuis thu te stark an hugi
C 3271	strid endi stulina ni uuis thu te starc an hugie
M3272	ne niðin ne hatul ni nodrof ni fremi
C 3272	ne nithin ne hatul ni nodrof ni frumi
M3273	aƀunst alla farlat uuis thinun eldirun god
C 3273	abunst alla forlat uuis thinon eldiron guod
M3274	fader endi moder endi thinun friundun hold
C 3274	fader endi muoder endi thinon friundon hold
M3275	them nahistun ginaðig than thu thi giniodon most
C 3275	them nahiston ginathig than thu thi giniedon muost
M3276	himilo rikeas ef thu it bihalden uuili
C 3276	himilo rikies ef thu it bihaldan uuili
M3277	fulgangan godes lerun tho sprak eft the iungo man
C 3277	fulgangan godes lerun thuo sprac eft thie iungo man
M3278	al hebbiu ik so gilestid quað he so thu mi leris nu
C 3278	all hebbiu ik so gilestid so thu mi leris nu
M3279	uuordun uuisis so ik is eo uuiht ni farlet
C 3279	uuordon uuisis so ik is eouuiht ne forliet
M3280	fan minero kindiski tho bigan ina crist sehan
C 3280	fan minero kindiski thuo bigan ina crist sehan
M3281	an mid is ogun en is thar noh nu quað he
C 3281	an mid is ogon en is thar noh nu
M3282	uuan thero uuerko ef thu is uuilleon haƀas
C 3282	uuan thero uuerco ef thu is uuillion habis
M3283	that thu thurhfremid thionon motis
C 3283	that thu thionon thiodne thionon muotis
M3284	herron thinumu than scalt thu that thin hord nimen
C 3284	herron thinon than scalt thu that thin horth neman
M3285	scalt thinan oduuelon allan farcopien
C 3285	scalt thinon oduuelon allan forcopan
M3286	diurie meðmos endi delien het
C 3286	diuria methmos endi delian het
M3287	armun mannun than haƀas thu aftar thiu
C 3287	armon mannon than habis thi after thiu
M3288	hord an himile cum thi than gihalden te mi
C 3288	horth an himile cum thi than gihaldan te mi
M3289	folgo thi minaro ferdi than haƀas thu friðu siður
C 3289	folgo thi minero ferdi than habis thu friđo sithor
M3290	tho uurðun kristes uuord kindiungumu manne
C 3290	thuo uurdun cristes uuord kindiungan man
M3291	suiðo an sorgun uuas imu ser hugi
C 3291	suitho an sorogon uuas im ser hugi
M3292	mod umbi herte habde meðmo filu
C 3292	muod umbi herte habda metmo filo
M3293	uuelono geuunnen uuende imu eft thanen
C 3293	uuelono giuunnan uuenda im eft thanan
M3294	uuas imu unoðo innan breostun
C 3294	uuas im unotho innan brioston
M3295	an is seƀon suaro sah imu aftar tho
C 3295	an is sebon suaro sah im after thuo
M3296	krist alouualdo quað it tho thar he uuelde
C 3296	crist alouualdo quat it thuo thar hie uuelda
M3297	te them is iungarun geginuuardun that uuari an godes riki
C 3297	te them is iungron geginuuardon that uuari an godes riki
M3298	unoði odagumu manne up te cumanne
C 3298	unothi odigan man upp ti cumanne
M3299	oður mag man olbundeon thoh he si unmet grot
C 3299	othor mag man oluuendeon thoh hie si unmet grot
M3300	thurh naðlan gat thoh it si naru suiðo
C 3300	thuru nadlun gat thoh it si naro suitho
M3301	saftur thurhslopien than mugi cuman thiu siole te himile
C 3301	saftor thuruslopian than mugi cuman thiu seola te himile
M3302	thes odagan mannes the her al haƀad
C 3302	thes odages mannes thie hier all haƀit
M3303	giuuendid an thene uueroldscat uuilleon sinen
C 3303	giuuendit an thena uueroldscatt uuilleon sinon
M3304	modgithahti endi ni hugid umbi thie maht godes
C 3304	muodgithahti endi ne hugit umbi thia maht godes
M3305	imu anduuordiade erthungan gumo
C 3305	im anuuordeda thuo erthuungan gumo
M3306	simon petrus endi seggean bad
C 3306	symon petrus endi seggian bad
M3307	leoƀan herron huat sculun uui thes te lone nimen quað he
C 3307	lieban herron huat sculun uui thes te lone niman
M3308	godes te gelde thes uui thurh thin iungardom
C 3308	guodes te gelde thes uui thuru thin iungarduom
M3309	egan endi erƀi al farletun
C 3309	egan endi erƀi all forlietun
M3310	hoƀos endi hiuuiski endi thi te herron gicurun
C 3310	hoƀos endi hiuuiski endi thi te herren gicurun
M3311	folgodun thinaru ferdi huat scal us thes te frumu uuerðen
C 3311	folgodun thinero ferdi huat scal us thes ti frumu uuerthan
M3312	langes te lone liudeo drohtin
C 3312	langes te lone liudeo drohtin
M3313	sagde im tho selƀo than ik sittien kumu quað he
C 3313	sagda im thuo selƀo suno drohtines than ik sittean cumu
M3314	an thie mikilan maht an themu marean dage
C 3314	an thia mikulun maht an them mariun dage
M3315	thar ik allun scal irminthiodun
C 3315	thar ik allon scal irmintheodon
M3316	domos adelien than motun gi mid iuuuomu drohtine thar
C 3316	duomos adelean than muotun gi mid iuuuon drohtine thar
M3317	selƀon sittien endi motun thera saca uualdan
C 3317	selƀon sittean endi muotun thera saca uualdan
M3318	motun gi israhelo eðilifolcun
C 3318	muotun gi israhelo edilifolcon
M3319	adelien aftar iro dadiun so motun gi thar gidiuride uuesen
C 3319	adelean after iro dadeon so muotun gi thar gidiurida uuesan
M3320	than seggiu ik iu te uuaran so hue so that an thesaru uueroldi giduot
C 3320	than seggiu ik iu te uuaron so huie so that an thesaro uueroldi giduot
M3321	that he thurh mina minnea mago gesidli
C 3321	that hie thuru mina minnea mago gisidli
M3322	liof farletid thes scal hi her lon niman
C 3322	liob forlatit thes scal hie hier lon niman
M3323	tehan siðun tehinfald ef he it mid treuuon duot
C 3323	tehan sithon tehanfald ef hie it mid treuuon duot
M3324	mid hluttru hugi oƀar that haƀad he ok himiles lioht
C 3324	mid hluttru hugiu oƀar that haƀit hie ok himiles leoht
M3325	open euuig lif bigan imu tho aftar thiu
C 3325	opan euuig lif bigan im thuo after thiu
M3326	allaro barno bezt en biliði seggian
C 3326	allaro barno best enn bilithi seggian
M3327	quað that thar en odag man an erdagun
C 3327	quat that thar enn odag man an erdagon
M3328	uuari undar themu uuerode the habde uuelono genog
C 3328	uuari under them uuerode hie habda uuelono genoh
M3329	sinkas gisamnod endi imu simlun uuas
C 3329	sinkes gisamnot endi im sinnon uuas
M3330	garu mid goldu endi mid godouuebbiu
C 3330	garo midi goldu endi mid goduuuebbiu
M3331	fagarun fratahun endi imu so filu habde
C 3331	fagaron fratohon endi im so filo habda
M3332	godes an is gardun endi imu at gomun sat
C 3332	guodes an is gardon endi im at is gomon sat
M3333	allaro dago gehuilikes habde imu diurlic lif
C 3333	allaro dago gihuilikes habda im diurlic liƀ
M3334	bliðsea an is benkiun than uuas thar eft en biddiendi man
C 3334	blizza an is benki than uuas thar eft en biddandi man
M3335	gileƀod an is lichamon lazarus uuas he heten
C 3335	gileƀod an is lichamon lazarus uuas hie hetan
M3336	lag imu dago gehuilikes at them durun foren
C 3336	lag im dago gihuilikes at them duron foran
M3337	thar he thene odagan man inne uuisse
C 3337	thar hie thena odagan man inna uuissa
M3338	an is gestseli gome thiggean
C 3338	an is gastselie goma thiggian
M3339	sittien at sumble endi he simlun bed
C 3339	sittean at is sumble endi hie sinnon bed
M3340	giarmod thar ute ni moste thar in cuman
C 3340	giaromod thar ute ni muosta thar inn cuman
M3341	ne he ni mahte gebiddien that man imu thes brodes tharod
C 3341	ne hie ni mohta gibiddean that man im thes brodes tharod
M3342	gidragan uueldi thes thar fan themu diske niðer
C 3342	gidragan uueldi thes thar fan them disce nither
M3343	antfel undar iro foti ni mahte imu thar enig fruma uuerðen
C 3343	antfell under iro fuoti ne mohta im thar enig froma uuerthan
M3344	fan themu heroston the thes huses giuueld biutan that thar gengun is hundos to
C 3344	fon them herrosten them thes huses giuueld neuan that thar gengun is hundos tuo
M3345	likkodun is likuundon thar he liggiandi
C 3345	leccodun is likuundun thar hie liggeandi
M3346	hungar tholode ni quam imu thar te helpu uuiht
C 3346	hungar tholoda ne quam im thar te helpu uuiht
M3347	fan themu rikeon manne tho gifragn ik that ina is reganogiscapu
C 3347	fan them rikeon man thuo gifran ik that ina reganugiscapu
M3348	thene armon man is endago
C 3348	thena armon man is endago
M3349	gimanoda mahtiun suið that he manno drom
C 3349	gimanoda magtig mahtiom suith suht that hie manno drom
M3350	ageƀen scolde godes engilos
C 3350	ageƀan scolda godes engilos
M3351	antfengun is ferh endi leddun ine forð thanen
C 3351	antfengun is ferah endi leddun ina forth thanan
M3352	that sie an abrahames barm thes armon mannes
C 3352	that sia an habrahames barm thes armon mannes
M3353	siole gisettun thar moste he simlun forð
C 3353	seola gisettun thar muosta hie simle forth
M3354	uuesen an uunniun tho quamun ok uurdegiscapu
C 3354	uuesan an uunnion thuo quamun ok uurdigiscapu
M3355	themu odagan man orlaghuile
C 3355	them odagen man orlaghuila
M3356	that he thit lioht farlet leða uuihti
C 3356	that hie thit leoht forliet letha uuihti
M3357	besinkodun is siole an thene suarton hel
C 3357	bisenkidun is seola an thena suarton hell
M3358	an that fern innen fiundun te uuillean
C 3358	ant that fern innan fiondon te uuilleon
M3359	begroƀun ine an gramono hem thanen mahte he thene godan scauuon
C 3359	bigruobun ina an gramono hem thanan mohta hie thena guodon scauuon
M3360	abraham gesehen thar he uppe uuas
C 3360	habrahame gisehan thar hie uppe uuas
M3361	liƀes an lustun endi lazarus sat
C 3361	libes an luston endi lazarus satt
M3362	bliði an is barme berht lon antfeng
C 3362	bliđi an is barme bereht lon antfeng
M3363	allaro is armodio endi lag the odago man
C 3363	allaro is aramuodio endi lag thie odago man
M3364	heto an theru helliu hriop up thanen
C 3364	heto an thero helliu hriep upp thanan
M3365	fader abraham quað he mi is firinun tharf
C 3365	fader habraham mi ist firinon tharf
M3366	that thu mi an thinumu modseƀon mildi uuerðes
C 3366	that thu mi an thinon muodsebon mildi uuerthes
M3367	liði an thesaru lognu sendi mi lazarus herod
C 3367	lithe an thesaro lognu sendi mi lazarusan herod
M3368	that he mi geforea an thit fern innan
C 3368	that hie mi gifuore an thit fern innan
M3369	caldes uuateres ik her quic brinnu
C 3369	caldes uuateres ik hier quik brinnu
M3370	heto an thesaru helliu nu is mi thinaro helpono tharf
C 3370	heto an thesaro helliu nu is mi thinero helpono tharf
M3371	that he mi aleskie mid is lutticon fingru
C 3371	that hie mi aleskie mid is lutticon fingru
M3372	tungon mine nu siu tekan haƀad
C 3372	tungun mina nu siu tecan haƀit
M3373	uƀil arƀedi inuuidrado
C 3373	uƀil araƀedi inuuidrado
M3374	leðaro spraka alles is mi nu thes lon cumen
C 3374	letharo spraka alles ist mi nu thes lon cuman
M3375	imu anduuordiade tho abraham that uuas aldfader
C 3375	im anduuordida thuo abraham that uuas aldfader
M3376	gehugi thu an thinumu herton quað he huat thu habdes iu
C 3376	gihugi thu an thinemo herten huat thu habdos iu
M3377	uuelono an uueroldi huat thu thar alle thine uunnea farsliti
C 3377	uuelono an uueroldi huat thu thar alla thina uunnia forsliti
M3378	godes an gardun so huat so thi giƀiðig forð
C 3378	godes an gardon so huat so thi gibidig forth
M3379	uuerðen scolde uuiti tholode
C 3379	uuerthan scoldi uuiti tholoda
M3380	lazarus an themu liohte habde thar leðes filu
C 3380	lazarus an them leohte habda thar lethes filo
M3381	uuiteas an uueroldi bethiu scal he nu uuelon egan
C 3381	uuities an uueroldi bithiu scal hie nu uuelono egan
M3382	libbien an lustun thu scalt thea logna tholan
C 3382	libban an luston thu scalt thia logna tholon
M3383	brinnendi fiur ni mag is thi enig bote kumen
C 3383	brinnandi fiur ni mag es thi enig buota cuman
M3384	hinana te helliu it haƀad the helago god
C 3384	hinana te helliu it habit the helago god
M3385	so gifastnod mid is faðmun ni mag thar faren enig
C 3385	so gifastnot mid is fathmon ni mag thar faran enig
M3386	thegno thurh that thiustri it is her so thikki undar us
C 3386	thegno thuru that thiustria it ist hier so thikki undar us
M3387	tho sprac eft abrahame the erl tegegnes
C 3387	thuo sprac eft abrahame thie erl tegegnes
M3388	fan theru hetan hell endi helpono bad
C 3388	fan thero hetun hell endi helpono bad
M3389	that he lazarus an liudio drom
C 3389	that hie lazaruse an liudo drom
M3390	selƀon sandi that he geseggea thar
C 3390	selban sandi that hie giseggie thar
M3391	broðarun minun huo ik her brinnendi
C 3391	bruothron minon huo ik hier brinnandi
M3392	thrauuerk tholon si thar undar theru thiodu sind
C 3392	thrauuerc tholon sia thar under thera thieda sind
M3393	si fiƀi undar themu folke ik an forhtun bium
C 3393	sia fiui under them folce ik an forohton biun
M3394	that sie im thar faruuirkien that sie sculin ok an thit uuiti te mi
C 3394	that sia im thar foruuirkean that sia sculin oc an thit uuiti te mi
M3395	an so gradag fiur tho imu eft tegegnes sprak
C 3395	an so gradog fiur thuo im eft tegegnes sprak
M3396	abraham aldfader quað that sie thar eo godes
C 3396	abraham aldfader quat that sia thar eu godes
M3397	an themu landskepi liudi habdin
C 3397	an them landscipe liudi habdin
M3398	moyseses gibod endi thar managaro to
C 3398	moyseses gobod endi thar manegero tuo
M3399	uuarsaguno uuord ef sie is uuillige sind
C 3399	uuarsagono uuord ef sia is uuilliga sind
M3400	that sie that bihalden than ni thurƀun sie an thea hell innen
C 3400	that sia that bihaldan than ni thurƀun sia an thena hell innan
M3401	an that fern faren ef sie gefrummiad so
C 3401	an that fern faran ef sia frummian so
M3402	so thea gebiodad the thea bok lesat
C 3402	so thia gibiodat thie the buok lesat
M3403	them liudiun te lerun ef sie thes than ni uuilliad lestien uuiht
C 3403	them liudion te leru ef sia thes than ni uuelliat lestean uuiht
M3404	thanne ni horiad sie ok themu the hinan astad
C 3404	than ni horiat sia oc them the hinan astet
M3405	man fan doðe late man sie an iro modseƀon
C 3405	man fan dode lata man sia an iro muodsebon
M3406	selƀon keosen hueðer im suotiera thunkie
C 3406	selƀon keosan hueder im suotera thunke
M3407	te giuuinnanne so lango so sie an thesaru uueroldi sind
C 3407	te giuuinnanne so lango so sia an thesaro uueroldi sind
M3408	that sie eft uƀil ettha god aftar habbien
C 3408	that sia eft uƀil eftha guod after hebbian
M3409	so lerde he tho thea liudi liohton uuordon
C 3409	so lerda hie tho thia liudi liohton uuordon
M3410	allaro barno bezt endi biliði sagde
C 3410	allaro barno best endi bilithi sagda
M3411	manag mankunnie mahtig drohtin
C 3411	manag mancunnie mahtig drohtin
M3412	quað that imu en salig gumo samnon bigunni
C 3412	quat that im en salig gumo samnon bigunni
M3413	man an morgen endi im meda gihet
C 3413	man an moragan endi im meda gihet
M3414	the herosto thes hiuuiskeas suiðo holdlic lon
C 3414	the herrosto thes hiuuiskes suitho holdlic lon
M3415	quat that hie iro allaro gihuem enna gaƀi
C 3415	quat that hie iro allaro gihuem enna gabi
M3416	siloƀrinna scat thuo samnodun managa
C 3416	silofrinna scat thuo samnodun managa
M3417	uueros an is uuingardon endi hie im uuerc bifalah
C 3417	uueros an is uuingardon endi hie im uuerc bifalah
M3418	adro an uhtan sum quam thar oc an undorn tuo
C 3418	adro an uhtan sum quam thar oc an undorn tuo
M3419	sum quam thar an middian dag man te them uuerke
C 3419	sum quam thar an middian dag man te them uuerke
M3420	sum quam thar te nonu thuo uuas thiu niguða tid
C 3420	sum quam thar te nonu thuo uuas thiu niguđa tid
M3421	sumarlanges dages sum thar oc siðor quam
C 3421	sumarlanges dages sum thar oc sithor quam
M3422	an thia elliftun tid thuo geng thar aƀand tuo
C 3422	an thia elliftun tid thuo geng thar aƀand tuo
M3423	sunna ti sedle thuo hie selƀo gibod
C 3423	sunna ti sedle thuo hie selbo gibod
M3424	is ambahtion erlo drohtin
C 3424	is ambahtion erlo drohtin
M3425	that man thero manno gihuem is meoda forguldi
C 3425	that man thero manno gihuem is meoda forguldi
M3426	them erlon arƀidlon hiet thiem at erist geƀan
C 3426	them erlon arbiđlon hiet thiem at erist geban
M3427	thia thar at lezt uuarun liudi cumana
C 3427	thia that lezt uuarun liudi cumana
M3428	uueros te them uuerke endi mid is uuordon gibod
C 3428	uueros te them uuirke endi mid is uuordon gibod
M3429	that man them mannon iro mieda forguldi
C 3429	that man them mannon iro mieda forguldi
M3430	alles at aftan them thar quamun at erist tuo
C 3430	alles at aftan them thar quamun at erist tuo
M3431	uuillendi te them uuerke uuandun sia suiðo
C 3431	uuillendi te them uuerke uuandun sia suitho
M3432	that man im mera lon gimacod habdi
C 3432	that man im mera lon gimacod habdi
M3433	uuið iro araƀedie than man im allon gaf
C 3433	uuid iro arabedie than man im allon gaf
M3434	them liudeon gilico leð uuas that suiðo
C 3434	them liudeon gilico leth uuas that suitho
M3435	allon them ando them thar quamun at erist tuo
C 3435	allon them ando them thar quamun at erist tuo
M3436	uui quamun hier an moragan quaðun sia endi tholodun hier manag te dage
C 3436	uui quamun hier an moragan quathun sia endi tholodun hier manag te dage
M3437	araƀiduuerco huilon unmet het
C 3437	arabiđuuerco huilon unmet het
M3438	scinandia sunna nu ni giƀis thu us scattes than mer
C 3438	scinandia sunna nu ni gibis thu us scattes than mer
M3439	thie thu them oðron duos thia hier ena huila
C 3439	thie thu them ođron duos thia hier ena huila
M3440	uuaron an thinon uuerke thuo habda eft is uuord garo
C 3440	uuaron an thinon uuerke thuo habda eft is uuord garo
M3441	thie herosto thes hiuuiskes quat that hie im ni habdi gihetan than mer
C 3441	thie herrosto thes hiuuiskes quat hie im ni habdi gihetan than mer
M3442	uuerðes uuið iro uuerke huat ik giuuald hebbiu quathie
C 3442	uuerthes uuid iro uuerke huat ik giuuald hebbiu
M3443	that ik iu allon gilico muot lon forgeldan
C 3443	that ik iu allon gilico muot lon forgeldan
M3444	iuues uuerkes uuerð than uualdandi crist
C 3444	iuues uuerkes uuerth than uualdandi crist
M3445	menda im thoh mera thing thoh hie oƀar that manno folc
C 3445	menda im thoh mera thing thoh hie obar that manno folc
M3446	fan them uuingardon so uuordon spraki
C 3446	fan them uuingardon so uuordon spraki
M3447	huo thar unefno erlos quamun
C 3447	huo thar unefnu erlos quamun
M3448	uueros te them uuerke so sculun fan thero uueroldi duon
C 3448	uueros te them uuerke so sculun fan thero uueroldi duon
M3449	manncunnies barn an that mario lioht
C 3449	mancunnies barn an that mario lioht
M3450	gumon an godes uuang sum biginnit ina giriuuan san
C 3450	gumon an godes uuang sum biginnit ina giriuuan san
M3451	an is kindiski haƀit im gicoranan muod
C 3451	an is kindiski haƀit im gicoran an muod
M3452	uuilleon guodan uueroldsaca miðit
C 3452	uuillion guodan uueroldsaca mithit
M3453	farlatit is lusta ni mag ina is likhamo
C 3453	farlatit is lusta ni mag ina is likhamo
M3454	an unspuod forspanan spahiða linot
C 3454	an unspuod forspanan spahitha linot
M3455	godes eu gramono forlatit
C 3455	godes eu gramono forlatit
M3456	uureðaro uuillion duot im so te is uueroldi forð
C 3456	uuretharo uuillion duot im so te is uueroldi forth
M3457	lestit so an theson liohte antthat im is liƀes cumit
C 3457	lestit so an theson liohte antthat im is liƀes cumit
M3458	aldres aƀand giuuitit im than upuuegos
C 3458	aldres aƀand giuuitit im than uppuuego
M3459	thar uuirðit im is araƀedi all gilonot
C 3459	that uuirthit im is araƀedi all gilonot
M3460	fargoldan mid guodu an godes rikie
C 3460	fargoldan mid guodu an godes rikie
M3461	that mendun thia uuuruhteon thia an them uuingardon
C 3461	that mendun thia uuuruhteon thia an them uuingardon
M3462	adro an uhta arƀidlico
C 3462	adro an uhta arbidlico
M3463	uuerc bigunnun endi thuruuuonodun forð
C 3463	uuerc bigunnun endi thuruuuonodun forth
M3464	erlos unt aƀand sum thar oc an undern quam
C 3464	erlos unt aband sum thar oc an undern quam
M3465	habda thuo farmerrid thia moraganstunda
C 3465	habda thuo farmerrid thia moraganstunda
M3466	thes daguuerkes forduolon so duot doloro filo
C 3466	thes daguuerkes forduolon so duot doloro filo
M3467	gimedaro manno driƀit im mislic thing
C 3467	gimedaro manno dribit im mislic thing
M3468	gerno an is iuguði haƀit im gelpquidi
C 3468	gerno an is iuguthi habit im gelpquidi
M3469	leða gilinot endi losuuord manag
C 3469	letha gilinot endi losuuord manag
M3470	antthat is kindiski farcuman uuirđit
C 3470	antthat is kindiski farcuman uuirđit
M3471	that ina after is iuguði godes anst manot
C 3471	that ina after is iuguthi godes anst manot
M3472	bliði an is brioston fahit im te beteron than
C 3472	blithi an is brioston fahit im te beteron than
M3473	uuordon endi uuercon ledit im is uuerold mid thiu
C 3473	uuordon endi uuercon ledit im is uuerold mid thiu
M3474	is aldar ant thena endi cumit im alles lon
C 3474	is aldar ant thena endi cumit im alles lon
M3475	an godes rikie godaro uuerko
C 3475	an godes rikie godaro uuerko
M3476	sum mann than midfiri men farlatid
C 3476	sum mann thann midfiri men farlatid
M3477	suara sundiun fahit im an salig thing
C 3477	suara sundiun fahit im an salig thing
M3478	biginnit im thuru godes craft guodaro uuerco
C 3478	biginnit im thuru godes craft guodaro uuerco
M3479	buotit balospraka latit im is bittrun dad
C 3479	buotit balospraka latit im is bittrun dad
M3480	an is hugie hreuuan cumit im thiu helpa fon gode
C 3480	an is hugie hreuuan cumit im thiu helpa fon gode
M3481	that im gilestid thie giloƀo so lango so im is lif uuarod
C 3481	that im gilestid thie giloƀo so lango so im is liƀ uuarod
M3482	farit im forð mid thiu antfahit is mieda
C 3482	farit im forth mid thiu antfahit is mieda
M3483	guod lon at gode ni sindun eniga geƀa beteran
C 3483	guod lon at gode ni sindun eniga geƀa beteran
M3484	sum biginnit than oc furðor than hie ist fruodot mer
C 3484	sum biginnit thann oc furthor than hie ist fruodot mer
M3485	is aldares afheldit than biginnat im is uƀilon uuerc
C 3485	is aldares afheldit than biginnat im is uƀilon uuerc
M3486	leðon an theson liohte than ina lera godes
C 3486	lethon an theson liohte than ina lera godes
M3487	gimanod an is muode uuirðit im mildera hugi
C 3487	gimanod an is muode uuirđit im mildera hugi
M3488	thurugengit im mid guodu endi geld nimit
C 3488	thurugengit im mid guodu endi geld nimit
M3489	hoh himilriki than hie hinan uuendit
C 3489	hoh himilriki than hie hinan uuendit
M3490	uuirðit im is mieda so sama so them man nun uuarð
C 3490	uuirđit im is mieda so sama so them mannon uuarth
M3491	thea thar te nonu dages an thea nigunda tid
C 3491	thia thar te noon dages an thia nigunda tid
M3492	an thene uuingardon uuirkean quamun
C 3492	an thena uingardon uuirkean quamun
M3493	sum uuirðid than so suiðo gefrodot so he ni uuili is sundea botien
C 3493	sum uuirđid than so suitho gifruodot so hie ni uuili is sundia buotan
M3494	ac he okid sie mid uƀilu gehuilicu antat imu is aƀand nahid
C 3494	ac hie okit sia mid uƀilu gihuilicu antthat im is aƀand nahit
M3495	is uuerold endi is uunnea farslitid than beginnid he imu uuiti andreden
C 3495	is aldres endi is uuunnia forslitit than biginnit he im uuiti andradan
M3496	is sundeon uuerðad imu sorga an mode gehugid huat he selƀo gefrumide
C 3496	is sundion uuerthat im soroga an muode gihugit huat hie selƀo gifrumida
M3497	grimmes than lango the he moste is iuguðeo neoten ni mag than mid oðru godu gibotien
C 3497	grimmes thann lang the hie muosta is iuguthi niotan ni mag than mid ođru guodu gibuotian
M3498	thea dadi thea he so derƀea gefrumide ac he slehit allaro dago gehuilikes
C 3498	thia dadi thia hie so dereuia gifrumida ac hie slahit allaro dago gihuilikes
M3499	an is breost mid beðiun handun endi uuopit sie mid bittrun trahnun
C 3499	an is briost mid bethion handon endi uuopit sia mid bittron trahnion
M3500	hludo he sie mid hofnu kumid bidid thene helagon drohtin
C 3500	hludo hie sia mid hofno cumit bidit thena helagan drohtin
M3501	mahtigne that he imu mildi uuerðe ni latid imu siðor is mod gituiflien
C 3501	mahtigna that hie im mildi uuerthe ni latit im sithor is muod gituiflian
M3502	so egrohtful is the thar alles geuueldid he ni uuili enigumu irminmanne
C 3502	so egrohtfull ist thie thar alles giuualdit hie ni uuili enigon irminmanno
M3503	faruuernien uuillean sines fargiƀid imu uualdand selƀo
C 3503	faruuernian uuillion sines forgiƀit im uualdand selƀo
M3504	helag himilriki than is imu giholpen siður
C 3504	helag himilo riki than is im giholpan sithor
M3505	alle sculun sie thar era antfahen thoh sie tharod te enaru tidi
C 3505	alla sculun sia thar era antfahan thoh sia tharod te enero tidi
M3506	ni kumen that kunni manno thoh uuili imu the craftigo drohtin
C 3506	ne cuman that mancunni thoh uuill im thie craftigo drohtin
M3507	gilonon allaro liudio so huilicumu so her is giloƀon antfahit
C 3507	gilonon allero liudio so huilicon so hier is giloƀon antfahit
M3508	en himilriki giƀid he allun theodun
C 3508	endi himilriki giƀit hie allon thiodon
M3509	mannun te medu that mende mahtig krist
C 3509	mannon te miedu that menda mahtig crist
M3510	barno that bezte tho he that biliði sprak
C 3510	barno that besta thuo hie that bilithi sprak
M3511	huo thar te them uuingardun uurhteon quamin
C 3511	huo thar te them uuingardon uuurohtion quamin
M3512	man mislico thoh nam is mede gehue
C 3512	man mislico thoh nam is mieda gihuie
M3513	fulle te is froian so sculun firiho barn
C 3513	fulla te is frohen so sculun firio barn
M3514	at gode selƀumu geld antfahen
C 3514	at gode selƀon geld antfahan
M3515	suiðo leoƀlic lon thoh sie sume so late uuerðan
C 3515	suitho lioblic lon thoh sia suma lata uuerthan
M3516	het imu tho thea is godan iungaron nahor
C 3516	hiet im thuo thia is guodun iungron nahor
M3517	tueliƀi gangan thea uuarun imu triuuuiston
C 3517	tuelifi gangan thia uuarun im triuuistun
M3518	man oƀar erðu sagde im mahtig selƀo
C 3518	man oƀar erthu sagda im mahtig self
M3519	oðersiðu huilic imu thar arƀedi
C 3519	othier sithu huilic im thar arbedi
M3520	touuard uuarun thes ni mag enig tueho uuerðen quað he
C 3520	tuouuard uuarun thes ni mag enig tueho uuerthan
M3521	quað that sie tho te hierusalem an that iudeono folc
C 3521	quat that sia thuo te ierusalem an that iudeono folc
M3522	liðan scoldin thar uuirðid all gilestid so
C 3522	lithan scoldin thar uuirđit all gilestid so
M3523	gefrumid undar themu folke so it an furndagun
C 3523	gifrumit under them folke so it an furndagon
M3524	uuise man be mi uuordun gesprakun
C 3524	uuisa man bi mi uuordon gisprakun
M3525	thar sculun mi farcopon undar thea craftigon thiod
C 3525	thar sculun mi farcopan undar thia craftigun thiod
M3526	heliðos te theru heri thar uuerðat mina hendi gebundana
C 3526	helithos te thero heri thar uuerthat mina hendi gibundan
M3527	faðmos uuerðad mi thar gefastnod filu scal ik thar githoloian
C 3527	fathmos uuerthat mi thar gifastnod filo scal ik thar githolon
M3528	hoskes gihorien endi harmquidi
C 3528	hoskes gihorian endi harmquidi
M3529	bismerspraka endi bihetuuord manag
C 3529	bismarspraka endi bihetuuord manag
M3530	sie uuegeat mi te uundron uuapnes eggiun
C 3530	sia uuegiat mi te uundron uuapnes eggion
M3531	bilosiad mi liƀu ik te thesumu liohte scal
C 3531	bilosiat mi liƀu ik te theson liohte scal
M3532	thurh drohtines craft fan doðe astanden
C 3532	thuru drohtines craft fon dode astandan
M3533	an thriddeon dage ni quam ik undar thesa theoda herod
C 3533	an thriddion dage ne quam ik undar thesa thioda herod
M3534	te thiu that min eldibarn arƀed habdin
C 3534	te thiu that min eldibarn araƀit habdin
M3535	that mi thionodi thius thiod ni uuilliu ik is sie thiggien nu
C 3535	that mi thionodi thius theoda ne uuelliu ik es sia thiggean nu
M3536	fergon thit folcskepi ac ik scal imu te frumu uuerðen
C 3536	fergon thit folcscipi ac ik scal im te frumu uuerthan
M3537	theonon imu theolico endi for alla thesa theoda geƀen
C 3537	thionon im thiolico endi for alla thesa thioda geƀan
M3538	seole mine ik uuilliu sie selƀo nu
C 3538	seola mina ik uuelliu sia selƀo nu
M3539	losien mid minu liƀu thea her lango bidun
C 3539	losian mid minu liƀu thia hier lango bidun
M3540	mankunnies manag minara helpa
C 3540	mancunnies manag minera helpa
M3541	for imu tho forðuuardes habde imu fasten hugi
C 3541	fuor im thuo forthuuardes habda im ferhtan hugi
M3542	bliðean an is breostun barn drohtines
C 3542	blithian an is brioston barn drohtines
M3543	uuelda im te hierusalem iudeo folkes
C 3543	uuelda im te hierusalem iudeo folkes
M3544	uuilleon uuisan he conste thes uuerodes so garo
C 3544	uuilleon uuison hie consta thes uuerodes so garo
M3545	hetigrimmen hugi endi hardan strid
C 3545	hetigrimman hugi endi hardon strid
M3546	uureðan uuilleon uuerod siðode
C 3546	uurethan uuilleon uuerod sithoda
M3547	furi hierichoburg uuas the godes sunu
C 3547	furi hierichoburg uuas thie godes suno
M3548	mahtig undar thero menigi thar satun tuenie man bi uuege
C 3548	mahtig undar thero menigi thar satun tuena man bi uuege
M3549	blinde uuarun sie beðie uuas im botono tharf
C 3549	blinda uuarun sia bethia uuas im buotono tharf
M3550	that sie geheldi heƀenes uualdand
C 3550	that sia giheldi heƀanes uualdand
M3551	huand sie so lango liohtes tholodun
C 3551	huand sia so lango leohtes tholodun
M3552	managa huila sie gihordun tho that megin faren
C 3552	managa huila sia gihordun thuo that megin faran
M3553	endi fragodun san firiuuitlico
C 3553	endi fragodun san firiuuitlico
M3554	reginiblindun huilic thar riki man
C 3554	reginiblindon huilik thar riki mann
M3555	undar themu folcskepi furista uuari
C 3555	under them folcscipe furista uuari
M3556	herost an hoƀid tho sprac im en helið angegin
C 3556	herrost an hoƀit thuo sprac im en helith angegin
M3557	quað that thar hiesu crist fan galilealande
C 3557	quat that thar iesu crist fan galileo lande
M3558	heleandero bezt herost uuari
C 3558	helendero best herrost uuari
M3559	fori mid is folcu tho uuarð frahmod hugi
C 3559	fuori mid is folcu thuo uuarth fromod hugi
M3560	beðiun them blindun mannun tho sie that barn godes
C 3560	bethion them blindon mannon thuo sia that barn godes
M3561	uuissun under themu uuerode hreopun im tho mid iro uuordun to
C 3561	uuissun under them uueroda hreopun im thuo mid iro uuordon tuo
M3562	hludo te themu helagon criste badun that he im helpe geredi
C 3562	hludo te them helagon criste badun that hie im helpa giredi
M3563	drohtin dauides sunu uuis us mid thinun dadiun mildi
C 3563	drohtin dauides sunu uuis us mid thinon dadion mildi
M3564	neri us af thesaru nodi so thu ginoge dos
C 3564	neri us af thesaro nodi so thu ginuogia duos
M3565	manno kunnies thu bist managun god
C 3565	manno cunnies thu bist manogon guod
M3566	hilpis endi helis tho bigan im that heliđo folc
C 3566	hilpis endi helis thuo bigan im that helitho folc
M3567	uuerien mid uuordun that sie an uualdand krist
C 3567	uuerian mid uuordon that sia an uualdand crist
M3568	so hludo ni hriopin si ni uueldun im horien te thiu
C 3568	so hludo ni hreopin sia ni uueldun es im horian te thiu
M3569	ac sie simla mer endi mer oƀar that manno folc
C 3569	ac sia simla mer endi mer oƀar that manno folc
M3570	hludo hreopun heleand gestod
C 3570	hludo hreopun heland gistuod
M3571	allaro barno bezt het sie tho brengien te imu
C 3571	allaro barno best hiet sia thuo brengian te im
M3572	ledien thurh thea liudi sprak im listiun to
C 3572	ledean thuru thia liudi sprak im listion tuo
M3573	mildlico for theru menegi huat uuilliad git minaro her quað he
C 3573	mildo for thero menigi huat uuelliat gi minero hier
M3574	helpono habbien sie badun ina helagna
C 3574	helpono biddean sia badun ina helagna
M3575	that he im ira ogon opana gidadi
C 3575	that hie im iro ogun opana gidedi
M3576	farliuui theses liohtes that sie liudio drom
C 3576	farliuui thieses leohtes that sia liudio drom
M3577	suikle sunnun scin gisehen mostin
C 3577	suigli sunnun scin gisehan muostin
M3578	uulitisconie uuerold uualdand frumide
C 3578	uulitisconia uuerold uualdand frumida
M3579	hren sie tho mid is handun dede is helpe thar to
C 3579	hren sia thuo mid is handon deda is helpa thar tuo
M3580	that them blindun tho beðium uurðun
C 3580	that them blindon thuo bethion uurthun
M3581	ogon gioponod that sie erðe endi himil
C 3581	ogun giopanod that sia ertha endi himil
M3582	thurh craft godes antkiennien mahtun
C 3582	thuru craft godes antkennian mohtun
M3583	lioht endi liudi tho sagdun sie lof gode
C 3583	lioht endi liudi thuo sagdun sia lof gode
M3584	diurdun usan drohtin thes sie dages liohtes
C 3584	diuridun is dadi thes sia dages liohtes
M3585	brucan mostun geuuitun im beðie mid imu
C 3585	brucan mostun giuuitun im bethia mid im
M3586	folgodun is ferdi uuas im thiu fruma giƀiðig
C 3586	folgodun is ferdi uuas im thiu fruma giƀidig
M3587	endi ok uualdandes uuerk uuido gekuðid
C 3587	endi oc uualdandes uuerc uuido gicuthit
M3588	managun gimarid thar uuas so mahtiglic
C 3588	manogon gimarid thar uuas so mahtiglic
M3589	biliði giboknid thar the blindon man
C 3589	bilithi gibocnit thar thia blindun mann
M3590	bi themu uuege satun uuiti tholodun
C 3590	bi them uuege satun uuiti tholodun
M3591	liohtes lose that menid thoh liudio barn
C 3591	leohtes losa that menit thoh liudio barn
M3592	al mancunni huo sie mahtig god
C 3592	all mancunni huo sia mahtig god
M3593	an themu anaginne thurh is enes craft
C 3593	an them anginne thuru is enes craft
M3594	sinhiun tue selƀo giuuarhte
C 3594	sinhiuuun tue selƀo giuuarahta
M3595	adam endi evan fargaf im upuuegos
C 3595	adam endi euun forgaf im uppuuegos
M3596	himilo riki ac tho uuarð im the hatola te nah
C 3596	himilo riki ac thuo uuarth im thie hatulo te nah
M3597	fiund mid feknu endi mid firinuuerkun
C 3597	fiond mid fecnu endi mid firinuuercon
M3598	bisuek sie mid sundiun that sie sinsconi
C 3598	bisuek sia mid sundion that sia sinsconi
M3599	lioht farletun uurðun an leðaron stedi
C 3599	leoht forlietun uurthun an letherun stedi
M3600	an thesen middilgard man faruuorpen
C 3600	an thesan middilgard mann foruuorpan
M3601	tholodun her an thiustriu thiodarƀedi
C 3601	tholodun hier an thiustre thiodaraƀedi
M3602	uunnun uuracsiðos uuelon tharƀodun
C 3602	uunnun uuracsithos uuelon tharƀodun
M3603	fargatun godes rikies gramon theonodun
C 3603	forgaton godes rikies gramon thionodun
M3604	fiundo barnun sie guldun is im mid fiuru lon
C 3604	fiondo barnon sia guldun is im mid fiuru lon
M3605	an theru heton helliu bethiu uuarun siu an iro hugi blinda
C 3605	an thero hetun hell bethiu uuarun sia an iro hugi blinda
M3606	an thesaru middilgard menniscono barn
C 3606	an thesaro middilgard menniscono barn
M3607	huand siu ine ni antkiendun craftagne god
C 3607	huant sia ina ne antkendun craftigna god
M3608	himilisken herron thene the sie mid is handun giscop
C 3608	himiliscan herron thena the sia mid is handon giscuop
M3609	giuuarhte an is uuillion thius uuerold uuas tho so farhuerƀid
C 3609	giuuarahta an is uuilleon thius uuerold uuas thuo so farhueriƀid
M3610	bithuungen an thiustrie an thiodarƀidi
C 3610	bithuungan an thiestre an thiodaraƀedi
M3611	an doðes dalu satun im tho bi theru drohtines stratun
C 3611	an dođes dalu satun im thuo bi thero drohtines stratun
M3612	iamarmode godes helpe bidun
C 3612	iamormuoda godes helpa bidun
M3613	siu ni mahte im tho er uuerðen er than uualdand god
C 3613	siu ni mohta im thoh er uuerthan er than uualdand god
M3614	an thesan middilgard mahtig drohtin
C 3614	an thesan middilgard mahtig drohtin
M3615	is selƀes sunu sendien uueldi
C 3615	is selƀes suno sendean uuelda
M3616	that he lioht antluki liudio barnun
C 3616	that hie lioht antluki liudio barnon
M3617	oponodi im euuig lif that sie thene alouualdon
C 3617	opanodi im euuig lif that sia thena alouualdon mahtin
M3618	mahtin antkennien uuel craftagna god
C 3618	antkennian uuel craftigna god
M3619	ok mag ik giu gitellien of gi thar to uuilliad
C 3619	oc mag ik iu tellian ef gi thar tuo uuelleant
M3620	huggien endi horien that gi thes heliandes mugun
C 3620	huggean endi horean that gi thes helandes mugun
M3621	craft antkennien huo is kumi uurðun
C 3621	craft ankennian huo is cumi uurdun
M3622	an thesaru middilgard managun te helpu
C 3622	an thesaro middilgard managon te helpon
M3623	ia huat he mid them dadiun drohtin selƀo
C 3623	gie huuat hie mid them dadion drohtin selƀo
M3624	manages mende ia behuiu thiu marie burg
C 3624	maneges menda gie bihui thiu maria burg
M3625	hiericho hetid thiu thar an iudeon stad
C 3625	hiericho hetit thiu thar an iudeon stet
M3626	gimacod mid murun thiu is aftar themu manen ginemnid
C 3626	gimacod mid muron thiu is after them manon ginamod
M3627	aftar themu torhten tungle he ni mag is tidi bemiðen
C 3627	after them torohton tungle hie ni mag is tidi bimithan
M3628	ac he dago gehuilikes duod oðerhueðer
C 3628	ac hie dago gihuilikes duot endihueđar
M3629	uuanod ohtho uuahsid so dod an thesaro uueroldi her
C 3629	uuanot eftha uuahsit so duot an thesaro uueroldi hier
M3630	an thesaru middilgard menniscono barn
C 3630	an thesaro middilgard menniscono barn
M3631	farad endi folgod frode sterƀad
C 3631	farat endi folgot fruoda sterebat
M3632	uuerðad eft iunga aftar kumane
C 3632	uuerthat eft iunga after cumana
M3633	uueros auuahsane unttat sie eft uurd farnimid
C 3633	uueros auuahsana antthat sia eft uurth fornimid
M3634	that mende that barn godes tho he fon theru burgi for
C 3634	that menda that barn godes thuo hie fan thero burgi fuor
M3635	the godo fan hiericho that ni mahte er uuerðen gumono barnun
C 3635	thie guoduo fan hiericho that ni mohta er uuerthan gumono barnon
M3636	thiu blindia gibotid that sie that berhte lioht
C 3636	thiu blindi gibuotid that sia that berahta lioht
M3637	gisahin sinsconi er than he selƀo her
C 3637	gisauuin sinsconi er than hie selbo hier
M3638	an thesaru middilgard menniski antfeng
C 3638	an thesaro middilgard menniski antfeng
M3639	flesk endi lichamon tho uurðun thes firiho barn
C 3639	flesk endi lichamon thuo uurthun thes firio barn
M3640	giuuar an thesaru uueroldi the her an uuitie er
C 3640	giuuaro an thesaro uueroldi thia hier an uuitie er
M3641	satun an sundiun gisiunies lose
C 3641	satun an sundion gisiunies losa
M3642	tholodun an thiustrie sie afsoƀun that uuas thesaru thiod kuman
C 3642	tholodun an thiustrie siu afsuoƀun that uuas thero thieda cuman
M3643	heleand te helpu fan heƀenrikie
C 3643	heland te helpu fan heƀanrikie
M3644	crist allaro cuningo best sie mahtun is antkennien san
C 3644	crist allaro cuningo best sia mohtun is antkennian san
M3645	gifolien is fardio tho sie so filu hriopun
C 3645	gifuolian is ferdio thuo sia so filo hreopun
M3646	the man te themu mahtigon gode that im mildi aftar thiu
C 3646	thia man te them mahtigon gode that im mildi after thiu
M3647	uualdand uurði than uueridun im suiðo
C 3647	uualdand uurđi than uueridun im suithuo
M3648	thia suarun sundeon the sie im er selƀon gidadun
C 3648	thiu suarun sundiun thia sia im err selƀon gidedun
M3649	lettun sie thes gilobon sie ni mahtun them liudiun thoh
C 3649	lietun sia thes giloƀen sia ni mohtun them liudion thoh
M3650	biuuerien iro uuilleon ac sie an uualdand god
C 3650	biuuerian iro uuillion ac sia an uualdand god
M3651	hludo hriopun antat he im iro heli fargaf
C 3651	hludo hreopun antthat hie im iro heli forgaf
M3652	that sie sinlif gisehen mostin
C 3652	that sia sinlibi gisehan muostun
M3653	open euuig lioht endi an faren
C 3653	opan euuig lioht endi an faran
M3654	an thiu berhtun bu that mendun thea blindun man
C 3654	an thia berahtun bu that mendun thia blindun man
M3655	the thar bi hierichoburg te themu godes barne
C 3655	thia thar bi hierichoburg te them godes barne
M3656	hludo hriopun that he im iro heli farlihi
C 3656	hludo hreopun that hie im iro heli forliuui
M3657	liohtes an thesumu liƀe than im thea liudi so filu
C 3657	liohtes an theson liƀe than im liudio so filo
M3658	uueridun mid uuordun thea thar an themu uuege forun
C 3658	uueridun met uuordon thia thar an them uuege fuorun
M3659	biforen endi bihinden so dot thea firinsundeon
C 3659	biforan endi bihindan so duot thia firinsundiun
M3660	an thesaru middilgard mankunnie
C 3660	an thesaro middilgard manno cunnie
M3661	horiad nu huo thie blindun siður im gibotid uuarð
C 3661	horiat nu huo thia blindun sithor im gibuotit uuarth
M3662	that sie sunnun lioht gesehen mostun
C 3662	that sia sunnun lioht gisehan muostun
M3663	huo si tho dadun geuuitun im mid iro drohtine samad
C 3663	huo sia thuo dadun giuuitun im mid uson drohtine samad
M3664	folgodun is ferdi sprakun filu uuordo
C 3664	folgodun is ferdi sprakun filo uuordo
M3665	themu landes hirdie te loƀe so dod im noh liudio barn
C 3665	them landes hirdie to loƀe so duot im noh liudio barn
M3666	uuido aftar thesaru uueroldi siður im uualdand crist
C 3666	uuido after thesaro uueroldi sithor im uualdand crist
M3667	geliuhte mid is lerun endi im lif euuig
C 3667	geliuhta mid is lerun endi im lif euuig
M3668	godes riki fargaf godun mannun
C 3668	godes riki forgaf guodon mannon
M3669	hoh himiles lioht endi is helpe thar to
C 3669	hoh himiles leoht endi is helpa thar tuo
M3670	so huemu so that giuuerkod that he moti themu is uuege folgon
C 3670	so huem so that giuuercot that hie muoti them is uuege folgon
M3671	tho nahide neriendo crist
C 3671	thuo nahida neriendo crist
M3672	the godo te hierusalem quam imu thar tegegnes filu
C 3672	thie guodo te hierusalem quam im thar tegegnes filo
M3673	uuerodes an uuilleon uuel huggendies
C 3673	uuerodes an uuillion uuel huggiandes
M3674	antfengun ina fagaro endi imu biforen streidun
C 3674	antfiengun ina fagaro endi im biforan stroidun
M3675	thene uueg mid iro giuuadiun endi mid uurtiun so same
C 3675	thena uueg mid iro giuuadion endi mid uuurtiun so samo
M3676	mid berhtun blomun endi mid bomo togun
C 3676	mid berehton bluomon endi mid buomo tuogon
M3677	that feld mid fagaron palmun al so is fard geburide
C 3677	that feld mid fagaron palmon all so is fard giburida
M3678	that the godes sunu gangan uuelde
C 3678	that thie guodes suno gangan uuelda
M3679	te theru marean burg huarf ina megin umbi
C 3679	te thero mariun burg huarƀ ina megin umbi
M3680	liudio an lustun endi lofsang ahof
C 3680	liudi an luston endi lofsang ahuof
M3681	that uuerod an uuilleon sagdun uualdande thank
C 3681	that uuerod an uuilleon sagdun uualdande thanc
M3682	thes thar selƀo quam sunu dauides
C 3682	thes thar selbo quam suno dauides
M3683	uuison thes uuerodes tho gesah uualdand krist
C 3683	uuison thes uuerodes thuo gisah uualdand crist
M3684	the godo te hierusalem gumono bezta
C 3684	thie godo te hierusalem gumono besta
M3685	blican thene burges uual endi bu iudeono
C 3685	blican thena berges uual endi bu iudeono
M3686	hoha hornseli endi ok that hus godes
C 3686	hoha hornselios endi oc that hus godes
M3687	allaro uuiho uunsamost tho uuel imu an innen
C 3687	allaro uuiho uunsamost thuo uuell im an innon
M3688	hugi uuið is herte tho ni mahte that helage barn
C 3688	hugi um is herta thuo ni mohta that helaga barn
M3689	uuopu auuisien sprak tho uuordo filu
C 3689	uuopu auuisian sprac thuo uuordo filo
M3690	hriuuiglico uuas imu is hugi sereg
C 3690	hriuuiglico uuas im is hugi serag
M3691	uue uuarð thi hierusalem quað he thes thu te uuarun ni uuest
C 3691	uue uuarth thi hierusalem thes thu te uuaron ni uuest
M3692	thea uurdegiskefti the thi noh giuuerðen sculun
C 3692	thia uuurđgiscapu thia thi noh giuuerthan sculun
M3693	huo thu noh uuirðis behabd heries craftu
C 3693	huo thu noh uuirdis bihadd heries craftu
M3694	endi thi bisittiad sliðmode man
C 3694	endi thi bisitteat slidmuoddia man
M3695	fiund mid folcun than ni haƀas thu friðu huergin
C 3695	fiond mid folcon than ni haƀis thu fritho huergin
M3696	mundburd mid mannun lediad thi her manage to
C 3696	munburd mid mannun lediat thi hier managa tuo
M3697	ordos endi eggia orlegas uuord
C 3697	ordos endi eggia orlages uuord
M3698	farfioth thin folcskepi fiures liomon
C 3698	farfehod thin folcscipi fiures lioman
M3699	these uuiki auuostiad uuallos hoha
C 3699	thesa uuiki auuosteat uuallos hoha
M3700	felliad te foldun ni afstad is felis nigiean
C 3700	felliat te foldu ne afstet is felis negen
M3701	sten oƀar oðrumu ak uuerðad thesa stedi uuostia
C 3701	sten oƀar ođron ac uuerthat thesa stedi uuostia
M3702	umbi hierusalem iudeo liudeo
C 3702	umbi hierusalem iudeo liudio
M3703	huand sie ni antkenniad that im kumana sind
C 3703	huand sia ne antkenneat that im cumana sind
M3704	iro tidi touuardes ac sie habbiad im tuiflien hugi
C 3704	iro tidi tuouuardes ac sia hebbeat im tuiflian hugi
M3705	ni uuitun that iro uuisad uualdandes craft
C 3705	ni uuitun that iro uuisod uualdandes craft
M3706	giuuet imu tho mid theru menegi manno drohtin
C 3706	giuuet im thuo mid thero menegi manno drohtin
M3707	an thea berhton burg so tho that barn godes
C 3707	an thia berehtun burh so thuo that barn godes
M3708	innan hierusalem mid thiu gumono folcu
C 3708	innan hierusalem mid thiu gumono folcu
M3709	seg mid thiu gesiðu tho uuarð thar allaro sango mest
C 3709	segg mid thiu gisithu thuo uuarth thar allaro sango mest
M3710	hlud stemnie afhaƀen helagun uuordun
C 3710	hlud stemna ahaƀan helagon uuordon
M3711	loƀodun thene landes uuard liudio menegi
C 3711	lobodun thena landes uueard liudio menigi
M3712	barno that bezte thiu burg uuarð an hroru
C 3712	barno that besta thiu burg uuarth an hruoru
M3713	that folc uuarð an forhtun endi fragodun san
C 3713	that folc uuarth an forohton endi fragodun san
M3714	hue that uuari that thar mid thiu uuerodu quam
C 3714	hue that uuari that thar mid thiu uuerodu quam
M3715	mid theru mikilon menegi tho sprak im en man angegin
C 3715	mid thero mikilun menigi thuo sprak im en man angegin
M3716	quað that thar hiesu crist fan galileo lande
C 3716	quat that thar iesus crist fan galileo lande
M3717	fan nazarethburg neriand quami
C 3717	fan nazaretburg neriand quami
M3718	uuitig uuarsago themu uuerode te helpu
C 3718	uuitag uuarsago them uuerode te helpu
M3719	tho uuas them iudiun the imu er grame uuarun
C 3719	thuo uuas them iudeon thia im err grama uuarun
M3720	unholde an hugi harm an mode
C 3720	unholda an hugie harm an muode
M3721	that imu thea liudi so filu lofsang uuarhtun
C 3721	that im thia liudi so filo lofsang uuarahtun
M3722	diurdun iro drohtin tho gengun dolmode
C 3722	diuridun iro drohtin thuo gengun dolmuoda
M3723	that sie uuið uualdand crist uuordun sprakun
C 3723	that sia uuid uualdand crist uuordon spracun
M3724	badun that he that gesiði suigon heti
C 3724	badun that hie that gisithi suigon hieti
M3725	letti thea liudi that sie imu lof so filu
C 3725	letti thia liudi that sia im lof so filo
M3726	uuordun ni uuarhtin it is thesumu uuerode leð quaðun sie
C 3726	uuordon ne uuarahtin it is theson uuerode leth quathun sia
M3727	thesun burgliudiun tho sprak eft that barn godes
C 3727	theson burgliudion thuo sprak eft thet barn godes
M3728	ef gi sie amerriad quað he that her ni motin manno barn
C 3728	ef gi sia amerriat that hier ni muotun manno barn
M3729	uualdandes craft uuordun diurien
C 3729	uualdandes craft uuordon diurian
M3730	than sculun it hropen thoh harde stenos
C 3730	than sculun it hruopan thoh harda stenos
M3731	for thesumu folcskepi felisos starka
C 3731	for theson folcscipie felisos starca
M3732	er than it eo beliƀe neƀo man is lof spreke
C 3732	er than it io biliƀe ni man is lof spreke
M3733	uuido aftar thesaru uueroldi tho he an thene uuih innen
C 3733	uuido after thesaro uueroldi thuo hie an thena uuih innan
M3734	geng an that godes hus fand thar iudeono filu
C 3734	gieng an that godes hus fand thar iudeono filo
M3735	mislike man manage atsamne
C 3735	mislica man managa atsamne
M3736	thea im thar copstedi gikoran habdun
C 3736	thia im thar copstedi gicoran habdun
M3737	mangodun im thar mid manages hui muniterias satun
C 3737	mangodun im thar mid maneges hui muniterios satun
M3738	an themu uuihe innan habdun iro uuesl gidago
C 3738	an them uuihe innan habdun iro uuehsal gidago
M3739	garu te geƀanne that uuas themu godes barne
C 3739	garo te geƀanne that uuas them godes barne
M3740	al an andun dref sie ut thanen
C 3740	all an andon dref sia ut thanan
M3741	rumo fan themu rakude quað that uuari rehtara dad
C 3741	rumo fan them racode quat that uuari rehtera dad
M3742	that thar te bedu forin barn israheles
C 3742	that thar ti bedu fuorin barn israheles
M3743	endi an thesumu minumu huse helpono biddean
C 3743	endi an theson minon huse helpono badin
M3744	that sia sigidrohtin sundiono tuomie
C 3744	that sia sigidrohtin sundiono tuomie
M3745	than her theoƀas an thingstedi halden
C 3745	thon hier thiobos an thingstedi haldan
M3746	thea faruuarhton uueros uuehsal driƀan
C 3746	thia foruuarahtun uueros uuehsal driƀan
M3747	unreht enfald ne gi eniga era ni uuitun
C 3747	unreht enuuald ne gi eniga era ni uuitun
M3748	theses godes huses iudeo liudi
C 3748	thieses godes huses iudeo liudi
M3749	so rumde he tho endi rekode riki drohtin
C 3749	so rumda hie thuo endi recoda riki drohtin
M3750	that helaga hus endi an helpun uuas
C 3750	that helaga hus endi an helpon uuas
M3751	managumu mankunnie them the is mikilon craft
C 3751	managon mancunnie them thie is mikilun craft
M3752	ferrene gefrugnun endi thar gifaran quamun
C 3752	ferran gifrognun endi thar gifaran quamun
M3753	oƀar langan uueg uuarð thar lef so manag
C 3753	oƀar langan uueg uuarth thar lef so manag
M3754	halt gihelid endi haf so same
C 3754	halt gihelid endi haf so samo
M3755	blindun gibotid so dede that barn godes
C 3755	blindon gibuotid so deda that barn godes
M3756	uuilliendi themu uuerode huand al an is giuueldi sted
C 3756	uuilliandi te them uuerode huand all an is giuueldi stet
M3757	umbi thesaro liudio lif endi ok umbi thit land so same
C 3757	umbi thesaro liudio lif endi oc umbi thit land so samo
M3758	stod imu tho fora themu uuihe uualdandeo crist
C 3758	stuod im thuo for them uuihe uualdandi crist
M3759	liof landes uuard endi imu thero liudio hugi
C 3759	lioƀ landes uuard endi im thero liudeo hugi
M3760	iro uuilleon aftaruuarode gisah uuerod mikil
C 3760	iro uuilleon afteruuaroda gisah uuerod mikil
M3761	an that marie hus meðmos forien
C 3761	an that maria hus metmos fuorian
M3762	geƀon mid goldu endi mid goduuuebbiu
C 3762	geƀon mid goldu endi mid guoduuuebbiu
M3763	diuriun fratahun that al drohtin crist
C 3763	diurion fratohon that all drohtin crist
M3764	uuarode uuislico tho quam thar ok en uuidouua to
C 3764	uuaroda uuislico thuo quam thar oc en uuiduuua tuo
M3765	idis armscapen endi te themu alaha geng
C 3765	idis armscapan endi te them alahe geng
M3766	endi siu an that tresurhus tuene legde
C 3766	endi siu an that tresuhus tuena lagda
M3767	erine scattos uuas iru enfald hugi
C 3767	erina scattos uuas iro enuald hugi
M3768	uuillean godes tho sprak uualdand crist
C 3768	uuilleon guodes thuo sprac uualdand crist
M3769	the gumo uuið is giungaron quað that siu thar geƀa brahti
C 3769	thie guodo uuiđ is iungron quat that siu thar geƀa brahti
M3770	meron mikilu than elcor enig mannes sunu
C 3770	merun mikilu than elcor enig mannes suno
M3771	ef her odaga man quað he era brahtun
C 3771	ef hier odaga man era brahtun
M3772	meðomhord manag sie letun im mer at hus
C 3772	methonhord manag sie lietun im mero at hus
M3773	uuelona geuunnen ni dede thius uuidouua so
C 3773	uuelono giuunnan ne deda thius uuiduuua so
M3774	ac siu te thesumu alahe gaf al that siu habde
C 3774	ac siu te them alahe gaf all that siu habda
M3775	uuelono geuunnen so siu iru uuiht ni farlet
C 3775	uuelono giuuunnnan so siu iro uuiht ni fargaf
M3776	godes an iro gardun bethiu sind ira geƀa meron
C 3776	guodes an iro gardon bethui sind iru geƀa merun
M3777	uualdande uuerða huand siu it mid sulicumu uuilleon dede
C 3777	uualdande uuertha huand siu it mid sulicon uuilleon deda
M3778	te thesumu godes huse thes scal siu geld niman
C 3778	te theson godes huse thes scal siu geld neman
M3779	suiðo langsam lon thes siu sulican giloƀon haƀad
C 3779	suitho langsam lon thes siu sulican giloƀon haƀit
M3780	so gifragn ik that thar an themu uuihe uualdandeo crist
C 3780	so gifran ik that thar an them uuihe uualdandi crist
M3781	allaro dago gehuilikes drohtin manno
C 3781	allaro dago gihuilikes drohtin manno
M3782	uuisde mid uuordun stod ine uuerod umbi
C 3782	uuisda mid uordon stuod ina uuerod umbi
M3783	grot folc iudeono gihordun is godan uuord
C 3783	grot folc iudeono gihordun is guodun uuord
M3784	suotea seggian sum so salig uuarð
C 3784	suotia seggian sum so salig uuarth
M3785	manno undar theru menegi that it bigan an is mod hladen
C 3785	manno undar thero menigi that it bigan an is muod hladan
M3786	linodun im thea lera the the landes uuard
C 3786	linodun im thia lera thia the landes uuard
M3787	al be biliðiun sprak barn drohtines
C 3787	all be bilithion gisprac barn drohtines
M3788	sumun uuarun eft so leða lera cristes
C 3788	sumon uuarun eft so letha lera cristes
M3789	uualdandes uuord uuas im uuiðermod hugi
C 3789	uualdandes uuord uuas im uuidarmuod hugi
M3790	allun them the an themu heriskepi herost uuarun
C 3790	allon them the an thiemo heriscipie herost uuarun
M3791	furiston an themu folke fares hugdun
C 3791	furistun an them folce fares hogdun
M3792	uureða mid iro uuordun habdun im uuiðersakon
C 3792	uuretha mid iro uuordon habdun im uuidarsacon
M3793	gihaloden te helpu thes heroston man
C 3793	gehalodan te helpu thes herrosten man
M3794	erodeses thegan the thar anduuard stod
C 3794	erodeses thegan the thar anduuard stuod
M3795	uureðes uuillean that he iro uuord oƀarhordi
C 3795	uurethes uuillien that hie iro uuord obarhordi
M3796	ef sie ina forfengin that sie ina than feteros an
C 3796	ef sia ina forfengin that sia ina than feteros an
M3797	thea liudi liðobendi leggien mostin
C 3797	thia liudi lithobendi leggian muostin
M3798	sundea losan tho gengun im thea gesiðos to
C 3798	sundia losan thuo gengun im thia gisithos tuo
M3799	bittra gihugde that sie uuið that barn godes
C 3799	bittro gihugida that sia uuith that barn godes
M3800	uureða uuiðersakon uuordun sprakun
C 3800	uuretha uuidarsacon uuordon spracun
M3801	huat thu bist eosago quaðun sie allun thiodun
C 3801	huat thu bist eusago quathun sia allon thiodon
M3802	uuisis uuares so filu nis thi uuerðeouuiht
C 3802	uuisis uuares so filo nist thi uureth eouuiht
M3803	te bimiðanne manno nienumu
C 3803	te bimithanne manno nigenon
M3804	umbi is rikidom neƀo thu simlun that reht sprikis
C 3804	umbi is rikiduom neƀa thu sinnon that reht sprikis
M3805	endi an thene godes uueg gumono gesiði
C 3805	endi an thena godes uueg gumono gisithi
M3806	ledis mid thinun lerun ni mag thi laster man
C 3806	ledis mid thinon leron ni mah thi lastar mann
M3807	fiđan undar thesumu folke nu uui thi fragon sculun
C 3807	findan undar theson folke nu uui thi fragon sculun
M3808	riki thiodan huilic reht haƀad
C 3808	riki thiodan huilik reht habit
M3809	the kesur fan rumu the imu te thesumu kunnie herod
C 3809	thie kesur fan rumu thie im te theson kuninge herod
M3810	tinsi sokid endi gitald haƀad
C 3810	tinsi suokit endi gitald haƀit
M3811	huat uui imu gelden sculin gero gehuilikes
C 3811	huat uui im geldan sculun iaro gihuilices
M3812	hoƀidscatto saga huat thi thes an thinumu hugi thunkea
C 3812	hoƀitscatto saga huat thi thes an thinon hugi thunke
M3813	is it reht the nis rad for thinun
C 3813	is it reht the nis rad for thinon
M3814	landmegun uuel us is thinaro lerono tharf
C 3814	landmagon uuel us ist thinera lera tharf
M3815	sie uueldun that he it antquaði than mahte he thoh antkennien uuel
C 3815	sia uueldun that hie it antquathi than mohta hie thoh antkennian uuel
M3816	iro uureðon uuilleon te hui gi uuarlogon quað he
C 3816	iro uurethan uuillion te hui gi uuarlogan
M3817	fandot min so frokno ni scal iu that te frumu uuerðen
C 3817	fandot min so fruocno ne scal iu that te frumu uuerthan
M3818	that gi dreogerias darnungo nu
C 3818	that gi driegirios darnungo nu
M3819	uuilliad mi farfahen het he tho forð dragan
C 3819	uuelliat mi forfahan hiet hie thuo forth dragan
M3820	te scauuonne the scattos the gi sculdige sind
C 3820	te scauuonne thia scattos thia gi sculdiga sind
M3821	an that geld geƀen iudeon drogun
C 3821	an that geld te geban iudeon druogun
M3822	enna siluƀrinna forð sahun manage to
C 3822	enna silubrinna forth sahun managa tuo
M3823	huo he uuas gemunitod uuas an middien skin
C 3823	huo hie uuas gimunitod uuas an middion scin
M3824	thes kesures biliði that mahtun sie antkennien uuel
C 3824	thes kesures bilithi that mohtun sia ankennian uuell
M3825	iro herron hoƀidmal tho fragode sie the helago crist
C 3825	iro herren hobidmal thuo fragoda sie thie helago crist
M3826	aftar huemu thiu gelicnessi gilegid uuari
C 3826	after huem thiu gilicnissi gilegid uuari
M3827	sie quaðun that it uuari uueroldkesures
C 3827	sia quathun that it uuari uueroldkesures
M3828	fan rumuburg thes the alles theses rikes haƀad
C 3828	fan rumuburg thes the allas thieses rikes habiđ
M3829	geuuald an thesaru uueroldi than uuilliu ik iu te uuarun her quað he
C 3829	giuuald an thesaro uueroldi than uuellia ik iu te uuaron
M3830	selƀo seggian that gi imu sin geƀad
C 3830	selƀo seggian that gi im sin gebat
M3831	uueroldherron is geuunst endi uualdand gode
C 3831	uueroldherren is giuuunst endi uualdand gode
M3832	selliad that thar sin ist that sculun iuuua seolon uuesen
C 3832	selliat that thar sin ist that sculun iuuua seolun uuesan
M3833	gumono gestos tho uuarð thero iudeono hugi
C 3833	gumono gestos thuo uuarth thero iudeono hugi
M3834	geminsod an themu mahle ni mahtun the menscaðon
C 3834	giminsod an them mahle ni mahtun thia menscathon
M3835	uuordun geuuinnen so iro uuilleo geng
C 3835	uuordon giuuinnan so iro uuilleo geng
M3836	that sie ina farfengin huand imu that friðubarn godes
C 3836	that sia ina forfengin huand im that frithubarn godes
M3837	uuardode uuið the uureðon endi im uuar angegin
C 3837	uuardoda uuiđ thia uurethan endi im uuar angegin
M3838	soðspel sagde thoh sie ni uuarin so salige te thiu
C 3838	suotspell sagda thoh sia ni uuarin so saliga te thiu
M3839	that sie it so farfengin so it iro fruma uuari
C 3839	that sia it so farfengin so it iro fruma uuari
M3840	sie ni uueldun it thoh farlaten ac hetun thar ledien forð
C 3840	sia ni uueldun it thoh forlatan ac hietun thar ledian forth
M3841	en uuif for themu uuerode thiu habde uuam gefrumid
C 3841	enn uuiƀ for them uuerode thiu habda uuam gifrumid
M3842	unreht enfald thiu idis uuas bifangen
C 3842	unreht enuuald thiu idis uuas bifangan
M3843	an farlegarnessi uuas iro liƀes scolo
C 3843	an farlegarnisse uuas iro libes scolo
M3844	that sie firiho barn ferahu binamin
C 3844	that sia firio barn ferahu binamin
M3845	ehtin iro aldres so uuas an iro eu gescriƀen
C 3845	ahtin ira aldras so uuas an iro euue giscriban
M3846	sie bigunnun ina tho fragon fruokne liudi
C 3846	sia bigunnun ina thuo fragon fruoknie liudi
M3847	uureða mid iro uuordun huat sie scoldin themu uuiƀe duan
C 3847	uuretha mid iro uuordon huat sia scoldin them uuibe duan
M3848	hueðer sie sie quelidin the sie sie quica letin
C 3848	huedar sia sia quelidin thi sia sia quica letin
M3849	the huat he umbi sulica dadi adelien uueldi
C 3849	eftha huat hie umbi sulica dadi adelian uueldi
M3850	thu uuest huo thesaru menegi quaðun sie moyses gibod
C 3850	thu uuest huo thesaro menigi quathun sia moyses gibuod
M3851	uuarun uuordun that allaro uuiƀo gehuilic
C 3851	uuaron uuordon that allaro uuiƀo gihuilic
M3852	an farlegarnessi liƀes faruuarhti
C 3852	an forlegarnissi liƀes foruuarahti
M3853	endi that sie than auurpin uueros mid handun
C 3853	endi that sia than auuurpin uueros mid handon
M3854	starkun stenun nu maht thu sie sehan standen her
C 3854	starcon stenon nu maht thu sia sehan standan hier
M3855	an sundiun bifangan saga huat thu is uuillies
C 3855	an sundion bifangan sagi huat thu thes uuellies
M3856	uueldun ine thea uuiðersakon uuordun farfahen
C 3856	uuoldun ina thia uuidarsacon uuordon forfahan
M3857	ef he that giquaði that sie sie quica letin
C 3857	ef hie that giquathi that sia sia quika lietin
M3858	friðodi ira ferahe than uueldi that folc iudeono
C 3858	friđodi ira ferahe than
M3859	queðen that he iro aldiron eo uuiðersagdi
M3860	thero liudio landreht ef he sie than heti liƀu binimen
M3861	thea magað fur theru menegi than uueldin sie queðen that he so mildiene hugi
C 3861	uueldun sia quethan that hie so mildan hugi
M3862	ni bari an is breostun so scoldi habbien barn godes
C 3862	ne bari an is brioston so scoldi hebbian barn godes
M3863	uueldun sie so hueðeres helagne crist
C 3863	uueldun sia so huethares helagna crist
M3864	thero uuordo geuuitnon so he thar for themu uuerode gespraki
C 3864	thero uuordo giuuitnon thie hie thar for them uueroda gispraki
M3865	adeldi te dome than uuisse drohtin krist
C 3865	adeldi te duome thon uuissa drohtin crist
M3866	thero manno so garo modgithahti
C 3866	thero manno so garo muodgithahti
M3867	iro uureðon uuilleon tho he te themu uuerode sprak
C 3867	iro uurethan uuillion thuo hie te them uuerode sprac
M3868	te allun them erlun so huilik so iuuuar ano si quað he
C 3868	te allon them erlon so huilik so iuuuer ano si
M3869	sliðea sundeon so ganga iru selƀo to
C 3869	slithia sundiun so ganga iro selbo tuo
M3870	endi sie at erist erl mid is handun
C 3870	endi sia at erist erl mid is handon
M3871	sten ana uuerpe so stodun iudeon
C 3871	sten an uuerpe so stuodun iudeon
M3872	thahtun endi thagodun ni mahte thegan nigiean
C 3872	thahtun endi thagodun ni mahta thegan nigen
M3873	uuið them uuordquidi uuiðersaca finden
C 3873	uuid them uuordquidi uuidarsaca findan
M3874	gehugde manno gehuilic mengithahti
C 3874	gihogda manno gihuilik menngithahti
M3875	is selƀes sundea ni uuas iro so sikur enig
C 3875	is selbes sundia ni uuas iro so sicor enig
M3876	that he bi themu uuorde themu uuiƀe gedorsti
C 3876	that hie bi them uuordon them uuiƀe gidorste
M3877	sten an uuerpen ac letun sie standen thar
C 3877	sten an uuerpan ac lietun sia standan thar
M3878	enan thar inne endi im ut thanen
C 3878	ena thar inne endi im utt thanan
M3879	gengun gramharde iudeo liudi
C 3879	gengun gramharda iudeo liudi
M3880	en aftar oðrumu antat iro thar enig ni uuas
C 3880	en after ođron antthat iro thar enig ni uuas
M3881	thes fiundo folkes the iro ferhes tho
C 3881	thes fiondo folkes thia iro ferahes thuo
M3882	theru idis aldarlago ahtien uueldi
C 3882	thero idis aldarlagio ahtean uueldi
M3883	tho gifragn ik that sie fragode friðubarn godes
C 3883	thuo gifran ik that sia fragada frithubarn godes
M3884	allaro gumono bezt huar quamun thit iudeono folc quað he
C 3884	allaro gumono besta huar quamun that iudeono folk
M3885	thine uuiðersakon thea thi her uurogdun te mi
C 3885	thina uuidersacon tha thi hier uurogdun te mi
M3886	ne sie thi hiudu uuiht harmes ne gidadun
C 3886	ni sia thi hiudu uuiht harmes ne gidadun
M3887	thea liudi leðes the thi uueldun liƀu beniman
C 3887	thia liudi lethes thia thi uueldun libu bineman
M3888	uuegean te uundrun tho sprak imu eft that uuif angegin
C 3888	uuegian te uuundron thuo sprac im eft that uuiƀ angegin
M3889	quað that iru thar nioman thurh thes neriandan
C 3889	quat that iro thar nioman thuru thes nerienden
M3890	helaga helpa harm ne gifrumidi
C 3890	helaga helpa harm ne gifrumidi
M3891	uuammes te lone tho sprak eft uualdand crist
C 3891	uuammes te lone thuo sprac eft uualdand crist
M3892	drohtin manno ne ik thi geth ni deriu neouuiht quað he
C 3892	drohtin manno ne ik thi geth ni deriu uuiht
M3893	ac gang thi hel hinen lat thi an thinumu hugi sorga
C 3893	ac gang thi hel hinan lat thi an thinon hugie sorga
M3894	that thu nio sið aftar thius sundig ni uuerðes
C 3894	that thu nio sith after thius so sundig ni uuerthes
M3895	habde iru tho giholpen helag barn godes
C 3895	habda iro thuo geholpan helag barn godes
M3896	gefriðot iro ferahe than stod that folc iudeono
C 3896	gifrithod ira ferahe thann stuod that folc iudeono
M3897	uƀiles anmod so fan eristan
C 3897	ubiles anmuod so fon eriston
M3898	uureðes uuillean huo sie uuordheti
C 3898	uurethes uuillien huo sia uuordheti
M3899	uuið that friðubarn godes frummien mostin
C 3899	uuid that frithubarn godes frummean muostin
M3900	habdun thea liudi an tue mid iro giloƀon gifangan
C 3900	habdun thia liudi an tue mid iro giloƀen gifangan
M3901	uuas thiu smale thioda sines uuillean
C 3901	uuas thiu smala thioda sines uuillien
M3902	gernora mikilu thes godes barnes uuord
C 3902	gernera mikilu thes godes barnes
M3903	te gefrummienne so im iro fraho gibod
C 3903	uuord te gifrummeanne so im iro froho gibod
M3904	romodun te rehta bet than thie rikeon man
C 3904	ruomuodun rehte batt than thia rikun man
M3905	habdun ina far iro herron ia far heƀencuning
C 3905	habdun ina for iro herren gie for hebancuning
M3906	fulgengun imu gerno tho giuuet imu the godes sunu
C 3906	folgodun im gerno tho giuuet im thie godes suno
M3907	an thene uuih innan huarf ina uuerod umbi
C 3907	an thena uuih innan huaraf ina uuerod umbi
M3908	meginthiodo gimang he an middien stod
C 3908	meginthiodo gimang hie an middon stuod
M3909	lerde thea liudi liohtun uuordun
C 3909	lerda thia liudi liohton uuordon
M3910	hludero stemnun uuas hlust mikil
C 3910	hludera stemnun uuas hlust mikil
M3911	thagode thegan manag endi he theru thiod gibod
C 3911	thagoda thegan manag endi hie thero thieda gibod
M3912	so hue so thar mid thurstu bithuungan uuari
C 3912	so hue so thar mid thurstu bithuungan uuari
M3913	so ganga imu herod drincan te mi quað he dago gehuilikes
C 3913	so gange im herod drincan te mi dago gihuilikes
M3914	suoties brunnan ik mag seggian iu
C 3914	suotian brunnon ik mag iu seggian filo
M3915	so hue so her giloƀid te mi liudio barno
C 3915	so hue so hier gilobit te mi liudio barno
M3916	fasto undar thesumu folke that imu than flioten sculun
C 3916	fasto undar theson folke that im thann fliotan sculun
M3917	fan is lichamon libbiendi flod
C 3917	fan is lichamen libbiandi fluod
M3918	irnandi uuater ahospring mikil
C 3918	rinandi uuater ahaspring mikil
M3919	kumad thanen quica brunnon thesa quidi uuerðad uuara
C 3919	cumat thanan quica brunnon thesa quidi uuerthad uuara
M3920	liudiun gilestid so huemu so her giloƀid te mi
C 3920	liudeon gilestid so huem so hier giloƀit te mi
M3921	than mende mid thiu uuataru uualdandeo crist
C 3921	thann menda mid thiu uuataru uualdandi crist
M3922	her heƀencuning helagna gest
C 3922	her hebancuning helagna gest
M3923	huo thene firiho barn antfahen scoldin
C 3923	huo thena firio barn antfahan scoldin
M3924	lioht endi listi endi lif euuig
C 3924	lioht endi listi endi liƀ euuig
M3925	hoh heƀenriki endi huldi godes
C 3925	hohan hebanuuang endi huldi godes
M3926	uurðun tho thea liudi umbi thea lera cristes
C 3926	vurthun thuo thia liudi umbi thia lera cristes
M3927	umbi thiu uuord an geuuinne stodun uulanca man
C 3927	umbi thiu uuord an giuuinne stuodun uulanca man
M3928	gelmode iudeon sprakun gelp mikil
C 3928	gelmuoda iudeon spracun gelp mikil
M3929	habdun it im te hosca quaðun that sie mahtin gihorien uuel
C 3929	habdun it im te hosce quathun that sia mohtin gihorian uuell
M3930	that imu mahlidin fram modaga uuihti
C 3930	that im mahlidin fram muodiga uuihti
M3931	unholde ut nu he an aƀu lerid quaðun sie
C 3931	unholda ut nu hie an uuoh lerid quathun sia
M3932	uuordu gehuilicu tho sprak eft that uuerod oðar
C 3932	uuordu gihuilicu thuo sprac eft that uuerod ođer
M3933	ni thurƀun gi thene leriand lahan quaðun sie kumad liƀes uuord
C 3933	ni thurbun gi thena leriand lahan quathun sia cumad libes uuord
M3934	mahtig fan is mude he uuirkid manages huat
C 3934	mahtiga fan is muthe hie sprikit manages huat
M3935	uundres an thesaru uueroldi nis that uureðaro dad
C 3935	uundres an thesaro uueroldi nist that uuretharo dad
M3936	fiundo craftes nio it than te sulicaru frumu ni uurði
C 3936	fiondo craftes nio it than te sulikero frumu ni uuirthi
M3937	ac it gegnungo fan gode alouualdon
C 3937	ac it gegnungo fan gode alouualden
M3938	kumid fan is crafte that mugun gi antkennien uuel
C 3938	cumit fan is crafte that mugun gi antkennian uuell
M3939	an them is uuarun uuordun that he giuuald haƀad
C 3939	an thiem is uuaron uuordon that hie giuuald haƀit
M3940	alles oƀar erðu tho uueldun ina the andsacon thar
C 3940	alles obar erthun thuo uueldun ina thia antsacon thar
M3941	an stedi fahen eftha sten ana uuerpen
C 3941	an stedi fahan eftha sten an uuerpan
M3942	ef sie im thero manno menigi ni andredin
C 3942	ef sia im thero manno menigi ni andredin
M3943	ni forhtodin that folcskepi tho sprak that friðubarn godes
C 3943	ni forohtedin that folcscipi thuo sprac that frithubarn godes
M3944	ik togiu iu godes so filu quað he fan gode selƀumu
C 3944	ik togiu iu guodes so filo fan gode selbon
M3945	uuordo endi uuerko nu uuilliad gi mi uuitnon her
C 3945	uuordo endi uuerco nu uuelliat gi mi uuitnon hier
M3946	thurh iuuuan starkan hugi sten ana uuerpen
C 3946	thuru iuuuan starcan hugi sten an uuerpan
M3947	bilosien mi liƀu tho sprakun imu eft thea liudi angegin
C 3947	belosian mi liƀu thuo spracun im eft thia liudi angegin
M3948	uureða uuiđersakon ne uui it be thinun uuerkun ni duat quaðun sia
C 3948	uuretha uuidarsacon ne uui it be thinon uuercon ni duot quathun sia
M3949	that uui thi aldres to ahtien uuilliad
C 3949	that uui thi aldres tuo ahtian uuelliat
M3950	ac uui duat it be thinun uuordun huand thu sulik uuah sprikis
C 3950	ac uui duot it be thinon uuordon huand thu sulic uuah sprikis
M3951	huand thu thic so maris endi sulic men sagis
C 3951	huand thu thic so maris endi sulic men sagis
M3952	gihis for theson iudeon that thu sis god selƀo
C 3952	gihis for theson iudeon that thu sis god selbo
M3953	mahtig drohtin endi bist thi thoh man so uui
C 3953	mahtig drohtin endi bist thi thoh man so uui
M3954	cuman fan theson cunnie crist alouualdo
C 3954	cuman fan theson cunnie crist alouualdo
M3955	ne uuolda thero iudeono thuo leng gelpes horian
C 3955	ne uuolda thero iudeono thuo leng gelpes horian
M3956	uureðaro uuillion ac hie im af them uuihe fuor
C 3956	uuretharo uuillion ac hie im af them uuihe fuor
M3957	oƀar iordanes strom habda iungron mid im
C 3957	obar iordanes strom habda iungron mid im
M3958	thia is saligun gisiðos thia im simlon mid im
C 3958	thia is saligun gisithos thia im simlon mid im
M3959	uuillion uuonodun suohta uuerod oðer
C 3959	uuillion uuonodun suohta uuerod oder
M3960	deda thar so hie giuuonoda drohtin selƀo
C 3960	deda thar so hie giuuonoda drohtin selbo
M3961	lerda thia liudi giloƀda thie uuolda
C 3961	lerda thia liudi gilobda thie uuolda
M3962	an is helagun uuord that scolda sinnon uuel
C 3962	an is helagun uuord that scolda sinnon uuel
M3963	manno so huilicon so that an is muod ginam
C 3963	manno so huilicon so that an is muod ginam
M3964	thuo gifrang ik that thar te criste cumana uurðun
C 3964	thuo gifrang ik that thar te criste cumana uurđun
M3965	bodon fan bethaniu endi sagdun them barne godes
C 3965	bodon fan bethaniu endi sagdun them barne godes
M3966	that sia an that arundi tharod idisi sendin
C 3966	that sia an that arundi tharod idisi sendin
M3967	maria endi martha magað frilica
C 3967	maria endi martha magađ frilica
M3968	suiðo uunsama uuif thia uuissa hie beðia
C 3968	suitho uunsama uuiƀ thia uuissa hie bethia
M3969	uuarun im gisuester tua thia hie selƀo er
C 3969	uuarun im gisuester tua thia hie selƀo er
M3970	minnioda an is muode thuru iro mildian hugi
C 3970	minnioda an is muode thuru iro mildian hugi
M3971	thiu uuif thuru iro uuillion guodan sia im te uuaron thuo
C 3971	thiu uuiƀ thuru iro uuillion guodan thuo sia te uuaron im
M3972	anbudun fon bethaniu that iro bruoðer uuas
C 3972	anbudun fon bethaniu that iro bruother uuas
M3973	lazarus legarfast endi that sia is liƀes ni uuandun
C 3973	lazarus legarfast endi that sia is liƀes ni uuandun
M3974	badun that tharod quami crist alouualdo
C 3974	badun that tharod quami crist alouualdo
M3975	helag te helpu reht so hie sia gihorda thuo
C 3975	helag te helpu reht so hie sia gihorda thuo
M3976	seggian fan so siecon so sprak hie san angegin
C 3976	seggian fan so siecon so sprak hie san angegin
M3977	quað that lazaruses legar ni uuari
C 3977	quat that lazaruses legar ni uuari
M3978	giduan im te doðe ac thar scal drohtines lof quathie
C 3978	giduan im te dode ac thar scal drohtines lof
M3979	gifrumid uuerðan nis it im te oðron freson giduan
C 3979	gifrumid uuerthan nis it im te ođron freson giduan
M3980	uuas im thar thuo selƀo suno drohtines
C 3980	uuas im thar thuo selƀo suno drohtines
M3981	tua naht endi dagas thiu tid uuas thuo genahit
C 3981	tua naht endi dagas thiu tid uuas thuo ginahit
M3982	that hie eft te hierusalem iudeo liudeo
C 3982	that hie eft te hierusalem iudeo liudeo
M3983	uuison uuelda so hie giuuald habda
C 3983	uuison uuelda so hie giuuald habda
M3984	sagda thuo is gisiðon suno drohtines
C 3984	sagda thuo is gisithon suno drohtines
M3985	that hie eft oƀar iordan iudeo liudi
C 3985	that hie eft oƀar iordan iudeo liudi
M3986	suokean uuelda thuo spracun im san angegin
C 3986	suokean uuelda thuo spracun im san angegin
M3987	iungron sina te hui bist thu so gern tharod quaðun sia
C 3987	iungron sina te hui bis thu so gern tharod quathun sia
M3988	fro min te faranne ni that nu furn ni uuas
C 3988	fro min te faranne ni that nu furn ni uuas
M3989	that sia thik thinero uuordo uuitnon hogdun
C 3989	that sia thik thinero uuordo uuitnon hogdun
M3990	uueldun thi mid stenon starcan auuerpan nu thu eft undar thia stridigun thioda
C 3990	uueldun thi mid stenon starcan auuerpan nu thu eft undar thia stridigun thioda
M3991	fundos te faranne thar ist fiondo ginuog
C 3991	fundos te faranne thar ist fiondo ginuog
M3992	erlos oƀarmuoda thuo en thero tueliƀio
C 3992	erlos oƀarmuoda thuo en thero tuelifio
M3993	thuomas gimalda uuas im githungan mann
C 3993	thuomas gimalda uuas im githungan mann
M3994	diurlic drohtines thegan ne sculun uui im thia dad lahan quathie
C 3994	diurlic drohtines thegan ne sculun uui im thia dad lahan
M3995	ni uuernian uui im thes uuillien ac uuita im uuonian mid
C 3995	ni uuernian uui im thes uuillien ac uuita im uuonian mid
M3996	thuoloian mid usson thiodne that ist thegnes cust
C 3996	thuoloian mid usson thiodne that ist thegnes cust
M3997	that hie mid is frahon samad fasto gistande
C 3997	that hie mid is frahon samad fasto gistande
M3998	doie mid im thar an duome duan us alla so
C 3998	doie im thar an duome duan us alla so
M3999	folgon im te thero ferdi ni latan use ferah uuið thiu
C 3999	folgon im te thero ferdi ni latan use fera uuid thiu
M4000	uuihtes uuirðig neƀa uui an them uuerode mid im
C 4000	uuihtes uuirdig neba uui an them uuerode mid im
M4001	doian mid uson drohtine than leƀot us thoh duom after
C 4001	doian mid uson drohtine than leƀot us thoh duom after
M4002	guod uuord for gumon so uurðun thuo iungron cristes
C 4002	guod uuord for gumon so uurthun thuo iungron cristes
M4003	erlos aðalborana an enfalden hugie
C 4003	erlos adalborana an enuualden hugie
M4004	herren te uuillien thuo sagda helag crist
C 4004	herren te uuillien thuo sagda helag crist
M4005	selƀo is gisiðon that aslapan uuas
C 4005	selbo is gisithon that aslapan uuas
M4006	lazarus fan them legare haƀit thit lioht ageƀan
C 4006	lazarus fan them legare haƀit thit lioht ageban
M4007	ansueƀit ist an selmon nu uui an thena sið faran
C 4007	ansueƀit ist an selmon nu uui an thena sith faran
M4008	endi ina auuekkian that hie muoti eft thesa uuerold sehan
C 4008	endi ina auuekkian that hie muoti eft thesa uuerold sehan
M4009	libbiandi lioht than uuirðit iuuua giloƀo after thiu
C 4009	libbiandi lioht thann uuirthit iuuua giloƀo after thiu
M4010	forðuuerd gifestid thuo giuuet hie im oƀar thia fluod thanan
C 4010	forthuuerd gifestid thuo giuuet hie im oƀar thia fluod thanan
M4011	thie guodo godes suno anthat hie mid is iungron quam
C 4011	thie guodo godes suno anthat hie mid is iungron quam
M4012	thar te bithaniu barn drohtines
C 4012	thar te bithaniu barn drohtines
M4013	selƀo mid is gisiðon thar thia gisuester tua
C 4013	selƀo mid is gisithon thar thia gisuester tua
M4014	maria endi martha an muodkaron
C 4014	maria endi martha an muodkaron
M4015	seraga satun uuas thar gisamnot filo
C 4015	seraga satun uuas thar gisamnot filo
M4016	fan hierusalem iudeo liudo
C 4016	fan hierusalem iudeo liudo
M4017	thia thiu uuif uueldun uuordun fruoƀrean
C 4017	thia thiu uuiƀ uuoldun uuordon frubrean
M4018	that sie so ni karodin kindiungas dođ
C 4018	that sia so ni karodin kindiunges dod
M4019	lazaruses farlust so tho the landes uuard
C 4019	lazaruses farlust so thuo thie landes uuard
M4020	geng an thiu gardos so uurðun thes godes barnes
C 4020	gieng an thia gardos so uuurdun thes godes barnes
M4021	kumi thar gikuðid that he so craftig uuas
C 4021	cumi thar gicuthit that hie so craftig uuas
M4022	bi theru burg uten tho im beðiun uuas
C 4022	bi thero burg utan thuo im bethion uuas
M4023	them uuiƀun sulik uuillio that sie im uualdand to
C 4023	thien uuiƀon sulic uuillio that sia im uualdand crist tuo
M4024	that friðubarn godes farandien uuissun
C 4024	that frithubarn godes farandian uuissun
M4025	tho them uuibun uuas uuilleono mesta
C 4025	thuo them uuiƀon uuas uuilliono mesta
M4026	cumi drohtines endi cristes uuord
C 4026	cumi drohtines endi cristes uuord
M4027	te gihorienne heoƀandi geng
C 4027	te gihorianne heouandi geng
M4028	martha modkarag uuið so mahtigne
C 4028	martha muodcarag uuid so mahtigna
M4029	uuordun uuehslan endi uuið uualdand sprak
C 4029	uuordon uuehslon endi uuid uualdand sprak
M4030	an iro hugi hriuuig thar thu mi herro min quað siu
C 4030	an iro hugie hreuuag thar thu mi herro min quat siu
M4031	neriendero bezt nahor uuaris
C 4031	neriendero best nahor uuaris
M4032	heleand the godo than ni thorfti ik nu sulic harm tholon
C 4032	heland thie godo thann ni thorftig ik nu sulic harm tholon
M4033	bittra breostkara than ni uuari nu min brođer dod
C 4033	bittara briostcara than ni uuari nu min bruother dod
M4034	lazarus fan thesumu liohte ac he imu mahti libbien forð
C 4034	lazarus fan theson liohte ac hie mahti im libbian forth
M4035	ferahes gefullid ik thoh fro min te thi
C 4035	ferahes gifullid ik thoh fro min te thi
M4036	liohto giloƀiu leriandero bezt
C 4036	liohto gilobiu lerandero best
M4037	so hues so thu biddien uuili berhton drohtin
C 4037	so hues so thu biddian uuili berahtan drohtin
M4038	that he it thi san fargiƀid god alomahtig
C 4038	that hie it thi san fargiƀit guod alomahtig
M4039	giuuerðot thinan uuillean tho sprak eft uualdand krist
C 4039	giuuirthot thinan uuillion thuo sprak eft uualdand crist
M4040	theru idis anduuordi ni lat thu thi an innan thes quað he
C 4040	thera idis anduuirdi ni lat thu thi an innan thes
M4041	thinan seƀon suerkan ik thi seggian mag
C 4041	thinan seƀon suercan ik thi seggian mag
M4042	uuarun uuordun that thes nis giuuand enig
C 4042	uuaron uuordon that thes nist giuuand enig
M4043	neƀu thin broðer scal thurh gibod godes
C 4043	ne thin bruother scal thuru gibod guodes
M4044	thurh drohtines craft fan dođe astanden
C 4044	thuru drohtines craft fan dođe astandan
M4045	an is lichamon all hebbiu ik giloƀon so quað siu
C 4045	an is likhamen all hebbiu ik gilobon so quat siu
M4046	that it so giuuerðen scal so huan so thius uuerold endiod
C 4046	that it so giuuerthan scal so huann so thius uuerold endiot
M4047	endi the mareo dag oƀar man ferid
C 4047	endi thie mario dag oƀar mann farid
M4048	that he than fan erðu scal up astanden
C 4048	that hie thann fan erthu scal upp astandan
M4049	an themu domes daga than uuerðad fan dođe quica
C 4049	an them duomes dage than uuerthad fan dode quica
M4050	thurh maht godes mankunnies gehuilic
C 4050	thuru maht godes mancunnies gihuilic
M4051	arisad fan restu tho sagde rikeo krist
C 4051	arisat fan rastu thuo sagda riki crist
M4052	theru idis alomahtig oponun uuordun
C 4052	thero idis alomahtig opanon uuordon
M4053	that he selƀo uuas sunu drohtines
C 4053	that hie selbo uuas suno drohtines
M4054	beðiu ia lif ia lioht liudio barnon
C 4054	bethiu ge lioht ge liƀ liudio barnon
M4055	te astandanne nio the sterƀen ni scal
C 4055	te astandenne nio thie astereban ni scal
M4056	lif farliosen the her giloƀid te mi
C 4056	lif farliesan thie hier gilobit te mi
M4057	thoh ina eldibarn erðu bithekkien
C 4057	thoh ina eldibarn erthu bithekkian
M4058	diapo bidelƀen nis he dod thiu mer
C 4058	diopo bideluuan nis hie dod thiu mer
M4059	that flesk is bifolhen that ferah is gihalden
C 4059	that flesk is bifolahan that fera ist gihaldan
M4060	is thiu siola gisund tho sprak imu eft san angegin
C 4060	ist thiu seola gisund thuo sprak im eft san angegin
M4061	that uuif mid iro uuordun ik giloƀiu that thu the uuaro bist quað siu
C 4061	that uuiƀ mid iro uuordon ik gilobiu that thu the uuaro bist quat siu
M4062	krist godes sunu that mag man antkennien uuel
C 4062	uualdandes suno crist alouualdo that mag man antkennian uuel
M4063	uuiten an thinun uuordun that thu giuuald haƀes
C 4063	uuiton an thinon uuordon that thu giuuald habis
M4064	thurh thiu helagon giscapu himiles endi erðun
C 4064	thuru thiu helagun giscapu himiles endi erthun
M4065	tho gefragn ik that thar thero idisio quam oðar gangan
C 4065	thuo gifran ik that thar thero idiseo quam ođer gangan
M4066	maria modkarag gengun iro managa aftar
C 4066	maria muodcarag gengun iro managa after
M4067	iudeo liudi tho siu themu godes barne
C 4067	iudeo liudio thuo siu them godes barne
M4068	sagde seragmod huat iru te sorgun gistod
C 4068	sagda seragmuod huat iro te soragu gistuod
M4069	an iro hugi harmes hofnu kumde
C 4069	an iro hugi harmes hofnu cumda
M4070	lazaruses farlust liaƀes mannes
C 4070	lazaruses farlust leobes mannes
M4071	griat gornundi antat themu godes barne
C 4071	griot gornondi antthat them godes barne
M4072	hugi uuarð gihrorid hete trahni
C 4072	hugi uuarth gihruorid heta trahni
M4073	uuopu auuellun endi tho te them uuiƀun sprac
C 4073	uuopu anuuillun endi thuo te them uuibon sprac
M4074	het ina tho ledien thar lazarus uuas
C 4074	hiet ina thuo ledian thar lazarus uuas
M4075	foldu bifolhen lag thar en felis bioƀan
C 4075	fuldu bifolhan lag thar en felis bioƀan
M4076	hard sten behliden tho het the helago crist
C 4076	hard sten bihlidan thuo hiet thie helago crist
M4077	antlucan thea leia that he mosti that lik sehan
C 4077	andlucan thia hlea that hie mosti that lik sehan
M4078	hreo scauuoien tho ni mahte an iro hugi miðan
C 4078	hreu scauuoian thuo ni mohta an iru hugi mithan
M4079	martha for theru menegi uuið mahtigne sprak
C 4079	marthun for thero menigi uuid mahtina sprac
M4080	fro min the godo quað siu ef man thene felis nimid
C 4080	fro min the guodo quat siu ef man thena felis nimid
M4081	thene sten antlukid than uuaniu ik that thanen stank kume
C 4081	thena sten antlukit thann uuaniu ik that thanan stanc cume
M4082	unsuoti suek huand ik thi seggian mag
C 4082	unsuoti succ huand ik thi seggian mah
M4083	uuarun uuordun that thes nis giuuand enig
C 4083	uuaron uuordon that thes nist giuuand enig
M4084	that he thar nu bifolhen uuas fiuuuar naht endi dagos
C 4084	thar hie thar nu bifolahan uuas fiuuuar naht endi dagos
M4085	an themu erðgraƀe anduuordi gaf
C 4085	an them erthgraƀe anduurdig gaf
M4086	uualdand themu uuibe huat ni sagde ik thi te uuarun er quað he
C 4086	uualdand them uuiƀe huat sagda ik thi te uuaron er
M4087	ef thu giloƀien uuili than nis nu lang te thiu
C 4087	ef thu gilobian uuili than nist nu lang te thiu
M4088	that thu her antkennien scalt craft drohtines
C 4088	huat thu hier antkennean scalt craft drohtines
M4089	the mikilon maht godes tho gengun manage to
C 4089	thia mikulun maht godes thuo gengun managa tuo
M4090	afhoƀun harden sten tho sah the helago crist
C 4090	afhuobun hardan sten thuo sah thie helago crist
M4091	up mid is ogun olat sagde
C 4091	upp mid is ogon alat sagda
M4092	themu the these uuerold giscop thes thu min uuord gihoris quað he
C 4092	them thie thesa uuerold giscuop thes thu min uuord gihoris
M4093	sigidrohtin selƀo ik uuet that thu so simlun duos
C 4093	sigidrohtin self ik uuet that thu so sinnon duos
M4094	ac ik duom it be thesumu groton iudeono folke
C 4094	ac ik duon it be thison grotan iudeono folke
M4095	that sie that te uuarun uuitin that thu mi an these uuerold sendes
C 4095	that sie that te uuaren uuitin that thu mi an thesaro uuerold sandos
M4096	thesun liudiun te lerun tho he te lazaruse hriop
C 4096	theson liudion te lerun thuo hie ti lazaruse hreop
M4097	starkaru stemniu endi het ina standen up
C 4097	starkero stemnun endi hiet ina standan upp
M4098	ia fan themu graƀe gangan tho uuarð the gest kumen
C 4098	ge fan them graƀe gangan thuo uuarth thie gest cuman
M4099	an thene lichamon he bigan is liði hrorien
C 4099	an thena likhamon hie bigan is lithi hruorian
M4100	antuuarp undar themu giuuedie uuas imo so beuunden tho noh
C 4100	anduuarp under them giuuadie uuas imo so beuundan thuo noh
M4101	an hreobeddion bihelid het imu helpen tho
C 4101	an hreubeddon bihelid hiet im helpan thuo
M4102	uualdandeo krist uueros gengun to
C 4102	uualdandeo crist uueros gengun tuo
M4103	antuundun that geuuadi uuanum up ares
C 4103	antuundun that giuuadi uuanom upp ares
M4104	lazarus te thesumu liohte uuas imu is lif fargeƀen
C 4104	lazarus te theson liohte uuas im is liƀ forgeban
M4105	that he is aldarlagu egan mosti
C 4105	that hie is aldargilagu egan muosta
M4106	friðu forðuuardes tho fagonadun beðea
C 4106	fritho forthuuardes thuo faganodun bethia
M4107	maria endi martha ni mag that man oðrumu
C 4107	maria endi martha ni mag that mann ođron
M4108	giseggian te soðe huo thea gesuester tuo
C 4108	giseggian te suothen huo thia gisuester tua
M4109	mendiodun an iro mode maneg uundrode
C 4109	menndun an iro muode manag uundroda
M4110	iudeo liudio tho sie ina fan themu graƀe sahun
C 4110	iudeo liudeo thuo sia ina fan them graƀe sahun
M4111	siðon gesunden thene the er suht farnam
C 4111	sithon gisundan thena thi er suht fornam
M4112	endi sie bidulƀun diapo undar erðu
C 4112	endi sia bidulbun diopo undar erthun
M4113	liƀes losen tho moste imu libbien forð
C 4113	liƀes losan thuo muosta im libbian forth
M4114	hel an hemun so mag heƀenkuninges
C 4114	hel an hemon so mag hebancuninges
M4115	thiu mikile maht godes manno gehuilikes
C 4115	thiu mikila maht godes manno gihuilikes
M4116	ferahe giformon endi uuið fiundo niđ
C 4116	ferahe giformon endi uuid fiondo nith
M4117	helag helpen so huemu so he is huldi fargiƀid
C 4117	helag helpan so huem so hie is huldi fargibit
M4118	tho uuarð thar so managumu manne mod aftar kriste
C 4118	thuo uuarth thar so managon man muod after criste
M4119	gihuorƀen hugiskefti siðor sie is helagon uuerk
C 4119	gihuorban hugiscefti sithor sia is helagun uuerc
M4120	selƀon gisahun huand eo er sulic ni uuarð
C 4120	selƀon gisauuun huand gio er sulic ni uuarth
M4121	uunder an uueroldi than uuas eft thes uuerodes so filu
C 4121	uundar an uueroldi thann uuas eft thes uuerodes so filo
M4122	so modstarke man ni uueldon the maht godes
C 4122	muodstarca mann ne uueldun thia maht godes
M4123	antkennien kuðlico ac sie uuið is craft mikil
C 4123	antkennian kuthlico ac sia uuid is craft mikil
M4124	uunnun mid iro uuordun uuarun im uualdandes
C 4124	uuunnun mid iro uuordon uuarun im uualdandes
M4125	lera so leða sohtun im liudi oðra
C 4125	lera so letha suohtun im liudi ođra
M4126	an hierusalem thar iudeono uuas
C 4126	an hierusalem thar iudeono uuas
M4127	heri handmahal endi hoƀidstedi
C 4127	heri endi handmahal endi hobitstedi
M4128	grot gumskepi grimmaro thioda
C 4128	grot gumscipi grimmero thiedo
M4129	sie kuðdun im tho kristes uuerk quaðun that sie quican sahin
C 4129	sie cuthdun im thuo cristes uuerc quathun that sia quican sauuin
M4130	thene erl mid iro ogun the an erðu uuas
C 4130	thena erl mid iro ogon thie an erthu uuas
M4131	foldu bifolhen fiuuuar naht endi dagos
C 4131	foldu bifalahan fiuuuar naht endi dagos
M4132	dod bidolƀen antat he ina mid is dadiun selƀo
C 4132	dod bidoluan antthat hie ina mid is dadeon selƀo
M4133	mid is uuordun auuekide that he mosti these uuerold sehan
C 4133	mid is uuordon auuekida that hie muosta thesa uuerold sehan
M4134	tho uuas that so uuiđeruuard uulankun mannun
C 4134	thuo uuas that so uuidarmuod uulancon mannon
M4135	iudeo liudiun hetun iro gumskepi tho
C 4135	iudeo liudion hietun iro gumscipi thuo
M4136	uuerod samnoian endi uuarƀos fahen
C 4136	uuerod samnion endi huarauos fahan
M4137	meginthioda gimang an mahtigna krist
C 4137	meginthiodo gimang an mahtina crist
M4138	riedun an runun nis that rad enig quaðun sie
C 4138	riedun an runu nist that rad enig quathun sia
M4139	that uui that githoloian uuili thesaro thioda te filu
C 4139	that uui that githoloian uuil thesaro thiedo te filo
M4140	giloƀien aftar is lerun than us liudi farad
C 4140	giloƀon after is lerun thann us liudi farad
M4141	an eoridfolc uuerðat usa oƀarhoƀdun
C 4141	an ieridfolc uuerthat usa obarhobdion
M4142	rinkos fan rumu than uui theses rikies sculun
C 4142	rincos fan rumu thann uui thieses rikes sculun
M4143	lose libbien eftha uui sculun uses liƀes tholon
C 4143	losa libbean eftha uui sculun uses libes tholon
M4144	heliðos usaro hoƀdo tho sprak thar en giherod man
C 4144	helithos usaro hobdo thuo sprac thar en giherod man
M4145	oƀar uuarf uuero the uuas thes uuerodes tho
C 4145	obar huarf uuero thie uuas thes uuerodes thuo
M4146	an theru burg innan biscop thero liudio
C 4146	an theru burg innan biscop thero liudio
M4147	kaiphas uuas he heten habdun ina gicoranen te thiu
C 4147	caiphas uuas hie hetan habdun ina gicoranan te thiu
M4148	an theru gertalu iudeo liudi
C 4148	an them iartale iudeo liudi
M4149	that he thes godes huses gomien scoldi
C 4149	that hie thes godes huses gomian scolda
M4150	uuardon thes uuihes mi thunkid uunder mikil quað he
C 4150	uuardun thes uuihes mi thunkit uuundar mikil
M4151	mari thioda gi kunnun manages giskeđ
C 4151	mari thioda gi cunnun manages gisceth
M4152	hui gi that te uuarun ni uuitin uuerod iudeono
C 4152	hui gi that te uuaron ni uuitin uuerod iudeono
M4153	that her is betera rad barno gehuilicumu
C 4153	that hier is betera rad barno gihuilicon
M4154	that man her enne man aldru bilosie
C 4154	that man hier enna man aldru bilosie
M4155	endi that he thurh iuuua dadi droreg sterƀe
C 4155	endi that hie thuru iuuua dadi drorah sterabe
M4156	for thesumu folcskepi ferah farlate
C 4156	furi thitt folcscipi ferah farlate
M4157	than al thit liuduuerod farloren uuerðe
C 4157	than all thit liuduuerod farloran uuerthe
M4158	ni uuas it thoh is uuillean that he so uuar gesprak
C 4158	ni uuas it thoh is uuilleon that hie so uuar gisprac
M4159	so forð for themu folke frume mankunnies
C 4159	so forth furi them folke fruma mancunnies
M4160	gimende for theru menegi ac it quam imu fan theru maht godes
C 4160	gimenda furi thero menigi ac it quam im fan thera maht godes
M4161	thurh is helagan hed huand he that hus godes
C 4161	thuru is helagun heth huand hie that hus godes
M4162	thar an hierusalem bigangan scolde
C 4162	thar an hierusalem bigangan scolda
M4163	uuardon thes uuihes bethiu he so uuar gisprak
C 4163	uuardun thes uuihes bithiu hie so uuar gisprak
M4164	biscop thero liudio huo scoldi that barn godes
C 4164	biscop thero liudio huo scolda that barn godes
M4165	alla irminthiod mid is enes ferhe
C 4165	alla irminthiod mid is enes ferhu
M4166	mid is liƀu alosien that uuas allaro thesaro liudio rad
C 4166	mid is libu alosean that uuas allaro thesaro liudio rad
M4167	huand he gihalode mid thiu heđina liudi
C 4167	huand hie gihaloda mid thiu hie theoda
M4168	uueros an is uuilleon uualdandio crist
C 4168	uuerod an is uuillion uualdandeo crist
M4169	tho uurðun enuuordie oƀarmodie man
C 4169	thuo uurthun ennuuurdia oƀarmuodiga mann
M4170	uuerod iudeono endi an iro uuarƀe gisprakun
C 4170	uuerod iudeono endi an iro huaraue gispracun
M4171	mari thioda that sie im ni letin iro mod tuehon
C 4171	mari theoda that sia im ni lietin iro muod tuehon
M4172	so hue so ina undar themu folke finden mahti
C 4172	so hue so ina under them folke findan mohti
M4173	that ina san gifengi endi forð brahti
C 4173	that hie ina san gifengi endi forth brahte
M4174	an thero thiodo thing quaðun that sie ni mahtin githoloian leng
C 4174	an thero thiedo thing quathun that sia ni mahtin githolian leng
M4175	that sie the eno man so alla uueldi
C 4175	that sia thie eno man so alla uueldi
M4176	uuerod faruuinnen than uuisse uualdand krist
C 4176	uuerod faruuinnan than uuissa uualdand crist
M4177	thero manno so garo modgithahti
C 4177	thero manno so garo muodgithahti
M4178	hetigrimmon hugi huand imu ni uuas biholen eouuiht
C 4178	hetigrimman hugi huand im ni uuas biholan eouuiht
M4179	an thesaru middilgard he ni uuelde tho an thie menigi innen
C 4179	an thesaro middilgard hie ni uuelda thuo an thia menigi innan
M4180	siður openlico under that erlo folc
C 4180	sithor opanlico under that erlo folc
M4181	gangan under thea iudeon bed the godes sunu
C 4181	gangan under thia iudeon bed thie godes suno
M4182	thero torohteon tid the imu touuard uuas
C 4182	thero torohtun tid thiu im tuouuerd uuas
M4183	that he far thesa thioda tholoian uuelde
C 4183	that hie fur thesa thioda tholian uuolda
M4184	far thit uuerod uuiti uuisse imu selƀo
C 4184	for thit uuerod uuiti uuissa im selbo
M4185	that dagthingi garo tho giuuet imu use drohtin forð
C 4185	that dagthingi garo thuo giuuet im usa drohtin forth
M4186	endi imu tho an effrem alouualdo krist
C 4186	endi im thuo an effrem alouualdo crist
M4187	an theru hohon burg helag drohtin
C 4187	an thero hohun burg helag drohtin
M4188	uunode mid is uuerodu antat he an is uuillean huarf
C 4188	uuonoda mid is uuerodu antthat hie an is uuilleon huarf
M4189	eft te bethania brahtmu thiu mikilun
C 4189	eft te bithaniu brahtmu thiu mikilun
M4190	mid thiu is godum gumscepi iudeon bisprakun that
C 4190	mid thiu is guoden gumscipiu iudeon bisprakun that thuo
M4191	uuordu gehuilicu tho sie imu sulic uuerod mikil
C 4191	uuordu gihuiliku thuo sia im sulic uuerod mikil
M4192	folgon gisahun nis frume enig quaðun sie
C 4192	folgon gisahun nis fruma enig quathun sia
M4193	uses rikies giradi thoh uui reht sprekan
C 4193	uses rikies giradi thoh uui reht sprecan
M4194	ni thihit uses thinges uuiht thius thiod uuili
C 4194	ne thihid uses thinges uuiht thiu thioda uuili
M4195	uuendien after is uuillean imu all thius uuerold folgot
C 4195	uuendian after is uuillien imo all thius uuerold folgot
M4196	liudi bi them is lerun that uui imu leðes uuiht
C 4196	liudi bi thiem is lerun that uui im lethes uuiht
M4197	for thesumu folcscepi gifrummien ni motun
C 4197	bi them folcsciepe gifrummian ni muotun
M4198	giuuet imu tho that barn godes innan bethania
C 4198	giuuet im thuo that barn godes innan bethaniu
M4199	sehs nahtun er than thiu samnunga
C 4199	sehs nahton er than thiu samnunga
M4200	thar an hierusalem iudeo liudio
C 4200	thar an hierusalem iudeo liudio
M4201	an them uuihdagun uuerðen scolde
C 4201	an thei uuihdagon uuerthan scoldi
M4202	that sie scoldun haldan thea helagon tidi
C 4202	that sia scoldin haldan thia helagun tidi
M4203	iudeono pascha bed the godes sunu
C 4203	iudeono pascha bed thie godes suno
M4204	mahtig under theru menegi uuas thar manno craft
C 4204	mahtig undar thero menegi uuas thar manno craft
M4205	uuerodes bi them is uuordun thar gengun ina tue uuif umbi
C 4205	uuerodes bi them is uuordon thar gengun ina tue uuiƀ umbi
M4206	maria endi martha mid mildiu hugi
C 4206	maria endi martha mid mildu hugiu
M4207	thionodun imu theolico thiodo drohtin
C 4207	thienodun im thiolico thiodo drohtin
M4208	gaf im langsam lon let sea leðes gihues
C 4208	gaf im langsam lon liet sia lethes gihues
M4209	sundeono sikora endi selƀo gibod
C 4209	sundiono sicora endi selƀo gibod
M4210	that sea an friðe forin uuiðer fiundo niđ
C 4210	that sia an frithe fuorin uuither fiondo nith
M4211	thea idisa mid is orloƀu godu habdun iro ambahtscepi
C 4211	thia idisi mid is orloƀu guodu habdun iro ambahtscipi
M4212	biuuendid an is uuilleon tho giuuet imu uualdand krist
C 4212	biuuendid an is uuilleon thuo giuuet im uualdan crist
M4213	forð mid thiu folcu firiho drohtin
C 4213	forth mid thiu folcu firiho drohtin
M4214	innan hierusalem thar iudeono uuas
C 4214	innan hierusalem thar iudeono uuas
M4215	hetelic hardburi thar sie thea helagon tid
C 4215	hetilic hardburi thar sia thia helagun tid
M4216	uuarodun at themu uuihe uuas thar uuerodes so filu
C 4216	uuarodun an them uuihe uuas thar uuerodes so filo
M4217	craftigaro kunnio thie ni uueldun cristes uuord
C 4217	craftigero cunnio thia ni uuoldun cristes uuord
M4218	gerno horien ni te themu godes barne
C 4218	gerno gihorian ni te them godes barne
M4219	an iro modseƀon minnie ni habdun
C 4219	an iro muodseben minnia ni habdun
M4220	ac uuarun im so uureða uulanka thioda
C 4220	ac uuaron im so uuretha uulanca thiodo
M4221	modeg mankunni habdun im morðhugi
C 4221	muodag mancunni habdun im morthhugi
M4222	inuuid an innan an aƀuh farfengun
C 4222	inuuid an innan an auoh farfengun
M4223	kristes lere uueldun ina craftigna
C 4223	cristes lera uueldun ina craftigna
M4224	uuitnon thero uuordo ac uuas thar uuerodes so filu
C 4224	uuitnon thero uuordo ac uuas thar uuerodes so filo
M4225	umbi erlscepi antlangana dag
C 4225	umbi erlscipi antlangana dag
M4226	habde ine thiu smale thiod thurh is suotiun uuord
C 4226	habda ina thiu smala thiod thuru is suotiun uuord
M4227	uuerodu biuuorpen that ine thie uuiðersakon
C 4227	uuerodu biuuorpan that ina thia uuidersacon
M4228	under themu folcscepi fahen ne gidorstun
C 4228	under them folcscipe fahan ne gidorstun
M4229	ac miðun is bi theru menegi than stod mahtig krist
C 4229	ac mithun es bi thero menigi than stuod mahti crist
M4230	an themu uuihe innan sagde uuord manag
C 4230	an themo uuihe innan sagda uuord manag
M4231	firiho barnun te frumu uuas thar folc umbi
C 4231	firiho barnon te frumu uuas thar folc umbi
M4232	allan langan dag antat thiu liohte giuuet
C 4232	allan langan dag antthat thie liohto giuuet
M4233	sunne te sedle tho te seliðun for
C 4233	sunno te sedle thuo te selithon fuor
M4234	mancunnies manag than uuas thar en mari berg
C 4234	mancunnies manag thann uuas thar en mari berg
M4235	bi theru burg uten the uuas bred endi hoh
C 4235	bi thero burg utan the uuas bred endi ho
M4236	groni endi sconi hetun ina iudeo liudi
C 4236	gruoni endi skoni heton ina iudeo barn
M4237	oliueti bi namon thar imu up giuuet
C 4237	oliuueti bi namen thar im upp giuuet
M4238	neriendeo krist so ina thiu naht bifeng
C 4238	neriendo crist so thiu naht bifeng
M4239	uuas imu thar mid is iungarun so ine thar iudeono enig
C 4239	uuas im thar mid is iungron so ina thar iudeono negen
M4240	ni uuisse ti uuarun huand he an themu uuihe stod
C 4240	ni uuissa te uuaren huand hie an them uuihe stuod
M4241	liudio drohtin so lioht ostene quam
C 4241	liudio drohtin so lioht ostana quam
M4242	antfeng that folcscepi endi im filu sagde
C 4242	antfieng that folcscipi endi im filo sagda
M4243	uuaroro uuordo so nis an thesaru uueroldi enig
C 4243	uuararo uuordo so nist an thesaro uuerold enig
M4244	an thesaru middilgard manno so spahi
C 4244	an thesaro middilgard manno so spahi
M4245	liudio barno nigen that thero lerono mugi
C 4245	liudeo barno nigen that thero lerono mugi
M4246	endi gitellien the he thar an themu alahe gisprak
C 4246	enndi gitellian thi hie thar an them alahe gisprac
M4247	uualdand an themu uuihe endi simlun mid is uuordun gibod
C 4247	uualdand an them uuihie endi sinnon mid is uuordon gibod
M4248	that sie sie gereuuidin te godes rikie
C 4248	that sia sia geridin te godes rikie
M4249	allaro manno gehuilic that sie mostin an themu mareon daga
C 4249	allaro manno gihuilic that sia muostin an them marien dage
M4250	iro drohtines diuriða antfahen
C 4250	iro drohtines diuritha antfahan
M4251	sagde im huat sie it sundiun frumidun endi simlun gibod
C 4251	sagda im huat sia te sundiun frumidun endi sinnon gibod
M4252	that sie thea aleskidin het sie lioht godes
C 4252	that sia thia aleskidin hiet sia lioht godes
M4253	minnion an iro mode men farlaten
C 4253	minnion an iro mode men farlatan
M4254	aƀoha oƀarhugdi odmodi niman
C 4254	auoh oƀarhugdi odmuodi niman
M4255	hlaðen that an iro hertan quað that im than uuari heƀenriki
C 4255	hladan that an iro herta quat that im thann uuari hebanriki
M4256	garu godo mest tho uuarð thar gumono so filu
C 4256	garo guoda mesta thuo uuarth thar gumono so filo
M4257	giuuendid aftar is uuillion siður sie that uuord godes
C 4257	giuuendid after is uuillien sithor sia that uuord godes
M4258	helag gihordun heƀencuninges
C 4258	helag gihordun hebancuninges
M4259	antkendun craft mikil kumi drohtines
C 4259	antkendun craft mikil cumi drohtines
M4260	herron helpe ia that heƀenriki uuas
C 4260	herren helpa ge that hebanriki uuas
M4261	neriendi ginahid endi naða godes
C 4261	neriand ginahid endi natha godes
M4262	manno barnun sum so modeg uuas
C 4262	manno barnon sum so muodag uuas
M4263	iudeo folkes habdun grimman hugi
C 4263	iudeo folkes hadun grimman hugi
M4264	sliðmoden seƀon
C 4264	slidmuodean seƀon
M4265	ni uueldun is uuorde giloƀien ac habdun im geuuin mikil
C 4265	ni uueldun is uuorde gihorian ac habdun im giuuin mikil
M4266	uuið thea cristes craft kumen ni mostun
C 4266	uuid thia cristes craft ni uueldun thar tuo cuman
M4267	thea liudi thurh leđen strid that sie giloƀon te imu
C 4267	thia liudi thuru lethan strid that sia gilobon te im
M4268	fasto gifengin ni uuas im thiu frume giƀiðig
C 4268	fasto gifengin ne uuas im thiu fruma gibithig
M4269	that sie heƀenriki habbien mostin
C 4269	that sia hebanriki hebbian muostin
M4270	geng imu tho the godes sunu endi is iungaron mid imu
C 4270	geng im thuo the godes suno endi is iungron mid im
M4271	uualdand fan themu uuihe all so is uuillio geng
C 4271	uualdand fan them uuihe all so is uuillio geng
M4272	iac imu uppen thene berg gisteg barn drohtines
C 4272	iac im uppan thena berg gisteg barn drohtines
M4273	sat imu thar mid is gesiðun endi im sagde filu
C 4273	sat im thar mid is gisithon endi im sagda filo
M4274	uuaroro uuordo si bigunnun im tho umbi thene uuih sprekan
C 4274	uuararo uuordo sia bigunnun im thuo umbi thena uuih sprecan
M4275	thie gumon umbi that godes hus quaðun that ni uuari godlicora
C 4275	thia gumon umbi that godes hus quathun that ni uuari guodlicoro
M4276	alah oƀar erðu thurh erlo hand
C 4276	alah oƀar erthu thie io thuru erlo hand
M4277	thurh mannes giuuerk mid megincraftu
C 4277	thuru mannes giuuerc mid megincraftu
M4278	rakud arihtid tho the rikio sprak
C 4278	racod arihtid thuo thie rikeo sprak
M4279	her heƀencuning hordun the oðra
C 4279	her hebancuning hordun thia ođra
M4280	ik mag iu gitellien quað he that noh uuirðid thiu tid kumen
C 4280	ik mag iu tellian that noh uuirđit thiu tid cuman
M4281	that is afstanden ni scal sten oƀar oðrumu
C 4281	that is afstandan ni scal sten oƀar ođron
M4282	ac it fallid ti foldu endi fiur nimid
C 4282	ac it fellit te foldu endi it fiur nimit
M4283	gradag logna thoh it nu so godlic si
C 4283	gradag logna thoh it nu so guodlic si
M4284	so uuislico giuuarht endi so dod all thesaro uueroldes giscapu
C 4284	so uuislico giuuaraht endi so duot all thesaro uueroldes giscapu
M4285	teglidid groni uuang tho gengun imu is iungaron to
C 4285	teglidit gruoni uuang thuo gengun im is iungron tuo
M4286	fragodun ina so stillo huo lango scal standen noh quađun sie
C 4286	fragodun ina so stillo huo lango scal standan noh quathun sia
M4287	thius uuerold an uunniun er than that giuuand kume
C 4287	thius uuerold an uuunnion er than that giuuand cume
M4288	that the lasto dag liohtes skine
C 4288	that thie lezto dag liohtes scine
M4289	thurh uuolcanskion eftho huan is thin eft uuan kumen
C 4289	thuru uuolcansceon eftha huann ist thin eft uuan cuman
M4290	an thene middilgard manno cunnie
C 4290	an thesan middilgard manno cunnie
M4291	te adelienne dodun endi quikun
C 4291	te adelianne dodon endi quicon
M4292	fro min the godo us is thes firiuuit mikil
C 4292	fruo min the guodo us is thes firiuuitt mikil
M4293	uualdandeo krist huan that giuuerðen sculi
C 4293	uualdandie crist huann that giuuerthan sculi
M4294	tho im anduuordi alouualdo krist
C 4294	thuo im anduuurdi alouualdo crist
M4295	godlic fargaf them gumun selƀo
C 4295	guodlico fargaf them gumon selƀo
M4296	that haƀad so bidernid quað he drohtin the godo
C 4296	that habit so bidernit drohtin thie guodo
M4297	iac so hardo farholen himilrikies fader
C 4297	iac so hardo farholan himilrikies fader
M4298	uualdand thesaro uueroldes so that uuiten ni mag
C 4298	uualdand thesaro uueroldes so that uuitan ni mag
M4299	enig mannisc barn huan thiu marie tid
C 4299	enig mannes suno huann thiu maria tid
M4300	giuuirðid an thesaru uueroldi ne it ok te uuaran ni kunnun
C 4300	giuuirthit an thesaro uueroldi ne it oc te uuaren ni cunnun
M4301	godes engilos thie for imu geginuuarde
C 4301	godes engilos thia for im genginuuarda
M4302	simlun sindun sie it ok giseggian ni mugun
C 4302	sinnon sindun sia it oc seggian ni mugun
M4303	te uuaran mid iro uuordun huan that giuuerðen sculi
C 4303	te uuaren mid iro uuordon huand it giuuerthan sculi
M4304	that he uuillie an thesan middilgard mahtig drohtin
C 4304	that hie uuillie an thesan middilgard mahtig drohtin
M4305	firiho fandon fader uuet it eno
C 4305	firiho fandon fader uuet im eno
M4306	helag fan himile elcur is it biholen allun
C 4306	helag an himile elcor is it biholan allon
M4307	quikun endi dodun huan is kumi uuerðad
C 4307	quicon endi dodon huann is cumi uuerthat
M4308	ik mag iu thoh gitellien huilic her tecan biforan
C 4308	ik mag iu thoh gitellian huilic err tecan biforan
M4309	giuuerðad uunderlic er than he an these uuerold kume
C 4309	giuuerthat uundarlic er than hie an thesa uueruld cume
M4310	an themu mareon daga that uuirðid her er an themu manon skin
C 4310	an them marien dage that uuirthit hier err an themo manen scin
M4311	iac an theru sunnon so same gisuerkad siu beđiu
C 4311	iac an thero sunnun so samo gisuercat siu bethiu
M4312	mid finistre uuerðad bifangan fallad sterron
C 4312	mid finistriu uuerthend bifangan fallat steorron
M4313	huit heƀentungal endi hrisid erðe
C 4313	huit hebantunglas endi hrisid ertha
M4314	biƀod thius brede uuerold uuirðid sulicaro bokno filu
C 4314	biƀot thiu breda uueruld uuirthit sulikero bocno filo
M4315	grimmid the groto seo uuirkid thie geƀenes strom
C 4315	grimmid thie groto seu uuirkit thie gebanes strom
M4316	egison mid is uðiun erðbuandiun
C 4316	egison mid is uthion erthbuendeon
M4317	than thorrot thiu thiod thurh that gethuing mikil
C 4317	than tharod thiu theoda thuru that githuing mikil
M4318	folc thurh thea forhta than nis friðu huergin
C 4318	folc thuru thia farahte thann nist fritho huergin
M4319	ac uuirðid uuig so maneg oƀar these uuerold alla
C 4319	ac uuirthit uuig so manag oƀar thesa uuerold alla
M4320	hetelic afhaben endi heri ledid
C 4320	hetilic ahaban endi heri ledit
M4321	kunni oƀar oðar uuirðid kuningo giuuin
C 4321	cunni oƀar ođer uuirthit cuningo giuuinn
M4322	meginfard mikil uuirðid managoro qualm
C 4322	meginfard mikil uuirthit managero qualm
M4323	open urlagi that is egislic thing
C 4323	opan urlogi that ist egislic thing
M4324	that io sulik morð sculun man afhebbien
C 4324	that io sulic morth sculun man afheffian
M4325	uuirðid uuol so mikil oƀar these uuerold alle
C 4325	uuirthit uuol so mikil oƀar thesa uuerold alla
M4326	mansterƀono mest thero the gio an thesaru middilgard
C 4326	manstereƀono mest thero thie gio an thesaro middilgard
M4327	suulti thurh suhti liggiad seoka man
C 4327	suulti thuru suhti liggient seoca man
M4328	driosat endi doiat endi iro dag endiad
C 4328	dreosat endi doiat endi iro dag endiot
M4329	fulliad mid iro ferahu ferid unmet grot
C 4329	fulleat mid iro ferahu ferid unmet grot
M4330	hungar hetigrim oƀar heliðo barn
C 4330	hungar hetigrim oƀar helitho barn
M4331	metigedeono mest nis that minniste
C 4331	metigedono mest nist that minnista
M4332	thero uuiteo an thesaru uueroldi the her giuuerðen sculun
C 4332	thero uuiteo an thesaro uueroldi thi err giuuerthan scal
M4333	er domes dage so huan so gi thea dadi gisehan
C 4333	er duomes dage so huann so gi thia dadi gisehan
M4334	giuuerðen an thesaru uueroldi so mugun gi than te uuaran farstanden
C 4334	giuuerthan an thesaro uueruldi so mugun gi than te uuaren farstandan
M4335	that than the lazto dag liudiun nahid
C 4335	thatt than thie lezto dag liudion nahid
M4336	mari te mannun endi maht godes
C 4336	mari te mannon endi maht godes
M4337	himilcraftes hrori endi thes helagon kumi
C 4337	himilcraftes hruora endi thes helagen cumi
M4338	drohtines mid is diuriðun huat gi thesaro dadeo mugun
C 4338	drohtines mid is diurithun huat gi thesaro dadio mugun
M4339	bi thesun bomun biliði antkennien
C 4339	bi theson bomon bilithi antkennian
M4340	than sie brustiad endi bloiat endi bladu togeat
C 4340	than sia brusteat endi bloat endi bladu togiat
M4341	lof antlukad than uuitun liudio barn
C 4341	loƀ antlukit thann uuitun liudeo barn
M4342	that than is san after thiu sumer ginahid
C 4342	that than ist san after thiu sumer ginahid
M4343	uuarm endi uunsam endi uueder sconi
C 4343	uuaram endi uunsam endi uueder sconi
M4344	so uuitin gi ok bi thesun teknun the ik iu talde her
C 4344	so uuitin gi oc bi theson teknon thia ik iu talda hier
M4345	huan the lazto dag liudiun nahid
C 4345	huann thie lezto dag liudeon nahid
M4346	than seggio ik iu te uuaran that er thit uuerod ni mot
C 4346	thann seggio ik iu te uuaren that err thit uuerod ni mot
M4347	tefaran thit folcscepi er than uuerðe gefullid so
C 4347	tefaran thit folcscipi er than uuirdit gifullid so
M4348	minu uuord giuuarod noh giuuand kumid
C 4348	mina uuord giuuarod noh giuuand cumid
M4349	himiles endi erðun endi steid min helag uuord
C 4349	himiles endi erthun endi stet min helag uuord
M4350	fast forðuuardes endi uuirðid al gefullod so
C 4350	fast foruuardes endi uuirthit all gifullid so
M4351	gilestid an thesumu liohte so ik for thesun liudiun gespriku
C 4351	gilestid an theson liohte so ik furu theson liudion gispricu
M4352	uuacot gi uuarlico iu is uuiscumo
C 4352	uuacot gi uuaralico iuu ist uuisscumo
M4353	duomdag the mareo endi iuuues drohtines craft
C 4353	duomes dag thie mario endi iuuues drohtines craft
M4354	thiu mikilo meginstrengi endi thiu marie tid
C 4354	thiu mikila meginstrengi endi thiu maria tid
M4355	giuuand thesaro uueroldes fora thiu gi uuardon sculun
C 4355	giuuand thesaro uueroldes furi thiu gi uuardon sculun
M4356	that he iu slapandie an suefrestu
C 4356	that hie iuu slapandia an suefrastu
M4357	farungo ni bifahe an firinuuercun
C 4357	farungo ne bifahe an firinuuercon
M4358	menes fulle mutspelli cumit
C 4358	menes fulla mutspelli cumid
M4359	an thiustrea naht al so thiof ferid
C 4359	an thiustria naht all so thiof farit
M4360	darno mid is dadiun so kumid the dag mannun
C 4360	darno mid is dadion so cumit thie dag mannon
M4361	the lazto theses liohtes so it er these liudi ni uuitun
C 4361	thie lezto theses liohtes so it err thesa liudi ni uuitun
M4362	so samo so thiu flod deda an furndagun
C 4362	so samo so thiu fluod deda an furndagon
M4363	the thar mid lagustromun liudi farteride
C 4363	thiu thar mid lagostromon liudi farterida
M4364	bi noeas tidiun biutan that ina neride god
C 4364	bi noees tideon neuan that ina nerida god
M4365	mid is hiuuiskea helag drohtin
C 4365	mid is hiuuiskie helag drohtin
M4366	uuið thes flodes farm so uuarð ok that fiur kuman
C 4366	uuid thes fluodes farm so uuarth oc that fiur cuman
M4367	het fan himile that thea hohon burgi
C 4367	het fan himile that thia hohun burgi
M4368	umbi sodomo land suart logna bifeng
C 4368	umbi sodomaland suart logna bifeng
M4369	grim endi gradag that thar nenig gumono ni ginas
C 4369	grimm endi gradag that thar enig gumono ne ginass
M4370	biutan loth eno ina antleddun thanen
C 4370	botan loth eno ina antleddun thanan
M4371	drohtines engilos endi is dohter tua
C 4371	drohtines engilos endi is dohter tua
M4372	an enan berg uppen that oðar al brinnandi fiur
C 4372	an enna berg uppan that oƀar al brinnandi fiur
M4373	ia land ia liudi logna farteride
C 4373	gie land gie liudi logna farterida
M4374	so farungo uuarð that fiur kumen so uuarð er the flod so samo
C 4374	so farungo uuarth that fiur cuman so uuarth err thiu fluod so samo
M4375	so uuirðid the lazto dag for thiu scal allaro liudio gehuilic
C 4375	so uuirdit thie lezto dag for thiu scal allaro leodo gihuilic
M4376	thenkean fora themu thinge thes is tharf mikil
C 4376	gethenkean for them thinge thes ist tharf mikil
M4377	manno gehuilicumu bethiu latad iu an iuuuan mod sorga
C 4377	manno gihuilicon bethiu latat iu an iuuuan muod sorga
M4378	huand so huan so that geuuirðid that uualdand krist
C 4378	huand so huann so that giuuirthit that uualdand crist
M4379	mari mannes sunu mid theru maht godes
C 4379	mari mannes suno met thera maht godes
M4380	kumit mid thiu craftu kuningo rikeost
C 4380	cumit mid thiu craftu cuningo rikost
M4381	sittean an is selƀes maht endi samod mid imu
C 4381	sittian an is selbes maht endi samod mid im
M4382	alle thea engilos the thar uppa sind
C 4382	alla thia engilos thia thar uppa sind
M4383	helaga an himile than sculun tharod heliðo barn
C 4383	helaga an himile thann sculun tharod helitho barn
M4384	elitheoda kuman alla tesamne
C 4384	elithioda cuman alla tesamne
M4385	libbeandero liudio so huat so io an thesumu liohte uuarð
C 4385	libbiandero liudio so huat so gio an theson liohte uuarth
M4386	firiho afodid thar he themu folke scal
C 4386	firiho afuodit thar hie thiem folke scal
M4387	allumu mankunnie mari drohtin
C 4387	allon mancunnie mari drohtin
M4388	adelien aftar iro dadiun than skeðid he thea farduanan man
C 4388	adelian after iro dadeon than scedit hie thia farduanun mann
M4389	thea faruuarhton uueros an thea uuinistron hand
C 4389	thia faruuarahtun uueros an thia uuinistrun hand
M4390	so duot he ok thea saligon an thea suiðeron half
C 4390	so duot hie oc thia saligun an thia suiđrun half
M4391	grotid he than thea godun endi im tegegnes sprikid
C 4391	gruote hie than thia guodun endi im tegegnes sprikit
M4392	kumad gi quiðid he thea thar gikorene sindun endi antfahad thit craftiga riki
C 4392	kumet gi quithit hie thie thar gicorana sindun endi antfahent thit craftiga riki
M4393	that gode that thar gigereuuid stendid that thar uuarð gumono barnun
C 4393	thit guoda that hierr gigeruuid stendit that thar uuarth gumono barnon
M4394	giuuarht fan thesaro uueroldes endie iu haƀad geuuihid selƀo
C 4394	giuuaraht fan thesaro uueruldes endie iuu habit giuuihid selƀo
M4395	fader allaro firiho barno gi motun thesaro frumono neotan
C 4395	fader allero firio barno gi muotun thera fruma niotan
M4396	geuualdon theses uuidon rikeas huand gi oft minan uuilleon frumidun
C 4396	giuualdan thieses uuidion rikies huand gi oft minan uuilleon gifrumidun
M4397	fulgengun mi gerno endi uuarun mi iuuuaro geƀo mildie
C 4397	fulgengun mi gerno endi uuarun mi iuuuera geba mildi
M4398	than ik bithuungan uuas thurstu endi hungru
C 4398	than ik bithuungan uuas thurstu endi hungru
M4399	frostu bifangan eftho an feteron lag
C 4399	frostu bifangan eftha ik an feteron lag
M4400	biklemmid an karkare oft uurðun mi kumana tharod
C 4400	beclemmid an carcre oft uurthun mi cumana tharod
M4401	helpa fan iuuun handun gi uuarun mi an iuuuomu hugi mildie
C 4401	helpa fan iuuuon handon gi uuarun mi an iuuuon huge milda
M4402	uuisodun min uuerðlico than sprikid imu eft that uuerod angegin
C 4402	uuisodun min uuerthlico thann sprikit im eft that uuerod angegin
M4403	fro min the godo queðat sie huan uuari thu bifangan so
C 4403	fro min thie guodo quethat sia huan uuari thu bifangan so
M4404	bethuungan an sulicun tharaƀun so thu fora thesaru thiod telis
C 4404	bithuungan an sulicon tharƀon so thu for thesaro thieda telis
M4405	mahtig menis huan gisah thi man enig
C 4405	mahtig menis huann gisah thi mann enig
M4406	bethuungen an sulicun tharaƀun huat thu haƀes allaro thiodo giuuald
C 4406	bithuungan an sulicon tharƀon huat thu habis allaro thiodo giuuald
M4407	iac so samo thero meðmo thero the io manno barn
C 4407	gie so samo thero methmo thero the io manno barn
M4408	geuunnun an thesaro uueroldi than sprikid im eft uualdand god
C 4408	giuuunnun an thesaro uueruldi thann sprikit im eft uualdand god
M4409	so huat so gi dadun quiðit he an iuuues drohtines namon
C 4409	so huat so gi dadun quithit hie an iuuues drohtines namon
M4410	godes fargaƀun an godes era
C 4410	godes fargabun an godes era
M4411	them mannun the her minniston sindun thero nu undar thesaru menegi standad
C 4411	them mannon thia hier minnistun sindun thia nu undar thesaro menigi standat
M4412	endi thurh odmodi arme uuarun
C 4412	endi thuru odmuodi arma uuarun
M4413	uueros huand sie minan uuilleon fremidun so huat so gi im iuuuaro uuelono fargaƀun
C 4413	uueros huand sia minan uuilleon frumidun so huat so gi im iuuuaro uuelono forgabun
M4414	gidadun thurh diuriða that antfeng iuuua drohtin selƀo
C 4414	gidadun thuru diuritha mina that antfeng iuuua drohtin selƀo
M4415	thiu helpe quam te heƀencuninge bethiu uuili iu the helago drohtin
C 4415	thiu helpa quam te hebancuninge bithiu uuill iu the helago drohtin
M4416	lonon iuuuan giloƀon giƀid iu lif euuig
C 4416	lonon iuuuan gilobon gibit iuu liƀ euuig
M4417	uuendid ina than uualdand an thea uuinistron hand
C 4417	uuendit ina thann uualdand an thia uuinistrun hand
M4418	drohtin te them farduanun mannun sagad im that sie sculin thea dad antgelden
C 4418	drohtin te them farduanon mannon sagit im that sia sculin thia dad angeldan
M4419	thea man iro mengiuuerk nu gi fan mi sculun quiðit he
C 4419	thia mann iro menuuerc nu gi fan mi sculun quithit hie
M4420	faran so forflocane an that fiur euuig
C 4420	faran so farfluocana an that fiur euuig
M4421	that thar gigareuuid uuarð godes andsacun
C 4421	that thar gigeriuuid uuarth godes antsacon
M4422	fiundo folke be firinuuerkun
C 4422	fiondo folke bi firinuuercon
M4423	huand gi mi ni hulpun than mi hunger endi thurst
C 4423	huand gi mi ni hulpun than mi hungar endi thurst
M4424	uuegde te uundrun eftha ik geuuadies los
C 4424	uuegdun te uundron eftha ik giuuades los
M4425	geng iamermod uuas mi grotun tharf
C 4425	geng iamormuod uuas mi grotan tharf
M4426	than ni habde ik thar enige helpe than ik geheftid uuas
C 4426	thann ni habda ik thar eniga helpa thann ik giheftid uuas
M4427	an liðokospun bilokan eftha mi legar bifeng
C 4427	an lithocospon bilocan eftha mi legar bifeng
M4428	suara suhti than ni uueldun gi min siokes thar
C 4428	suara suhti thann ni uueldun gi min seokes thar
M4429	uuison mid uuihti ni uuas iu uuerð eouuiht
C 4429	uuison mid uuihti ne uuas iu uuerth iouuiht
M4430	that gi min gehugdin bethiu gi an hellie sculun
C 4430	that gi min gihogdin bethiu gi an hellia sculun
M4431	tholon an thiustre than sprikid imu eft thiu thiod angegin
C 4431	tholon an thiustre thann sprikit im eft thiu thiud angegin
M4432	uuola uualdand god queðad sie hui uuilt thu so uuið thit uuerod sprekan
C 4432	uuola uualdand god quethent sia hui uuili thu so uuiđ thit uuerod sprecan
M4433	mahlien uuið these menegi huan uuas thi io manno tharf
C 4433	mahlian uuid thesa menigi huann uuas thi gio manno tharf
M4434	gumono godes huat sie it al be thinun geƀun egun
C 4434	gumono guodes huat sia it all be thinon gebon egun
M4435	uuelon an thesaro uueroldi than sprikid eft uualdand god
C 4435	uuelono an thesaro uueroldi than sprikit eft uualdand god
M4436	than gi thea armostun quiðid he eldibarno
C 4436	than gi thia armostun quithit hie eldibarno
M4437	manno thea minniston an iuuuomu modseƀon
C 4437	manno thia minnistun an iuuuon muodsebon
M4438	heliðos farhugdun letun sea iu an iuuuomu hugi leðe
C 4438	helithos farhogdun letun sia iu an iuuuon hugie letha
M4439	bedeldun sie iuuuaro diurða than dadun gi iuuuana drohtin so sama
C 4439	bedeldun sia iuuuera diurtha than dedun gi iuuuana drohtin so samo
M4440	giuuernidun imu iuuuaro uuelono bethiu ni uuili iu uualdand god
C 4440	giuuernidun mi iuuuero uuelono bethiu ni uuill iu uualdand god
M4441	antfahen fader iuuua ac gi an that fiur sculun
C 4441	antfahan fader iuuuer ac gi an that fiur sculun
M4442	an thene diopun dođ diuƀlun thionon
C 4442	an thena diopon dođ diuƀlon thionon
M4443	uureðun uuiðersakun huand gi so uuarhtun biforan
C 4443	uurethon uuiđarsacon huand gi so giuuarahtun biforan
M4444	than aftar them uuordun skeðit that uuerod an tue
C 4444	than after them uuordon tefarid that uuerod an tue
M4445	thea godun endi thea uƀilon farad thea fargriponon man
C 4445	thia guodun endi thia uƀilun farat thia forgripanun mann
M4446	an thea hetan hel hriuuigmode
C 4446	an thea hetun hell hriuuigmuoda
M4447	thea faruuarhton uueros uuiti antfahat
C 4447	thia faruuarahtun uueros uuiti antfahent
M4448	uƀil endilos ledid up thanen
C 4448	uƀil endilos ledit upp thanan
M4449	her heƀencuning thea hluttaron theoda
C 4449	her hebancuning thia hluttrun thioda
M4450	an that langsame lioht thar is lif euuig
C 4450	an that langsama lioht thar ist liƀ euuig
M4451	gigareuuid godes riki godaro thiado
C 4451	gigeriuuid godes riki guodera thieda
M4452	so gefragn ik that them rinkun tho riki drohtin
C 4452	so gifran ik that them rincon thuo riki drohtin
M4453	umbi thesaro uueroldes giuuand uuordun talde
C 4453	umbi thesaro uueroldes giuuand uuordon talda
M4454	huo thiu forð ferid than lango the sie firiho barn
C 4454	huo thiu forth farid than lang the sia firio barn
M4455	ardon motun ia huo siu an themu endie scal
C 4455	ardon muotun gie huo siu an them endie scal
M4456	tegliden endi tegangen he sagde ok is iungarun thar
C 4456	teglidan endi tegangan hie sagda oc is iungron thar
M4457	uuarun uuordun huat gi uuitun alle quað he
C 4457	uuaron uuordon huat gi uuitun alla
M4458	that nu oƀar tua naht sind tidi kumana
C 4458	that nu oƀar tua naht sind tidi cumana
M4459	giudeono pascha that sie sculun iro gode thionon
C 4459	iudeono pascha that sia sculun iro gode thienon
M4460	uueros an themu uuihe thes nis geuuand enig
C 4460	uueros an them uuihe thes nist giuuand enig
M4461	that thar uuirðid mannes sunu te theru meginthiodu
C 4461	that thar uuirthit mannes suno te thero meginthieda
M4462	craftag farkopot endi an cruce aslagan
C 4462	craftag farcopot endi an cruci gislagan
M4463	tholod thiadquala tho uuarð thar thegan manag
C 4463	tholod thiodquala thuo uuarth thar thegan manag
M4464	sliðmod gisamnod suðarliudio
C 4464	slithmuod gisamnod sutherliudeo
M4465	iudeono gumscepi thar sie scoldun iro gode thionon
C 4465	iudeono gumscipi thar sia scoldun iro gode thionon
M4466	uurðun eosagon alle kumane
C 4466	uurđun eusagon alla cumana
M4467	an uuarf uueros the sie tho uuisostun
C 4467	an huarf uueros thia sia thuo uuisostun
M4468	undar theru menegi manno taldun
C 4468	under thero menigi manno gitaldun
M4469	craftag kuniburd thar caiphas uuas
C 4469	craftig cuniburd thar cayphas uuas
M4470	biscop thero liudio sie redun tho an that barn godes
C 4470	biscop thero liudeo sia riedun thuo an that barn godes
M4471	huo sie ina asluogin sundea losan
C 4471	huo sia ina aslogin sundia losan
M4472	quaðun that sie ina an themu helagon daga hrinen ni scoldin
C 4472	quathun that sia ina an them helagun dage hrinan ni scoldin
M4473	undar thero manno menegi that ni uuerðe thius meginthioda
C 4473	under thero manno menigi that ni uuerthe thius meginthioda
M4474	heliðos an hroru huand ina thit heriscepi uuili
C 4474	helithos an hruoru huand ina thit heriscipi uuili
M4475	farstanden mid stridu uui so stillo sculun
C 4475	farstandan mid stridu uui so stillo sculun
M4476	freson is ferahes that thit folc iudeono
C 4476	freson is ferahes that that folc iudeono
M4477	an thesun uuihdagun uuroht ni afhebbien
C 4477	an theson uuihdagon uuroht ne afhebbian
M4478	tho geng imu thar iudas forð iungaro kristes
C 4478	thuo geng im thar iudas forth iungro cristes
M4479	en thero tueliƀio thar that aðali sat
C 4479	en thero tuelifio thar that ađali satt
M4480	iudeono gumscepi quað that he is im godan rad
C 4480	iudeono gumscipi quat that hie is im guodan rad
M4481	seggian mahti huat uuilliad gi mi sellien her quað he
C 4481	seggian mohti huat uuelliat gi mi sellian hier
M4482	meðmo te medu ef ik iu thene man giƀu
C 4482	methmo te miedu ef ik iuu thena man gibu
M4483	ano uuig endi ano uuroht tho uuarð thes uuerodes hugi
C 4483	ano uuig endi ano uuroht thuo uuarth thes uuerodes hugi
M4484	thero liudio an lustun ef thu uuili gilestien so quaðun sie
C 4484	thero liudio an luston ef thu uuilld gilestian so quathun sia
M4485	thin uuord giuuaron than thu giuuald haƀes
C 4485	thin uuord giuuaron than thu giuuald habis
M4486	huat thu at thesaru thiodu thiggean uuillies
C 4486	huat thu at thesaro thieda thiggian uuellies
M4487	godaro meðmo tho gihet imu that gumscepi thar
C 4487	guodaro methmo thuo gihiet im that gumscipi thar
M4488	an is selƀes dom siluƀarscatto
C 4488	an is selƀes duom siloƀerscatto
M4489	thritig atsamne endi he te theru thiodu gisprak
C 4489	thritig atsamne endi hie te thero thieda gisprac
M4490	dereƀeun uuordun that he gaƀi is drohtin uuið thiu
C 4490	deruon uuordon that hie gaui is drohtin te thiu
M4491	uuende ina tho fan themu uuerode uuas im uureð hugi
C 4491	uuenda ina thuo fan them uuerode uuas im uureth hugi
M4492	talode im so treulos huan er uurði imu thiu tid kuman
C 4492	taloda im so treulos huan err uuurthi imo thiu tid cuman
M4493	that he ina mahti faruuisien uureðaro thiodo
C 4493	that hie ina mahtig faruuisian uuretharo thiedi
M4494	fiundo folke than uuisse that friðubarn godes
C 4494	fiondo folke thann uuissa that frithubarn godes
M4495	uuar uualdand krist that he these uuerold scolde
C 4495	uuar uualdand crist that hie thesa uuerold scolda
M4496	ageƀen these gardos endi sokien imu godes riki
C 4496	ageban thesa gardos endi suokean im godes riki
M4497	gifaren is faderoðil tho ni gisah enig firiho barno
C 4497	gifaran is fader vođil thuo ni gisah enig firio barno
M4498	meron minnie than he tho te them mannun ginam
C 4498	merun minnia thann hie thuo te them mannon ginam
M4499	te them is godun iungaron gome uuarhte
C 4499	te them is guodon iungron goma uuarahta
M4500	sette sie suaslico endi im sagde filu
C 4500	satta sia suaslico endi im sagda filo
M4501	uuaroro uuordo skred uuester dag
C 4501	uuararo uuordo scred uuester dag
M4502	sunne te sedle tho he selƀo gibod
C 4502	sunna te sedle thuo hie selƀo gibod
M4503	uualdand mid is uuordun het im uuater dragan
C 4503	uualdand mid is uuordon hiet im uuater dragan
M4504	hluttar te handun endi res tho the helago crist
C 4504	hluttar te handon endi res thuo thie helago crist
M4505	the godo at them gomun endi thar is iungarono thuog
C 4505	the godo an them gomon endi thar is iungrono thuog
M4506	foti mid is folmun endi suarf sie mid is fanon aftar
C 4506	fuoti mid is folmon endi suaraf sia mid is fanen after
M4507	druknide sie diurlica tho uuið is drohtin sprak
C 4507	drucnida sia diurlico thuo uuid is drohtin sprac
M4508	simon petrus ni thunkid mi thit somi thing quað he
C 4508	symon petrus ne thunkit mi thit so metlic thing
M4509	fro min the godo that thu mine foti thuahes
C 4509	fruo min the godo that thu mina fuoti thuahes
M4510	mid them thinun helagun handun tho sprak imu eft is herro angegin
C 4510	mid them thinon helagon handon thuo sprak im eft is herro angegin
M4511	uualdand mid is uuordun ef thu is uuillean ni haƀes quað he
C 4511	uualdand mid is uuordon ef thu is uuillion ni habis
M4512	te antfahanne that ik thine foti thuahe
C 4512	te antfahanne that ik thina fuoti thuahe
M4513	thurh sulica minnea so ik thesun oðrun mannun her
C 4513	thuru sulica minnia so ik theson ođron mannon hier
M4514	dom thurh diurða than ni haƀes thu enigan del mid mi
C 4514	duon thuru diuritha than ni habis thu enigan dell mid mi
M4515	an heƀenrikea hugi uuarð tho giuuendid
C 4515	an hebanrike hugi uuarth thuo giuuendit
M4516	simon petruse thu haƀa thi selƀo giuuald quað he
C 4516	symon petruse thu haƀi thi selbo giuuald
M4517	fro min the godo foto endi hando
C 4517	fro min thie guodo fuoti endi hando endi mines hoƀdes so samo
M4517x	endi mines hoƀdes so sama handun thinun
M4518	thiadan te thuahanne te thiu thak ik moti thina forð
C 4518	thiedan te thuahanne te thiu that ik muoti thina forth
M4519	huldi hebbian endi heƀenrikies
C 4519	huldi hebbian endi hebanrikes
M4520	sulic gideli so thu mi drohtin uuili
C 4520	sulic gideli so thu mi drohtin uuili
M4521	fargeƀen thurh thina godi iungaron kristes
C 4521	fargeban thuru thina guodi iungron cristes
M4522	thene ambahtscepi erlos tholodun
C 4522	thena ambahtscipi erlos tholodun
M4523	thegnos mid githuldeon so huat so im iro thiodan dede
C 4523	thegnos mid githuldeon so huat so im iro thiedan deda
M4524	mahtig thurh thea minnea endi mende imu al mera thing
C 4524	mahtig thuru thia minnia endi menda im all mera thing
M4525	firihon te gifrummienne friðubarn godes
C 4525	firihon te gifrummeanne frithubarn godes
M4526	geng imu tho eft gisittien under that gesiðo folc
C 4526	geng im thuo eft gisittian under that gisitho folc
M4527	endi im sagda filu langsamna rad uuarð eft lioht kuman
C 4527	endi im sagda filo langsamana rad uuarth eft lioht cuman
M4528	morgen te mannun mahtigne crist
C 4528	moragan te mannon mahtigan crist
M4529	grottun is iungaron endi fragodun huar sie is goma tho
C 4529	gruottun is iungron endi fragodun huar sia is goma thuo
M4530	an themu uuihdage uuirkien scoldin
C 4530	an them uuihdage uuirkean scoldin
M4531	huar he uueldi halden thea helagon tidi
C 4531	huar hie uueldi haldan thia helagun tidi
M4532	selƀo mid is gesiðun tho he sie sokien het
C 4532	selƀo mid is gisithon thuo hie sia suokean hiet
M4533	thea gumon hierusalem so gi than gangan kumad quað he
C 4533	thia gumon hierusalem so gi thann gangan cuman
M4534	an thea burg innan thar is braht mikil
C 4534	an thia burg innan thar ist braht mikil
M4535	meginthiodo gimang thar mugun gi enan man sehan
C 4535	meginthiedo gimang thar mugun gi enna mann sehan
M4536	an is handun dragen hluttres uuatares
C 4536	an is handon dragan hluttres uuatares
M4537	ful mid folmun themu gi folgon sculun
C 4537	full fat mid is folmon them gi folgon sculun
M4538	an so huilike gardos so gi ina gangan gisehat
C 4538	an so huilica gardos so gi ina gangan gisehan
M4539	ia gi than themu herron the thie hoƀos egi
C 4539	iac gi than them herren thi thia hobos egi
M4540	selƀon seggiad that ik iu sende tharod
C 4540	selbon seggient that ik iu sanda tharod
M4541	te gigaruuuenne mina goma than togid he iu en godlic hus
C 4541	te gigeriuuanne mina goma than togid hie iuu en guodlic hus
M4542	hohan soleri the is bihangen al
C 4542	hohan solari thie ist bihangan all
M4543	fagarun fratahun thar gi frummien sculun
C 4543	fagoron fratohon thar gi frummian sculun
M4544	uuerdscepi minan thar bium ik uuiskumo
C 4544	uuerdscipi minan thar biun ik uuisscumo
M4545	selƀo mid minun gesiðun tho uurðun san aftar thiu
C 4545	selƀo mid minon gisithon thuo uurthun san after thiu
M4546	thar te hierusalem iungaron kristes
C 4546	thar ti hierusalem iungron cristes
M4547	forðuuard an ferdi fundun all so he sprak
C 4547	forthuuard an ferdi fundun all so hie sprac
M4548	uuordtecan uuar ni uuas thes giuuand enig
C 4548	uuordtecan uuar ne uuas thes giuuand enig
M4549	thar gereuuidun sie thea goma uuarð the godes sunu
C 4549	thar geriuuidun sia thia goma uuarth thie godes suno
M4550	helag drohtin an that hus cuman
C 4550	helag drohtin an that hus cuman
M4551	thar sie the landuuise lestien scoldun
C 4551	thar sia thia landuuisa lestian scoldun
M4552	fulgangan godes gibode al so iudeono uuas
C 4552	fulgangan godes gibode all so iudeono uuas
M4553	eo endi aldsidu an erdagun
C 4553	eu endi aldsido an erdagon
M4554	giuuet imu tho an themu aƀande alouualdand krist
C 4554	giuuet im thuo an them abanđe alouualdo crist
M4555	an thene seli sittien het thar is gesiðos te imu
C 4555	an thena seli sittean hiet thar is gisithos te im
M4556	tueliƀi gangan thea im gitriuuiston
C 4556	tuelifi gangan thia im gitriuuistun
M4557	an iro modseƀon manno uuarun
C 4557	an iro muodseben manno uuarun
M4558	bi uuordun endi bi uuisun uuisse imu selƀo
C 4558	be uuordon endi bi uuisun uuissa im selbo
M4559	iro hugiskefti helag drohtin
C 4559	iro hugiscefti helag drohtin
M4560	grotte sie tho oƀar them gomun gern bium ik suiðo quað he
C 4560	gruotta sia thuo obar them gomon gern biun ik suitho
M4561	that ik samad mid iu sittien moti
C 4561	that ik samad mid iuu sittean muoti
M4562	gomono neoten iudeono pascha
C 4562	guomono niotan iudeono pascha
M4563	delien mid iu so diuriun nu ik iu iuuues drohtines scal
C 4563	delian mid iu so diurion nu ic iu iuuues drohtines scal
M4564	uuilleon seggian that ik an thesaro uueroldi ni mot
C 4564	uuilleon seggian that ik an thesaro uueroldi ni mot
M4565	mid mannun mer moses anbiten
C 4565	mid mannon mer muoses anbitan
M4566	furður mid firihun er than gifullod uuirðid
C 4566	furthor mid firion er than gifullid uuirthit
M4567	himilo riki mi is an handun nu
C 4567	himilo riki mi ist an handon nu
M4568	uuiti endi uunderquale thea ik for thesumu uuerode scal
C 4568	uuiti endi uuunderquala thia ik for theson uuerode scal
M4569	tholon for thesaru thiodu so he tho so te them thegnun sprak
C 4569	tholon furi thesa thieda so hie thuo so te them thegnon sprak
M4570	helag drohtin so uuarð imu is hugi droƀi
C 4570	helag drohtin so uuarth im is hugi druoui
M4571	uuarð imu gisuorken seƀo endi eft te them gesiðun sprac
C 4571	uuarth im gisuorcan sebo endi eft te is gisithon sprac
M4572	the godo te them is iungarun huat ik iu godes riki quað he
C 4572	thie guodo te them is iungron huat ik iuu godes riki
M4573	gihet himiles lioht endi gi mi holdlico
C 4573	gihiet himiles lioht endi gi mi holdlico
M4574	iuuuan theganskepi nu ni uuilliat gi athengean so
C 4574	iuuuan theganscipi nu ni uuelliat gi anthengian so
M4575	ac uuenkeat thero uuordo nu seggiu ik iu te uuaran her
C 4575	ac uuenkeat thero uuordo nu seggiu ik iu te uuaren hier
M4576	that uuili iuuuar tueliƀio en treuuana suikan
C 4576	that uuili iuuuer tuelifio enn treuuon gisuican
M4577	uuili mi farcopon undar thit kunni iudeono
C 4577	uuili mi farcopan undar thit cunni iudeono
M4578	gisellien uuiðer siluƀre endi uuili imu thar sinc niman
C 4578	gisellian uuider silubre endi uuil im thar sinc niman
M4579	diurie meðmos endi geƀen is drohtin uuið thiu
C 4579	diuria methmos endi geban is drohtin uuid thiu
M4580	holdan herran that imu thoh te harme scal
C 4580	holdan herron that im thoh te harme scal
M4581	uuerðan te uuitie be that he thea uurdi farsihit
C 4581	uuerthan te uuite bi that hie thia uuurth gisihid
M4582	endi he thes arƀedies endi scauuot
C 4582	endi hie thes arƀedes endi scauuođ
M4583	than uuet he that te uuaran that imu uuari uuoðiera thing
C 4583	than uuet hie that te uuaren that im uuari ođer thing
M4584	betera mikilu that he gio giboran ni uurði
C 4584	betera mikilu that hie gio giboran ni uuurthi
M4585	libbiendi te thesumu liohte than he that lon nimid
C 4585	libbiandi te theson liohte than hie that lon nimid
M4586	uƀil arƀedi inuuidrado
C 4586	uƀil arabedi inuuidrado
M4587	tho bigan thero erlo gehuilic te oðrumu scauuon
C 4587	thuo bigan thero erlo gihuilic te ođremo scauuon
M4588	sorgondi sehan uuas im ser hugi
C 4588	sorgondi sehan uuas im ser hugi
M4589	hriuuig umbi iro herta gihordun iro herron tho
C 4589	hriuuig umbi iro herta gihordun iro herron thuo
M4590	gornuuord sprekan thea gumon sorgodun
C 4590	gornuuord sprekan thia gumon sorgodun
M4591	huilican he thero tueliƀio te thiu tellien uueldi
C 4591	huilican hie thero tuelifio te thiu tellian uuoldi
M4592	sculdigna scaðon that he habdi thea scattos thar
C 4592	sculdigna te scathen that hie habdi thia scattos thar
M4593	gethingod at theru thiod ni uuas thero thegno enigumu
C 4593	githingot an thero thieda ne uuas thero thegno enigon
M4594	sulikes inuuiddies oði te gehanne
C 4594	sulikes inuuiddies othi te gehanne
M4595	mengithahtio antsuok thero manno gehuilic
C 4595	menngithahteo antsuoc thero manno gihuilic
M4596	uurðun alle an forhtun fragon ne gidorstun
C 4596	uurthun alla an forohton fragon ni gidorstun
M4597	er than tho geboknide baruuirðig gumo
C 4597	er than thuo gibuocnida baruuirdig gumo
M4598	simon petrus ne gidorste it selƀo sprekan
C 4598	symon petrus ne gidorsta it selƀo sprecan
M4599	te iohanne themu godon he uuas themu godes barne
C 4599	te iohanne them guoden hie uuas them godes barne
M4600	an them dagun thegno lioƀost
C 4600	an then dagon thegno liobost
M4601	mest an minniun endi moste thar tho an thes mahtiges kristes
C 4601	mest an minnion endi muosta thar thuo an thes mahtiges cristes
M4602	barme restien endi an is breostun lag
C 4602	barme restian endi an is brioston lag
M4603	hlinode mid is hoƀdu thar nam he so manag helag geruni
C 4603	hlinoda mid is hobdu thar nam hie so manag helag giruni
M4604	diapa githahti endi tho te is drohtine sprac
C 4604	diopa githahti endi thuo te is drohtine sprac
M4605	began ina tho fragon hue scal that fro min uuesen quað he
C 4605	bigann ina thuo fragon hue scal that fro min uuesan
M4606	that thi farcopon uuili cuningo rikeost
C 4606	thie thi farcopan uuili cuningo rikeost
M4607	undar thinaro fiundo folc us uuari thes firiuuit mikil
C 4607	under thinero fiondo folc us uuari thes firiuuit mikil
M4608	uualdand te uuitanne tho habde eft is uuord garu
C 4608	uualdand te uuitanne thuo habda eft is uuord garo
M4609	heleando crist seh thi huemu ik her an hand geƀe
C 4609	helandi crist sih thi huem ik hier an hand geƀe
M4610	mines moses for thesun mannun the haƀed mengithaht
C 4610	mines muoses for theson mannon the habit mengithat
M4611	birid bittran hugi the scal mi an banono geuuald
C 4611	briosthugi bittran thie scal mi an banono giuuald
M4612	fiundun bifelhen thar man mines ferhes scal
C 4612	fiondon bifelahan thar man mines ferahes scal
M4613	aldres ahtien nam he tho aftar thiu
C 4613	aldres ahtean nam hie thuo after thiu
M4614	thes moses for them mannun endi gaf is themu menscaðen
C 4614	thes moses for them mannon endi gaf is themo mennscathen
M4615	iudase an hand endi imu tegegnes sprac
C 4615	iudase an hand endi im tegegnes sprac
M4616	selƀo for them is gesiðun endi ina sniumo het
C 4616	selƀo for them is gisithon endi ina sniumo het
M4617	faran fan themu is folke frumi so thu thenkis quað he
C 4617	faran fan them is folke frumi so thu thenkis
M4618	do that thu duan scalt thu ni maht bidernien leng
C 4618	duo that thu duon scalt thu ni maht bidernian leng
M4619	uuilleon thinan thiu uurd is at handun
C 4619	uuilleon thinon thiu uuurth ist at handon
M4620	thea tidi sind nu ginahid so tho the treulogo
C 4620	thia tidi sind nu ginahid so thuo thie treulogo
M4621	that mos antfeng endi mid is muðu anbet
C 4621	that muos antfeng endi mid is muthu anbett
M4622	so afgaf ina tho thiu godes craft gramon in geuuitun
C 4622	so afgaf ina thuo thiu godes craft gramon inn giuuitun
M4623	an thene lichamon leða uuihti
C 4623	an thena lichamon letha uuihti
M4624	uuarð imu satanas sero bitengi
C 4624	uuarth im satanas sero bitengi
M4625	hardo umbi is herte siður ine thiu helpe godes
C 4625	hardo umbi is herta sithor ina thiu helpa godes
M4626	farlet an thesumu liohte so is thena liudio uue
C 4626	farliet an theson liohte so ist thena liudio uue
M4627	the so undar thesumu himile scal herron uuehslon
C 4627	the so under theson himile scal herrono uuehslon
M4628	giuuet imu tho ut thanen inuuideas gern
C 4628	giuuet im thuo ut thanan inuuiddies gern
M4629	iudas gangan habde imu grimmen hugi
C 4629	iudas gangan haƀda im grimman hugi
M4630	thegan uuið is thiodan uuas tho iu thiustri naht
C 4630	thegan uuiđ is theodan uuas thuo iu thiustri naht
M4631	suiðo gisuorken sunu drohtines
C 4631	suitho gisuorcan suno drohtines
M4632	uuas ima at them gomun forð endi is iungarun thar
C 4632	uuas im at them gomon forth endi is iungron thar
M4633	uualdand uuin endi brod uuihide beðiu
C 4633	uualdand uuin end brod uuihida bethiu
M4634	helagode heƀencuning mid is handun brak
C 4634	helgoda heƀancuning mid is handon brac
M4635	gaf it undar them is iungarun endi gode thancode
C 4635	gaf it under them is iungron endi gode thancoda
M4636	sagde them olat the thar al giscop
C 4636	sagda them alat them thar all giscuop
M4637	uuerold endi uunnea endi sprak uuord manag
C 4637	uuerold endi uuunnia end sprac uuord manag
M4638	giloƀiot gi thes liohto quað he that thit is min lichamo
C 4638	giloƀeat gi thes liohto that thitt ist min lichamo
M4639	endi min blod so same giƀu ik iu her beðiu samad
C 4639	endi min bluod so samo giƀu ik iu hier bethiu samad
M4640	etan endi drinkan thit ik an erðu scal
C 4640	etan endi drincan thit ik an erthu scal
M4641	geƀan endi geotan endi iu te godes rikie
C 4641	geƀan endi giotan endi iu te godes rike
M4642	losien mid minu lichamen an lif euuig
C 4642	losian mid minu lichamen an lif euuig
M4643	an that himiles lioht gihuggeat gi simlun
C 4643	an that himiles lioht gihuggiat gi sinnon
M4644	that gi thiu fulgangan thiu ik an thesun gomun don
C 4644	that gi thiu fulgangen thia ik an theson gomon duon
M4645	mariad thit for menegi thit is mahtig thing
C 4645	marient thitt for thero menigi thit ist mahtig thing
M4646	mid thius sculun gi iuuuomu drohtine diuriða frummien
C 4646	mid thius sculun gi iuuuon drohtine diuritha frummean
M4647	habbiad thit min te gihugdiun helag biliði
C 4647	hebbeat thit min te gihugdion helag bilithi
M4648	that it eldibarn aftar lestien
C 4648	that it eldibarn after lestian
M4649	uuaron an thesaru uueroldi that that uuitin alle
C 4649	uuaron an thesaro uueroldi that that uuitin alla
M4650	man oƀar thesan middilgard that it is thurh mina minnea giduan
C 4650	man oƀar thesan middilgard that it ist thuru mina minnia giduan
M4651	herron te huldi gehuggiad gi simlun
C 4651	herren te huldi gihuggent gi simla
M4652	hueo ik iu her gebiudu that gi iuuuan broðerskepi
C 4652	huo ik iu hier gibiudu that gi iuuuan bruođerscipi
M4653	fasto frummiad habbiad ferhtan hugi
C 4653	fasto frummean hebbiat ferahtan hugi
M4654	minniod iu an iuuuomu mode that that manno barn
C 4654	minniond iu an iuuuen muode that that manno barn
M4655	oƀar irminthiod alle farstanden
C 4655	oƀar irminthiod alla farstandan
M4656	that gi sind gegnungo iungaron mine
C 4656	that gi sin gegnungo iungron mina
M4657	ok scal ik iu cuðien huo her uuili craftag fiund
C 4657	oc scal ik iu cuthian huo hier uuili craftig fiond
M4658	hetteand herugrim umbi iuuuan hugi niusien
C 4658	hettiand herugrimm umbi iuuuan hugi niusian
M4659	satanas selƀo he cumid iuuuaro seolono herod
C 4659	satanas selƀo hie cumit iuuuaro seoluno herod
M4660	frokno freson simlun gi fasto te gode
C 4660	fruocno freson sinnon gi fasto te gode
M4661	berad iuuua breostgithaht ik scal an iuuuaru bedu standen
C 4661	berend iuuua briostgithahti ik scal an iuuuero bedu standan
M4662	that iu ni mugi the menscaðo mod getuiflean
C 4662	that iu ni mugi thie menscatho muod gituiflian
M4663	ik fullestiu iu uuiðer themu fiunde ok quam he herod giu freson min
C 4663	ik fullistiu iu uuider them fionde oc quam hie herod iu freson min
M4664	thoh imu is uuilleon her uuiht ne gistodi
C 4664	thoh im is uuillien hier uuiht ne gistuodi
M4665	lioƀes an themu minumu lichamon nu ni uuilliu ik iu leng helen
C 4665	lioƀes an theson minen lichamen nu ni uuilliu ik iuu lang helan
M4666	huat iu her nu sniumo scal te sorgu gistanden
C 4666	huat iu hier nu sniumo scal te sorgu gistandan
M4667	gi sculun mi gesuikan gesiðos mine
C 4667	gi sculun mi gisuikan gisithos mina
M4668	iuuues theganscepies er than thius thiustrie naht
C 4668	iuuues theganscipies er than thius thiustre naht
M4669	liudi farliða endi eft lioht cume
C 4669	liudi farlithe endi eft lioht cume
M4670	morgan te mannun tho uuarð mod gumon
C 4670	moragan te mannon thuo uuarth muod gumon
M4671	suiðo gisuorken endi ser hugi
C 4671	suitho gisuorcan endi ser hugi
M4672	hriuuig umbi iro herte endi iro herron uuord
C 4672	hriuuig umbi iro herta endi iro herren uuord
M4673	suiðo an sorgun simon petrus tho
C 4673	suitho an soragon simon petrus thuo
M4674	thegan uuið is thiodan thristuuordun sprac
C 4674	thegan uuiđ is theodan thristuuord sprac
M4675	bi huldi uuið is herron thoh thi all thit heliðo folc quathie
C 4675	bi huldi uuiđ is herron thoh thi all thit helitho folc
M4676	gisuican thina gisiðos thoh ik sinnon mid thi
C 4676	gisuican thina gisithos thoh ik sinnon mid thi
M4677	at allon tharaƀon tholoian uuilliu
C 4677	at allon tharaƀon tholoian uuilliu
M4678	ik biun garo sinnon ef mi god latið
C 4678	ik biun garo sinnon ef mi god latiđ
M4679	that ik an thinon fullestie fasto gistande
C 4679	that ik an thinon fullestie fasto gistande
M4680	thoh sia thi an carcaries clustron hardo
C 4680	thoh sia thi an carcaries clustron hardo
M4681	thesa liudi bilucan thoh ist mi luttil tueho
C 4681	thesa liudi bilucan thuoh ist mi luttil tueo
M4682	ne ik an them bendion mid thi bidan uuillie
C 4682	ne ik an them bendion mid thi bidan uuillie
M4683	liggian mid thi so lieƀen ef sia thines liƀes than
C 4683	liggian mid thi so lieƀen ef sia thines liƀes thann
M4684	thuru eggia nið ahtian uuilliad
C 4684	thuru eggia nith ahtian uuillian
M4685	fro min thie guodo ik giƀu min ferah furi thik
C 4685	fruo min thie guodo ik giƀu min ferah furi thik
M4686	an uuapno spil nis mi uuerð iouuiht
C 4686	an uuapno spil nis mi uuerth iouuiht
M4687	te bimiðanne so lango so mi min uuarod
C 4687	te bimithanne so lango so mi min uuarođ
M4688	hugi endi handcraft thuo sprak im eft is herro angegin
C 4688	hugi endi handcraft thuo sprak im eft is herro angegin
M4689	huat thu thik biuuanis quathie uuissaro treuuono
C 4689	huat thu thik biuuanis uuisaro treuuono
M4690	thristero thingo thu haƀis thegnes hugi
C 4690	thristero thingo thu haƀis thegnes hugi
M4691	uuillion guodan ik mag thi seggian huo it thoh giuuerðan scal
C 4691	uuillion guodan ik mah thi seggian huo it thoh giuuerthan scal
M4692	that thu uuirðis so uuekmuod thoh thu nu ni uuanies so
C 4692	that thu uuirđis so uuekmuod thoh thu nu ni uuanies so
M4693	that thu thines thiadnes te naht thriuuo farlognis
C 4693	that thu thines thiadnes te naht thriuuo farlognis
M4694	er hanocradi endi quiðis thak ik thin herro ni si
C 4694	er hanocradi endi quithis that ik thin herro ni si
M4695	ac thu farmanst mina mundburd thuo sprac eft thie man angegin
C 4695	ac thu farmanst mina mundburd thuo sprac eft thie man angegin
M4696	ef it gio an uueroldi quathie giuuerðan muosti
C 4696	ef it gio an uueroldi giuuerthan muosti
M4697	that ik samad midi thi sueltan muosti
C 4697	that ik samad midi thi sueltan muosti
M4698	doian diurlico than ne uuurði gio thie dag cuman
C 4698	doian diurlico thann ne uuurthi gio thie dag cuman
M4699	that ik thin farlognidi lieƀo drohtin
C 4699	that ik thin farlognidi lieƀo drohtin
M4700	gerno for theson iuðeon thuo quaðun alla thia iungron so
C 4700	gerno for theson iuđeon thuo quathun alla thia iungron so
M4701	that sia thar an them thingon mid im tholian uueldin
C 4701	that sia thar an them thingon mid im tholian uueldin
M4702	thuo im eft mid is uuordon gibod uualdand selƀo
C 4702	thuo im eft mid is uuordon gibod uualdand selƀo
M4703	her heƀancuning that sia im ni lietin iro hugi tuiflian
C 4703	her heƀancuning that sia im ni lietin iro hugi tuiflian
M4704	hiet that sia ni uueldin diopa githahti
C 4704	hiet that sia ni uueldin diopa githahti
M4705	ne druoƀie iuuua herta thuru iuuues drohtines uuord
C 4705	ne druouie iuuua herta thuru iuuues drohtines uuord
M4706	ne forohteat te filo ic scal fader usan
C 4706	ne forohteat te filo ic scal fader usan
M4707	selƀan suokean endi iu sendian scal
C 4707	selƀan suokean endi iu sendian scal
M4708	fan heƀanrikie helagna gest
C 4708	fan heƀanrikie helagna gest
M4709	thie scal iu eft gifruofrean endi te frumu uuerðan
C 4709	thie scal iu eft gifruofrean endi te frumu uuerthan
M4710	manon iu thero mahlo thie ik iu manag hebbiu
C 4710	manon iu thero mahlo thie ik iu manag hebbiu
M4711	uuordon giuuisid hie giƀit iu giuuit an briost
C 4711	uuordon giuuisid hie giƀit iu giuuit an briost
M4712	lustsama lera that gi lestian forð
C 4712	lustsama lera that gi lestian forth
M4713	thiu uuord endi thiu uuerc thia ik iu an thesaro uueroldi gibod
C 4713	thiu uuord endi thiu uuerc thia ik iu an thesaro uueroldi gibod
M4714	ares im thuo the rikeo an themo racode innan
C 4714	ares im thuo the rikeo an themo racode innan
M4715	neriendo crist endi giuuet im nahtes thanan
C 4715	neriendo crist endi giuuet im nahtes thanan
M4716	selƀo mid is gisiðon serago gengun
C 4716	selƀo mid is gisithon serago gengun
M4717	suiðo gornondia iungron cristes
C 4717	suitho gornondia iungron cristes
M4718	hriuuigmuoda thuo hie im an thena hohan giuuet
C 4718	hriuuigmuoda thuo hie im an thena hohan giuuet
M4719	oliuetiberg thar uuas hie up giuuno
C 4719	oliuetiberg thar uuas hie upp giuuno
M4720	gangan mid is iungron that uuissa iudas uuel
C 4720	gangan mid is iungron that uuissa iudas uuell
M4721	balohugdig man huand hie uuas oft an them berege mid im
C 4721	balohudig man huand hie uuas oft an them berege mid im
M4722	thar gruotta thie godes suno iugron sina
C 4722	thar gruotta thie godes suno iugron sina
M4723	gi sind nu so druoƀia quathie nu gi minan doð uuitun
C 4723	gi sind nu so druouia nu gi minan dođ uuitun
M4724	nu gornonð gi endi griotand endi thesa iuðeon sind an luston
C 4724	nu gornonđ gi endi griotand endi thesa iuđeon sind an luston
M4725	mendit thius menigi sindun an iro muode fraha
C 4725	mendit thiu menigi sindun an iro muode fraha
M4726	thius uuerold ist an uuunnion thes uuirðit thoh giuuand cuman
C 4726	thius uuerold ist an uuunnion thes uuirthit thoh giuuand cuman
M4727	sniumo tulgo than uuirðit im ser hugi
C 4727	sniumo tulgo than uuirthit im ser hugi
M4728	than morniat sia an iro mode endi gi mendian sculun
C 4728	than morniat sia an iro mode endi gi mendian sculun
M4729	after te euuondage huand gio endi ni cumið
C 4729	after te euuondage huand gio endi ni cumiđ
M4730	iuuues uuelliƀes giuuand bethiu ne thurƀun iu thius uuerc tregan
C 4730	iuuues uuelliƀes giuuand bethiu ne thurbun iu thius uuerc tregan
M4731	hreuuan min hinfard huand thanan scal thiu helpa cuman
C 4731	hreuuan min hinfard huand thanan scal thiu helpa cuman
M4732	gumono barnon thuo hiet hie is iungron thar
C 4732	gumono barnon thuo hiet hie is iungron thar
M4733	bidan uppan themo berge quað that hie ti bedu uueldi
C 4733	bidan uppan themo berge quat that hie ti bedu uueldi
M4734	an thiu holmcliƀu hohor stigan
C 4734	an thiu holmcliƀu hohor stigan
M4735	hiet thuo thria mid im thegnos gangan
C 4735	hiet thuo thria mid im thegnos gangan
M4736	iacobe endi iohannese endi thena guodan petruse
C 4736	iacobe endi iohannese endi thena guodan petruse
M4737	thristmuodian thegan thuo sia mid iro thiedne samad
C 4737	thristmuodian thegan thuo sia mid iro thiedne samad
M4738	gerno gengun thuo hiet sia thie godes suno
C 4738	gerno gengun thuo hiet sia thie godes suno
M4739	an berge uppan te bedu hnigan
C 4739	an berge uppan te bedu hnigan
M4740	hiet sia god gruotian gerno biddian
C 4740	hiet sia god gruotian gerno biddian
M4741	that he im thero costondero craft farstodi
C 4741	that hie im thero costondero craft farstuodi
M4742	uureðaro uuilleon that im the uuiðersaco
C 4742	uuretharo uuillion that im thie uuiđersaco
M4743	ni mahti the menscaðo mod gituiflean
C 4743	ni mahtig thie menscatho mod gituiflian
M4744	iak imu tho selƀo gihneg sunu drohtines
C 4744	gie im thuo selƀo gihneg suno drohtines
M4745	craftag an kniobeda kuningo rikeost
C 4745	craftig an kniobeda cuningo rikeost
M4746	forðuuard te foldu fader alothiado
C 4746	forthuuard te foldu fader alathiodo
M4747	godan grotte gornuuordun sprac
C 4747	guodan gruotta gornuuord sprak
M4748	hriuuiglico uuas imu is hugi droƀi
C 4748	hriuuiglico uuas im is hugi druoui
M4749	bi theru menniski mod gihrorid
C 4749	bi thera menniski muod gihruorid
M4750	is flesk uuas an forhtun fellun imo trahni
C 4750	is flesk uuas an farahtan fellun im trahni
M4751	drop is diurlic suet al so dror kumid
C 4751	drop is diurlic suet al so dror cumit
M4752	uuallan fan uundun uuas an geuuinne tho
C 4752	uuallan fan uuundon uuas an giuuinne thuo
M4753	an themu godes barne the gest endi the lichamo
C 4753	an them godes barne thie gest endi the lichamo
M4754	oðar uuas fusid an forðuuegos
C 4754	ođer uuas afusid an feruuegos
M4755	the gest an godes riki oðar giamar stod
C 4755	thie gest an godes riki ođer iamar stuod
M4756	lichamo cristes ni uuelde thit lioht ageƀen
C 4756	lichamo cristes ne uuolda thit lioht ageƀan
M4757	ac droƀde for themu doðe simla he hreop te drohtine forð
C 4757	ac druouoda for themo dođe simnon hie te drohtine forth
M4758	thiu mer aftar thiu mahtigna grotte
C 4758	thiu mer after thiu mahtigna gruotta
M4759	hohan himilfader helagna god
C 4759	hohan himilfader helagna god
M4760	uualdand mid is uuordun ef nu uuerðen ni mag quað he
C 4760	uualdand mid is uuordon ef nu uuerthan ni mag
M4761	mankunni generid ne si that ik minan geƀe
C 4761	mancunni ginerid ni si that ik minan geƀe
M4762	lioƀan lichamon for liudio barn
C 4762	lioƀan lichamon furi liudio barn
M4763	te uuegeanne te uundrun it si than thin uuilleo so
C 4763	te uuegianne te uundron it si than thin uuillio so
M4764	ik uuilliu is than gicoston ik nimu thene kelik an hand
C 4764	ik uuelliu is than gicoston ik nimu thena kelic an hand
M4765	drinku ina thi te diurðu drohtin fro min
C 4765	drincu ina thi te diurthun drohtin fro min
M4766	mahtig mundboro ni seh thu mines her
C 4766	mahti mundboro ne sih thu mines hier
M4767	fleskes gifories ik fullon scal
C 4767	fleskes gifuories ik fullian scal
M4768	uuilleon thinen thu haƀes geuuald oƀar al
C 4768	uuillion thinan thu haƀis giuuald oƀar all
M4769	giuuet imu tho gangen thar he er is iungaron let
C 4769	giuuet im thuo gangan thar hie er is iungron liet
M4770	bidan uppan themu berge fand sie that barn godes
C 4770	bidan uppan themo berge fand sia that barn godes
M4771	slapen sorgandie uuas im ser hugi
C 4771	slapan sorgondia uuas im ser hugi
M4772	thes sie fan iro drohtine delien scoldun
C 4772	thes sia fan iro drohtine delean scoldun
M4773	so sind that modthraca manno gehuilicumu
C 4773	so sind that muodthracu manno gihuilicon
M4774	that he farlaten scal liaƀane herron
C 4774	that hie farlatan scal lieƀan herron
M4775	afgeƀen thene so godene tho he te is iungarun sprak
C 4775	ageƀan thena so guodan thuo hie te is iungron sprac
M4776	uuahte sie uualdand endi uuordun grotte
C 4776	uuekida sia uualdand endi uuordon gruotta
M4777	hui uuilliad gi so slapen quað he ni mugun samad mid mi
C 4777	hui uuelliat gi so slapan ni mugun samad mid mi
M4778	uuacon ene tid thiu uurd is at handun
C 4778	uuacon ena tid thiu uuurth ist an handon
M4779	that it so gigangen scal so it god fader
C 4779	that it so gigangan scal so it got fader
M4780	gimarcode mahtig mi nis an minumu mode tueho
C 4780	marcoda mahtig mi nis an minen muode tueho
M4781	min gest is garu an godes uuillean
C 4781	min gest is garo an godes uuillion
M4782	fus te faranne min flesk is an sorgun
C 4782	fus te faranne min flesc is an soragan
M4783	letid mik min lichamo leð is imu suiðo
C 4783	letit mi min lichamo leth is im suitho
M4784	uuiti te tholonne ik thoh uuillean scal
C 4784	uuiti te tholonne ik thoh uuilleon scal
M4785	mines fader gefrummien hebbiad gi fasten hugi
C 4785	mines fader frummean hebbiat gi fastan hugi
M4786	giuuet imu tho eft thanan oðersiðu
C 4786	giuuet im thuo eft thanan ođer sithu
M4787	an thene berg uppen te bedu gangan
C 4787	an thena berg uppan te bedu gangan
M4788	mari drohtin endi thar so manag gisprac
C 4788	mari drohtin endi thar so manag gisprac
M4789	godoro uuordo godes engil quam
C 4789	guodera uuordo godes engil quam
M4790	helag fan himile is hugi fastnode
C 4790	helag fan himile is hugi fastnoda
M4791	beldide te them bendiun he uuas an theru bedu simla
C 4791	beldida te them bendion hie uuas an thero bedu simnon
M4792	forð an flite endi is fader grotte
C 4792	forth an flite endi is fader gruotta
M4793	uualdand mid is uuordun ef it nu uuesen ni mag quað he
C 4793	uualdand mid is uuordon ef it nu uuesan ni mag
M4794	mari drohtin neƀu ik for thit manno folc
C 4794	mari drohtin neƀa ik for thit manno folc
M4795	thiodquale tholoie ik an thinan scal
C 4795	thiodquala tholoie ik an thinen scal
M4796	uuillean uuonian giuuet imu tho eft thanen
C 4796	uuillien uuonian giuuet im thuo eft thanan
M4797	sokean is gesiðos fand sie slapandie
C 4797	suokian is gisithos fand sia slapandia
M4798	grotte sie gahun geng imu eft thanen
C 4798	gruotta sia gahon geng im eft thanan
M4799	thriddeon siðu te bedu endi sprak thiodkuning
C 4799	thriddan sithu te bedu endi sprac thiedcuning
M4800	al thiu selƀon uuord sunu drohtines
C 4800	all thiu selƀun uuord suno drohtines
M4801	te themu alouualdon fader so he er dede
C 4801	te them alouualden fader so hie err deda
M4802	manode mahtigna manno frumana
C 4802	manoda mahtigna manno frumono
M4803	suiðo niudlico neriando crist
C 4803	suitho niudlico neriendi crist
M4804	geng imu tho eft te them is iungarun grotte sie sano
C 4804	geng im thuo eft te them is iungron gruotta sia sano
M4805	slapad gi endi restiad quað he nu uuirðid sniumo herod
C 4805	slapat gi endi restiat nu uuirthit sniomo herod
M4806	cuman mid craftu the mi farcopot haƀad
C 4806	cuman midi craftu thie mi farcopod haƀiđ
M4807	sundea losan gisald gesiðos cristes
C 4807	sundilosan gisald gisithos cristes
M4808	uuacodun tho aftar them uuordun endi gisahun tho that uuerod kuman
C 4808	uuacodun thuo after them uuordon endi gisahun thuo that uuerod cuman
M4809	an thene berg uppen brahtmu thiu mikilon
C 4809	an thena berg uppan brahtmu thiu mikilon
M4810	uureða uuapanberand uuisde im iudas
C 4810	vvretha uuapanberand uuisda im iudas
M4811	gramhugdig man iudeon aftar sigun
C 4811	gramhugdig mann iuđeon after sigun
M4812	fiundo folcscepi drog man fiur an gimang
C 4812	fiondo folcscipi druog man fiur an gimang
M4813	logna an liohtfatun ledde man faklon
C 4813	logna an liohtfaton ledda man faclun
M4814	brinnandea fan burg thar sie an thene berg uppan
C 4814	brinnandi fan burg thar sia an thena berg uppan
M4815	stigun mid stridu thea stedi uuisse judas uuel
C 4815	stigun mid striđu thia stedi uuissa iudas uuell
M4816	huar he thea liudi to ledean scolde
C 4816	huar hie thia liudi tuo ledian scolda
M4817	sagde imu tho te tekne tho sie thar to forun
C 4817	sagda im thuo te tekne thuo sia thar tuo fuorun
M4818	themu folke biforan te thiu that sie ni farfengin thar
C 4818	them folcscipe biforan te thiu that sia ni farfengin thar
M4819	erlos oðren man ik gangu imu at erist to quað he
C 4819	erlos ođran man ik gangu im at erist tuo
M4820	cussiu ine endi quaddiu that is crist selƀo
C 4820	cussiu ina endi queddiu that ist crist selƀo
M4821	thene gi fahen sculun folco craftu
C 4821	thena gi fahan sculun folko craftu
M4822	binden ina uppan themu berge endi ina te burg hinan
C 4822	bindan ina uppan themo berge endi ina ti burg hinan
M4823	ledien undar thea liudi he is liƀes haƀad
C 4823	ledian under thia liudi hie is liƀes haƀiđ
M4824	mid is uuordun faruuerkod uuerod siðode tho
C 4824	mid is uuordon faruuercod uuerod sithoda thuo
M4825	antat sie te criste kumane uurðun
C 4825	untthat sia te criste cumana uuurthun
M4826	grim folc iudeono thar he mid is iungarun stod
C 4826	grim folc iuđeono thar hie mid is iungron stuod
M4827	mari drohtin bed metodogiscapu
C 4827	mari drohtin bed metudgiscapu
M4828	torhtero tideo tho geng imu treulos man
C 4828	torohtero tideo thuo geng im treulos man
M4829	iudas tegegnes endi te themu godes barne
C 4829	iudas tegegnes endi te them godes barne
M4830	hneg mid is hoƀdu endi is herron quedde
C 4830	hneg mid is hoƀdu endi is herron quedda
M4831	custe ina craftagne endi is quidi leste
C 4831	custa ina craftigna endi is quidi lesta
M4832	uuisde ina themu uuerode al so he er mid uuordun gehet
C 4832	uuisda ina them uuerode all so hie err mid uuordon gihiet
M4833	that tholode al mid githuldiun thiodo drohtin
C 4833	that tholoda all mid githuldion thiedo drohtin
M4834	uualdand thesara uueroldes endi sprak imu mid is uuordun to
C 4834	uualdand thesaro uueruldes endi sprac im mid is uuordon tuo
M4835	fragode ine frokno behui kumis thu so mid thius folcu te mi
C 4835	fragoda ina fruocno bihui cumis thu so mid thius folku te mi
M4836	behui ledis thu mi so these liudi to endi mi te thesare leðan thiode sprekan
C 4836	behui ledis thu mi so thesa liudi tuo endi mi te thesaro lethun thiod
M4837	farcopos mid thinu kussu under thit kunni iudeono
C 4837	farcopos mid thinu cossu under thit cunni iuđeono
M4838	meldos mi te thesaru menegi geng imu tho uuið thea man
C 4838	meldos mik te thesaro menigi geng im thuo uuiđ thia man sprecan
M4839	uuið that uuerod oðar endi sie mid is uuordun fragn
C 4839	uuiđ that uuerod ođer endi sia mid is uuordon fragn
M4840	huene sie mid thiu gesiðiu sokean quamin
C 4840	huena siu mid thiu gisithu sokian quamin
M4841	so niudlico an naht so gi uuillean nod frummien
C 4841	so niudlico an naht so gi uuillian nod frummian
M4842	manno huilicumu tho sprak imu eft thiu menegi angegin
C 4842	manno huilicon thuo sprak im eft thiu menigi angegin
M4843	quaðun that im heleand thar an themu holme uppan
C 4843	quathun that im heland thar an them holme uppan
M4844	geuuisid uuari the thit giuuer frumid
C 4844	giuuisid uuari thie thit giuuerr frumiđ
M4845	iudeo liudiun endi ina godes sunu
C 4845	iuđeo liudeon endi ina godes suno
M4846	selƀon hetid ina quamun uui sokean herod
C 4846	selƀan hetid ina quamun uui suokean herod
M4847	uueldin ina gerno bigeten he is fan galileo lande
C 4847	uueldun ina gerno bigetan hie ist fan galileo lande
M4848	fan nazarethburg so im tho the neriendio crist
C 4848	fan nazarethburg so im thuo thie neriendo crist
M4849	sagde te soðan that he it selƀo uuas
C 4849	sagda te suothen that hie it selƀo uuas
M4850	so uurðun tho an forhtun folc iudeono
C 4850	so uuurthun thuo an forohton folc iuđeono
M4851	uurðun underbadode that sie under bac fellun
C 4851	uuurthun undarbadoda that sia undar bac fellun
M4852	alle efno san erðe gisohtun
C 4852	alle efnissi ertha gisuohtun
M4853	uuiðeruuardes that uuerod ni mahte that uuord godes
C 4853	uuiđeruuard that uuerod ni mahtun that uuord godes
M4854	thie stemnie antstandan uuarun thoh so stridige man
C 4854	thia stemna antstandan uuarun thoh so striđiga man
M4855	ahliopun eft up an themu holme hugi fastnodun
C 4855	ahliepun eft upp an them holme hugi fastnodun
M4856	bundun briostgithaht gibolgane gengun
C 4856	bundun briostgithaht gibolgana gengun
M4857	nahor mid niðu anttat sie thene neriendion crist
C 4857	nahor mid nithu untat sia thena neriendon crist
M4858	uuerodo biuurpun stodun uuise man
C 4858	uuerodu biuuurpun stuodun uuisa man
M4859	suiðo gornundie giungaron kristes
M4860	biforan theru dereƀeon dadi endi te iro drohtine sprakun
C 4860	bifara thero deruun dade endi te iro drohtine hreopun
M4861	uuari it nu thin uuillio quaðun sie uualdand fro min
C 4861	uuari it nu thinn uuillio quathun sia uualdand fruo min
M4862	that sie us her an speres ordun spildien mostin
M4863	uuapnun uunde than ni uuari us uuiht so god
C 4863	uuapnon uunda than ni uuari us uuiht so guod
M4864	so that uui her for usumu drohtine doan mostin
C 4864	so that uui hier for usan drohtine doian muostin
M4865	beniðiun bleka tho gibolgan uuarð
C 4865	binithion bleca thuo gibolgan uuarth
M4866	snel suerdthegan simon petrus
C 4866	snell suerdthegan symon petrus
M4867	uuell imu innan hugi that he ni mahte enig uuord sprekan
C 4867	uuell im innan hugi that hie ni mohta enig uuord sprecan
M4868	so harm uuarð imu an is hertan that man is herron thar
C 4868	so harm uuarth im an is herten that man is herron thar
M4869	binden uuelde tho he gibolgan geng
C 4869	bindan scolda thuo hie gibolgan geng
M4870	suiðo thristmod thegan for is thiodan standen
C 4870	suitho thristmuod thegan furi is thiedan stann
M4871	hard for is herron ni uuas imu is hugi tuifli
C 4871	hard furi is herron ne uuas im is hugi tuifli
M4872	bloð an is breostun ac he is bil atoh
C 4872	bluothi an is brioston ac hie is bill atoh
M4873	suerd bi sidu slog imu tegegnes
C 4873	suerd be sidu sluog im tegegnes
M4874	an thene furiston fiund folmo crafto
C 4874	an thena furiston fiond folmo craftu
M4875	that tho malchus uuarð makeas eggiun
C 4875	that thuo malchus uuarth makies eggion
M4876	an thea suiðaron half suerdu gimalod
C 4876	an thia suithrun half suerdu gimalod
M4877	thiu hlust uuarð imu farhauuan he uuarð an that hoƀid uund
C 4877	thiu hlust uuarth im farhauuan hie uuarth an that hoƀid uund
M4878	that imu herudrorag hlear endi ore
C 4878	that im herudrorag hlier endi ora
M4879	beniuundun brast blod aftar sprang
C 4879	benuundun brast bluod after sprang
M4880	uuell fan uundun tho uuas an is uuangun scard
C 4880	uuell fan uuundon thuo uuas an is uuangon scard
M4881	the furisto thero fiundo tho stod that folc an rum
C 4881	thie furisto thero fiondo thuo stod that folc an rum
M4882	andredun im thes billes biti tho sprak that barn godes
C 4882	andriedun im thes billes biti thuo sprac that barn godes
M4883	selƀo te simon petruse het that he is suerd dedi
C 4883	selƀo te symon petruse hiet that hie is suerd dedi
M4884	skarp an skeđia ef ik uuið thesa scola uueldi quað he
C 4884	scarp an skethia ef ik uuiđ thesa scola uueldi
M4885	uuið theses uuerodes geuuin uuigsaca frummien
C 4885	uuiđ thieses uuerodes giuuin uuigsaca frummian
M4886	than manodi ik thene mareon mahtigne god
C 4886	than manodi ik thena marion mahtigna god
M4887	helagne fader an himilrikea
C 4887	helagna fader an himilrikie
M4888	that he mi so managan engil herod oƀana sandi
C 4888	that hie mi so managan engil herod oƀana sendi
M4889	uuiges so uuisen so ni mahtin iro uuapanthreki
C 4889	uuiges so uuisan so ni mahtin iro uuapanthreki
M4890	man adogen iro ni stodi gio sulic megin samad
C 4890	man adogian iro ne stuodi gio sulik megin samad
M4891	folkes gifastnod that im iro ferh aftar thiu
C 4891	folkes gifastnod that im ira fera after thiu
M4892	uuerðen mahti ac it haƀad uualdand god
C 4892	uuerthan mahtig ac it haƀit uualdand god
M4893	alomahtig fader an oðar gimarkot
C 4893	alomahtig fader an ođer gimarcod
M4894	that uui githoloian sculun so huat so us thius thioda to
C 4894	that uui githolian sculun so huat so us thius thioda tuo
M4895	bittres brengit ni sculun us belgan uuiht
C 4895	bittres bringiđ ne sculun us belgan uuiht
M4896	uureðean uuið iro geuuinne huand so hue so uuapno nið
C 4896	uurethian uuiđ iro giuuinne huand so hue so uuapno nith
M4897	grimman gerheti uuili gerno frummien
C 4897	grimman gerheti uuil gerno frummean
M4898	he suiltit imu eft suerdes eggiun
C 4898	hie sueltiđ im oft suerdes eggion
M4899	doit im bidroregan uui mid usun dadiun ni sculun
C 4899	doit im drorag uui mid uson dadion ni sculun
M4900	uuiht auuerdian geng he tho te themu uundon manne
C 4900	uuiht auuerdian geng im thuo ti them uundon man
M4901	legde mid listiun lik tesamne
C 4901	ledda mid listion lik tesamne
M4902	hoƀiduundon that siu san gihelid uuarð
C 4902	hoƀiduundun that siu san gihelid uuarth
M4903	thes billes biti endi sprak that barn godes
C 4903	thes billes biti endi sprac that barn godes
M4904	uuið that uureðe uuerod mi thunkid uunder mikil quað he
C 4904	uuiđ that uuretha uuerod mi thunkit uunder mikil
M4905	ef gi mi leðes uuiht lestien uueldun
C 4905	ef gi mi lethes uuiht lestian uueldun
M4906	hui gi mi tho ni fengun than ik undar iuuuomu folke stod
C 4906	hui gi mi thann ni fengin than ik under iuuuon folke stuod
M4907	an themu uuihe innan endi thar uuord manag
C 4907	an themo uuihe innan endi thar uuord manag
M4908	soðlic sagde than uuas sunnon skin
C 4908	suothlic sagda than uuas sunnun scin
M4909	diurlic dages lioht than ni uueldun gi mi doan eouuiht
C 4909	diurlic dages lioht than ni uueldun gi mi duon iouuiht
M4910	leðes an thesumu liohte endi nu lediad mi iuuua liudi to
C 4910	lethes an theson liohte endi nu lediat mi iuuera liudi tuo
M4911	an thiustrie naht al so man thioƀe dot
C 4911	an thiustra naht all so man thioƀe duot
M4912	than man thene fahan uuili endi he is ferhes haƀad
C 4912	thann man thena fahan uuili endi hie is ferahes haƀit
M4913	faruuerkot uuamscaðo uuerod iudeono
C 4913	foruuercot uuamscatho uuerod iuđeono
M4914	gripun tho an thene godes sunu grimma thioda
C 4914	gripun thuo an thena godes suno grimma thioda
M4915	hatandiero hop huurƀun ina umbi
C 4915	hettendero hop huurƀun ina umbi
M4916	modag manno folc menes ni sahun
C 4916	muodag manno folc menes ne sahun
M4917	heftun herubendiun handi tesamne
C 4917	heftun herubendion hendi tesamne
M4918	faðmos mid fitereun im ni uuas sulicaro firinquala
C 4918	fađmos mid feteron im ni uuas sulic firinquala
M4919	tharf te githolonne thiodarƀedies
C 4919	tharf te githolonne thiodaraƀeđes
M4920	te uuinnanne sulic uuiti ac he it thurh thit uuerod deda
C 4920	te uuinnianne sulic uuiti ac hie it thuru thitt uuerod deda
M4921	huand he liudio barn losien uuelda
C 4921	huand hie liudeo barn losian uuolda
M4922	halon fan helliu an himilriki
C 4922	halon fan helliu an himilriki
M4923	an thene uuidon uuelon bethiu he thes uuiht ne bisprak
C 4923	an thena uuidon uuelon bethiu hie thes uuiht ni bisprac
M4924	thes sie imu thurh inuuidnið ogean uueldun
C 4924	thes sia im thuru inuuidnith ogian uueldun
M4925	tho uurðun thes so malsce modag folc iudeono
C 4925	thuo uuurthun thes so malsca muodag folc iuđeono
M4926	thiu heri uuarð thes so hromeg thes sie thena helagon krist
C 4926	thiu heri uuarth thes so hruomag thes sia thena helagan crist
M4927	an liðobendion ledian muostun
C 4927	an lithobendion ledian muostun
M4928	forian an fitereun thie fiund eft geuuitun
C 4928	fuorian an feteron thia fiond eft giuuitun
M4929	fan themu berge te burg geng that barn godes
C 4929	fan them berge te burg geng that barn godes
M4930	undar themu heriscepi handun gebunden
C 4930	undar themo heriscipie handon gibundan
M4931	druƀondi te dale uuarun imu thea is diurion tho
C 4931	druuondi te dale uuarun im thia is diuriun thuo
M4932	gesiðos gesuikane al so he im er selƀo gisprak
C 4932	gisithos gisuicana all so he im er selƀo gisprac
M4933	ni uuas it thoh be enigaru bloði that sie that barn godes
C 4933	ne uuas it thoh bi enigero blođi that sia that barn godes
M4934	lioƀen farletun ac it uuas so lango biforen
C 4934	leƀan farlietun ac it uuas so lango biforan
M4935	uuarsagono uuord that it scoldi giuuerðen so
C 4935	uuarsagono uuord that it scoldi giuuerthan so
M4936	bethiu ni mahtun sie is bemiðan than aftar theru menegi gengun
C 4936	bethiu ni mahtun sia is bimithan than after thero menigi gengun
M4937	iohannes endi petrus thie gumon tuene
C 4937	iohannes endi petrus thia gumon tuena
M4938	folgodun ferrane uuas im firiuuit mikil
C 4938	folgodun ferran uuas im firiuuit mikil
M4939	huat thea grimmon iudeon themu godes barne
C 4939	huat thia grimmun iuđeon them godes barne uueldun
M4940	uueldin iro drohtine doen tho sie te dale quamun
C 4940	iro drohtine duan thuo sia te dale quamun
M4941	fan themu berge te burg thar iro biscop uuas
C 4941	fan themo berge ti burg thar iro biscop uuas
M4942	iro uuihes uuard thar leddun ina uulanke man
C 4942	iro uuihes uuard thar leddun ina uulanca mann
M4943	erlos undar ederos thar uuas eld mikil
C 4943	erlos under ederos thar uuas eld mikil
M4944	fiur an fridhoƀe themu folke tegegnes
C 4944	fiur an fridhoƀe them folke tegegnes
M4945	geuuarht for themu uuerode thar gengun sie im uuermien to
C 4945	giuuaraht for them uuerode thar gengun sia im uuermian tuo
M4946	iudeo liudi letun thene godes sunu
C 4946	iuđeono liudi lietun thena godes suno
M4947	bidon an bendiun uuas thar braht mikil
C 4947	bidan an bendion uuas thar braht mikil
M4948	gelmodigaro galm iohannes uuas er
C 4948	gelmuodigero galm iohannes uuas er
M4949	themu heroston cuð bethiu moste he an thene hof innan
C 4949	them herrosten cuth bethiu muosta hie an thena hof innan
M4950	thringan mid theru thioda stod allaro thegno bezto
C 4950	thringan mid thero thieda stuod allaro thegno besta
M4951	petrus thar ute ni let ina the portun uuard
C 4951	petrus thar ute ne liet ina thar portun uuard
M4952	folgon is froen er it at is friunde abad
C 4952	folgon is frohon er it at is friunde abad
M4953	iohannes at enumu iudeon that man ina gangan let
C 4953	iohannes at enon iuđeon that man ina gangan liet
M4954	forð an thene fridhof thar quam im en fekni uuif
C 4954	forth an thena friđhof thar quam im enn fecni uuiƀ
M4955	gangan tegegnes thiu enas iudeon uuas
C 4955	gangan tegegnes thiu enes iuđeon uuas
M4956	iro theodanes thiuu endi tho te themu thegne sprac
C 4956	ira thiodnes thiui endi thuo te them thegne sprac
M4957	magađ unuuanlic huat thu mahtis man uuesan quað siu
C 4957	magat unuali huat thu mahtis man uuesan quat siu
M4958	giungaro fan galilea thes the thar genouuer sted
C 4958	iungro fan galilea thes the thar ginuuuar stet
M4959	faðmun gifastnod tho an forhtun uuarð
C 4959	fađmon gifastnod thuo an forohton uuarth
M4960	simon petrus san slac an is mode
C 4960	simon petrus san sleu an is muode
M4961	quað that he thes uuiƀes uuord ni bikonsti
C 4961	quat that hie thes uuiƀes uuord ni bicunsti
M4962	ni thes theodanes thegan ni uuari
C 4962	ne thes thiodnes thegan ni uuari
M4963	međ is tho for theru menegi quað that he thena man ni antkendi
C 4963	meth is thuo for thero menigi quat that hie thena mann ni ankendi
M4964	ni sind mi thine quidi kuðe quað he uuas imu thiu craft godes
C 4964	ni sind mi thina quidi cutha uuas im thiu craft godes
M4965	the herdislo fan themu hertan huaraƀondi geng
C 4965	thiu herdisli fan themo herten huarƀondi geng
M4966	forð undar themu folke antat he te themu fiure quam
C 4966	forth under them folke anthat hie te them fiure quam
M4967	giuuet ina tho uuarmien thar im ok en uuif bigan
C 4967	geng ina thuo uuermian thar im oc en uuiƀ bigan
M4968	felgian firinspraka her mugun gi quað siu an iuuuan fiund sehan
C 4968	felgian firinspraca hier mugun gi quat siu an iuuuan fiond sehan
M4969	thit is gegnungo giungaro kristes
C 4969	thit is gegnungo iungro cristes
M4970	is selƀes gesið tho gengun imu san aftar thiu
C 4970	is selƀes gisith thuo gengun im san after thiu
M4971	nahor niðhuata endi ina niudlico
C 4971	nahor nithhuata endi ina niudlico
M4972	fragodun fiundo barn huilikes he folkes uuari
C 4972	fragodun fiondo barn huilikes hie folkes uuari
M4973	ni bist thu thesoro burgliudio quaðun sie that mugun uui an thinumu gibarie gisehan
C 4973	ni bist thu thesaro burgliudeo quathun sia that mugun uui an thinon gibarie gisehan
M4974	an thinun uuordun endi an thinaru uuison that thu theses uuerodes ni bist
C 4974	an thinon uuordon endi an thinero uuisun that thu thieses uuerodes ni bist
M4975	ac thu bist galileisk man he ni uuelda thes tho gehan eouuiht
C 4975	ac thu bist galileisk mann hie ni uuelda thes thuo gehan iouuiht
M4976	ac stod tho endi stridda endi starkan eð
C 4976	ac stuod thuo endi striđda endi starcan eth
M4977	suiðlico gesuor that he thes gesiðes ni uuari
C 4977	suithlico gisuor that hie thes gisithes ni uuari
M4978	ni habda is uuordo geuuald it scolde giuuerðen so
C 4978	ni haƀda is uuordo giuuald it scolda giuuerthan so
M4979	so it the gemarcode the mankunnies
C 4979	so it thie gimarcoda thie mancunnies
M4980	faruuardot an thesaru uueroldi tho quam imu ok an themu uuarƀe to
C 4980	foruuarduot an thesaro uueroldi thuo quam im oc an them huaraƀe tuo
M4981	thes mannes maguuini the he er mid is makeo giheu
C 4981	thes mannes maguuini thi hie er mid is gimakie giheu
M4982	suerdu thiu scarpon quað that he ina sahi thar
C 4982	suerdu thiu scarpon quat that hie ina sauui thar
M4983	an themu berge uppan thar uui an themu bomgardon
C 4983	an themo berge uppan thar uui an themo bomgarden
M4984	herron thinumu hendi bundun
C 4984	herren thines hendi bundun
M4985	fastnodun is folmos he tho thurh forhtan hugi
C 4985	fastnodun is folmos hie thuo thuru forahtan hugi
M4986	forlognide thes is lioƀes herron quað that he uueldi uuesan thes liƀes scolo
C 4986	farlognida thes is lioƀes herren quat that hie uueldi uuesan thes liƀes scolo
M4987	ef it mahti enig thar irminmanno
C 4987	ef it mahti enig thar irminmanno
M4988	giseggian te soðan that he thes gesiðes uuari
C 4988	giseggian te suothen that hie thes gisithies uuari
M4989	folgodi theru ferdi tho uuarð an thena formon sið
C 4989	folgodi thero ferdi thuo uuarth an thena formon sith
M4990	hanocrad afhaƀen tho sah the helago crist
C 4990	hanacrad ahaƀan thuo sah thie helago crist
M4991	barno that bezte thar he gebunden stoð
C 4991	barno that besta thar hie gibundan stuod
M4992	selƀo te simon petruse sunu drohtines
C 4992	selƀo te symon petruse suno drohtines
M4993	te themu erle oƀar is ahsla tho uuarð imu an innan san
C 4993	te them erle oƀar is ahsla thuo uuarth imo an innan san
M4994	simon petruse ser an is mode
C 4994	symon petruse an is muode
M4995	harm an is hertan endi is hugi droƀi
C 4995	harm an is herten endi is hugi druoui
M4996	suiðo uuarð imu an sorgun that he er selƀo gesprak
C 4996	suitho uuarth im an sorogon that hie er selƀo gisprac
M4997	gihugde thero uuordo tho the imu er uualdand krist
C 4997	gihogda thero uuordo thuo thia imo er uualdand crist
M4998	selƀo sagda that he an theru suartan naht
C 4998	selƀo sagda that hie an thero suartun naht
M4999	er hanocradi is herron scoldi
C 4999	er hanocradi is herron scoldi
M5000	thriuuo farlognien thes thram imu an innan mod
C 5000	thriio farlognian thes thramm imo an innan muod
M5001	bittro an is breostun endi geng imu tho gibolgan thanen
C 5001	bittro an is brieston end geng im thuo gibolgan thanan
M5002	the man fan theru menigi an modkaru
C 5002	the man fan thero menigi an muodcaru
M5003	suiðo an sorgun endi is selƀes uuord
C 5003	suitho an sorgon endi is selƀes uuord
M5004	uuamscefti uueop antat imu uuallan quamun
C 5004	uuanscefti uuiep anthat im uuallan quamun
M5005	thurh thea hertcara hete trahni
C 5005	thuru thia hertcara heta trahni
M5006	blodage fan is breostun he ni uuande that he is mahti gibotien uuiht
C 5006	bluodaga fan is brioston hie ni uuanda that hie is mohti gibuotian uuiht
M5007	firinuuerco furður eftha te is frahon kuman
C 5007	firinuuerco furthor eftha te is fruohen cuman
M5008	herron huldi nis enig heliðo so ald
C 5008	herren huldi nis enig helitho so ald
M5009	that io mannes sunu mer gisahi
C 5009	that gio mannes suno mer gisauui
M5010	is selƀes uuord serur hreuuan
C 5010	is selƀes uuord seror hreuuann
M5011	karon eftha kumien uuola crafteg god quað he
C 5011	karon eftha cumian uuolo craftig god
M5012	that ik hebbiu mi so foruuerkot so ik minaro uueroldes ni tharf
C 5012	that ik hebbiu mi so faruuercod so ik minera uueruldes ni tharf
M5013	olat seggean ef ik nu te aldre scal
C 5013	olat seggian ef ik nu ti aldre scal
M5014	huldeo thinaro endi heƀenrikeas
C 5014	huldio thinero endi heƀanrikies
M5015	theoden tholoian than ni tharf mi thes enig thanc uuesan
C 5015	thiodan tholoian thann ni tharf mi thes enig thanc uuesan
M5016	lioƀo drohtin that ik io te thesumu liohte quam
C 5016	lioƀo drohtin thes ik gio te thesamo liohte biquam
M5017	ni bium ik nu thes uuirðig uualdand fro min
C 5017	ni biun ik nu thes uuirđig uualdand fruo min
M5018	that ik under thine iungaron gangan moti
C 5018	that ik undar thina iungron gangan muoti
M5019	thus sundig under thine gesiðos ik iro selƀo scal
C 5019	thus sundig under thina gisithos ik iro selƀo scal
M5020	miðan an minumu mode nu ik mi sulic men gesprac
C 5020	mithan an minon muode nu ik mi sulic men gisprac
M5021	so gornode gumono bezta
C 5021	so gornoda gumono besta
M5022	hrau im so hardo that he habde is herren tho
C 5022	hrau ina so hardo that he haƀda is herren thuo
M5023	leoƀes farlognid than ni thurƀun thes liudio barn
C 5023	lioƀes farlognid than ni thurƀun thes liudio barn
M5024	uueros uundroian behui it uueldi god
C 5024	uueros uuundroian behui it uueldi god
M5025	that so lioƀen man leð gistodi
C 5025	that so lioƀen mann leth gistuodi
M5026	that he so honlico herron sines
C 5026	that hie so honlico herren sines
M5027	thurh thera thiuun uuord thegno snellost
C 5027	thuru thero thiuun uuord thegno snellost
M5028	farlognide so lioƀes it uuas al bi thesun liudiun giduan
C 5028	farlognida so lieƀes it uuas all bi theson liudion giduan
M5029	firiho barnun te frumu he uuelde ina te furiston doan
C 5029	firio barnon te frumun hie uuelda ina te furisten duan
M5030	herost oƀar is hiuuiski helag drohtin
C 5030	herrost oƀar is hiuuiski helag drohtin
M5031	let ina gekunnon huilike craft haƀet
C 5031	liet ina gicunnon huilica craft haƀit
M5032	the mennisca mod ano the maht godes
C 5032	thie mennisco muod ano thiu maht godes
M5033	let ina gesundion that he siðor thiu bet
C 5033	liet ina gisundion that hie sithor thiu batt
M5034	liudiun giloƀdi huo liof is thar
C 5034	liudin giloƀdi huo lief ist thar
M5035	manno gihuilicumu than he men gefrumit
C 5035	manno gihuilicon than hie men gifrumiđ
M5036	that man ina alate leðes thinges
C 5036	that man ina alate lethes thinges
M5037	sacono endi sundeono so im tho selƀo dede
C 5037	sacono endi sundiono so im thuo selƀo deda
M5038	heƀenriki god harmgeuurhti
C 5038	heƀanrikies god harmgiuurohti
M5039	be thiu nis mannes bag mikilun bitherƀi
C 5039	bithiu ist mannes bag mikil umbitheriƀi
M5040	hagustaldes hrom ef imu thiu helpe godes
C 5040	hagastuodes hruom ef im thiu helpa godes
M5041	gesuikid thurh is sundeon than is imu san aftar thiu
C 5041	gisuikiđ thuru is sundion than is im san after thiu
M5042	breosthugi bloðora thoh he er bihet spreca
C 5042	briosthugi blothera thoh hie er bihet spreke
M5043	hromie fan is hildi endi fan is handcrafti
C 5043	hruomie fan is huldi endi fan is handcrafti
M5044	the man fan is megine that uuarð thar an themu mareon skin
C 5044	thie mann fan is megine that uuarth thar an them marion scin
M5045	thegno bezton tho imu is thiodanes gisuek
C 5045	thegno besten thuo im is thiednes gisuek
M5046	helag helpe bethiu ni scoldi hromien man
C 5046	helag helpa bithiu ni scoldi hruomian man
M5047	te suiðo fan imu selƀon huand imu thar suikid oft
C 5047	te suitho fan im selƀon huand im thar suikit oft
M5048	uuan endi uuilleo ef imu uualdand god
C 5048	uuan endi uuilleo ef im uualdand god
M5049	her heƀenkuning herte ni sterkit
C 5049	her heƀankuning that herta ni sterciđ
M5050	than bed allaro barno bezt bendi tholode
C 5050	than bed allaro barno best bendi tholoda
M5051	thurh mancunni huurƀun ina managa umbi
C 5051	thuru mancunni huurƀun ina managa umbi
M5052	iudeono liudi spracun gelp mikil
C 5052	iuđeo liudo spracun gelp mikil
M5053	habdun ina te hosca thar he giheftid stod
C 5053	haƀdun ina te hoske thar hie giheftid stuod
M5054	tholode mid gethuldiun so huat so imu thiu thiod deda
C 5054	tholoda mid githuldion so huat so im thiu thieda deda
M5055	liudi leðes tho uuarð eft lioht cuman
C 5055	liudi lethes thuo uuarth eft lioht cuman
M5056	morgan te mannun manag samnoda
C 5056	morgan te mannon manag samnoda
M5057	heri iudeono habdun im hugi uulƀo
C 5057	heri iuđeono haƀdun im hugi uuluo
M5058	inuuid an innan uuarð thar eosago
C 5058	inuuid an innan uuarth thar eusago
M5059	an morgantid manag gisamnod
C 5059	an morgantid manag gisamnod
M5060	irri endi enhard inuuideas gern
C 5060	irri endi enhard inuuidies gern
M5061	uureðes uuillean gengun im an uuarf samad
C 5061	uurethes uuillien gengun im an huarf samad
M5062	rinkos an runa bigunnun im radan tho
C 5062	rincos an runa bigunnun im radan thuo
M5063	huo sie geuuisadin mid uuarlosun
C 5063	huo sia giuuisodin mid uuarloson
M5064	mannun mengeuuitun an mahtigna crist
C 5064	mannon menhuaton an mahtigna crist
M5065	te giseggianne sundea thurh is selƀes uuord
C 5065	te giseggianne sundia thuru is selƀes uuord
M5066	that sie ina than te uunderqualu uuegean mostin
C 5066	that sia ina than te uunderqualu uuegian muostin
M5067	adelien te dođe sie ni mahtun an themu dage finden
C 5067	adelian te dođe sia ni mohtun an themo dage findan
M5068	so uureð geuuitscepi that sie imu uuiti bethiu
C 5068	so uureth giuuitscipi that sia imo uuiti bethiu
M5069	adelien gidorstin eftha doð frummien
C 5069	adelian gidorstin eftha dot frummian
M5070	liƀu bilosien tho quamun thar at laztan forđ
C 5070	liƀu bilosian thuo quamun thar at lezten forth
M5071	an thena uuarf uuero uuarlose man
C 5071	an thena huarf uuero uuarlosa man
M5072	tuene gangan endi bigunnun im tellien an
C 5072	tuena gangan endi bigunnun im tellian an
M5073	quaðun that sie ina selƀon seggian gihordin
C 5073	quathun that sia ina selƀon seggian gihordin
M5074	that he mahti teuuerpen thena uuih godes
C 5074	that hie mahtig teuuerpan thena uuih godes
M5075	allaro huso hohost endi thurh is handmegin
C 5075	allaro huso hohist endi thuru is handmegin
M5076	thurh is enes craft up arihtien
C 5076	thuru is enes craft upp arihtean
M5077	an thriddion daga so is elcor ni thorfti bethihan man
C 5077	an thriddien dage so is elcor ni thorfti bithian man
M5078	he thagoda endi tholoda ni sprak imu io thiu thiod so filu
C 5078	hie thagoda endi tholoda ni sprac im gio thiu thiudo so filo
M5079	thea liudi mid luginun that he it mid leðun angegin
C 5079	thia liudi mid luginon that hie it mid lethon angegin
M5080	uuordun uuraki tho thar undar themu uuerode ares
C 5080	uuordon uuraki thuo thar undar them uuerode aras
M5081	baluhugdig man biscop thero liudio
C 5081	balohugdig man biscop thero liudio
M5082	the furisto thes folkes endi fragode krist
C 5082	thie furisto thes folkes endi fragoda criste
M5083	iac ina be imu selƀon bisuor suiðon eðun
C 5083	gie ina be im selƀon besuor suithon ethon
M5084	grotte ina an godes namon endi gerno bad
C 5084	gruotta ina an godes namon endi gerno bad
M5085	that he im that gisagdi ef he sunu uuari
C 5085	that hie im that gisagdi ef hie suno uuari
M5086	thes libbiendies godes thes thit lioht gescop
C 5086	thes liƀƀiandes godes thes thitt lioht giscuop
M5087	krist cuning euuig uui ni mugun is antkiennien uuiht
C 5087	crist cuning euuig uui ni mugun is antkennian uuiht
M5088	ne an thinun uuordun ni an thinun uuerkun tho sprak imu eft the uuaro angegin
C 5088	ne an thinon uuordon ne an thinon uuercon thuo sprac im eft thie uuaro angegin
M5089	the godo godes sunu thu quiðis it for thesun iudeon nu
C 5089	thie guodo godes suno thu quithis it for theson iuđeon nu
M5090	soðlico segis that ik it selƀo bium
C 5090	suothlico sagis that ik it selƀo biun
M5091	thes ni giloƀiad mi these liudi ni uuilliad mi forlatan bethiu
C 5091	thes ni giloƀeat mi thesa liudi ni uuilleat mi forlatan bithiu
M5092	ni sind im min uuord uuirðig nu seggiu ik iu te uuarun thoh
C 5092	ni sind im mina uuord uuirđig nu seggiu ik iu te uuaron thoh
M5093	that gi noh sculun sittien gisehan an the suiðaron half godes
C 5093	that gi noh sculun sittian gisehan an thia suithrun half godes
M5094	marean mannes sunu an megincrafte
C 5094	marean mannes suno an megincrafte
M5095	thes alouualden fader endi thanan eft kuman
C 5095	thes alouualdon fader endi thanan eft cuman
M5096	an himiluuolcnun herod endi allumu heliðo cunnie
C 5096	an himiluuolcnon herod endi allon helitho cunnie
M5097	mid is uuordun adelien al so iro geuurhti sind
C 5097	mid is uuordon adelian all so iro giuurihti sind
M5098	tho balg ina the biscop habde bittren hugi
C 5098	thuo balg ina se biscop haƀda bittran hugi
M5099	uureðida uuið themu uuorde endi is giuuadi slet
C 5099	uurethida ina uuiđ them uuerode endi is giuuadi slet
M5100	brak for is breostun nu ni thurƀun gi bidan leng quað he
C 5100	brac fur is brioston nu ni thurƀun gi bidan leng
M5101	thit uuerod geuuitscepies nu im sulic uuord farad
C 5101	thit uuerod giuuitscipies nu im sulica uuord farađ
M5102	menspraca fan is muðe that gihorid her nu manno filu
C 5102	menspraca fan is muthe that gihoriđ her nu manno filo
M5103	rinko an thesumu rakude that he ina so rikean telit
C 5103	rinco an theson racođe that hie ina so rikean teliđ
M5104	gihid that he god si huat uuilliad gi iudeon thes
C 5104	gihid that hie god si huat uuilliat gi iuđeon thes
M5105	adelien te dome is he doðes nu
C 5105	adelian te duome is hie đođes nu
M5106	uuirðig be sulicun uuordun that uuerod al gesprac
C 5106	uuirđig bi sulicon uuordon that uuerod all gisprac
M5107	folc iudeono that he uuari thes ferhes scolo
C 5107	folc iuđeono that hie uuari thes ferahes scolo
M5108	uuities so uuirðig ni uuas it thoh be is geuurhtiun gidoen
C 5108	vuities so uuirđig ni uuas it thoh be is giuurhtion giduan
M5109	that ine thar an hierusalem iudeo liudi
C 5109	that ina thar an hierusalem iuđeo liudi
M5110	sunu drohtines sundea losen
C 5110	suno drohtines sundia losan
M5111	adeldun te doðe tho uuas thero dadio hrom
C 5111	adeldun te dođe thuo uuass thero dadio hruom
M5112	iudeo liudiun huat sie themu godes barne mahtin
C 5112	iuđeo liudeon huat sia than godes barne mahtin
M5113	so haftemu mest harmes gefrummien
C 5113	so haftin mest harmes gifrummian
M5114	beuurpun ina tho mid uuerodu endi ina an is uuangon slogun
C 5114	beuurpun ina thuo mid uuerodu endi ina an is uuangun slogun
M5115	an is hleor mid iro handun al uuas imu that te hosce gidoen
C 5115	an is hlier mid iro handon all uuas im that te hoske giduan
M5116	felgidun imu firinuuord fiundo menegi
C 5116	felgidun im firinuuord fiondo menigi
M5117	bismerspraka stod that barn godes
C 5117	bismarspraca stuod that barn godes
M5118	fast under fiundun uuarun imu is faðmos gebundene
C 5118	fast under fiondon uuarun im is fadmas gibundana
M5119	tholode mid githuldiun so huat so imu thiu thioda to
C 5119	tholoda mid githuldion so huat so im thiu thioda tuo
M5120	bittres brahte ni balg ina neouuiht
C 5120	bittres brahta ni balg ina niouuiht
M5121	uuið thes uuerodes geuuin tho namon ina uureðe man
C 5121	uuiđ thes uuerodes giuuin thuo namun ina uuretha mann
M5122	so gibundanan that barn godes
C 5122	so gibundanan that barn godes
M5123	endi ina tho leddun thar thero liudio uuas
C 5123	endi ina thuo leddun thar thero liudio uuas
M5124	there thiade thinghus thar thegan manag
C 5124	thero thiodo thinghus thar thegan manag
M5125	huurƀun umbi iro heritogon thar uuas iro herron bodo
C 5125	huurƀun umbi iro heritogon thar uuas iro herren bodo
M5126	fan rumuburg thes the tho thes rikeas giuueld
C 5126	fan rumuburg thes thie thuo thes rikies giuueld
M5127	kumen uuas he fan themu kesure gisendid uuas he undar that cunni iudeono
C 5127	cuman uuas hie fan them kesure gisendid uuas hie undar that cunni iuđeono
M5128	te rihtienne that riki uuas thar radgeƀo
C 5128	te rihtianne that riki uuas thar radgiƀo
M5129	pilatus uuas he heten he uuas fan ponteo lande
C 5129	pilatus uuas hie hetan hie uuas fan ponteo lande
M5130	cnosles kennit habde imu craft mikil
C 5130	knuosles kennid haƀda im craft mikil
M5131	an themu thinghuse thiod gisamnod
C 5131	an them thinghuse thiodo gisamnod
M5132	an uuarf uueros uuarlose man
C 5132	an huarf uueros uuarlosa man
M5133	agaƀun tho thena godes sunu iudeo liudi
C 5133	agaƀun thuo thena godes suno iuđeo liudi
M5134	under fiundo folc quaðun that he uuari thes ferhes scolo
C 5134	under fiondo folc quathun that hie uuari thes ferahes scolo
M5135	that man ina uuitnodi uuapnes eggiun
C 5135	that man ina uuitnodi uuapnes eggion
M5136	scarpun scurun ni uuelde thiu scole iudeono
C 5136	scarpon scuron thuo ni uuelda thiu scola iuđeono
M5137	thringan an that thinghus ac thiu thiod ute stod
C 5137	thringan an that thinghus ac thiu theod ute stuod
M5138	mahlidun thanen uuið thea menegi ni uueldun an that gimang faren
C 5138	mahlidun thanan uuiđ thia menigi ni uueldun an that gimang faran
M5139	an elilandige man that sie thar unreht uuord
C 5139	an elilendiga man that sia thar unreht uuord
M5140	an themu dage derƀies uuiht adelian ne gihordin
C 5140	an them dage deruies uuiht adelian ni gihordin
M5141	ac quaðun that sie im so hluttro helaga tidi
C 5141	ac quathun that sia im so hluttra helaga tidi
M5142	uueldin iro pascha halden pilatus antfeng
C 5142	iro pascha haldan uueldin pilatus antfeng
M5143	at them uuamscaðun uualdandes barn
C 5143	at them uuamscathon uualdandes barn
M5144	sundea losen tho an sorgun uuarð
C 5144	sundia losan thuo an sorogon uuarth
M5145	iudases hugi tho he ageƀan gisah
C 5145	iudases hugi thuo hie ageƀan gisah
M5146	is drohtin te dođe tho bigan imu thiu dad aftar thiu
C 5146	is drohtin te dođe thuo bigan im thiu dad after thiu
M5147	an is hugea hreuuan that he habde is herron er
C 5147	an is hugie hreuuan that hie haƀda is herron er
M5148	sundea losen gisald nam imu tho that siluƀar an hand
C 5148	sundilosan gisald nam im thuo that is siluƀar an hand
M5149	thritig scatto that man imu er uuið is thiodane gaf
C 5149	thriti scatto that man im er uuiđ is thiodne gaf
M5150	geng imu tho te them iudiun endi im is grimmon dad
C 5150	geng im thuo te them iuđeon endi im is grimmun dad
M5151	sundeon sagde endi im that siluƀar bod
C 5151	sundiun sagda endi im that siluƀar bod
M5152	gerno te ageƀanne ik hebbiu it so griolico quað he
C 5152	gerno ti geƀanne ik hebbiu it so griolico
M5153	mines drohtines droru gicopot
C 5153	mid mines drohtines droru gicopot
M5154	so ik uuet that it mi ni thihit thiod iudeono
C 5154	so ik uuet that it mi ni thihiđ thiod iuđeono
M5155	ni uueldun it tho antfahan ac hetun ina forð aftar thiu
C 5155	ni uueldun it thuo antfahan ac hietun ina forth after thiu
M5156	umbi sulica sundea selƀon ahton
C 5156	umbi sulica sundia selƀon ahton
M5157	huat he uuið is frahon gefrumid habdi
C 5157	huat hie uuiđ is frohon gifrumid haƀdi
M5158	thu sahi thi selƀo thes quaðun sie huat uuili thu thes nu soken te us
C 5158	thu sauui thi thes selƀo quathun sia huat uuil thu thes nu suokian te us
M5159	ne uuit thu that thesumu uuerode tho giuuet imu eft thanan
C 5159	ni uuit thu that theson uuerode thuo giuuet im eft thanan
M5160	iudas gangan te themu godes uuihe
C 5160	iuđas gangan te them godes uuihe
M5161	suiðo an sorgun endi that siluƀar uuarp
C 5161	suitho an soragan endi that siloƀar uuarp
M5162	an thena alah innan ne gidorste it egan leng
C 5162	an thena alah innan ni gidorsta it egan leng
M5163	for imu tho so an forhtun so ina fiundo barn
C 5163	fuor im thuo so an forahton so ina fiondo barn
M5164	modage manodun habdun thes mannes hugi
C 5164	muodaga manodun haƀdun im thes mannes hugi
M5165	gramon undergripanen uuas imu god abolgan
C 5165	gramon undargripana uuas im god abolgan
M5166	that he imu selƀon tho simon uuarhte
C 5166	that hie im selƀon thuo simon uuarahta
M5167	hneg tho an herusel an hinginna
C 5167	hneg thuo an herusel an henginna
M5168	uuarag an uurgil endi uuiti gecos
C 5168	uuarag an uuurigil endi uuiti gicos
M5169	hard hellie gethuing het endi thiustri
C 5169	hard helligithuing hiet endi thiustri
M5170	diap dođes dalu huand he er umbi is drohtin suek
C 5170	diop dođes dalu huand hie er umbi is drohtin suek
M5171	than bed that barn godes bendi tholode
C 5171	than bed that barn godes bendi tholoda
M5172	an themu thinghuse huan er thiu thiod under im
C 5172	an them thinghuse huan er thiu thioda undar im
M5173	erlos enuuordie alle uurðin
C 5173	erlos enuuurdia alla uuurđin
M5174	huat sie imu than te ferahqualu frummian uueldin
C 5174	huat sia im than te ferahqualu frummian uueldin
M5175	tho thar an them benkiun ares bodo kesures
C 5175	thuo thar an them benkion ares bodo kesures
M5176	fan rumuburg endi geng imu uuið that riki iudeono
C 5176	fan rumuburg endi geng im uuiđ that riki iuđeono
M5177	modag mahlien thar thiu menigi stod
C 5177	muodag mahlian thar thiu menigi stuod
M5178	aftar themu hoƀe huarƀon ni uueldun an that hus kuman
C 5178	after them hoƀe huaraƀon ni uueldun an that hus cuman
M5179	an themu paschadage pilatus bigan
C 5179	an them paschadage pilatus bigann
M5180	frokno fragon oƀar that folc iudeono
C 5180	frocno fragon oƀar that folc iuđeono
M5181	mid huiu the man habdi morđes gisculdit
C 5181	mid hui thie man haƀdi morthes gisculdid
M5182	uuities giuuerkot be hui gi imu so uureðe sind
C 5182	uuities giuuercod bihui gi im so uuretha sind
M5183	an iuuuomu hugea hotie sie quaðun that he im habdi harmes so filu
C 5183	an iuuuon hugi huotia sia quathun that hie im haƀdi harmes so filo
M5184	leðes gilestid ni gaƀin ina thesa liudi thi
C 5184	lethes gilestid ni gaƀin ina thesa liudi thi
M5185	thar sie ina er biforan uƀilan ni uuissin
C 5185	thar sia ina er biforan uƀilan ni uuissin
M5186	uuordun faruuarhten he haƀat theses uuerodes so filu
C 5186	uuordon faruuarahtan hie haƀit thieses uuerodes so filo
M5187	farledid mid is lerun endi thesa liudi merrid
C 5187	farledit mid is lerun endi thesa liudi merriđ
M5188	doit im iro hugi tuiflien that uui ni motun te themu hoƀe kesures
C 5188	duot im iro hugi tuiflian that uui ni motun te them hoƀe kesures
M5189	tinsi gelden that mugun uui ina gitellien an
C 5189	tinsi geldan that mugun uui ina gitellian an
M5190	mid uuaru geuuitscepi he sprikid ok uuord mikil
C 5190	mid uuaru giuuitscipiu hie sprikit oc uuord mikil
M5191	quiðit that he crist si kuning oƀar thit riki
C 5191	quithit that hie crist si cuning oƀar thit riki
M5192	begihit ina so grotes tho im eft tegegnes sprak
C 5192	begihit ina so gruotes thuo im eft tegegnes sprac
M5193	bodo kesures ef he so barlico quað he
C 5193	bodo kesures ef hie so baralico
M5194	under thesaru menigi menuuerk frumid
C 5194	undar thesaro menigi menuuerc frumit
M5195	antfahad ina than eft under iuuue folcscepi ef he si is ferhes scolo
C 5195	antfahat ina than eft undar iuuua folcscipi ef hie si is ferahes scolo
M5196	endi imu so adeliad ef he si dođes uuerð
C 5196	endi im so adeliat ef hie si dođes uuerth
M5197	so it an iuuuaro aldrono eo gebiode
C 5197	so it an iuuero aldruono euue gibiode
M5198	sie quaðun tho that sie ni mostin manno nigenumu
C 5198	sia quathun thuo that sia ni muostin manno nigenan
M5199	an thea helagon tid te handbanon
C 5199	an thia helagun tid te handbanon
M5200	uuerðen mid uuapnun an themu uuihdage
C 5200	uuerthan mid uuapnon an them uuihdage huand it ni uuari iro giuuono
M5201	tho uuende ina fan themu uuerode uureðhugdig man
C 5201	thuo uuenda ina fon them uuerode uurethhudig man
M5202	thegan kesures the oƀar thea thioda uuas
C 5202	thegan kesures hie oƀar thia thioda uuas
M5203	bodo fan rumuburg het imu tho that barn godes
C 5203	bodo fan rumuburg hiet im thuo that barn godes
M5204	nahor gangan endi ina niudlico
C 5204	nahor gangan endi ina niudlico
M5205	fragoda frokno ef he oƀar that folc kuning
C 5205	fragoda fruocno ef hie oƀar that folc cuning
M5206	thes uuerodes uuari tho habde eft is uuord garu
C 5206	thes uuerodes uuari thuo haƀda eft is uuord garo
M5207	sunu drohtines hueðer thu that fan thi selƀumu sprikis quað he
C 5207	suno drohtines hueđer thu that fan thi selƀon sprikis
M5208	the it thi oðre her erlos sagdun
C 5208	the it thi ođra hier erlos sagdun
M5209	quaðun umbi minan kuningduom tho sprak eft the kesures bodo
C 5209	quathun umbi minan cuningduom thuo sprac eft thie kesures bodo
M5210	uulank endi uureðmod thar he uuið uualdand krist
C 5210	uulanc endi uuretmuod thar hie uuiđ uualdand crist
M5211	reðiode an them rakude ni bium ik theses rikies hinan quað he
C 5211	rethioda an them racode ni biun ik thieses rikies hinan
M5212	giudeo liudio ni gadoling thin
C 5212	iuđeo liudio ni gaduling thin
M5213	thesaro manno maguuini ac mi thi thius menigi bifalah
C 5213	thesaro manno maguuini ac mi thik thius menigi bifalah
M5214	agaƀun thi thina gadulingos mi iudeo liudi
C 5214	agabun thik thina gadolingas mi iuđeo liudi
M5215	haftan te handun huat haƀas thu harmes giduan
C 5215	hafton te handon huat haƀis thu harmes giduan
M5216	that thu so bittro scalt bendi tholoian
C 5216	that thu so bittra scalt bendi tholian
M5217	qualm undar thinumu kunnie tho sprak imu eft krist angegin
C 5217	qualm under thinon cunnie thuo sprac im crist eft angegin
M5218	helendero bezt thar he giheftid stod
C 5218	helendero best thar hie giheftid stuod
M5219	an themu rakude innan nis min riki hinan quað he
C 5219	an them racode innan nis min riki hinan
M5220	fan thesaru uueroldstundu ef it thoh uuari so
C 5220	fan thesaro uueroldstundu ef it thoh uuari so
M5221	than uuarin so starkmode uuiðer stridhugi
C 5221	than uuarin so starcmuoda uuiđar striđhugi
M5222	uuiðer grama thioda iungaron mine
C 5222	uuiđar grama thieda iungron mina
M5223	so man mi ni gaƀi iudeo liudiun
C 5223	so man mik ni gaui iuđeo liudeon
M5224	hettendiun an hand an herubendiun
C 5224	hettendon an hand an herubendion
M5225	te uuegeanne te uundrun te thiu uuarð ik an thesaru uueroldi giboran
C 5225	te uuegianne te uundron te thiu uarth ik an thesaro uueroldi giboran
M5226	that ik geuuitscepi giu uuares thinges
C 5226	that ik giuuitscipi giu uuares thinges
M5227	mid minun kumiun kuðdi that mugun antkennien uuel
C 5227	mid minon cumion cuđdi that mugun antkennian uuel
M5228	the uueros the sind fan uuare kumane the mugun min uuord farstanden
C 5228	thia uueros thei sind fan uuuare cumana thia mugun min uuord farstandan
M5229	giloƀien minun lerun tho ni mahte lasteres uuiht
C 5229	giloƀon minon leron thuo ni mohta lastares uuiht
M5230	an them barne godes bodo kesures
C 5230	an them barne godes bodo kesures
M5231	findan feknea uuord that he is ferhes bethiu
C 5231	findan fecni uuord that hie is ferahes bethiu
M5232	sculdig uuari tho geng he im eft uuið thea scola iudeono
C 5232	sculdi uuari thuo geng hie im eft uuiđ thia scola iuđeono
M5233	modag mahlien endi theru menigi sagde
C 5233	muodag mahlean endi thero menigi sagda
M5234	oƀar hlust mikil that he an themu hafton manne
C 5234	oƀar hlust mikil that hie an themo hafton man
M5235	sulica firinspraka finden ni mahti
C 5235	sulica firinspraca findan ni mahti
M5236	for them folcscipie so he uuari is ferhes scolo
C 5236	for them folcscipie so hie uuari is ferahes scolo
M5237	dođes uuirðig than stodun dolmode
C 5237	dođes uuirđig than stuodun dolmuoda
M5238	iudeo liudi endi thane godes sunu
C 5238	iuđeo liudi endi thena godes suno
M5239	uuordun uurogdun quaðun that he giuuer erist
C 5239	uuordun uuruogdun quathun that hie giuuerr erist
M5240	begunni an galileo lande endi oƀar iudeon for
C 5240	bigunni an galilealande endi ofar iuđeon fuor
M5241	heroduuardes thanan hugi tuiflode
C 5241	heroduuardes thanan hugi tuiflida
M5242	manno modseƀon so he is morđes uuerð
C 5242	manno muodseƀon so hie ist morthes uuerth
M5243	that man ina uuitnoie uuapnes eggiun
C 5243	that man ina uuitno uuapnes eggion
M5244	ef eo man mid sulicun dadiun mag dođes gesculdien
C 5244	ef eo man mid sulicon dadion mag dođes gisculdian
M5245	so uurogdun ina mid uuordun uuerod iudeono
C 5245	so uuruogdun ina mid uuordon uuerod iuđeono
M5246	thurh hotean hugi tho the heritogo
C 5246	thuru huotian hugi thuo thie heritogo
M5247	sliðmodig man seggian gihorde
C 5247	sliđmuodig man seggian gihorda
M5248	fan huilicumu kunnie uuas krist afodid
C 5248	fan huilicon cunnie uuas crist afuodid
M5249	manno the bezto he uuas fan theru marean thiadu
C 5249	manno thie besto hie uuas fan thero mariun thiod
M5250	the godo fan galilealande thar uuas gumscepi
C 5250	thie guodo fan galileo lande thar uuas gumscipi
M5251	eðiliero manno erodes biheld thar
C 5251	edilero manno erodes biheld thar
M5252	craftagne kuningdom so ina imu the kesur fargaf
C 5252	craftigna cuningduom so ina im thie kesur gaf
M5253	the rikeo fan rumu that he thar rehto gehuilic
C 5253	thie riko fan rumu that hie thar rehto gihuilic
M5254	gefrumidi undar themu folke endi friðu lesti
C 5254	gifrumidi under them folke endi fritho lesti
M5255	domos adeldi he uuas ok an themu dage selƀo
C 5255	duomos adeldi hie uuas oc an them dage selƀo
M5256	an hierusalem mid is gumscepi
C 5256	an hierusalem mid is gumscipe
M5257	mid is uuerode at themu uuihe so uuas iro uuise than
C 5257	mid is uuerode an them uuihe so uuas iro uuisa than
M5258	that sie thar thia helagun tid haldan scoldun
C 5258	that sia thar thia helagun tid haldan scoldun
M5259	pascha iudeono pilatus gibod tho
C 5259	pascha iuđeono pilatus gibod thuo
M5260	that thena hafton man heliðos namin
C 5260	that thena hafton man helithos namin
M5261	so gibundanan that barn godes
C 5261	so gibundanan that barn godes
M5262	het that sie ina erodese erlos brahtin
C 5262	endi that sia ina erodese erlos brahtin
M5263	haften te handun huand he fan is heriscepi uuas
C 5263	haftan te handon huand hie fan is heriscipie uuas
M5264	fan is uuerodes geuuald uuigand frumidun
C 5264	fan is uuerodes giuuald uuigand frumidun
M5265	iro herron uuord helagne krist
C 5265	iro herron uuord helagna crist
M5266	fordun an fiteriun for thena folctogun
C 5266	fuordun an feteron furi thena folctogon
M5267	allaro barno bezt thero the io giboren uurði
C 5267	allaro barno best thero thie gio goboran uurthi
M5268	an liudio lioht an liðubendiun geng
C 5268	an liudio lioht an lithobendion geng
M5269	antat sie ina brahtun thar he an is benkia sat
C 5269	antthat sia ina brahtun thar hie an is benki sat
M5270	cuning erodes umbihuarf ina craft uuero
C 5270	cuning erodes umbihuarf ina craft uuero
M5271	uulanke uuigandos uuas im uuilleo mikil
C 5271	uulancan uuigandon uuas im uuillio mikil
M5272	that sie thar selƀon crist gisehan mostin
C 5272	that sia thar selƀan crist gisehan muostin
M5273	uuandun that he im sum tekan thar togean scoldi
C 5273	uuandun that hie im sum tekan thar togian scoldi
M5274	mari endi mahtig so he managun dede
C 5274	mari endi mahtig so hie managon deda
M5275	thurh is godcundi iudeo liudeon
C 5275	thuru is godcundi iuđeo liudeon
M5276	fragoda ina thuo thie folccuning firiuuitlico
C 5276	fragoda ina thuo thie folccuning firiuuitlico
M5277	managon uuordon uuolda is muodseƀon
C 5277	managon uuordon uuolda is muodseƀon
M5278	forð undarfindan huat hie te frumu mohti
C 5278	forth undarfindan huat hie te frumu mohti
M5279	mannon gimarcon than stuod mahtig crist
C 5279	mannon gimarcon than stuod mahtig crist
M5280	thagoda endi tholoda ne uuolda them thiedcuninge
C 5280	thagoda endi tholoda ni uuolda them thiedcuninge
M5281	erodese ne is erlon antsuor geƀan
C 5281	erodese ne is erlon antsuor geƀan
M5282	uuordo nigenon than stuod thiu uureða thiod
C 5282	uuordo nigenon than stuod thiu uuretha thiod
M5283	iudeo liudi endi thena godes suno
C 5283	iuđeo liudi endi thena godes suno
M5284	uuurrun endi uuruogdun anthat im uuarð thie uueroldcuning
C 5284	uuurrun endi uuruogdun anthat im uuarth thie uueroldcuning
M5285	an is huge huoti endi all is heriscipi
C 5285	an is huge huoti endi all is heriscipi
M5286	farmuonstun ina an iro muode ne antkendun maht godes
C 5286	farmuonstun ina an iro muode ni antkendun maht godes
M5287	himiliscan herron ac uuas im iro hugi thiustri
C 5287	himiliscan herron ac uuas im iro hugi thiustri
M5288	baluuues giblandan barn drohtines
C 5288	baluuues giblandan barn drohtines
M5289	iro uureðun uuerc uuord endi dadi
C 5289	iro uurethun uuerc uuord endi dadi
M5290	thuru odmuodi all githoloda
C 5290	thuru odmuodi all githoloda
M5291	so huat so sia im tionono thuo tuogian uuoldun
C 5291	so huat so sia im tionono tuo tuogian uuoldun
M5292	sia hietun im thuo te hoske huit giuuadi
C 5292	sia hietun im thuo te hoske huit giuuadi
M5293	umbi is liði leggian thiu mer hie uurði them liudion thar
C 5293	umbi is lithi leggian thiu mer hie uurthi them liudion thar
M5294	iungron te gamne iudeon faganodun
C 5294	iungron te gamne iuđeon faganodun
M5295	thuo sia ina te hosce hebbian gisahun
C 5295	thuo sia ina te hosche hebbian gisahun
M5296	erlos oƀarmuoda thuo senda ina eft thanan
C 5296	erlos oƀarmuoda thuo senda ina eft thanan
M5297	erodes se cuning an that oðer folc
C 5297	erodes se cuning an that oder folc
M5298	aledian hiet ina lungra mann endi lastar spracun
C 5298	ledian hiet ina lungra mann endi lastar spracun
M5299	felgidun im firinuuord thar hie an feteron geng
C 5299	felgidun im firinuuord thar hie an feteron geng
M5300	bihlagan mid hoscu ni uuas im hugi tuifli
C 5300	bihlagan mid hoscu ni uuas im hugi tuifli
M5301	neƀa hie it thuru odmuodi all githoloda
C 5301	neƀa hie it thuru odmuodi all githoloda
M5302	ne uuelda iro uƀilun uuord iduglonon
C 5302	ne uuelda iro ubilun uuord iduglonon
M5303	hosc endi harmquidi thuo brahtun sia ina eft an that hus innan
C 5303	hosc endi harmquidi thuo brahtun sia ina eft an that hus innan
M5304	an thia palencea uppan thar pilatus uuas
C 5304	an thia palencea uppan thar pilatus uuas
M5305	an thero thingstedi thegnos agaƀun
C 5305	an thero thingstedi thegnos agabun
M5306	barno that besta banon te handon
C 5306	barno that besta te banon handon
M5307	sundilosian so hie selƀo gicos
C 5307	sundilosian so hie selƀo gicos
M5308	uuelda manno barn morðes atuomian
C 5308	uuelda manno barn morthies atuomian
M5309	nerian af nodi stuodun niðhuata
C 5309	nerian af nodi stuodun nithhuata
M5310	iudeon far them gastselie habdun sia gramono barn
C 5310	iuđeon far them gastselie haƀdun sia gramo barn
M5311	thia scola farscundid that sia ne bescriƀun iouuiht
C 5311	thia scola farscundid that sia ni bescriƀun iouuiht
M5312	grimmera dadio thuo giuuet im gangan tharod
C 5312	grimmera dadio thuo giuuet im gangan tharod
M5313	thegan kesures uuið thia thiod sprecan
C 5313	thegan kesures uuiđ thia thiod sprecan
M5314	hard heritogo huat gi mi thesan haftan mann quathie
C 5314	hard heritogo huat gi mi thesan haftan mann
M5315	an thesan seli sendun endi selƀon anbudun
C 5315	an thesan seli sendun endi selƀon anbudun
M5316	that hie iuuues uuerodes so filo auuerdit habdi
C 5316	that hie iuuues uuerodes so filo auuerdit haƀdi
M5317	farledid mid is leron nu ik mid theson liudon ni mag
C 5317	farledid mid is leron nu ik mid theson liudon ni mag
M5318	findan mid thius folku that hie is ferahes si
C 5318	findan mid thius folku that hie is ferahes si
M5319	furi thesaro scolu sculdig scin uuas that hiudu
C 5319	furi thesaro scolu sculdig scin uuas that hiudu
M5320	erodes mohta thie iuuuan eo bican
C 5320	erodes mohta thie iuuuan eo bican
M5321	iuuuaro liudo landreht hie ni mahta is liƀes gifreson
C 5321	iuuuaro liudo landreht hie ni mahta is liƀes gifreson
M5322	that hie hier thuru eniga sundia te dage sueltan scoldi
C 5322	that hie hier thuru eniga sundia te dage sueltan scoldi
M5323	lif farlatan nu uuilliu ik ina for theson liudion hier
C 5323	lif farlatan nu uuilliu ik ina for theson liudion hier
M5324	githroon mid thingon thristion uuordun
C 5324	githroon mid thingon thristion uuordon
M5325	buotian im is briosthugi latan ina brucan forð
C 5325	buotian im is briosthugi latan ina brucan forth
M5326	ferahes mid firion folc iudeono
C 5326	ferahes mid is firion folc iuđeono
M5327	hreopun thuo alla samad hludero stemnu
C 5327	hreopun thuo alla samad hludero stemnu
M5328	hietun flitlico ferahes ahtian
C 5328	hietun flitlico ferahes ahtian
M5329	crist mid qualmu endi an cruci slahan
C 5329	crist mid qualmu endi an cruci slahan
M5330	uuegian te uuundron hie mid is uuordon haƀit
C 5330	uuegian te uuundron hie mid is uuordon haƀit
M5331	doðes gisculdid sagit that hie drohtin si
C 5331	dođes gisculdid sagit that hie drohtin si
M5332	gegnungo godes suno that hie ageldan scal
C 5332	gegnungo godes suno that hie ageldan scal
M5333	inuuidspraca so is an uson euue giscriƀan
C 5333	inuuiđspraca so is an uson euue giscriƀan
M5334	that man sulica firinquidi ferahu copo
C 5334	that man sulica firinquidi ferahu copo
M5335	thuo uuarð thie an forahton thie thes folkes giuueld
C 5335	thuo uuarth thie an forahton thie thes folkes giuueld
M5336	mikilon an is muode thuo hie gihorda thia man sprecan
C 5336	mikilon an is muode thuo hie gihorda thia man sprecan
M5337	that sia ina selƀon seggian gihordin
C 5337	that sia ina selƀon seggian gihordin
M5338	gehan fur them gumscipe that hie uuari godes suno
C 5338	gehan fur them gumscipe that hie uuari godes suno
M5339	thuo huarf im eft thie heritogo an that hus innan
C 5339	thuo huarf im eft thie heritogo an that hus innan
M5340	te thero thingstedi thristion uuordon
C 5340	te thero thingstedi thristion uuordon
M5341	gruotta thena godes suno endi fragoda huat hie gumono uuari
C 5341	gruotta thena godes suno endi fragoda huat hie gumono uuari
M5342	huat bist thu manno quathie te hui thu mi so thinan muod hilis
C 5342	huat bist thu manno te hui thu mi so thinan muod hilis
M5343	dernis diopgithaht uuest thu that it all an minon duome sted
C 5343	dernis diopgithaht uuest thu that it all an minon duome steđ
M5344	umbi thines liƀes gilagu mi thi hebbiat thesa liudi fargeƀan
C 5344	umbi thines liƀes gilagu mi hebbiat thesa liudi fargeƀan
M5345	uuerod iudeono that ik giuualdan muot
C 5345	uuerod iuđeono that ik giuualdan muot
M5346	so thik te spildianne an speres orde
C 5346	so thik te spildianne an speres orde
M5347	so ti quellianne an crucium so quican latan
C 5347	so ti quellianne an crucium so quican latan
M5348	so hueðer so mi selƀon suotera thunkit
C 5348	so hueđer so mi selƀon suotera thunkit
M5349	te gifrummianne mid minu folcu thuo sprac eft that friðubarn godes
C 5349	te gifrummianne mid minu folcu thuo sprac eft that frithubarn godes
M5350	uuest thu that te uuaron quathie that thu giuuald oƀar mik
C 5350	uuest thu that te uuaron that thu giuuald oƀar mik
M5351	hebbian ni mohtis ne uuari that it thi helag god
C 5351	hebbian ni mohtis ne uuari that it thi helag god
M5352	selƀo fargaƀi oc hebbeat thia sundeono mer
C 5352	selƀo fargaui oc hebbeat thia sundeono mer
M5353	thia mik thi bifulhun thuru fiondscipi
C 5353	thia mik thi bifulhun thuru fiondscipi
M5354	gisaldun an simon haftan thuo uuelda ina sið after thiu
C 5354	gisaldun an simon haftan thuo uuelda ina siith after thiu
M5355	gramhugdig man gerno farlatan
C 5355	gramhudig man gerno farlatan
M5356	thegan kesures thar hie is haƀdi for thero thioda giuuald
C 5356	thegan kesures thar hie is haƀdi for thero thioda giuuald
M5357	ac sia uueridun im thena uuillion uuordu gihuilicu
C 5357	ac sia uueridun im thena uuillion uuordu gihuilicu
M5358	kunni iudeono ne bist thu quaðun sia thes kesures friund
C 5358	kunni iuđeono ni bist thu quathun sia thes kesures friund
M5359	thinon herren hold ef thu ina hinan latis
C 5359	thinon herren hold ef thu ina hinan latis
M5360	siðon gisundon that thi noh te soragan mag
C 5360	sithon gisundon that thi noh te soragan mag
M5361	uuerðan te uuite huand so hue so sulic uuord sprikit
C 5361	uuerthan te uuite huand so hue so sulic uuord sprikit
M5362	ahaƀið ina so hoho quiðit that hie hebbian mugi
C 5362	ahaƀiđ ina so hoho quithit that hie hebbian mugi
M5363	cuningduomes namon ne si that ina im thie kesur geƀe
C 5363	cuningduomes namon ne si that ina im thie kesur geƀe
M5364	hie uuirrid im is uueruldriki endi is uuord farhugid
C 5364	hie uuirriđ im is uueruldriki endi is uuord farhugiđ
M5365	farman ina an is muode bethiu scalt thu sulic men uurekan
C 5365	farman ina an is muode bethiu scalt thu sulic men uurekan
M5366	hoscuuord manag ef thu umbi thines herren ruokis
C 5366	hoscuuord manag ef thu umbi thines herren ruokis
M5367	umbi thines frohon friundscipi than scalt thu ina thiu ferhu beniman
C 5367	umbi thines frohon friundscipi than scalt thu ina thiu ferhu beniman
M5368	thuo gihorda thie heritogo thia heri iuðeono
C 5368	thuo gihorda thie heritogo thia hieri iuđeono
M5369	thregian fan is thiodne thuo hie far thero thingstedi geng
C 5369	thregian far is thiodne thuo hie fan thero thingstedi geng
M5370	selƀo gisittian thar gisamnod uuas
C 5370	selƀo gisittian thar gisamnod uuas
M5371	so mikil uuarf uuerodes hiet uualdand crist
C 5371	so mikil huarf uuerodes hiet uualdand crist
M5372	ledian for thia liudi langoda iudeon
C 5372	ledian for thia liudi langoda iudeon
M5373	huan er sia that helaga barn hangon gisauuin
C 5373	huan er sia that helaga barn hangon gisauuin
M5374	quelan an crucie sia quaðun that sia cuning oðran
C 5374	quelan an crucie sia quathun that sia cuning ođran
M5375	ne haƀdin undar iro heriscipie neƀan thena heran kesar
C 5375	ni haƀdin undar iro heriscipie neuan thena heran kesar
M5376	fan rumuburg thie haƀit hier riki oƀer us
C 5376	fan rumuburg thie haƀit hier riki ofer us
M5377	bethiu ni scalt thu thesan farlatan hie haƀit us so filo leðes gisprokan
C 5377	bethiu ni scalt thu thesan farlatan hie haƀit us so filo lethes gisprokan
M5378	farduan haƀit hie im mid is dadion hie scal doð tholon
C 5378	farduan haƀit hie im mid is dadion hie scal dođ tholon
M5379	uuiti endi uundarquala uuerod iudeono
C 5379	uuiti endi uundarquala uuerod iuđeono
M5380	so manag mislic thing an mahtigna crist
C 5380	so manag mislic thing an mahtigna crist
M5381	sagdun te sundiun hie suigondi stuod
C 5381	sagdun te sundiun hie suigondi stuod
M5382	thuru oðmuodi ne antuuordida niouuiht
C 5382	thuru ođmuodi ni antuuordida niouuiht
M5383	uuið iro uureðun uuord uuolda thesa uuerold alla
C 5383	uuiđ iro uurethun uuord uuolda thesa uuerold alla
M5384	losian mid is liƀu bithiu liet hie ina thia leðun thiod
C 5384	losian mid is liƀu bithiu liet hie ina thia lethun thiod
M5385	uuegian te uundron all so iro uuillio geng
C 5385	uuegian te uundron all so iro uuillio geng
M5386	ni uuolda im opanlico allon cuðian
C 5386	ni uuolda im opanlico allon cuthian
M5387	iudeo liudeon that hie uuas god selƀo
C 5387	iuđeo liudeon that hie uuas god selƀo
M5388	huand uuissin sia that te uuaron that hie sulica giuuald haƀdi
C 5388	huand uuissin sia that te uuaron that hie sulica giuuald haƀdi
M5389	oƀar theson middilgard than uurði im iro muodseƀo
C 5389	obar theson middilgard than uurthi im iro muodseƀo
M5390	gibloðit an iro brioston than ne gidorstin sia that barn godes
C 5390	giblođit an iro brioston thann ne gidorstin sia that barn godes
M5391	handon anthrinan than ni uuurði heƀanriki
C 5391	handon anthrinan thann ni uuurthi heƀanriki
M5392	antlocan liohto mest liudio barnon
C 5392	antlocan liohto mest liudio barnon
M5393	bethiu með hie is so an is muode ne let that manno folc
C 5393	bethiu meth hie is so an is muode ni let that manno folc
M5394	uuitan huat sia uuarahtun thiu uurd nahida thuo
C 5394	uuitan huat sia uuarahtun thiu uurth nahida thuo
M5395	mari maht godes endi middi dag
C 5395	mari maht godes endi middi dag
M5396	that sia thia ferahquala frummian scoldun
C 5396	that sia thia ferahquala frummian scoldun
M5397	than lag thar oc an bendion an thero burg innan
C 5397	than lag thar oc an bendion an thero burg innan
M5398	en ruof reginscaðo thie habda under them rike so filo
C 5398	en ruob reginscatho thie habda under them rike so filo
M5399	morðes giradan endi manslahta gifrumid
C 5399	morthes giradan endi manslahta gifrumid
M5400	uuas mari meginthiof ni uuas thar is gimaco huergin
C 5400	uuas mari meginthiof ni uuas thar is gimaco huergin
M5401	uuas thar oc bi sinon sundion giheftid
C 5401	uuas thar oc bi sinon sundion giheftid
M5402	barrabas uuas hie hetan hie after them burgion uuas
C 5402	barrabas uuas hie hetan hie after them burgion uuas
M5403	thuru is mendadi manogon gicuðid
C 5403	thuru is mendadi manogon gicuthid
M5404	than uuas landuuisa liudio iudeono
C 5404	than uuas landuuisa liudio iudeono
M5405	that sia iaro gihuen an godes minnia
C 5405	that sia iaro gihuem an godes minnia
M5406	an them helagon dage enna haftan mann
C 5406	an them helagon dage enna haftan mann
M5407	abiddian scoldun that im iro burges uuard
C 5407	abiddian scoldun that im iro burges uuard
M5408	iro folctogo ferah fargaƀi
C 5408	iro folctogo ferah fargaƀi
M5409	thuo bigan thie heritogo thia heri iudeono
C 5409	thuo bigan thie heritogo thia heri iuđeono
M5410	that folc fragoian thar sia im fora stuodun
C 5410	that folc fragoian thar sia im fora stuodun
M5411	hueðeron sia thero tueio tuomian uueldin
C 5411	huederon sia thero tueio tuomian uueldin
M5412	ferahes biddian thia hier an feteron sind
C 5412	ferahes biddian thia hier an feteron sind
M5413	haft undar theson heriscipie thiu heri iudeono
C 5413	haft undar theson heriscipie thiu heri iuđeono
M5414	habdun thuo thia aramun man alla gispanana
C 5414	haƀdun thuo thia aramun man alla gispanana
M5415	that sia themo landscaðen lif abadin
C 5415	that sia themo landscathen lif abadin
M5416	githingodin them thioƀe thie oft an thiustria naht
C 5416	githingodin them thioƀe thie oft an thiustria naht
M5417	uuam giuuarahta endi uualdand crist
C 5417	uuam giuuarahta endi uualdand crist
M5418	quelidin an crucie thuo uuarð that cuð oƀar all
C 5418	quelidin an crucie thuo uuarth that cuth oƀar all
M5419	huo thiu thiod haƀda duomos adelid thuo scoldun sia thia dad frummian
C 5419	huo thiu thiod haƀda duomos adelid thuo scoldun sia thia dad frummian
M5420	hahan that helaga barn that uuarð them heritogen
C 5420	hahan that helaga barn that uuarth them heritogen
M5421	siðor te sorgon that hie thia saca uuissa
C 5421	sithor te sorgon that hie thia saca uuissa
M5422	that sia thuru niðscipi neriendon crist
C 5422	that sia thuru nithscipi neriendon crist
M5423	hatoda thiu heri endi hie im horda te thiu
C 5423	hatoda thiu heri endi hie im horda te thiu
M5424	uuarahta iro uuillion thes hie uuiti antfeng
C 5424	uuarahta iro uuillion thes hie uuiti antfeng
M5425	lon an theson liohte endi lang after
C 5425	lon an theson liohte endi lang after
M5426	uuoi siðor uuann siðor hie thesa uuerold agaf
C 5426	uuoi sithor uuann sithor hie thesa uuerold agaf
M5427	thuo uuarð thas thie uureðo giuuaro uuamscaðono mest
C 5427	thuo uuarth thes thie uuretho giuuaro uuamscathono mest
M5428	satanas selƀo thuo thiu seola quam
C 5428	satanas selƀo thuo thiu seola quam
M5429	iudases an grund grimmaro helliun
C 5429	iudases an grund grimmaro helliun
M5430	thuo uuissa hie te uuaren that that uuas uualdand crist
C 5430	thuo uuissa hie te uuaren that that uuas uualdand crist
M5431	barn drohtines that thar gibundan stuod
C 5431	barn drohtines that thar gibundan stuod
M5432	uuissa thuo te uuaron that hie uuelda thesa uuerold alla
C 5432	uuissa thuo te uuaron that hie uuellda thesa uuerold alla
M5433	mid is henginnia hellia githuinges
C 5433	mid is henginnia hellia githuinges
M5434	liudi alosian an lioht godes
C 5434	liudi alosian an lioht godes
M5435	that uuas satanase ser an muode
C 5435	that uuas satanase ser an muode
M5436	tulgo harm an is hugie uuelda is helpan thuo
C 5436	tulgo harm an is hugie uuelda is helpan thuo
M5437	that im liudio barn lif ne binamin
C 5437	that im liudio barn lif ne binamin
M5438	ne quelidin an crucie ac hie uuelda that hie quic liƀdi
C 5438	ni quelidin an crucie ac hie uuelda that hie quic liƀdi
M5439	te thiu that firiho barn fernes ne uuurðin
C 5439	te thiu that firio barn fernes ne uuurdin
M5440	sundiono sicura satanas giuuet im thuo
C 5440	sundiono sicura satanas giuuet im thuo
M5441	thar thes heritogen hiuuiski uuas
C 5441	thar thes heritogen hiuuiski uuas
M5442	an thero burg innan hie thero is brudi bigann
C 5442	an thero burg innan hie thero is brudi bigann
M5443	thera idis opanlico unhiuri fiond
C 5443	thera idis opanlico unhiuri fiond
M5444	uuunder togian that sia an uuordhelpon
C 5444	uuunder togian that sia an uuordhelpon
M5445	criste uuari that hie muosti quic libbian
C 5445	criste uuari that hie muosti quicc libbian
M5446	drohtin manno hie uuas iu than te doðe giscerid
C 5446	drohtin manno hie uuas iu than te dođe giscerid
M5447	uuissa that te uuaron that hie im scoldi thia giuuald biniman
C 5447	uuissa that te uuaron that hie im scoldi thia giuuald biniman
M5448	that hie sia oƀar thesan middilgard so mikila ni haƀdi
C 5448	that hie sia oƀar thesan middilgard so mikila ni haƀdi
M5449	oƀar uuida uuerold that uuif uuarð thuo an forahton
C 5449	oƀar uuida uuerold that uuif uuarth thuo an forahton
M5450	suiðo an sorogon thuo iru thiu gisiuni quamun
C 5450	suitho an sorogon thuo iru thiu gisiuni quamun
M5451	thuru thes dernien dad an dages liohte
C 5451	thuru thes dernien ad an dages liohte
M5452	an heliðhelme bihelid thuo siu te iru herren anbod
C 5452	an helithhelme bihelid thuo siu te iru herren anbod
M5453	that uuif mid iro uuordon endi im te uuaren hiet
C 5453	that uuiƀ mid iro uuordon endi im te uuaren hiet
M5454	selƀon seggian huat iro thar te gisiunion quam
C 5454	selƀon seggian huat iro thar te gisiunion quam
M5455	thuru thena helagan mann endi im helpan bad
C 5455	thuru thena helagan mann endi im helpan bad
M5456	formon is ferhe ik hebbiu hier so filo thuru ina
C 5456	formon is ferhe ik hebbiu hier so filo thuru ina
M5457	seldlikes giseuuan so ik uuet that thia sundiun sculun
C 5457	seldlikes giseuuan so ik uuet that thia sundiun sculun
M5458	allaro erlo gihuem uƀilo githihan
C 5458	allaro erlo gihuem uƀilo githihan
M5459	so im fruocno tuo ferahes ahtið
C 5459	so im fruocno tuo ferahes ahtiđ
M5460	thie segg uuarð thuo an siðe antat hie sittian fand
C 5460	thie segg uuarth thuo an sithie antat hie sittian fand
M5461	thena heritogon an huaraƀe innan
C 5461	thena heritogon an huaraƀe innan
M5462	an them stenuuege thar thiu strata uuas
C 5462	an them stenuuege thar thiu strata uuas
M5463	felison gifuogid thar hie te is frohon geng
C 5463	felison gifuogid thar hie te is frohon geng
M5464	sagda im thes uuiƀes uuord thuo uuarð im uureð hugi
C 5464	sagda im thes uuiƀes uuord thuo uuarth im uuret hugi
M5465	them heritogen huaraƀoda an innan
C 5465	them heritogen huaraƀoda an innan
M5466	gibloðit briostgithaht uuas im beðies uue
C 5466	giblođit briostgithaht uuas im bethies uue
M5467	gie that sea ina sluogin sundia losan
C 5467	gie that sea ina sluogin sundia losan
M5468	gie it bi them liudion thuo forlatan ne gidorsta
C 5468	gie it bi them liudion thuo forlatan ni gidorsta
M5469	thuru thes uuerodes uuord uuarð im giuuendid thuo
C 5469	thuru thes uuerodes uuord uuarth im giuuendid thuo
M5470	hugi an herten after thero heri iudeono
C 5470	hugi an herten after thero heri iuđeono
M5471	te uuerkeanne iro uuillion ne uuardoda im nieuuiht
C 5471	te uuerkeanne iro uuillion ni uuardoda im nieuuiht
M5472	thia suarun sundiun thia hie im thar thuo selƀo gideda
C 5472	thia suarun sundiun thia hie im thar thuo selƀo gideda
M5473	hiet im thuo te is handon dragan hluttran brunnion
C 5473	hiet im thuo te is handon dragan hluttran brunnion
M5474	uuatar an uuegie thar hie furi them uuerode sat
C 5474	uatar an uuagie thar hie furi them uuerode sat
M5475	thuog ina thar for thero thioda thegan kesures
C 5475	thuog ina thar for thero thioda thegan kesures
M5476	hard heritogo endi thuo fur thero heri sprac
C 5476	hard heritogo endi thuo fur thero heri sprac
M5477	quað that hie ina thero sundiono thar sicoran dadi
C 5477	quađ that hie ina thero sundiono thar sicoran dadi
M5478	uureðero uuerco ne uuilliu ik thes uuihtes plegan quathie
C 5478	uurethero uuerco ni uuilliu ik thes uuihtes plegan
M5479	umbi thesan helagan mann ac hleotad gi thes alles
C 5479	umbi thesan helagan mann ac hleotad gi thes alles
M5480	gie uuordo gie uuerco thes gi im her te uuitie giduan
C 5480	gie uordo gie uuerco thes gi im her te uuitie giduan
M5481	thuo hreop all saman heriscipi iudeono
C 5481	thuo hreop all saman heriscipi iuđeono
M5482	thiu mikila menigi quaðun that sia uueldin umbi thena man plegan
C 5482	thiu mikila menigi quathun that sia uueldin umbi thena man plegan
M5483	deraƀoro dadio fare is dror oƀar us
C 5483	derauoro dadio fare is dror oƀar us
M5484	is bluod endi is baneði endi oƀar usa barn so samo
C 5484	is bluod endi is banethi endi oƀar usa barn so samo
M5485	oƀar usa aƀaron thar after uui uuilliat is alles plegan quaðun sia
C 5485	oƀar usa aƀaron thar after uui uuilliat is alles plegan quathun sia
M5486	umbi thena slegi selƀon ef uui thar eniga sundia giduan
C 5486	umbi thena slegi selƀon ef uui thar eniga sundia giduan
M5487	ageƀan uuarð thar thuo furi them iudeon allaro gumono besta
C 5487	ageƀan uuarth thar thuo furi them iuđeon allaro gumono besta
M5488	hettendion an hand an herubendion
C 5488	hettendion an hand an herubendion
M5489	narauuo ginodid thar ina niðhuata
C 5489	narauo ginodid thar ina nithhuata
M5490	fiond antfengun folc ina umbihuarf
C 5490	fiond antfengun folc ina umbihuarf
M5491	menscaðono megin mahtig drohtin
C 5491	menscathono megin mahtig drohtin
M5492	tholoda githuldion so huat so im thiu thioda deda
C 5492	tholoda githuldion so huat so im thiu thioda deda
M5493	sia hietun ina thuo fillian er than sia im ferahes tuo
C 5493	sia hietun ina thuo fillian er than sia im ferahes tuo
M5494	aldres ahtin endi im undar is ogun spiuuun
C 5494	aldres ahtin endi im undar is ogun spiuuun
M5495	dedun im that te hoske that sia mid iro handon slogun
C 5495	dedun im that te hoske that sia mid iro handon slogun
M5496	uueros an is uuangun endi im is giuuadi binamun
C 5496	uueros an is uuangun endi im is giuuadi binamun
M5497	roƀodun ina thia reginscaðon rodes lacanes
C 5497	rouodun ina thia reginscathon rodes lacanes
M5498	dedun im eft oðer an thuru unhuldi
C 5498	dedun im eft ođer an thuru unhuldi
M5499	hietun thuo hoƀidband hardaro thorno
C 5499	hietun thuo hoƀidband hardaro thorno
M5500	uuundron uuindan endi an uualdand crist
C 5500	uuundron uuindan endi an uualdand crist
M5501	selƀon settean endi gengun im thia gisiðos tuo
C 5501	selƀon settean endi gengun im thia gisithos tuo
M5502	queddun ina an cuninguuisu endi thar an knio fellun
C 5502	queddun ina an cuninguuisu endi thar an knio fellun
M5503	hnigun im mid iro hoƀdu all uuas im that te hoske giduan
C 5503	hnigun im mid iro hoƀdu all uuas im that te hoske giduan
M5504	thoh hie it all githolodi thiodo drohtin
C 5504	thoh hie it all githolodi thiodo drohtin
M5505	mahtig thuru thia minnia manno cunnies
C 5505	mahtig thuru thia minnia manno cunnies
M5506	hietun sia thuo uuirkian uuapnes eggion
C 5506	hietun sia thuo uuirkian uuapnes eggion
M5507	heliðos mid iro handon hardes bomes
C 5507	helithos mid iro handon hardes buomes
M5508	craftiga cruci endi hietun sia cristan thuo
C 5508	craftiga cruci endi hietun sia cristan thuo
M5509	salig barn godes selƀon fuorian
C 5509	salig barn godes selbon fuorian
M5510	dragan hietun sia usan drohtin thar hie bedroragad scolda
C 5510	dragan hietun sia usan drohtin thar hie bedroragan scolda
M5511	sueltan sundiono los siðodun iudeon
C 5511	sueltan sundiono los sithodun iudeon
M5512	uueros an uuillon leddun uualdand crist
C 5512	uueros an uuillon leddun uualdand crist
M5513	drohtin te doðe thar mohta man thuo dereƀi thing
C 5513	drohtin te dođe thar mohta man thuo dereui thing
M5514	harmlic gihorian hioƀandi thar after
C 5514	harmlic gihorian hiouuandi thar after
M5515	gengun uuif mid uuopu uueros gnornodun
C 5515	gengun uuiƀ mid uuopu uueros gnornodun
M5516	thia fan galilea mid im gangan quamun
C 5516	thia fan galilea mid im gangan quamun
M5517	folgodun oƀar ferruuegos uuas im iro frohon doð
C 5517	folgodun oƀar ferruuegos uuas im iro frohon dođ
M5518	suiðo an soragan thuo hie selƀo sprak
C 5518	suitho an soragan thuo hie selƀo sprak
M5519	barno that besta endi under bac besah
C 5519	barno that besta endi under bac besah
M5520	hiet that sia ni uuepin ni tharf iu uuiht tregan quathie
C 5520	hiet that sia ni uuepin ni tharf iu uuiht tregan
M5521	minero hinferdio ac gi mid hofnu mugun
C 5521	minero hinferdio ac gi mid hofnu mugun
M5522	iuuua uureðan uuerc uuopu cumian
C 5522	uuua uurethan uuerc uuopu cumian
M5523	tornon trahnon noh uuirðið thiu tid cuman
C 5523	tornon trahnon noh uuirthiđ thiu tid cuman
M5524	that thia muoder thes mendendia sind
C 5524	that thia muoder thes mendendia sind
M5525	brudi iudeono them gio barn ni uuarð
C 5525	brudi iuđeono them gio barn ni uuarth
M5526	odan an aldre than gi iuuua inuuid sculun
C 5526	odan an aldre than gi iuuua inuuid sculun
M5527	grimmo angeldan than gi so gerna sind
C 5527	grimmo angeldan than gi so gerna sind
M5528	that iu hier bihlidan hoha bergos
C 5528	that iu hier bihlidan hoha bergos
M5529	diopo bedelƀan doð uuari iu than allon
C 5529	diopo bedelƀan dod uuari iu than allon
M5530	lioƀera an theson lande than sulic liudio qualm
C 5530	lioƀera an theson lande than sulic liudio qualm
M5531	te githolianne so hier than thesaro thioda cumid
C 5531	te githolianne so hier than thesaro thioda cumiđ
M5532	thuo sia thar an griete galgon rihtun
C 5532	thuo sia thar an griete galgon rihtun
M5533	an them felde uppan folc iudeono
C 5533	an them felde uppan folc iudeono
M5534	bom an berege endi thar an that barn godes
C 5534	bom an berege endi thar an that barn godes
M5535	quelidun an crucie slogun cald isarn
C 5535	quelidun an crucie slogun cald isarn
M5536	niuua naglos niðon scarpa
C 5536	niuua naglos nithon scarpa
M5537	hardo mid hamuron thuru is hendi endi thuru is fuoti
C 5537	hardo mid hamuron thuru is hendi endi thuru is fuoti
M5538	bittra bendi is blod ran an erða
C 5538	bittra bendi is blod ran an ertha
M5539	dror fan uson drohtine hie ni uuelda thoh thia dad uurecan
C 5539	dror fan uson drohtine hie ni uuelda thoh thia dad uurecan
M5540	grimma an them iudeon ac hie thes god fader
C 5540	grimma an them iudeon ac hie thies god fader
M5541	mahtigna bad that hie ni uuari them manno folke
C 5541	mahtigna bad that hie ni uuari them manno folke
M5542	them uuerode thiu uureðra huand sia ni uuitun huat sia duot quathie
C 5542	them uuerode thiu uurethra huand sia ni uuitun huat sia duot
M5543	thuo thia uuigandos giuuadi cristes
C 5543	thuo thia uuigandos giuuadi cristes
M5544	drohtines deldun dereƀia mann
C 5544	drohtines deldun dereuia mann
M5545	thes riken girobi thia rincos ni mahtun
C 5545	thes riken giroƀi thia rincos ni mahtun
M5546	umbi thena selƀon samuuurdi gisprecan
C 5546	umbi thena selƀon samuuurdi gisprecan
M5547	er sia an iro huaraƀe hlotos uuurpun
C 5547	er sia an iro huaraƀe hlotos uuurpun
M5548	huilic iro scoldi hebbian thia helagun peda
C 5548	huilic iro scoldi hebbian thia helagun peda
M5549	allaro giuuadio uunsamost thes uuerodes hirdi
C 5549	allaro giuuadio uunsamost thes uuerodes hirdi
M5550	hiet thuo the heritogo oƀar them hoƀde selƀes
C 5550	hiet thuo the heritogo obar them hobde selƀes
M5551	cristes an cruce scriƀan that that uuari cuning iudeono
C 5551	cristes an cruce scriƀan that that uuari cuning iudeono
M5552	iesus fan nazarethburh thie thar neglid stuod
C 5552	iesus fan nazarethburh thie thar neglid stuod
M5553	an niuuon galgon thuru niðscipi
C 5553	an niuuon galgon thuru niđscipi
M5554	an bomin treo thuo badun thia liudi
C 5554	an bomin treo thuo badun thia liudi
M5555	that uuord uuendian quaðun that hie im so an is uuilleon spraki
C 5555	that uuord uuendian quathun that hie im so an is uuilleon spraki
M5556	selƀo sagdi that hie habdi thes gisiðes giuuald
C 5556	selbo sagdi that hie habdi thes gisithes giuuald
M5557	cuning uuari oƀar iudeon thuo sprac eft thie kesures bodo
C 5557	cuning uuari oƀar iudeon thuo sprac eft thie kesures bodo
M5558	hard heritogo it ist iu so oƀar is hoƀde giscriƀan
C 5558	hard heritogo it ist iu so oƀar is hobde giscriban
M5559	uuislico giuuritan so ik it nu uuendian ni mag
C 5559	uuislico giuuritan so ik it nu uuendian ni mag
M5560	dadun thuo thar te uuitie uuerod iudeono
C 5560	dadun thuo thar te uuitie uuerod iudeono
M5561	tuena fartalda man an tua halƀa
C 5561	tuena fartalda man an tua halƀa
M5562	cristes an cruci lietun sia qualm tholon
C 5562	cristes an cruci lietun sia qualm tholon
M5563	an them uuaragtreuue uuerco te lone
C 5563	an them uuaragtreuue uuerco te lone
M5564	leðaro dadio thia liudi spracun
C 5564	letharo dadio thia liudi spracun
M5565	hoscuuord manag helagon criste
C 5565	hoscuuord manag helagon criste
M5566	grottun ina mid gelpu sauuun allaro gumono then beston
C 5566	gruottun ina mid gelpu sauuun allaro gumono then beston
M5567	quelan an themo crucie ef thu sis cuning oƀar all quaðun sia
C 5567	quelan an themo crucie ef thu sis cuning oƀar all quathun sia
M5568	suno drohtines so thu haƀis selƀo gisprocan
C 5568	suno drohtines so thu habis selƀo gisprecan
M5569	neri thik fan thero nodi endi niðes atuomi
C 5569	neri thik fan thero nodi endi nithes atuomi
M5570	gang thi hel herod than uuelliat an thik heliðo barn
C 5570	gang thi hel herod than uuelliat an thik helitho barn
M5571	thesa liudi giloƀian sum imo ok lastar sprac
C 5571	thesa liudi giloƀian sum imo ok lastar sprac
M5572	suiðo gelhert iudeo thar hie fur them galgon stuod
C 5572	suitho gelhert iudeo thar hie fur them galgon stuod
M5573	uuah uuarð thesaro uueroldi quathie ef thu iro scoldis giuuald egan
C 5573	uuah uuarth thesaro uueroldi ef thu iro scoldis giuuald egan
M5574	thu sagdas that thu mahtis an enon dage all teuuerpan
C 5574	thu sagdas that thu mahtis an enon dage all teuuerpan
M5575	that hoha hus heƀancuninges
C 5575	that hoha hus heƀancuninges
M5576	stenuuerco mest endi eft standan giduon
C 5576	stenuuerco mest endi eft standan giduon
M5577	an thriddion dage so is elcor ni thorfti bithihan mann
C 5577	an thriddion dage so is elcor ni thorfti bithihan mann
M5578	theses folkes furðor sinu huo thu nu gifastnod stes
C 5578	theses folkes furthor sinu huo thu nu gifastnod stes
M5579	suiðo giserid ni maht thi selƀon uuiht
C 5579	suitho giserid ni maht thi selbon uuiht
M5580	balouues gibuotian thuo thar oc an them bendion sprac
C 5580	balouues gibuotian thuo thar oc an them bendion sprac
M5581	thero theoƀo oðer all so hie thia thioda gihorda
C 5581	thero theobo ođer all so hie thia thioda gihorda
M5582	uureðon uuordon ne uuas is uuillio guod
C 5582	uurethon uuordon ni uuas is uuillio guod
M5583	thes thegnes githaht ef thu sis thiodcuning quathie
C 5583	thes thegnes githaht ef thu sis thiodcuning
M5584	crist godes suno gang thi than fan them cruce niðer
C 5584	crist godes suno gang thi thann fan them cruce nither
M5585	slopi thi fan them simon endi us samad allon
C 5585	slopi thi fan them simon endi us samad allon
M5586	hilp endi heli ef thu sis heƀancuning
C 5586	hilp endi heli ef thu sis hebancuning
M5587	uualdand thesaro uueroldes giduo it than an thinon uuercon scin
C 5587	uualdand thesaro uueroldes giduo it than an thinon uuercon scin
M5588	mari thik fur thesaro menigi thuo sprac thero manno oðer
C 5588	mari thik fur thesaro menigi thuo sprac thero manno ođer
M5589	an thero henginna thar hie giheftid stuod
C 5589	an thero henginna thar hie giheftid stuod
M5590	uuan uuunderquala behui uuilt thu sulic uuord sprecan
C 5590	uuan uuunderquala behui uuilt thu sulic uuord sprecan
M5591	gruotis ina mid gelpu stes thi hier an galgen haft
C 5591	gruotis ina mid gelpu stes thi hier an galgen haft
M5592	gibrocan an bome uuit hier beðia tholod
C 5592	gibruocan an bome uuit hier bethia tholod
M5593	ser thuru unca sundiun is unc unkero selƀero dad
C 5593	ser thuru unca sundiun is unc unkero selbero dad
M5594	uuorðan te uuitie hie sted hier uuammes los
C 5594	uuorđan te uuitie hie sted hier uuammes los
M5595	allaro sundiono sicur so hie selƀo gio
C 5595	allaro sundiono sicur so hie selƀo gio
M5596	firina ni gifrumida botan that hie thuru theses folkes nið
C 5596	firina ni gifrumida botan that hie thuru theses folkes nith
M5597	uuillendi an thesaro uueruldi uuiti antfahid
C 5597	uuillendi an thesaro uueruldi uuiti antfahid
M5598	ik uuilliu thar giloƀian tuo quathie endi uuilliu thena landes uuard
C 5598	ik uuilliu thar gilobian tuo endi uuilliu thena landes uuard
M5599	thena godes suno gerno biddian
C 5599	thena godes suno gerno biddian
M5600	that thu min gihuggies endi an helpun sis
C 5600	that thu min gihuggies endi an helpun sis
M5601	radendero best than thu an thin riki cumis
C 5601	radendero best than thu an thin riki cumis
M5602	uues mi than ginaðig thuo sprak im eft neriendo crist
C 5602	uues mi than ginathig thuo sprak im eft neriendo crist
M5603	uuordon tegegnes ik seggiu thi te uuaron hier quathie
C 5603	uuordon tegegnes ik seggiu thi te uuaron hier
M5604	that thu noh hiudu most an himilrike
C 5604	that thu noh hiudu most an himilrike
M5605	mid mi samad sehan lioht godes
C 5605	mid mi samat sehan lioht godes
M5606	an themo paradyse thoh thu nu an sulicoro pinu sis
C 5606	an themo paradyse thoh thu nu an sulicoro pinu sis
M5607	than stuod thar oc maria muoder cristes
C 5607	than stuod thar oc maria muoder cristes
M5608	blec under them bome gisah iro barn tholon
C 5608	blec under them bome gisah iro barn tholon
M5609	uuinnan uuunderquala oc uuarun thar uuif mid iro
C 5609	uuinnan uuunderquala oc uuarun thar uuiƀ mid iro
M5610	an so mahtiges minnia cumana
C 5610	an so mahtiges minnia cumana
M5611	than stuod thar oc iohannes iungro cristes
C 5611	than stuod thar oc iohannes iungro cristes
M5612	hriuui undar is herren uuas im is hugi serag
C 5612	hriuui undar is herren uuas im is hugi serag
M5613	druƀodun fur them doðe thar sprac drohtin crist
C 5613	druuodun fur them dođe thar sprac drohtin crist
M5614	mahtig te thero muoder nu ik thi hier minemo scal
C 5614	mahtig te thero muoder nu ik thi hier minemo scal
M5615	iungron befelhan them thi hier geginuuard sted
C 5615	iungron befelhan them thi hier geginuuard sted
M5616	uuis thi an is gisiðie samad thu scalt ina furi suno hebbian
C 5616	uuiss thi an is gisithie samad thu scalt ina furi suno hebbian
M5617	grotta hie thuo iohannes hiet that hie iru fulgengi uuel
C 5617	grotta hie thuo iohannes anthiet that hie iru fulgengi uuell
M5618	minniodi sia so mildo so man is muoder scal
C 5618	minniodi sia so milda so man is muoder scal
M5619	idis unuuamma thuo hie sia an is era antfeng
C 5619	idis unuuamma thuo hie sia an is era antfeng
M5620	thuru hluttran hugi so im is herro gibod
C 5620	thuru hluttran hugi so im is herro gibod
M5621	thuo uuarð thar an middian dag mahtig tecan
C 5621	thuo uuarth thar an middian dag mahti tecan
M5622	uuundarlic giuuaraht oƀar thesan uuerold allan
C 5622	uuundarlic giuuaraht obar thesa uuerold alla
M5623	thuo man thena godes suno an thena galgon huof
C 5623	thuo man thena godes suno an thena galgon huof
M5624	crist an that cruci thuo uuarð it cuð oƀar all
C 5624	crist an that cruci thuo uuarth it cuth oƀar all
M5625	huo thiu sunna uuarð gisuorkan ni mahta suigli lioht
C 5625	huo thiu sunna uuarth gisuorkan ni mahta suigli lioht
M5626	sconi giscinan ac sia scado farfeng
C 5626	sconi giscinan ac sia scado farfeng
M5627	thimm endi thiustri endi so githrusmod neƀal
C 5627	thimm endi thiustri endi so githismod uuarth
M5628	uuarð allaro dago druoƀost duncar suiðo
C 5628	allaro dago druouost duncar suitho
M5629	oƀar thesan uuidun uueruld so lango so uualdand crist
C 5629	oƀar thesan uuidun uueruld so lango so uualdand crist
M5630	qual an themo crucie cuningo rikost
C 5630	qual an themo crucie cuningo rikost
M5631	ant nuon dages thuo thie neƀal tiscred
C 5631	ant nuon dages thuo thie neƀal tiscred
M5632	that gisuerc uuarð thuo tesuungan bigan sunnun lioht
C 5632	that gisuerc uuarth thuo tesuungan bigan sunnun lioht
M5633	hedron an himile thuo hreop up te gode
C 5633	hedron an himile thuo hreop upp te gode
M5634	allaro cuningo craftigost thuo hie an themo crucie stuod
C 5634	allaro cuningo craftigost thuo hie an themo crucie stuod
M5635	faðmon gifastnot fader alomahtig quathie
C 5635	fathmon gifastnot fader alomahtig
M5636	te hui thu mik so farlieti lieƀo drohtin
C 5636	te hiu thu mik so farlieti lieƀo drohtin
M5637	helag heƀancuning endi thina helpa dedos
C 5637	helag hebancuning endi thina helpa dedos
M5638	fullisti so ferr ik standu under theson fiondon hier
C 5638	fullisti so ferr ik stande under theson fiondon hier
M5639	uundron giuuegid uerod iudeono
C 5639	uundron giuuegid uerod iudeono
M5640	hlogun is im thuo te hosce gihordun thena helagun crist
C 5640	hlogun is im thuo te hosce gihordun thena helagun crist
M5641	drohtin furi them dođe drincan biddian
C 5641	drohtin furi them dode drincan biddian
M5642	quað that ina thurstidi thiu thioda ne latta
C 5642	quat that ina thurstidi thiu thioda ni latta
M5643	uureða uuiðarsacon uuas im uuilleo mikil
C 5643	uretha uuitharsacon uuas im uuilleo mikil
M5644	huat sia im bittres tuo bringan mahtin
C 5644	huat sia im bittres tuo bringan mahtin
M5645	habdun im unsuoti ecid endi galla
C 5645	habdun im unsuoti ecid endi galla
M5646	gimengid thia menhuaton stuod en mann garo
C 5646	gimengid thia menhuaton stuod enn mann garo
M5647	suiðo sculdig scaðo thena habdun sia giscerid te thiu
C 5647	suitho sculdig scatho thena habdun sia giscerid te thiu
M5648	farspanan mid spracon that hie sia en ena spunsia nam
C 5648	farspanan mid spracon that hie sia en ena spunsia nam
M5649	liðo thes leðosten druog it an enon langan scafte
C 5649	litho thes lethosten druog it an enon langan scafte
M5650	gibundan an enon bome endi deda it them barne godes
C 5650	gibundan an enon bome endi deda it them barne godes
M5651	mahtigon te muðe hie ankenda iro mirkiun dadi
C 5651	mahtigon te muthe hie ankenda iro mirkiun dadi
M5652	gifuolda iro fegnes furðor ni uuelda
C 5652	gifuolda iro fegnes furthor ni uuelda
M5653	is so bittres anbitan ac hreop that barn godes
C 5653	is so bittres anbitan ac hreop that barn godes
M5654	hludo te them himiliscon fader ik an thina hendi befilhu quathie
C 5654	hludo te them himiliscon fader ik an thina hendi befilliu
M5655	minon gest an godes uuillion hie ist nu garo te thiu
C 5655	minon gest an godes uuillion hie ist nu garo the thiu
M5656	fus te faranne firiho drohtin
C 5656	fus te faranne firio drohtin
M5657	gihnegida thuo is hoƀid helagon aðom
C 5657	gihnegida thuo is hobid helagon athom
M5658	liet fan themo likhamen so thuo thie landes uuard
C 5658	liet fan themo likhamen so thuo thie landes uuard
M5659	sualt an them simon so uuarð san after thiu
C 5659	sualt an them simon so uuarth san after thiu
M5660	uundartecan giuuaraht that thar uualdandes dođ
C 5660	uundartecan giuuaraht that thar uualdandes dod
M5661	unqueðandes so filo antkennian scolda
C 5661	unquethandes so filo antkennian scolda
M5662	thiadnes endagon erða biƀoda
C 5662	that is endagon ertha biuoda
M5663	hrisidun thia hohun bergos harda stenos cluƀun
C 5663	hrisidun thia hohun bergos harda stenos cluƀun
M5664	felisos after them felde endi that feha lacan tebrast
C 5664	felisos after them felde endi that feha lacan tebrast
M5665	an middion an tue that er managan dag
C 5665	an middion an tue that er managan dag
M5666	an themo uuihe innan uuundron gistriunid
C 5666	an themo uuihe innan uuundron gistriunid
M5667	hel hangoda ni muostun heliðo barn
C 5667	hel hangoda ni muostun helitho barn
M5668	thia liudi scauuon huat under themo lacane uuas
C 5668	thia liudi scauuon huat under themo lacane uuas
M5669	helages behangan thuo mohtun an that horð sehan
C 5669	helages behangan thuo mohtun an that horth sehan
M5670	iudeo liudi graƀu uuurðun giopanod
C 5670	iudeo liudi graƀu uuurthun giopanod
M5671	dodero manno endi sia thuru drohtines craft
C 5671	dodero manno endi sia thuru drohtines craft
M5672	an iro lichamon libbiandi astuodun
C 5672	an iro lichamon libbiandi astuodun
M5673	up fan erðu endi uurðun giogida thar
C 5673	upp fan erthu endi uuurthun giogida thar
M5674	mannon te marðu that uuas so mahtig thing
C 5674	mannon te marthu that uuas so mahtig thing
M5675	that thar cristes doð antkennian scoldun
C 5675	that thar cristes dođ antkennian scoldun
M5676	so filo thes gifuolian thie gio mid firihon ne sprac
C 5676	so filo thes gifuolian thie gio mid firihon ni sprac
M5677	uuord an thesaro uueroldi uuerod iudeono
C 5677	uuord an thesaro uueroldi uuerod iudeono
M5678	sauuun seldlic thing ac uuas im iro sliði hugi
C 5678	sauuun seldlic thing ac uuas im iro slithi hugi
M5679	so farhardod an iro herten that thar io so helag ni uuarð
C 5679	so farhardod an iro herten that thar io so helag ni uuarth
M5680	tecan gitogid that sia truodin thiu bat
C 5680	tecan gitogid that sia truodin thiu bat
M5681	an thia cristes craft that hie cuning oƀar all
C 5681	an thia cristes craft that hie cuning oƀar all
M5682	thes uuerodes uuari suma sia thar mid iro uuordon gispracun
C 5682	thes uuerodes uuari suma sia thar mid iro uuordon gispracun
M5683	thia thes hreuues thar huodian scoldun
C 5683	thia thes hreuues thar hvodian scoldun
M5684	that that uuari te uuaren uualdandes suno
C 5684	that that uuari te uuaren uualdandes suno
M5685	godes gegnungo that thar an them galgon sualt
C 5685	godes gegnungo that thar an them galgon sualt
M5686	barno that besta slogun an iro briost filo
C 5686	barno that besta slogun an iro briost filo
M5687	uuopiandero uuiƀo uuas im thiu uuunderquala
C 5687	uuopiandero uuiƀo uuas im thiu uuunderquala
M5688	harm an iro herten endi iro herren doð
C 5688	harm an iro herten endi iro herren dođ
M5689	suiðo an sorogon than uuas sido iudeono
C 5689	suitho an sorogon than uuas sido iudeono
M5690	that sia thia haftun thuru thena helagon dag hangon ni lietin
C 5690	that sia thia haftun man thuru thena helagon dag hangon ni lietin
M5691	lengerun huila than im that lif scriði
C 5691	lengerun huila than im that lif scriđi
M5692	thiu seola besunki sliðmuoda mann
C 5692	thiu seola besunki slidmuoda mann
M5693	gengun im mid niðscipiu nahor thar so beneglida stuodun
C 5693	gengun im mid nithscipiu nahor thar so tuena sculdiga scathon beneglida stuodun
M5694	theoƀos tuena tholodun beðia
C 5694	theobos tuena tholodun bethia
M5695	quala bi criste uuarun im quica noh than
C 5695	quala bi criste uuarun im quica noh than
M5696	untthat sia thia grimmun iudeo liudi
C 5696	untthat sia thia grimmun iudeo liudi
M5697	benon bebracon that sia beðia samad
C 5697	benon bebracon that sia bethia samad
M5698	lif farlietun suohtun im lioht oðer
C 5698	lif farlietun suohtun im lioht ođer
M5699	sia ni thorftun drohtin crist doðes bedian
C 5699	sia ni thorftun drohtin crist dodes bedian
M5700	furðor mid enigon firinon fundun ina gifaranan thuo iu
C 5700	furthor mid enigon firinon fundun ina gifaranan thuo iu
M5701	is seola uuas gisendid an suoðan uueg
C 5701	is seola uuas gisendid an suothan uueg
M5702	an langsam lioht is liði cuolodun
C 5702	an langsam lioht is lithi colodun
M5703	that ferah uuas af them fleske thuo geng im en thero fiondo tuo
C 5703	that fera uuas af them folke thuo geng im en thero fiondo tuo
M5704	an niðhugi druog negilid sper
C 5704	an nithhugi druog negilid sper
M5705	hard an is handon mid heruthrummeon stac
C 5705	hard an is handon mid heruthrummeon stac
M5706	liet uuapnes ord uuundum sniðan
C 5706	liet uuapnes ord uuundum snithan
M5707	that an selƀes uuarð sidu cristes
C 5707	that an selbes uuarth sidu cristes
M5708	antlocan is lichamo thia liudi gisauun
C 5708	antlocan is lichamo thia liudi gisauun
M5709	that thanan bluod endi uuater beðiu sprungun
C 5709	that thanan bluod endi uuater bethiu sprungun
M5710	uuellun fan thero uuundun all so is uuillio geng
C 5710	uuellun fan thero uuundun all so is uuillio geng
M5711	endi hie habda gimarcod er manno cunnie
C 5711	endi hie habda gimarcod er manno cunnie
M5712	firiho barnon te frumu thuo uuas it all gifullid so
C 5712	firio barnon te frumu thuo uuas it all gifullid so
M5713	so thuo gisegid uuarð seðle nahor
C 5713	so thuo gisegid uuarth seđle nahor
M5714	hedra sunna mid heƀantunglon
C 5714	hedra sunna mid hebantunglon
M5715	an them druoƀen dage thuo geng im uses drohtines thegan
C 5715	an them druoƀen dage thuo geng im uses drohtines thegan
M5716	uuas im glau gumo iungro cristes
C 5716	uuas im glau gumo iungro cristes
M5717	managa huila so it thar manno filo
C 5717	managa huila so it thar manno filo
M5718	ne uuissa te uuaron huand hie it mid is uuordon hal
C 5718	ni uuissa te uuaron huand hie it mid is uuordon hal
M5719	iuđeono gumscipie ioseph uuas hie hetan
C 5719	iuđeno gumscipie ioseph uuas hie hetan
M5720	darnungo uuas hie uses drohtines iungro hie ni uuelda thero farduanun thiod
C 5720	darnungo uuas hie uses drohtines iungro hie ni uuelda thero farduanun thiod
M5721	folgon te enigon firinuuercon ac hie bed im under them folke iudeono
C 5721	folgon te enigon firinuuercon ac hie bed im under them folke iuđeono
M5722	helag himilo rikies hie geng im thuo uuið thena heritogon mahlian
C 5722	helag himilo rikies hie geng im thuo uuiđ thena heritogon mahlian
M5723	thingon uuið thena thegan kesures thigida ina gerno
C 5723	thingon uuiđ thena thegan kesures thigida ina gerno
M5724	that hie muosti alosian thena likhamon
C 5724	that hie muosti alosian thena likhamon
M5725	cristes fan themo crucie thie thar giquelmid stuod
C 5725	cristes fan themo crucie thie thar giquelmid stuod
M5726	thes guoden fan them galgen endi an graf leggian
C 5726	thes guoden fan them galgen endi an graf leggian
M5727	foldu bifelahan im ni uuelda thie folctogo thuo
C 5727	foldu bifelahan im ni uuelda thie folctogo thuo
M5728	uuernian thes uuillien ac im giuuald fargaf
C 5728	uuernian thes uuillien ac im giuuald fargaf
M5729	that hie so muosti gifrummian hie giuuet im thuo forð thanan
C 5729	that hie so muosti gifrummian hie giuuet im thuo forth thanan
M5730	gangan te them galgon thar hie uuissa that godes barn
C 5730	gangan the them galgon thar hie uuissa that godes barn
M5731	hreo hangondi herren sines
C 5731	hreo hangondi herren sines
M5732	nam ina thuo an thero niuuun ruodun endi ina fan naglon atuomda
C 5732	nam ina thuo an thero niuuun ruodun endi ina fan naglon atuomda
M5733	antfeng ina mid is faðmon so man is frohon scal
C 5733	antfeng ina mid is fathmon so man is frohon scal
M5734	lioƀes lichamon endi ina an line biuuand
C 5734	lioƀes lichamon endi ina an line biuuand
M5735	druog ina diurlico so uuas thie drohtin uuerð
C 5735	druog ina diurlico so uuas thie drohtin uuerth
M5736	thar sia thia stedi haƀdun an enon stene innan
C 5736	thar sia thia stedi haƀdun an enon stene innan
M5737	handon gihauuuan thar gio heliðo barn
C 5737	handon gihauuuan thar gio helitho barn
M5738	gumon ne bigruoƀon thar sia that godes barn
C 5738	gumon ni bigruoƀon thar sia that barn godes
M5739	te iro landuuisu lico helgost
C 5739	te iro landuuisu lico helgost
M5740	foldu bifulhun endi mid enu felisu belucun
C 5740	foldu bifulhun endi mid enu felisu belucun
M5741	allaro graƀo guodlicost griotandi satun
C 5741	allaro grabo guodlicost griotandi satun
M5742	idisi armscapana thia that all forsauun
C 5742	idisi armscapana thia that all forsauun
M5743	thes gumen grimman doð giuuitun im thuo gangan thanan
C 5743	thes gumen grimman dođ giuuitun im thuo gangan thanan
M5744	uuopiandi uuif endi uuara namun
C 5744	uuopiandi uuiƀ endi uuara namun
M5745	huo sia eft te them graƀe gangan mahtin
C 5745	huo sia eft te them graƀe gangan mahtin
M5746	haƀdun im farseuuana soroga ginuogia
C 5746	haƀdun im farseuuana sorogia ginuogia
M5747	mikila muodkara maria uuarun sia hetana
C 5747	mikila muodkara maria uuarun sia hetana
M5748	idisi armscapana thuo uuarð aƀand cuman
C 5748	idisi armscapana thuo uuarth aƀand cuman
M5749	naht mid neflu niðfolc iudeono
C 5749	naht mid neflu nithfolc iuđeono
M5750	uuarð an moragan eft menigi gisamnod
C 5750	uuarth an moragan eft menigi gisamnod
M5751	rekidun an runon huat thu uuest huo thit riki uuas
C 5751	rekidun an runon huat thu uuest huo thit riki uuas
M5752	thuru thesan enan man all gituiflid
C 5752	thuru thesan enan man all gituiflid
M5753	uuerod giuuorran nu ligid hie uuundon siok
C 5753	uuerod giuuorran nu ligiđ hie uuundon siok
M5754	diopa bidolƀan hie sagda simnen that hie scoldi fan doðe astandan
C 5754	diopa bidolƀan hie sagda simnen that hie scoldi fan dođe astandan
M5755	an thriddian dage thius thiod giloƀit te filo
C 5755	an thriddian dage thius thiod giloƀit te filo
M5756	thit uuerod after is uuordon nu thu hier uuardon het
C 5756	thit uuerod after is uuordon nu thu hier uuardon het
M5757	oƀar them graƀe gomian that ina is iungron thar
C 5757	oƀar them grabe gomian that ina is iungron thar
M5758	ne farstelan an themo stene endi seggian than that hie astandan si
C 5758	ni farstelan an themo stene endi seggian than that hie astandan si
M5759	riki fan raston than uuirðit thit rinco folc
C 5759	riki fan raston than uuirthit thit rinco folc
M5760	mer gimerrid ef sia it biginnat marian hier
C 5760	mer gimerrid ef sia biginnat marian hier
M5761	thuo uuurðun thar giscerida fan thero scolu iudeono
C 5761	thuo uuurthun thar giscerida fan thero scolu iudeono
M5762	uueros te thero uuahtu giuuitun im mid iro giuuapnion tharod
C 5762	uueros te thero uuahtu giuuitun im mid iro giuuapnion tharod
M5763	te them graƀe gangan thar sia scoldun thes godes barnes
C 5763	te them graƀe gangan thar sia scoldun thes godes barnes
M5764	hreuues huodian uuarð thie helago dag
C 5764	hreuues huodian uuarth thie helago dag
M5765	iudeono fargangan sia oƀar themo graƀe satun
C 5765	iudeono fargangan sia obar themo graƀe satun
M5766	uueros an thero uuahtun uuannom nahton
C 5766	uueros an thero uuahtun uuanom nahton
M5767	bidun undar iro bordon huan er thie berehto dag
C 5767	bidun undar iro bordon huan er thie berehto dag
M5768	oƀar middilgard mannon quami
C 5768	obar iddilgard mannon quami
M5769	liudon te liohte thuo ni uuas lang te thiu
C 5769	liudon te liohte thuo ni uuas lang te thiu
M5770	that thar uuarð thie gest cuman be godes crafte
C 5770	that thar uuarth thie gest cuman be godes crafte
M5771	halag aðom undar thena hardon sten
C 5771	halag athom undar thena hardon sten
M5772	an thena lichamon lioht uuas thuo giopanod
C 5772	an thena lichamon lioht uuas thuo giopanod
M5773	firiho barnon te frumu uuas fercal manag
C 5773	firio barnon te frumu uuas fercal manag
M5774	antheftid fan helldoron endi te himile uueg
C 5774	antheftid fan helldoron endi te himile uueg
M5775	giuuaraht fan thesaro uueroldi uuanom up astuod
C 5775	giuuaraht fan thesaro uueroldi uuanom upp astuod
M5776	friðubarn godes fuor im thuo thar hie uuelda
C 5776	frithubarn godes fuor im thuo thar hie uuelda
M5777	so thia uuardos thes uuiht ni afsuoƀun
C 5777	so thia uuardos thes uuiht ni afsuoƀun
M5778	derƀia liudi huan hie fan them doðe astuod
C 5778	deruia liudi huan hie fan them dođe astuod
M5779	ares fan thero rastun rincos satun
C 5779	ares fan thero rastun rincos satun
M5780	umbi that graf utan iudeo liudi
C 5780	umbi that graf utan iudeo liudi
M5781	scola mid iro scildion scred forðuuardes
C 5781	scola mid iro scildion scred forthuuardes
M5782	suigli sunnun lioht siðodun idisi
C 5782	suigli sunnun lioht sithodun idisi
M5783	te them graƀe gangan gumcunnies uuif
C 5783	te them grabe gangan gumcunnies uuiƀ
M5784	mariun munilica habdun meðmo filo
C 5784	mariun munilica habdun methmo filo
M5785	gisald uuiðer salƀum siluƀres endi goldes
C 5785	gisald uuiđer saluum silubres endi goldes
M5786	uuerðes uuiðer uuurtion so sia mahtun auuinnan mest
C 5786	uuerthes uuider uuurtion so sia mahtun auuinnan mest
M5787	that sia thena lichamon lioƀes herren
C 5787	that sia thena lichamon lioƀes herren
M5788	suno drohtines salƀon muostin
C 5788	suno drohtines salƀon muostin
M5789	uuundun uuritanan thiu uuif soragodun
C 5789	uuundun uuritan thiu uuiƀ soragodun
M5790	an iro seƀon suiðo endi suma spracun
C 5790	an iro sebon suitho endi suma spracun
M5791	huie im thena grotan sten fan themo graƀe scoldi
C 5791	huie im thena grotan sten fan themo graƀe scoldi
M5792	gihuereƀian an halƀa the sia oƀar that hreo sauuun
C 5792	gihuerebian an halua the sia oƀar that hreo sauuun
M5793	thia liudi leggian thuo sia thena lichamon thar
C 5793	thia liudi leggian thuo sia thena lichamon thar
M5794	befulhun an themo felise so thiu fri haƀdun
C 5794	befulhun an themo felise so thiu fri haƀdun
M5795	gegangan te them gardon that sia te them graƀe mahtun
C 5795	gegangan te them gardon that sia te them graue mahtun
M5796	gisehan selƀon thuo thar suogan quam
C 5796	gisehan selƀon thuo thar suogan quam
M5797	engil thes alouualdon oƀana fan radure
C 5797	engil thes alouualdon oƀana fan radure
M5798	faran an feðerhamon that all thiu folda an scian
C 5798	faran an fetherhamon that all thiu folda ansciann
M5799	thiu erða dunida endi thia erlos uuurðun
C 5799	thiu ertha dunida endi thia erlos uuurđun
M5800	an uuekan hugie uuardos iuðeono
C 5800	an uuekan hugie uuardos iuđeono
M5801	bifellun bi them forahton ne uuandun ira ferah egan
C 5801	bifellun bi them forahton ni uuandun ira fera egan
M5802	lif langerun huil lagun tha uuardos
C 5802	lif langerun huil lagun tha uuardos
M5803	thia gisiðos samquica san up ahled
C 5803	thia gisithos samquica san upp ahled
M5804	thie groto sten fan them graƀe so ina thie godes engil
C 5804	thie groto sten fan them graƀe so ina thie godes engil
M5805	gihueriƀida an halƀa endi im uppan them hleuue gisat
C 5805	gihueribida an halƀa endi im uppan them hleuue gisat
M5806	diurlic drohtines bodo hie uuas an is dadion gelic
C 5806	diurlic drohtines bodo hie uuas an is dadion gelic
M5807	an is ansiunion so huem so ina muosta undar is ogon scauuon
C 5807	an is ansiunion so huem so ina muosta undar is ogon scauuon
M5808	so bereht endi so bliði all so blicsmun lioht
C 5808	so bereth endi so blithi all so blicsmun lioht
M5809	uuas im is giuuadi uuintarcaldon
C 5809	uuas im is giuuadi uuintarcaldon
M5810	sneuue gilicost thuo sauun sia ina sittian thar
C 5810	sneuue gilicost thuo sauun sia ina sittian thar
M5811	thiu uuif uppan them giuuendidan stene endi im fan them uulitie quamun
C 5811	thiu uuiƀ uppan them giuuendidan stene endi im fan them uulitie stuodun
M5812	them idison sulica egison tegegnes all uuurðun fan them grurie
C 5812	them idison sulica egison tegegnes all uuurthun
M5813	thiu fri an forahton mikilon furðor ne gidorstun
C 5813	thiu fri an forahton fan them grurie mikilon furthor ni gidorstun
M5814	te themo graƀe gangan er sia thie godes engil
C 5814	te themo graue gangan er sia thie godes engil
M5815	uualdandes bodo uuordon gruotta
C 5815	uualdandes bodo uuordon gruotta
M5816	quað that hie iro arundi all bicunsti
C 5816	quat that hie iro arundi all bicunsti
M5817	uuerc endi uuillion endi thero uuiƀo hugi
C 5817	uuerc endi uuillion endi thero uuiƀo hugi
M5818	hiet that sia im ne andredin ik uuet that gi iuuuan drohtin suokat
C 5818	hiet that sia im ni andredin ik uuet that gi iuuuan drohtin suokat
M5819	neriendon crist fan nazarethburg
C 5819	neriendon crist fan nazarethburg
M5820	thena thi hier quelidun endi an cruci slogun
C 5820	thena thi hier quelidun endi an cruci slogun
M5821	iudeo liudi endi an graf lagdun
C 5821	iudeo liudi endi an graf lagdun
M5822	sundilosian nu nist hie selƀo hier
C 5822	sundilosian nu nist hie selbo hier
M5823	ac hie ist astandan iu endi sind thesa stedi larea
C 5823	ac hie ist astandan iu endi sind thesa stedi larea
M5824	thit graf an theson griote nu mugun gi gangan herod
C 5824	thit graf an theson griote nu mugun gi gangan herod
M5825	nahor mikilu ik uuet that is iu ist niud sehan
C 5825	nahor mikilu ik uuet that is iu ist niud sehan
M5826	an theson stene innan hier sind noh thia stedi scina
C 5826	an theson stene innan hier sind noh thia stedi scina
M5827	thar is lichamo lag lungra fengun
C 5827	thar is lichamo lag lungra fengun
M5828	gibada an iro brioston bleca idisi
C 5828	gibada an iro brioston bleca idisi
M5829	uulitisconi uuif uuas im uuilspell mikil
C 5829	uulitisconi uuiƀ uuas im uuilspell mikil
M5830	te gihorianne that im fan iro herren sagda
C 5830	te gihorianne that im fan iro heren sagda
M5831	engil thes alouualden hiet sia eft thanan
C 5831	engil thes alouualden hiet sia eft thanan
M5832	fan them graƀe gangan endi faran te them iungron cristes
C 5832	fan them graƀe gangan endi faran te them iungron cristes
M5833	seggian them is gisiðon suoðon uuordon
C 5833	seggian them is gisithon suothon uuordon
M5834	that iro drohtin uuas fan doðe astandan
C 5834	that iro drohtin uuas fan dođe astandan
M5835	hiet oc an sundron simon petruse
C 5835	hiet oc an sundron simon petruse
M5836	uuillspell mikil uuordon cuðian
C 5836	uuillspell mikil uuordon cuthian
M5837	cumi drohtines gie that crist selƀo
C 5837	cumi drohtines gie that crist selƀo
M5838	uuas an galileo land thar ina eft is iungron sculun
C 5838	uuas an galileo land thar ina eft is iungron sculun
M5839	gisehan is gisiðos so hie im er selƀo gisprac
C 5839	gisehan is gisithos so hie im er selƀo gisprac
M5840	uuaron uuordon reht so thuo thiu uuif thanan
C 5840	uuaron uuordon reht so thuo thiu uuiƀ thanan
M5841	gangan uueldun so stuodun im tegegnes thar
C 5841	gangan uueldun so stuodun im tegegnes thar
M5842	engilos tuena an alahuiton
C 5842	engilos tuena an alahuiton
M5843	uuanamon giuuadion endi spracun im mid iro uuordon tuo
C 5843	uuanamon giuuadion endi spracun im mid iro uuordon tuo
M5844	helaglico hugi uuarð gibloðid
C 5844	helaglico hugi uuarth giblothid
M5845	then idison an egison ne mahtun an thia engilos godes
C 5845	then idison an egison ni mahtun an thia engilos godes
M5846	bi themo uulite scauuon uuas im thiu uuanami te strang
C 5846	bi themo uulite scauuon uuas im thiu uuanami te strang
M5847	te suiði te sehanne thuo spracun im san angegin
C 5847	te suithi te sehanne thuo spracun im san angegin
M5848	uualdandes bodun endi thiu uuif fragodun
C 5848	uualdandes bodun endi thiu uuiƀ fragodun
M5849	te hui sia cristan tharod quican mid dodon
C 5849	te hui sia cristan tharod quican mid dodon
M5850	suno drohtines suokian quamin
C 5850	suno drohtines suokian quamin
M5851	ferahes fullan nu gi ina ni findat hier
C 5851	ferahes fullan nu gi ina ni findat hier
M5852	an theson stengraƀe ac hie ist astandan nu
C 5852	an theson stengraƀe ac hie ist astandan nu
M5853	an is lichamen thes gi giloƀian sculun
C 5853	an is lichamen thes gi gilobian sculun
M5854	endi gihuggian thero uuordo the hie iu te uuaron oft
C 5854	endi gihuggian thero uuordo the hie iu te uuaron oft
M5855	selƀo sagda than hie an iuuuon gisiðe uuas
C 5855	selbo sagda thann hie an iuuuon gisithe uuas
M5856	an galilealande huo hie scoldi gigeƀan uuerðan
C 5856	an galilealande huo hie scoldi gigeban uuerthan
M5857	gisald selƀo an sundigaro manno
C 5857	gisald selƀo an sundigaro manno
M5858	hettiandero hand helag drohtin
C 5858	hetandero hand helag drohtin
M5859	that sia ina quelidin endi an cruci slogin
C 5859	that sia ina quelidin endi an cruci slogin
M5860	dodan gidadin endi that hie scoldi thuru drohtines craft
C 5860	dodan gidadin endi that hie scoldi thuru drohtines craft
M5861	an thriddion dage thioda te uuillion
C 5861	an thriddion dage thioda te uuillion
M5862	libbiandi astandan nu haƀit hie all gilestid so
C 5862	libbiandi astandan nu habit hie all gilestid so
M5863	gifrumid mid firihon iliat gi nu forð hinan
C 5863	gifrumid mid firihon iliat gi nu forth hinan
M5864	gangat gahlico endi duot it them is iungron cuð
C 5864	gangat gahlico endi duot it them is iungron cuth
M5865	hie haƀit sia iu furfarana endi ist im forð hinan
C 5865	hie habit sia iu furfarana endi ist im forth hinan
M5866	an galileo land thar ina eft is iungron sculun
C 5866	an galileo land thar ina eft is iungron sculun
M5867	gisehan is gisiðos thuo uuarð san after thiu
C 5867	gisehan is gisithos thuo uuarth san after thiu
M5868	them uuiƀon an uuillon that sia gihordun sulic uuord sprecan
C 5868	them uuibon an uuillon that sia gihordun sulic uuord sprecan
M5869	cuðian thia craft godes uuarun im so acumana thuo noh
C 5869	cuthian thia craft godes uuarun im so acumana thuo noh
M5870	gie so forahta gefrumida giuuitun im forð thanan
C 5870	gie so forahta gefrumida giuuitun im forth thanan
M5871	fan them graƀe gangan endi sagdun them iungron cristes
C 5871	fan them graƀe gangan endi sagdun them iungron cristes
M5872	seldlic gisiuni thar sia sorogondi
C 5872	seldlic gisiuni thar sia sorogondi
M5873	bidun sulikero buota thuo uuurðun oc an thia burg cumana
C 5873	bidun sulikero buota thuo uuurthun oc an thia burg cumana
M5874	iudeono uuardos thia oƀar themo graƀe satun
C 5874	iudeono uuardos thia oƀar themo graƀe satun
M5875	alla langa naht endi thes lichamen thar
C 5875	alla langa naht endi thes lichamen thar
M5876	huodun thes hreuues sia sagdun thero heri iudeono
C 5876	huodun thes hreuues sia sagdun thero heri iudeono
M5877	huilica im thar anduuarda egison quamun
C 5877	huilica im thar anduuarda egison quamun
M5878	seldlic gisiuni sagdun mid uuordon
C 5878	seldlic gisiuni sagdun mid uuordon
M5879	al so it giduan uuas an thero drohtines craft
C 5879	al so it giduan uuas an thero drohtines craft
M5880	ni miðun an iro muode thuo budun im meðmo filo
C 5880	ni mithun an iro muode thuo budun im medmo filo
M5881	iudeo liudi gold endi siluƀar
C 5881	iudeo liudi gold endi silubar
M5882	saldun im sinc manag te thiu that sia it ni sagdin forð
C 5882	saldun im sinc manag te thiu that sia it ni sagdin forth
M5883	ne maridin thero menigi ac queðat that iu moði hugi
C 5883	ne maridin thero menigi ac quethat that iu mothi hugi
M5884	ansueƀidi mid slapu endi that thar quamin is gisiðos tuo
C 5884	ansuebidi mid slapu endi that thar quamin gisithos tuo
M5885	farstalin ina an them stene simnen uuesat gi an stride mid thiu
C 5885	farstalin ina an them stene simnen uuesat gi an stride mid thiu
M5886	forð an flite ef it uuirðit them folctogen cuð
C 5886	forth an flite ef it uuirđit them folctogen cuth
M5887	uui gihelpat iu uuið thena herosten that hie iu harmes uuiht
C 5887	uui gihelpat iu uid thena herrosten that hie iu harmes uuiht
M5888	leðes ni gilestid thuo namun sia an them liudon filo
C 5888	lethes ni gilestid thuo namun sia an them liudon filo
M5889	diurero meðmo dadun all so sia bigunnun
C 5889	diuria medmos dadun all so sia bigunnun
M5890	ne giuueldun iro uuillion dadun so uuido cuð
C 5890	ni giuueldun iro uuillion cuth
M5891	them liudon after them lande that sia sulica lugina uuoldun
C 5891	them liudon after them lande that sia sulica lugina uuoldun
M5892	ahebbian be than helagan drohtin than uuas eft gihelid hugi
C 5892	ahebbian be than helagan drohtin thann uuas eft gihelid hugi
M5893	iungron cristes thuo sia gihordun thiu guodun uuif
C 5893	iungron cristes thuo sia gihordun thiu guodun uuiƀ
M5894	marian thia maht godes thuo uuarun sia an iro muode fraha
C 5894	marian thia maht godes thuo uuarun sia an iro muode fraha
M5895	gie im te them graƀe beðia iohannes endi petrus
C 5895	gie im te them graƀe bethia iohannes endi petrus
M5896	runnun oƀastlico uuarð er cuman
C 5896	runnun oƀastlico uuarth er cuman
M5897	iohannes thie guodo endi im oƀar them graƀe gistuod
C 5897	iohannes thie guodo endi im oƀar them graƀe gistuod
M5898	antat thar san after quam simon petrus
C 5898	antat thar san after quam simon petrus
M5899	erl ellanruof endi im thar in giuuet
C 5899	erl ellanruof endi im thar in giuuet
M5900	an that graf gangan gisah thar thes godes barnes
C 5900	an that graf gangan gisah thar thes godes barnes
M5901	hreogiuuadi herren sines
C 5901	hreogiuuadi herren sines
M5902	linin liggian mid thiu uuas er thie lichamo
C 5902	linin liggian mid thiu uuas er thie lichamo
M5903	fagaro bifangan lag thie fano sundar
C 5903	fagaro bifangan lag thie fano sundar
M5904	mit them uuas that hoƀid bihelid helages cristes
C 5904	mid them uuas that hobid bihelid helages cristes
M5905	rikies drohtines than hie an thesaro rastu uuas
C 5905	rikies drohtines thann hie an thesaro rastu uuas
M5906	thuo geng im oc iohannes an that graf innan
C 5906	thuo geng im oc iohannes an that graf innan
M5907	sehan seldlic thing uuarð im san after thiu
C 5907	sehan seldlic thing uuarth im san after thiu
M5908	antlocan is giloƀo that hie uuissa that scolda eft an thit lioht cuman
C 5908	antlocan is giloƀo that hie uuissa that scolda eft an thit lioht cuman
M5909	is drohtin diurlico fan doðe astandan
C 5909	is drohtin diurlico fan dode astandan
M5910	up fan erðu thuo giuuitun im eft thanan
C 5910	upp fan erthu thuo giuuitun im eft thanan
M5911	iohannes endi petrus endi quamun thia iungron cristes
C 5911	iohannes endi petrus endi quamun thia iungron cristes
M5912	thia gisiðos tesamne than stuod seragmuod
C 5912	thia gisithos tesamne than stuod seragmuod
M5913	en thera idiso oðersiðu
C 5913	en thera idiso ođer sithu
M5914	griotandi oƀar them graƀe uuas iro iamar muod
C 5914	griotandi oƀar them graƀe uuas iro iamar muod
M5915	maria uuas that magdalena uuas iro muodgithaht
C 5915	maria uuas that magdalena uuas iro muodgithaht
M5916	seƀo mit sorogon giblandan ne uuissa huarod siu sokian scolda
C 5916	seƀo mit sorogon sero giblandan ni uuissa huarod siu sokian scolda
M5917	thena herron thar iro uuarun at thia helpa gilanga siu ni mohta thuo hofnu auuisan
C 5917	thena herron thar iro uuarun at thia helpa gilanga siu ni mohta thuo hofnu auuisan
M5918	that uuif ni mahta uuop forlatan ne uuissa huarod siu sia uuendian scolda
C 5918	that uuiƀ ni mahta uuop forlatan ni uuissa huarod siu sia uuendian scolda
M5919	gimerrid uuarun iro thes muodgithahti thuo gisah siu thena mahtigan thar
C 5919	gimerrid uuarun iro thes muodgithahti thuo gisah siu thena mahtigan thar standan
M5920	criste standan thuoh siu ina cuðlico
C 5920	criste thuoh siu ina cuthlico ankennian ni mohti er than hie ina cuthian uuelda
M5920x	antkennian ni mohti er than hie ina cuðian uuelda
M5921	seggian that hie it selƀo uuari hie fragoda huat siu so sero biuuiepi
C 5921	seggian that hie it selƀo uuari hie fragoda huat siu so sero ƀiuuiepi
M5922	so harmo mid heton trahnin siu quađ that siu umbi iro herron ni uuissi
C 5922	so harmo mid heton trahnin siu quat that siu umbi iro herron ni uuissi
M5923	te uuaren huarod hie uuerðan scoldi ef thu ina mi giuuisan mohtis
C 5923	te uuaren huarod hie uuerthan scoldi ef thu ina mi giuuisan mohtis
M5924	fro min ef ik thik fragon gidorsti ef thu ina hier an theson felise ginamis
C 5924	fro min ef ik thik fragon gidorsti ef thu ina hier an theson felise ginamis
M5925	uuisi ina mi mid uuordon thinon than uuari mi allaro uuilliono mesta
C 5925	uuisi ina mi mid uuordon thinon than uuari mi allaro uuilliono mesta
M5926	that ik ina selƀo gisahi sia ni uuissa that sia thie suno drohtines
C 5926	that ik ina selƀo gisahi sia ni uuissa that sia thie suno drohtines
M5927	gruotta mid godaro spracun siu uuanda that it thie gardari uuari
C 5927	gruotta mid godaro spracun siu uuanda that it thie gardari uuari
M5928	hofuuard herren sines thuo gruotta sia thie helago drohtin
C 5928	hofuuard herren sines thuo gruotta sia thie helago drohtin
M5929	bi namen neriendero best siu geng im thuo nahor sniumo
C 5929	bi namen neriendero best siu geng im thuo nahor sniumo
M5930	that uuif mid uuillion guodan antkenda iro uualdand selƀan
C 5930	that uuiƀ mid uuillion guodan antkenda iro uualdand selban
M5931	miðan siu is thuru thia minnia ni uuissa uuelda ina mid iro mundon gripan
C 5931	mithan siu is thuru thia minnia ni uuissa uuelda ina mid iro mundon gripan
M5932	thiu fehmia an thena folko drohtin noƀan that iro friðubarn godes
C 5932	thiu fehmia an thena folko drohtin nouan that iro frithubarn godes
M5933	uuerida mid uuordon sinon quað that siu ina mid uuihti ni mosti
C 5933	uuerida mid uuordon sinon quat that siu ina mid uuihti ni mosti
M5934	handon anthrinan ik ni steg noh quathie te them himiliscon fader
C 5934	handon anthrinan ik ni steg noh te them himiliscon fader
M5935	ac ili thu nu ofstlico endi them erlon cuði
C 5935	ac ili thu nu ofstlico endi them erlon cutdi
M5936	bruoðron minon that ik user beðero fader
C 5936	bruothron minon that ik user bethero fader
M5937	alauualdan iuuuan endi minan
C 5937	alauualdan iuuuan endi minan
M5938	suoðfastan god suokean uuilliu
C 5938	suothfastan god suokean uuilliu
M5939	that uuif uuarð thuo an uuunnon that siu muosta sulican uuillion cuðian
C 5939	that uuiƀ uuarth thuo an uuunnon that siu muosta sulican uuillion cuthian
M5940	seggian fan im gisundon uuarð san garo
C 5940	seggian fan im gisundon uuarth san garo
M5941	thiu idis an that arundi endi them erlon brahta
C 5941	thiu idis an that arundi endi them erlon brahta
M5942	uuillspel uueron that siu uualdand crist
C 5942	uuillspel uueron that siu uualdan crist
M5943	gisundan gisauui endi sagda huo he iru selƀo gibod
C 5943	gisundan gisauui endi sagda huo hie iru selƀo gibod
M5944	torohtero tecno sia ni uueldun gitruoian thuo noh
C 5944	torohtero tecno sia ni uueldun gitruoian thuo noh
M5945	thes uuibes uuordon that siu sulic uuillspel brahte
C 5945	thes uuibes uuordon that siu sulic uuillspel brahte
M5946	gegnungo fan themo godes suno ac sia satun im iamormuoda
C 5946	gegnungo fan themo godes suno ac sia satun im iamormuoda
M5947	heliðos hriuuonda thuo uuarð thie helago crist
C 5947	helithos hriuonda thuo uuarth thie helago crist
M5948	eft opanlico oðersiðu
C 5948	eft opanlico ođer sithu
M5949	drohtin gitogid siðor hie fan dođe astuod
C 5949	drohtin gitogid sithor hie fan dode astuod
M5950	than uuiƀon an uuillion that hie im thar an uuege muotta
C 5950	than uuibon an uuillion that hie im thar an uuege muotta
M5951	quedda sia cuðlico endi sia te is kneohon hnigun
C 5951	quedda sia cutlico endi sia te is kneohon hnigun
M5952	fellun im to fuoton hie het that sia forahtan hugi
C 5952	fellun im to fuoton hie het that sia forahtan hugi
M5953	ne barin an iro brioston ac gi minon bruoðron sculun
C 5953	ne barin an iro brioston ac gi minon bruothron sculun
M5954	thesa quidi cuðian that sia cuman after mi
C 5954	thesa quidi cuthian that sia cuman after mi
M5955	an galileo land thar ik im eft tegegnes biun
C 5955	an galileo land thar ik im eft tegegnes biun
M5956	than fuorun im ok fan hierusalem thero iungrono tuena
C 5956	than fuorun im ok fan hierusalem thero iungrono tuena
M5957	an them selƀon daga san an morgan
C 5957	an them selƀon daga san an morgan
M5958	erlos an iro arundi uueldun im te emaus
C 5958	erlos an iro arundi uueldun im te emaus
M5959	that castel suocan thuo bigunnun im quidi managa
C 5959	that castel suocan thuo bigunnun im quidi managa
M5960	under them uueron uuahsan thar sia after them uuege fuorun
C 5960	under them uueron uuahsan thar sia after them uuege fuorun
M5961	them heliðon umbi iro herron thuo quam im thar thie helago tuo
C 5961	them helithon umbi iro herron thuo quam im thar thie helago tuo
M5962	gangandi godes suno sia ni mahtun ina garolico
C 5962	gangandi godes suno sia ni mahtun ina garolico
M5963	antkennan craftigna hie ni uuelda ina thuo noh cuðian te im
C 5963	antkennan craftigna hie ni uuelda ina thuo noh cuthian te im
M5964	uuas im thoh an iro gisiðie samad endi fragoda umbi huilica sia saca sprakin
C 5964	uuas im thuoh an iro gisithie samad endi fragoda umbi huilica sia saca sprakin
M5965	hui gangat gi so gornondia quathie ist inc iamer hugi
C 5965	hui gangat gi so gornondia ist inc iamer hugi
M5966	seƀo soragono full sia spracun im san angegin
C 5966	sebo soragono full sia spracun im san angegin
M5967	thia erlos anduurdi te hui thu thes escos so quaðun sia
C 5967	thia erlos anduuurdi te hui thu thes so escos quathun sia
M5968	bist thi fan hierusalem iudeono folcas
C 5968	bist thi fan hierusalem iudeono folcas
M5969	helagumu geste fan heƀenuuange
M5970	mid them grotun godes craft nam is iungaron tho
M5971	erlos gode ledda sie ut thanan
M5972	antat he sie brahte an bethania
M5973	thar hof he is hendi up endi helegoda sie alle
M5974	uuihida sie mid is uuordun giuuet imo up thanan
M5975	sohta imo that hoha himilo riki endi thena is helagon stol
M5976	sitit imo thar an thea suiðron half godes
M5977	alomahtiges fader endi thanan all gesihit
M5978	uualdandeo crist so huat so thius uuerold behaƀet
M5979	tho an theru selƀon stedi gesiðos gode
M5980	te bedu fellun endi im eft te burg thanan
M5981	thar te hierusalem iungaron cristes
M5982	forun faganondi uuas im frahmod hugi